TSUKADA NOJO

該店位於海運大厦二樓的尾端，位置稍為偏僻，需步行一段時間方可到達。座位可享維多利亞港美景，實屬難得。是日一行四人光顧該店，人齊後迅即點菜。首先上台的是炸粟米塔，其賣相頗吸引，看似平時食開的馬仔加件雪糕在頂。粟米食落頗具質感及咬口，配上雪糕倍添味道，好甜者不會失望。梳乎厘玉子燒咬落流心饀料溢出，口感不錯，味道調較亦佳。長竽芝士燒製作畧欠火喉，太早從爐中拿出，令味道稍欠應有之風味。喬麥麵配上三文魚子，配搭頗佳，屬頗健康之選，清淡中流露鮮味。帆立具味噌燒屬臨枱即時製作，食材簡單但配搭得宜，即製即食，颇為可口。美人窩以骨膠原冷凍鷄湯底為賣點，上枱時貌似一盆啫喱，味道颇為濃沃。此菜式亦屬臨枱即時製作。食材擺放頗為用心，色彩繽紛，賣相極佳，頗配合其美人鍋之名。鷄肉鮮嫰可口，各類蔬菜亦頗具口感，侍應對泡製時間控制得宜，實值一讚。美景配美食，實屬頗為令人滿意的一次消閒進食經驗。…Read More

數天前和好姊妹吃飯，她無故說要請我吃飯，其實我感到驚喜又替她擔心，因為我選擇的餐廳大多數都比較昂貴😂早陣子聽同事說尖沙咀的「塚田農場」很不錯，還可以觀賞維港海景，想起了自己好像也想吃日本菜，試試也無妨。塚田農場位於海港城的海運大廈，位置有點難找，在大廈的末端位置。預先訂了位子，但我和姊妹早到了，當時店員說只有bar枱，我們也不太喜歡，我和友人逛了一會，店員便致電我們說有位子了，不過在這裡也讓大家看看bar枱的樣子，氛圍其實也不錯。還可近距離觀看夜景這個真的值回票價了。這裡最有名的是美人鍋，有分為澳洲牛肉及和牛，看照片就知道有一件骨膠原會送上，很是吸引！另外添加其他配料就需要加錢。熱盤也有不少，其中最特別的是梳乎厘玉子燒，樣子很像菠蘿包😂先點了一個美人鍋，有頗多的材料，但是以蔬菜為主，有粟米、豆腐、金菇、澳洲牛肉等等，另外有兩隻小小的雞。這個骨膠原真的不得了，很久沒試過在餐廳會有整個骨膠原呈現在眼前，隨着溫熱的溫度會慢慢溶化，成為奶白色的湯底。店員會精心的為我們的食物作擺設，好讓美人鍋變得更「美」，無可否認，食物的外型會直接影響到客人的食慾，不論是正面的還是負面的。雞肉非常好吃很嫩滑。之前我同事也來過這裡，我同事極力推薦我吃這道菜，炸粟米塔的外型十分討好，上面有一球香草味雪糕，要盡快吃掉，不然會很快溶。炸粟米我還真的第一次吃！脆脆的很香口，配合裡面清甜的粟米，又莫名其妙的合適。鰻魚炒飯也說不上是太差，有數顆鰻魚在炒飯上，滑滑的，也有口感，炒飯的味道很濃，只是有點兒偏鹹，跟我期望的不一樣，有點失望。不過炒飯也有一個優點，就是用鐵板盛載著，放了很久我們才吃，溫度也沒有完全變冷，還有餘溫梳乎厘玉子燒則比較遜色，與其叫梳乎厘玉子燒，我覺得叫菠蘿包玉子燒還比較貼切🤣吃進口其實就是普通的玉子燒，蛋香味濃郁、雞蛋滑溜，不過放左一邊還沒吃的時候，玉子燒便滲出水來⋯⋯從未吃過會滲出水的玉子燒。…Read More

母親節,梗係要食好野但到處都大排長龍,要等位剛好這間不用等,心想可能不太好吃吧可是免得等位勞累,還是照入侍應話望海窗邊位要先預訂,有點可惜 不過,餐廳整體格局設計很好.侍應推薦美人鍋,我們看餐單的相再加點了一些,都很好鱈魚子喬麥麵,熱上配三文魚子,適合小孩長者,簡單味淡美人卷盛合,可以選三款我們要了吞拿魚長芋,海老牛油果,鰻魚忌廉芝士.賣相和味覺似越南的米紙卷,內配蔬菜,不是壽司.夏天吃,清爽.賣相,清涼,很好.炸粟米塔,每粒粟米炸好堆成塔狀,上配雪糕.感覺很新奇,味道也特別,難得一吃美人鍋,主打菜式.先上的是一盤啫喱,其實是濃縮雞湯.侍應幫忙開爐,煮成湯後再上配料.配料是付應幫忙端上鍋裡,擺放陳列都很精緻.由於雞湯很濃,所以單飲湯夠味,令每件配料都很入味.果然是主打,值得推介甜品要了焙茶餡蜜芭菲,抹茶紅豆糯子冰琪琳.味道不算特別,應該是變化不大吧.雖然沒有人等位,但估不到這些新奇,好值得推介呢…Read More

首先, 由地鐵站行到上餐廳真係好遠, 因為係海港城最末端的LCX果邊, 不過坐低見到個夜景真係加分不少。望望餐牌, 餐廳主要SELL美人鍋, $380up, 因為係其他餐廳都食過類似骨膠原鍋, 所以今次就未有嘗試, 不過眼見差唔多每一枱都有叫, 應該真係好大熱。其實唔食美人鍋都仲有好多選擇, 壽司/炒飯/炒麵/拉麵/甜品/沙律, 通通都有, 不過價錢唔算相宜, 食物份量都比較細。飯糰三味盛合($85):三款口味分別係辣味/芝士/原味 , 其實就係用燒過既豚肉包住飯糰, 每個都有拳頭咁大, 飽肚之選, 豚肉燒得幾香脆,  辣味相對較好食, 不過嫌飯糰唔夠味道。帆立貝玉子卷(好似$48-$58):做得好精緻, 一口既SIZE, 上面粉紅色既醃羅白太搶味, 食唔到其他味道。即切刺身沙律($88):係呢間餐廳黎講算幾抵食, 店員會推住車仔係你面前切菜同MIX埋, 菜好新鮮爽脆,而刺身份量都幾多, 夠4個人SHARE。炭燒走地雞($220):呢個唔推介, 細份到呆左, 有炭燒味, 但食落同普通雞粒無分別。美人拉麵($108):有一隻雞脾, 個湯唔太油膩味道好, 麵質彈牙!炸粟米塔($78):一粒粒既炸粟米加一球雪糕, 好特別既味道, 炸粟米炸得好好, 配埋雪糕都幾夾。美人甜卷($48):似係越南粉包既皮包住綠茶雪糕同芒果, 每樣食物既味道都好搶, 所以夾埋一齊有D怪。OVERALL黎講, 食物無咩驚喜, 不過加埋個VIEW, 都OK既, 又唔限時, 可以同朋友慢慢傾計, 而且服務幾好。不過切餅費要$150, EVEN淨係雪住蛋糕都要收$100就麻麻了。…Read More

食完變靚D？🤔💆‍♀️💃依間嘅招牌菜係美人鍋就緊係要試下😉今次揀左美人蕃茄鍋（$380），蕃茄湯底配雞肉、雞肉丸及多種蔬菜。雞肉、雞肉丸肉質一般的，有少少雪味。反而，蔬菜的味道很好，很鮮甜，蕃茄湯可以濃一些。～～～～～～～～～～～～～～～～～～三個可愛的波波飯卷😛～～～～～～～～～～～～～～～～～～～依間有三款飯卷提供，今次揀咗兩款：豚肉飯卷（左右）芝士豚肉飯卷（中間）（$32 一個）。豚肉飯卷外脆內軟，肉有鐵板燒的味道。可惜，醬汁稍為鹹了一些，芝士不夠溶，飯的質地太軟。～～～～～～～～～～～～～～～～～～粟米愛好者必食✨～～～～～～～～～～～～～～～～～～今次叫左個炸粟米塔 （$68），意外地好好食。下面係炸粟米，上面係香草味雪糕，一冷一熱，粟米每一粒都炸得好脆，每一粒都好甜。～～～～～～～～～～～～～～～～～～…Read More

呢邊裝修好後第一次黎食飯見到開咗好幾間餐廳，間間都坐擁維港靚景朋友一早bk定枱，指定想坐窗口位唔鍾意遲到嘅我一早去到，安排咗最入嘅枱比我哋，都好，幾個女仔傾計大聲唔怕嘈到人旁邊就係落地大玻璃，原來出面仲有少量露天座位，不過就講明出面嘅位冇得食火鍋，我見d人都係飲下嘢咁燈光偏暗，人齊叫嘢食嗌咗一個美人鍋，一個牛肉美人鍋，仲有d小食同甜品先黎呢個炸粟米塔，都係見openrice d相覺得幾得意就嗌黎試下，上面係一球vanilla雪糕，配熱辣辣嘅炸嘢係幾match再黎呢個梳乎里玉子燒，係全餐最有驚喜，無論係個名，外型，定係味道好soft, 好香蛋味, 不嬲都鍾意食玉子燒，冇諗過可以昇華去呢個層次之後主角美人鍋同牛肉美人鍋都到咗兩者分別係個湯同配料。。廢話😂牛肉美人鍋都有呢球布甸，不過就外加咗牛肉湯我覺得就咁美人湯好正！好膠骨原加咗牛肉嘅美人鍋，有d似吉嘢家牛肉汁味配料就雞肉丸子好食份量就女仔ok啦，唔大食的話🙈今晚咁啱有一枱10幾人日本客，應該係一班同事收工gathering，氣氛好好，好似去咗日本d居酒屋咁…Read More

假日下午到塚田農場下午茶，天氣也太好了，又不太熱，剛好有室外座位，可以吹著海風嘆一個下午茶。因為沒有吃午餐的關係，我們放棄了 tea set，直接點了主食。雞白湯醬油拉麵碗內有一整隻雞腿，雞腿已煮得很淋身，只用筷子已可以把肉分開。湯底濃稠，醬油味突出，味道偏鹹，雖然味道不錯但不能把湯都渴掉。麵質沒有拉麵店的彈牙，較粗身，可能因為湯底較濃，用粗一點的麵不會沾上過多的湯底。雞白湯柚子鹽拉麵這個拉麵湯底比醬油拉麵清淡，加入柚子的清香，與雞湯更搭。雞肉丸是烤熟的，帶有一點點炭烤味，很好吃。漁師特製一口飯一碗小的魚生飯，鵪𪂹蛋黃比普通蛋黃香，魚生新鮮。美人卷盛合可自選三款美人卷，選了鰻魚忌廉芝士、呑拿魚長芋及三文魚牛油果。三款卷內都配有生菜、蘿蔔、青瓜、忌廉芝士，外面用米紙包著，每款卷都配有自己的醬汁，味道一般，有吃沙律的感覺。炸粟米塔因為愛吃粟米，一看吃這個小吃已決定要來一客。粟米加入天婦羅的炸漿炸成，有輕輕的鹹味，吃落脆口之餘沒有影響到粟米的甜味，上面有一球雪糕，雖然雪糕並非非常幼滑或者奶味出衆，但在熱辣辣的炸粟米上配上一個凍冰冰的雪糕球就非常配合！如果雪糕球再大一點更好。食物質素中等、價錢亦不算貴，能在這樣的環境下吃一頓非常加分，可以再去。但要留意室外坐位不可以吃鍋類食物。…Read More

這餐廳位於海港城LCX盡頭的新擴展位置。一進入餐廳，已可透過落地玻璃看見維港夜景，感覺浪漫💕原來餐廳有室外位置可供選擇，情侶來吹吹海風也是一件不錯的事啊！不過今次與友人一行四人還是選擇室內比較方便談心，我們都是因為精緻的美人鍋而來🥘，所以一坐下就點了一個美人鍋(2人前)和美人牛肉鍋(2人前)，大家都想多試點其他菜式，再加了蟹肉梳夫厘玉子燒、美人生春卷三拼及炭燒走地雞，先看看份量再決定是否多叫點其他食物。「美人鍋」火鍋料上層為色彩豐富的多款蔬菜，下層是雞肉，鍋內的骨膠原溶掉後就可以開始落火鍋料，蔬菜量比肉多，感覺健康💪，雞肉淆湯後加上骨膠原令湯底味道濃厚！手製雞肉丸也美味😋「美人牛肉鍋」也很精緻，擺盤跟「美人鍋」一樣，上層蔬菜、下層牛肉，並附上雞蛋兩隻，放入鍋內煮熟或生吃加進碗內醮牛肉也可，但與「美人鍋」相比，牛肉鍋無論湯底或牛肉味道也不算太突出，還要貴百多元，加上「美人鍋」感覺較健康，畢竟骨膠原加雞湯味道始終最匹配。若非牛魔王，兩者比較我會推介「美人鍋」😬👍🏻「美人卷盛合」可選餐牌上的其中3種口味，這是鰻魚忌薕芝士🧀、海老牛油果🍤🥑及雞肉炸茄子🍆美人卷拼盤，「美人卷」其實是米紙卷，擺盤精美，味道配搭亦可口🤤「梳夫厘玉子燒加蟹肉」外貌似太空館的半球體看似平平無奇，切開吃後蛋汁流出，蛋味香濃得來帶點甜，加上內𥚃的蟹肉，味道驚喜地好味，推介👍🏻再來「炭燒走地雞」用熱板上，可能上桌後我們不是即時食，雞肉雖有炭味但也有點燶味。由於尚未很飽又想多試不同菜式，後來再加點了「炸粟米塔」、「鰻魚忌簾芝士壽司卷」、「照燒雞即切沙律」及「綠茶雪糕紅豆丸子」甜品作結。「炸粟米塔」不知是否屬於甜品，但一定是驚喜之作，原來炸粟米粒加雲尼拿雪糕味道如此新奇又夾得來，值得一試😋見服務員推了放滿蔬菜的餐車來，原來是要在我們面前即製「照燒雞即切沙律」😃，我們顧著吃，只見服務員將蔬菜細切，這個沙律是全晚比較失色的菜式，因為我們當中有三人是不吃芫茜的，而沙律菜碎得難以挑走自己不喜歡的😝「鰻魚忌簾芝士壽司卷」和甜品也ok！一班朋友一起試了這麼多菜式真的又飽又滿足🤗埋單每人四百幾，我會覺得這間餐廳無論環境或食物都值得encore的😬👍🏻…Read More

與兩位中同聚會兼興祝生日！於OTE裏的餐廳都有無敵大海景，可惜我們不是坐那邊。。。不過並無影響我們的興致。我們邊食邊傾計邊加單。食物質素與服務都是一般。* 鰻魚忌廉芝士美人卷 *味道可以，不過很細件。* 炸粟米塔 *這個很有趣，熱的炸粟米與冷的雪糕，頗新奇。* 金菇扒 *素扒！少些醬汁，會是很健康的一道菜。* 三文魚牛油沙律 *牛油果的味道一般，不夠濃。* 炭燒走地雞 鹽味 *是有些炭味，不過雞哋一般，沒甚麼特別。* 豚肉卷飯團 *三款不同口味，不錯。* 梳乎厘玉子燒 ** 抺茶紅豆糰子冰淇淋 *…Read More

因為無book枱既關係，得番bar枱同出面揀，坐出面就無得食美人鍋睇完menu之後有好多嘢想食，但又得2個人，唯有唔食佢個美人鍋，試多啲嘢食坐出面可以望到成個靚景不過個扶手既高度就唔嗲唔吊咁，啱啱係個eye level到上面係豚肉卷飯團-芝士($32)熱辣辣，芝士味濃郁，不過略嫌個飯唔係好夠味🤔下面就係鰻魚忌廉芝士美人卷($48)食落幾乾又無乜味，個醬酸酸地又唔係好夾個美人卷最失望就係依個梳乎厘玉子燒加$10可以加蟹肉/鰻魚，我地今次就揀左鰻魚好滑好香蛋味，配埋鰻魚，好好食而且有啲鰻魚味食落無咁寡炸粟米塔($78)上面配住雪糕粟米好甜，配住雪糕食都唔錯但個雪糕唔係好夠配番成個粟米塔就咁食個粟米就太乾了三文魚牛油果壽司卷($58)同平時係壽司店既味道差唔多，不過不失唐揚炸雞($68)配埋咖喱同明太子沙律醬，兩個醬都好好食炸雞好多肉汁，一啲都唔會乾，又夠脆好好味最後就嗌左個雞白湯醬油拉麵($108)有成隻雞髀，肉好入味又好"淋"湯又濃郁，好好味$108既拉麵，又有成隻雞髀，味道又高質，依個價錢好抵食最後埋單$517，依個景同嘢食，絕對唔貴而且服務好好，侍應都好有禮貌食飽吹下海風，又可以睇幻彩咏香江一定會再嚟食拉麵、炸雞、飯圈、玉子燒，下次會再嗌貪新鮮既話，可以一試粟米塔至於美人卷同三文魚卷都唔使係到食…Read More

一向最鍾意食居酒屋料粴的我,得知有新日本地度品牌在港開分店,當然要去試吓!!位置在海運大層的最入,聽說是新開放的地區!?由於四周都圍版裝飾中,其中以為唔對路一度折返所以大家去ge時候記住一路直入,行到盡頭。一進去有兩台高高的吧枱,一枱對燒爐,一枱對水吧。再走入D竟然是對正一望無際的維港景色  淨係個景已經加晒分!!因為預先予約,被分到窗邊位。Menu種類一都算豐富,簡單易明。我們一行四人差唔多把大半個menu都叫晒XDDD不得不叫,一定是美人煱!! 原個雞湯啫喱咁上,一定好多骨膠原!Menu雖然寫住二人前,但其實我地4個人分岩岩好,食完飯埋D湯都飽咗一半!!第二樣餐廳推薦的炭燒鹿兒島走地雞,雞味及肉質彈力十足!但其炭燒味道可能唔係人人喜歡。(朋友說好似BBQ燒濃咗咁 XD)以上三種熱食,梳乎厘蛋卷,豚肉燒飯團,明太子長芋燒餅~全部推薦!!反而冷盤就無咩驚喜,但清清地食吓都無坊。粟米脆脆塔!!呢個加上雪糕,咸咸甜甜好有趣!!強烈推薦可以當甜品食。反而甜品比較失色,生春卷皮配上蕃薯蓉,抺茶不是人人能接受XD""四人一致認為應該將粟米塔當甜甜,作一個完美的總結。雖然我地沒有叫飲品,但一共食咗咁多野再加上如此景色~每人也只是剛剛$300。塚田農場已經列入可推薦給朋友的餐廳list~有機會想試吓他們lunch的自制手卷set~…Read More