CHUN GIU

之前留意過呢間越南餐廳，佢個名好得意，叫《春嬌》見倒呢個名，一諗就諗倒曾經風靡一時嘅港產片《志明與春嬌》，難道呢間餐廳取名嘅原因，係因為越南有一個胡志明市？🧐🧐進入店內，有淡淡越南嘅簡潔氣息。牆上有多款手繪越南斗笠，牆身嘅廣告板、天花吊燈，都充滿小越南風情。本身蕃薯妹同友人係為咗越南火鍋慕名而來～ 不過可惜老闆表示，因疫情關係越南火鍋暫停供應🥲 小失望。不過一場來到，試吓其他嘢食啦。志明咸滑雞飯 $59超嫩滑嘅滑雞！而且唔會好多油脂，唔算咸，有少少似海南雞😋加配日本荷包蛋 $8蕃薯妹係蛋怪🤤 見倒可以加荷包蛋當然唔會錯過！馬來咖喱牛腩配手抓餅 $78不得了，呢個咖喱好好味！有椰香、微辣，味道濃郁，牛腩口感鬆化，唔會好鞋口，手抓餅沾上咖喱食，非常match～ 而且個咖喱好味到…有想叫多碗白飯嘅衝動😩 可惜我食唔落咁多嘢～炭燒豬頸肉 $62外面燒到微焦有少少脆口嘅豬頸肉，入面肉汁依然保留，肉質淋外脆內軟，口感唔錯，有炭香味😋 值得推薦。志明奶茶（套餐價）$8越南咖啡就飲得多，越南嘅奶茶就未試過～ 同越南咖啡一樣我都係覺得帶有微微嘅班蘭味，唔知有無飲錯😂 味道唔會太甜，唔錯～ 估唔倒《春嬌》會俾倒一個小驚喜我，一間隱世小店出品竟然咁高質，而且價錢非常便宜合理👍🏻 期待佢哋嘅越南火鍋再次推出，蕃薯妹一定再嚟幫襯😋…Read More

「成世人流流長，總會遇到一杯好嘅奶茶」行過加路連山道見到依間叫＜春嬌＞嘅越南菜，門口貼住一張「志明奶茶」嘅Poster，就試試佢依杯奶茶係咪真係咁出色～餐廳可以用QR code點餐，但店員都主動俾咗本Menu我同媽媽，方便我地一齊睇揀嘢食。春嬌嘅生熟牛湯粉用咗兩款唔同既牛肉，有軟嫩嘅生牛肉片同埋全熟厚身啲嘅牛腩片，前者肥瘦適中食落肉味較香，湯底帶甜味，配料有俾指天椒同青檸，加埋味道唔錯。個飯我地係俾葱油吸引咗而嗌嘅，豬扒夠腍身，香茅味可以更重，配埋葱油同炸蒜撈飯都幾香口。雞肉串燒嘅沙嗲醬加晒分，沙嗲汁真係有粒粒花生好惹味。豬頸肉就係店員推介嘅，燒得幾靚仔，邊邊脆身食落唔乾，點埋秘製醬汁就啱晒。志明奶茶同泰式奶茶好相似，原來加咗煉奶同淡奶沖，套餐價幾抵飲，味道不過不失。餐廳周圍都有越南風味嘅佈置，簡單一餐嚟講都滿意😋…Read More

天氣悶熱冇乜胃口，加上做咗成日野個人冇晒體力。又要食番啲香口野先至開胃。 今日係銅鑼灣果區，決定行遠少少，去加路連山道揾下啲新嘢食先。離遠見到呢間名字《春嬌》的餐廳，感覺幾得意，而餐廳佈置富有東南亞風味，不其然停下腳步望一望。店員立即很熱情向我介紹食物及招呼我們入內，真心被殷勤有禮的招呼打動了，加上見餐廳內環境裝飾都十分不錯，一於就試下啦。食物種類多元化，主打越式食物，既有粉麵、亦有飯、串燒及小食。又有馬來咖喱、手抓餅、小菜等等。首選決定要試「馬來咖喱牛腩配手抓餅」，手抓餅沾上咖喱汁味道十分之正，少少辣加上椰汁又夠香濃。牛腩及薯仔炆得夠淋又入味。串燒最少三串起，有雞、豬、牛，我們最後選了雞肉串燒。串燒入口外脆肉滑，配埋個沙爹汁十分惹味。因為吾想食飯，所以點多兩款小食，另一款推介要食嘅係 「越南脆炸蝦餅」，店員向我介紹蝦餅每日新鮮送到，如果當天賣唔曬會倒掉。而且即叫即炸，入口熱辣辣，蝦肉十分彈牙。至於「炭燒豬頸肉」果然非常充滿炭燒風味，豬頸肉非常爽口不油膩。啱晒鍾意香口、脆口嘢朋友，可以一試。最後加多個馬拉盞炒通菜，通菜加上馬拉盞十分夾。呢個菜不會太鹹，而且炒得很青嫩，好味。這間小店在銅鑼灣呢區、晚飯小菜來說，價錢算不太貴了，加上味道方面整體都很不錯，真心是不錯選擇。…Read More

放工嚟到銅鑼灣搵好嘢食 你都咁加路連三度地舖嘅一間越式裝修嘅餐廳叫春嬌 裏面嘅侍應服務態度都好好不停招呼我 嘢食都多元化嘅有好多款 我就今日試咗去個招牌今朝火車頭金邊粉 有好大嚿花膠真係好抵食加百蚊仲有個熱情果梳打添 我個朋友另外就嗌咗椰青 椰青好大個好鮮甜仲有個炭燒豬頸肉好香脆啖啖肉真係好正番埋個泰式汁 我哋仲試咗個雞肉串燒配沙嗲醬 真係好夠火喉呀嘢食分量多價錢非常之 抵食 地點都幾方便 覺得啲嘢食抵食夾大件 埋單都係三百蚊唔使覺得好 簡簡單單又一餐 裏面嘅裝修真係好似覺得去咗越南咁呀佢冇得 旅行嘅我哋真係覺得好似去咗個 越南 之旅…Read More

到過越南多個城市，最愛就是胡志明市的地道美食！現在沒法旅遊，就來一個越式午餐小店位於加路連山道，裝修充滿越式風情，牆身掛滿一頂頂越南漁夫帽和越式擺設甫坐下侍應便放下一個專屬二維碼讓我們用個人手提電話瀏覽電子菜單及下單！既環保又可自己控制點菜節奏各式湯粉附青檸辣椒，可選檬粉、河粉、金邊粉或撈檬！亦可按個人口味挑走配料！河內生牛肉金邊粉湯頭清甜，牛肉軟嫩香茅豬扒湯檬的豬扒充滿份量！香茅味十足， 肉質鬆軟又不失嚼勁餐飲龍眼水甜度適中很滋潤，轉凍飲只須加$2脆炸札肉共六片，炸至香脆，而未有油膩感！配以蔥油口味更佳炭燒豬頸肉配上酸辣汁惹味又開胃…Read More

📍 春嬌📍 銅鑼灣 • 加路連山道9A號地舖看見「春嬌」就只聯想到「志明與春嬌」，吃過《春嬌》以後大概也會想起這家好吃又具人情味的越南餐館吧！《春嬌》位於銅鑼灣加路連山道，就在希雲街隔一條街～裝潢具越南風味，店面燈光足夠、夠簡潔乾淨。採用「電話下單」，操作容易，食物選擇一目了然，方便快捷，不怕錯漏，又環保～選擇蠻多，不知道該點什麼的話，老闆也很樂意推薦給你喔～（服務很很很好，可是他們沒有收加一服務費喔！）老闆給我們推薦了「豬頸肉」和「蝦餅」，說很好吃，一定要試一下，我自己又想嚐嚐他們的「越南春卷」，所以兩個人就點了三份小吃、一份撈檬，用電話點餐後，送餐速度很快，吃的飽飽～這裡每一道菜都會配兩顆小小的一口蕃薯，味道香甜，口感軟糯，好可愛🍠越南春卷 Vietnamese spring rolls ($34)小巧的四條越南炸春卷～很酥脆，可以沾店子自製的魚露來吃。如果伴著生菜、青檸檬、薄荷葉，可以包住春卷一起吃，那就一流啦！炭燒豬頸肉 Grilled pork jowl ($62)份量很大！！炭香四溢，切成多塊薄片，香口、惹味、有嚼勁🤤店家送上了蘸汁，味道辣辣的，好配～越南脆炸蝦餅 Crispy fried shrimp cakes ($46)雖然名字說是脆炸蝦餅，但其實口感是爽口彈牙的啦～沾上酸辣醬，超級惹味～雞絲扎肉撈檬 Shredded chicken & sausages cold vermicelli ($52)雞絲，伴上已經切好的扎肉絲，加上蔥油、炸蒜片、青瓜絲（沒有要花生），淋上自家製魚露，攪拌均勻，就是一碗好吃的撈檬！🍜越南咖啡 Vietnamese coffee ($28; 跟主食半價)點主食的話，加配飲品只需半價～越南咖啡非常香滑，咖啡味濃郁☕底部有煉乳，可以按個人口味選擇攪進多少甜味❣️-Menu:…Read More