之前見到有個Foodie出post📸，話哩度有超多甜品食🍧，都唔知自己食緊放題定打邊爐，好吸引咁，咁所以我就上OpenRice睇，見到佢有一啲早鳥優惠券，真係抵食好多($220未計加一)🤑，但要早兩日前買定而且仲要早兩日打過去book位先用得到📞，咁所以我就買咗啦，仲早咗四日book枱。「服務態度麻麻😑」咁因為係早鳥優惠，所以我5:30就去到門口等，當時我同咗門口個女職員講我哋訂咗枱，佢搵咗一陣，有個男人出咗嚟幫手帶枱，個女職員同個男人講book咗枱五點半喎～😒 我嗰下係嚇一嚇🤨，點解我book咗枱，佢好似覺得我係白撞咁😨。咁最後都順利坐低咗。「遲黎先上湯，仲上錯埋😥」一坐低咗就去落湯底啦，都等咗5分鐘都未有湯底黎，隔離遲入座遲落單嘅客人都已經上咗🫣，然後就有職員問我哋係咪落咗湯，咁我都重複咗我哋落咗啲咩，我係叫左花膠荳香魚湯🐟，但最後黎咗豬骨湯🤦🏻♂️，因為等咗好耐，唔想又曬時間，所以就有佢。「反人體工學設計🤡」同埋食食下發現有個好影響用餐體驗嘅問題，本身2人枱都張枱好細都算🙎🏻♂️，但係唔知點解我地兩個人嘅火鍋爐都喺我地右手邊，咁我相信大多數人都係用右手食野，個爐基本上係全程頂住隻手💁🏻♂️，食到最後食甜品，我地直頭叫人幫我地收走個爐先，因為太唔就手🤷🏻♂️。「食物質素正常👌🏻」講返食物，我認為佢的確係一間好多唔同食物嘅火鍋店，我會形容係周身刀無張利🔪。刺身三文魚同帶子唔錯，但食左兩轉甜蝦都係臭同唔新鮮🤮。反而壽司仲好食，但係舊飯係正常size咁大🍣，食唔到好多件。串燒燒物除左等候時間耐咗啲，全部都正常幾好食，由其燒海蝦好大隻🦐。炸物天婦羅正常水準🍤，但特別要講下炸廣島蠔，基本上有一半都係粉黎，但食緊炸粉醬多啲🙊。火鍋配料海鮮未解凍，成塊冰磚咁🧊。值得一讚，牛肉羊肉出品正常，有解凍有肉味，可以All in🐮🐑。「數量捉摸唔到🤔」咁第一次落單唔知道，咁第二次咪叫返多啲囉🙋🏻♂️，但係無論你叫幾多都好，佢都只係會俾人頭份量，甚至係隨心❤️，例如第一次點左4片三文魚黎咗4片，但第2次叫5片三文魚，反而黎得3片，R哂頭🤯，總之就有少無多啦。🤏🏻「甜品點評🍰」甜品款式好多，特別點評幾樣比較深刻。綠茶芭菲難食🍦，個雪糕啲綠茶粉都未融哂，濃到苦澀🤢，下面CoCo脆片淋哂唔脆。焦糖燉蛋落咗勁多雲呢拿油，完全冇蛋味，淨係食到雲呢拿味🙂。同榴槤相關嘅甜品都唔錯，有食到榴槤肉👏🏻。中式類甜品相較好食👍🏻。⭐️總括而言…間餐廳又遠💨，態度麻麻，用餐環境同體驗又唔好😐，食物水準普通👌🏻，幾多款式都唔會吸引到有下次😮💨。…Read More
晚飯時段有兩款A.火鍋放題, B. 日本料理，火鍋，甜品。 行完山好肚餓，一於食套餐B。
火鍋湯底有8款， 可以加18蚊揀鴛鴦湯底。 今次點左九州豬骨湯和清甜椰青湯。
火鍋料用點餐紙落單，大約分為肉類，海鮮，丸類，日本料理有壽司，刺身，天婦羅，燒物等。落好湯底同食物開動喇！
丸類點了，墨魚丸，玉米流心丸，黃金麻吉燒，芝心包等等。玉米流心丸，黃金麻吉燒係我至愛！
海鮮方面我地食左海蝦，日本廣島蠔，半殼帆立貝，牛柏葉等。 海蝦大隻又新鮮，前後追加左兩次海蝦！
炸物之中大蝦天婦羅，蕃薯天婦羅，榴槤炸彈係必點之選！
蔬菜可以去Bar枱自取，有超過十款可以選擇。甜品推介，榴槤甘露，腐竹鵪鶉蛋，份量剛好！
我們點了豬、牛、羊肉；肉類好新鮮好軟腍，好有口感，豬肉好薄好易熟，肥瘦剛好；羊肉我喜歡，香羊味又唔硬唔羶
