Gold Mui Kee Sea Food Stall

呢晚約咗幾個兄弟聚聚舊，食吓大排檔咁，一入到去原來係地庫嚟，仲以為好熱，但放心入邊冷氣足夠，就算人多都唔會覺得焗，入面嘅裝修好似舊式大排檔，牆壁貼滿晒招牌菜單，真係有啲似去咗沙田食陳根記嘅感覺。幾個大男人梗係叫返個炒飯食先，打打底。馬拉荔枝炒飯，辣辣地，有少少荔枝肉，雞肉等等炒埋一碟，但越食越辣，為一敗筆就係個雞肉有少少雪藏味⋯不過整體都OK，都有少少鑊氣，呢度加加分。炸大腸，老實講，同其他大牌檔質素不相伯仲，度度都係差唔多㗎喇，所以都冇乜大期望，主要係用嚟送啤酒，不過我鍾意佢夠瘦，好憎大腸入邊好多肥膏，咬極都唔斷好似香口膠咁⋯呢個就唔會啦，佢偏瘦，所以啖啖都脆卜卜。椒鹽鮮魷，四個字，皮薄餡靚，脆粉唔會太多，而且魷魚非常新鮮， 十分爽口，椒鹽方面唔會話太辣，唔會太鹹，味道剛剛好！嚟到主角炸豬手，醃製得非常入味，用嚟送啤酒一流，豬皮炸到脆卜卜，好似薯片咁，一咬就開，毫不拖泥帶水！豬手非常淋，又冇筋，唔怪之得咁貴啦送啤酒非常之適合最後食返個蝦醬炒通菜，炒得好香，唔係死鹹果隻，微辣，為呢餐晚飯畫上句號。…Read More

上次在土瓜灣區馳名新派大排檔品嘗美食後，意猶未盡。剛巧在朋友口中，得知尖沙咀區有一間在地庫的大排檔，口碑甚佳，每每排隊超過45分鐘才能入內，而且不論平日或假日，都非常忙碌。我們特意在黃昏六時到達，避開繁忙時間。門外沒有人排隊，店內大約已有六成客人。店員提醒用餐時間75分鐘。首先柯打一客原隻脆皮炸豬手，相隔10分鐘左右，一碟色香俱全的炸豬手已在送到面前，炸至金黃的皮比脆腩皮厚，咬落鬆脆，加上肉質嫩滑，味道帶少少鹹，俾個👍🏻。再來一碟豉椒味菜炒鵝腸，鵝腸少少爽，不錯，但豉汁太多太濃，有點兒濕和鹹，差咗啲😔。至於炸大腸，廚師用另一種烹調方法，令大腸口感淋淋哋，微微酸甜，個人覺得比乾且脆更好👍🏻 。麵醬蒸黃花魚的火候剛剛好，魚肉滑滑加上少許麵醬，帶出鮮味😋。對小炒王沒有偏好，朋友反而覺得值得試試，食完一啖驚覺韭菜加蝦乾，可以令味覺提升，倒覺得有驚喜🤩。金妹記位於尖沙咀，價錢大眾化，免收加一，食物質素有保證；地方雖小，令每枱距離甚少，但又不覺嘈吵，朋友相聚吹水一流，值得推介👍🏻…Read More

📍金妹記大排檔 金巴利道💰 人均150左右 每次都去金巴利道找韓國菜吃，沒想到這裡藏著一間港式大排檔，晚飯時間過去，沒有怎麼等位就進去了，但是下面好多好多人，我還蠻喜歡吃港式大排檔的，感覺鑊氣十足！ 兩個人點了兩個炒菜一份福建炒飯，我特別喜歡吃福建炒飯～感覺金妹記的這個福建炒飯無功無過吧，但是好的福建炒飯，芡汁應該是不會滲入到飯裡面的，但是這碟福建炒飯是滲入進去的。 炸蠔特別膩，我吃了兩口就吃不下了，不建議點，但是炸大腸就特別香脆，完全沒有豬味，感覺處理得比較乾淨～非常好吃，我們有另外點了一個青菜，也挺好吃的。 總體來講算及格分數，本來以為開在遊客區一定不好，但是也沒那麼差嘛…Read More

好味指數😋😋😋😋回頭指數 ⭐️⭐️⭐️⭐️開心指數🤗🤗🤗🤗約咗好耐先成事嘅gathering，大家好耐都冇食過有鑊氣嘅小菜海鮮，今次就揀咗呢間～我哋揀咗D海鮮，一D小菜，實在有太多嘢想食啦... 叫下叫下叫咗10樣嘢😆以下係由最好食開始寫～🍴 茄汁焗大海虎蝦（$48/隻）呢個每隻計，有3種煮法揀：頭抽煎、干燒焗、茄汁焗，我哋揀咗茄汁焗，虎蝦大大隻，當然一碟入面有大D有細少少唔算太平均，個茄汁做得好濃好惹味，真係要啜晒個殼D汁呀🤪 虎蝦本身夠新鮮，肉質好爽口，呢個大力推介！👍🏼🍴 豉汁炒大蜆（$98）蜆係大大隻，絕對唔係細蜆，肉質鮮甜夠新鮮，個汁好惹味，份量有點少～🍴 炸大腸 （$68）大腸大大件，表面炸得好香脆，大腸處理得好好，肉質煙韌度剛剛好，有咬口冇異味，幾好～🍴 蒜蓉粉絲蒸聖子皇（$138/4隻）🍴 蒜蓉粉絲蒸元貝（$128/4隻）兩款海鮮都係用蒜蓉粉絲蒸，本質上個味係一樣，係唔同嘅海鮮，兩款海鮮都係新鮮又幾大隻，想食多隻佢可以逐隻加錢整～🍴 避風塘粟米（$68）佢嘅「避風塘」嘅炸蒜整得好香... 粟米切成細細條，帶少少辣味，好香口🍴 炸豬手（$198 送啤酒1支）豬手個皮都脆嘅，不過相比起其他嘅餸就冇咁出色，個味唔夠惹味，差少少咁～送啤酒，俾「戰鬥碗」俾我哋飲，好玩！🍴 椒絲腐乳唐生菜（冇記低幾錢）正常🍴金妹記小炒王（$78）炸蝦乾同魚仔乾略微有D太硬，韭菜花好嫩🍴樟茶鴨（$118/半隻）冇咩特別，唔算好味…Read More

今日即興來到尖沙咀金妹記大排檔，果然有驚喜，有訂位，當天訂都即有位，職員都served 得幾好，睇左陣餐牌，加上職員推介，叫左脆皮炸豬手、炸大腸、錫紙金菇焗蜆、小炒皇、蠔仔粥、避風塘炒辣蟹，我自己最鍾意食蠔仔粥，避風塘炒辣蟹隻蟹都好大隻，不過要368😀😀，錫紙金菇焗蜆比較特別，都幾好食，炸大腸就我最鍾意食😋😋😋，炸豬手我就覺得太肥膩，唔太鍾意食，今次仲送左兩支啤酒比我地，食左大約900蚊，總括來說，算幾好👍🏻👍🏻…Read More