Kam Cheung Pork Noodle

金祥排骨麵是位於西環西營盤的傳統上海麵館，屬於民生小店，店舖面積雖小，但可容納約十張枱，有卡位及圓枱。裝修實而不華，是傳統上海麵館的格局，用到木枱木櫈。平日早上11點左右到埗，無需等位，可直接入座。菜膽雲吞排骨麵選了餐牌標示人氣No.1的菜膽雲吞排骨麵，再配上豆漿。菜膽雲吞麵，麵底是清湯底加傳統上海麵，面頭有三顆大大粒的豬肉白菜雲吞，再配有三棵切半的白菜仔🥬，中間放了匙羹盛著蔥花配料。第一口先嚐湯底，清甜沒有添加味精，放入蔥花配料後，味道清新。麵質口感軟棉有咬口，雲吞非常大粒，皮薄餡靚，餡料有豬肉及白菜，味道新鮮，白菜仔也新鮮爽口。雲吞非常大粒餡料有豬肉🐖及白菜🥬炸排骨分碟上，炸得脆、肉質較乾、味道淡，餐桌旁邊有辣醬配料，點埋一齊食會惹味啲。豆漿，跟麵半價$7。整體而言，菜膽雲吞麵份量足味道好，埋單$58，食得非常之飽。…Read More

聽聞西環海旁舉辦咗一個什麼什麼巿集, 於是同埋小熊去襯熱鬧!未出發前, 小熊已經有心理準備問我 "山長水遠去西環行巿集, 如果無咩野行好無謂喎..."我話 "咁咪坐叮叮去金祥食麵囉!"果然, 西環嘅巿集, 一分鐘都唔洗就行哂! 攪咩呀! 簡直超失望!即刻轉場落金祥!經過均益大廈, 我同小熊講, 哩到係金祥30年前嘅舊店位置, 噢..... 原來......已經30年了.... 老了....點咗北姑竹笙牛腩麵, 北姑雲吞麵, 炸排骨同炸豆腐.湯底清甜麵質彈牙, 回憶反哂嚟, 30年無變! 感動!不變嘅重有炸排骨, 其實即係炸豬扒, 外脆肉內軟, 而且厚切夠 juicy.牛腩入味而且夠冧唔硬唔韌, 滿意.當年金祥嘅北姑係北姑扒, 一件過唔會切開好巨型, 係我今世係餐廳食過最大 size 嘅北姑, 依家已變成細北姑, 雖然變細但方便入口夠冧夠入味. 希望金祥係西環搵到更大面積嘅店舖, 可以坐得更舒服! 冷氣可以強d!做人有得有失, 失望行巿集, 得到一餐美食!…Read More

💛成日都有朋友話搵良心小店好難搵到中菜類別，早排我地就特意走咗去西環，搵呢間傳統上海菜老店--金祥排骨麵👍🏻鋪面唔算大，同一般麵店差唔多，門口條隊基本都人龍不絕，想試嘅朋友可能要早少少到排隊啦😝話到明叫金祥排骨麵，又點可以唔叫呢? 我地就叫左個➡️"菜膽雲吞排骨麵" 試下佢到底有幾好食😝排骨係另上，外皮炸到金黃非常脆口，但又唔會太油膩，咬落仲有肉汁，不過有點過熟，肉質有少少乾身，配湯麵食會較好。但呢個價錢，味道絕對收貨值得一試👍🏻👍🏻雲吞都好足料隻隻大大粒，加埋炸蒜一齊食就夠哂惹味😚😚另外我地仲叫咗➡️"菜膽雞球牛肉麵"，雞球係用炸嘅，雞味同肉汁仲保留到，相當唔錯，而牛肉其實係滷水牛𦟌，牛肉非常嫩，滷水味都好出，相當有驚喜😋😋除左主食，我地仲叫左兩樣小食"鯪魚肉腐皮卷"同"香炸豆腐" (全部都係炸野出名，我地都唔想咁邪惡架🤣🤣)➡️鯪魚肉腐皮卷係腐片包住真材實料既鯪魚再炸成，雖然係小食，但份量都幾多，味道都唔錯，非常香脆，鯪魚都好彈牙，抵食!!➡️香炸豆腐，外皮金黃色，入面豆腐仲好嫩滑，都唔錯架😆總括黎講傳統老店非常抵食，食物性價比非常好，仲有老店果種滿滿人情味，值得再黎encore😁…Read More

剛剛看到 G鋒介紹，所以晚飯就選擇在此買外賣。原來此處是 HKU 同學的飯堂，很同學食晏還晚餐都再次解決。招牌名叫得做排骨麵，所以一定要試排骨麵。排骨即叫即炸，非常香脆，雖然炸物一定多油，但沒有肥肉，怕肥都唔怕食。再叫雲吞麵，上海海雲吞是菜肉餡，十分足料，皮薄但沒有爛皮，手工精巧。做得上海麵，麵底當然重要，粗幼一致，彈牙有口感。湯底亦不俗，有味但不太鹹，送麵易入口。最重要的是，小店除了有小店風味，亦是黃店，滿載人情味和良知。…Read More

又是某一天放天假，又是出動去懲罰良心小店的時間。今天就去一去西環，知道這區有多良心食肆，在選擇中真是花了不少時間。好！一於去試吓位於西環德輔道西，開業超過20年的金祥排骨麵。同大部分良心食肆一樣，門口有不少食客正在等候，看其舖面貼上所推介的麵食，其中不乏金祥最馳名的排骨麵。上海麵食法多，簡簡單單的可以叫一碗陽春麵，若豬骨湯底夠香多濃的話，一些麵條加上一條青菜已經回味無窮。喜歡香辣酸鹹之食客則酸辣湯麵也是最佳的選擇。排骨麵其美妙之處是排骨多是選帶骨豬扒經調味後，上蛋糊在猛猛的滾油炸之金香，再配上陽春麵，簡直是雙得益彰。等候時間約15分鐘，終於安排了一張靠牆的小位置，舖內擺放了中式紅木枱凳，平實中也帶點品味。今次選擇食物並不困難，一定要吃馳名排骨麵，但加唔加菜肉雲吞好？真令我懊惱，一於要試下！不久，熱辣辣的菜肉雲吞排骨麵送到枱前，先試一口熱湯，豬骨湯略淡，幼麵軟硬適中有彈性。吃麵時，將麵條沾了湯送到口裏，卻有一份鮮鹹的味道。排骨已切好一塊塊，外表金黃有蛋香，容易入口，外脆內軟有肉味。菜肉雲吞餡料豐富，豬肉肥瘦平均，雲呑皮不會一夾就散。驚喜的事叫了一杯自家製菊花茶，淡淡的菊花香加上蜜糖的甜味，清熱滋潤。再懲罰指數：高！…Read More

午餐黎到西營盤附近，被門口排骨面及一張張新聞報導推介吸引走進去。店鋪較小，不過十分整潔乾淨。餐牌上十分多款式任你配。一場黎到點左 菜膽雲吞排骨麵 （粗麵） 再加 一杯凍豆漿。凍豆漿。一般，豆味不夠重。等了約5分鐘，麵便到了。肉和麵分開上。麵條有咬口，但粗麵略幼不算正宗上海粗麵。無骨排骨炸得外脆內軟，皮薄，不太油，肉易咬有肉汁，值得一試。麵內有數條白菜，感覺健康一點點。雲吞有驚喜，皮薄，入面滿滿白菜豬肉餡，調味適中不太咸。…Read More