Harbourview Grill (北角匯二期)

走進「Harbourview Grill」，最先被吸引的是玻璃窗外的維港海景。日頭陽光普照，或是黃昏日落，都可以感受到香港維港的景色。毛孩們都知道北角有不少寵物友善商場和餐廳，「Harbourview Grill」更設有的戶外座位。讓大家可攜帶毛孩一起，邊食邊放電。🥑 1. 雞胸牛油果沙律 (Chicken Avocado Salad)餐廳用上新鮮生菜、大量牛油果片和烤雞肉組成豐盛的沙律基底，配以清爽香醋沙律汁一同拌勻。雞肉經香煎至嫩滑微焦、肉質不乾不柴，牛油果則軟滑濃郁，兩者完美結合，帶來層次感明顯的口感。🍖 2. 炭燒豬肋骨 (US Baby Back Ribs)豬肋骨經煙燻低溫慢烤，再刷上BBQ燒烤醬，上枱時色澤深褐帶光澤，醬汁分布均勻。一切開肋排，骨肉輕易分離，中間肉質保持濕潤細嫩，外皮微焦帶煙燻香、內芯卻足夠軟腍。另外配菜有大量脆炸薯條。誠意十足。 🍕 3. 經典薄餅 HVG Special PizzaHarbourview Grill 自家製經典薄餅，餅底薄脆可口，芝士可以「拉絲」，而餡料組合豐富，火腿、洋蔥、辣肉腸、青椒及菠蘿層層堆疊，每一口都同時嚐到菠蘿酸香、肉腸及火腿的鹹香、濃郁芝士香味。 🍎 4. 蘋果金寶 (Apple Crumble)蘋果金寶以傳統英式做法烘焗，新鮮蘋果切粒墊底，拌入肉桂及少量糖漬，再加上酥脆金寶餅碎焗至金黃，還會搭配一球雲呢拿雪糕。要留肚享用甜品呀。🍹 5. Detox Apple 喜愛健康清新口味的朋友，一定要嘈嘈Detox Apple蘋果特飲。以菠菜、青蘋果、西芹、鮮橙搾汁，可以沖淡膩感，為健康加分。🥂 6. Mancura Sauvignon Blanca Glass  (Argentina)Mancura Sauvignon Blanca 入口帶有熱帶水果香氣，酒味清新，酸度適中，性價比超值。望着海景，享受美食。…Read More

這間西餐廳位於北角的北角匯二期，主打美味又份量十足的意大利及美國菜式。店內環境寬敞舒適，採用典雅的墨綠色作主色調，設有戶外座位，可帶同寵物用餐，窗邊能欣賞到北角碼頭的海景。設有經濟又實惠的二人及四人套餐，星期一至五亦有不同特價優惠，每日Happy Hour時段的飲品更有特價。香料烤比目魚柳 - $198大大塊厚度十足的魚扒，雪白的魚肉油香四溢，溫和鮮甜好嫩滑，完全沒有魚腥味，醃上印度tandoori醬，有著濃厚特色的香料味，微辣惹味；旁邊有沙律菜平衡膩感。炭燒豬肋骨 - $178半份豬肋骨已經十分厚肉，炭燒烤得外焦內嫩帶點香氣，惹味的美式BBQ醬醃得好入味，輕易切開骨肉分離，嫩滑多汁而不柴，還有金黃酥脆的幼薯條及沙律菜。新西蘭青口 - $168十二隻肥美飽滿的新鮮青口，鮮嫩爽脆，有著濃鬱的海鮮味，伴以蒜蓉白酒汁，酒香中帶點微辣。朱古力心太軟 - $98即叫即焗的自家製心太軟，蛋糕外層薄脆，切開流出濃濃的朱古力醬，還有幼滑細賺的雲呢拿雪糕增添的溫差感，士多啤梨及紅桑子等鮮果解膩。Mango Milkshake - $48Hazelnut Coffee Milkshake - $48幼滑細膩的奶昔毫無冰塊感，富有濃厚的鮮奶香，一杯有酸甜的芒果香，還有香甜多汁的芒果肉，另一杯則有著濃郁的榛子堅果香及咖啡的醇香，風味十足。…Read More

呢晚想搵間有情調嘅西餐廳食返個晚餐🙈 所以嚟咗呢間高性價比嘅餐廳 有海景之餘 定價又唔會太貴 啱晒我呢啲小資族啊🫢吞拿魚金塊配芒果辣醬呢個作為前菜非常開胃 因為喺吞拿魚嘅表面有芒果同埋紅椒配合嘅辣醬 感覺好Fresh之餘 仲幾惹味🥭 底下嘅吞拿魚塊外層用黑芝麻同埋芝麻包裹住 外層幾香口 入面嘅吞拿魚肉呈半熟狀態 配埋芒果辣醬味道唔會好腥🐟肉眼扒12安士我地叫medium 切開牛扒中間仲好粉嫩🐮 入面有好多肉汁 我覺得點埋特製嘅牛扒醬汁更好食 醬汁幾重黑椒味 更帶出牛肉嘅香味😌 側邊仲有香脆嘅薯條 同埋沙律 可以有均衡飲食炭燒豬肋骨完全俾呢碟嘅份量嚇親 半份都超大份😳 真係好抵食 我覺得呢個係必叫之選 豬肋骨肉質軟腍 相對都幾容易切開 底下仲有大量薯條 同埋少量嘅沙律🥗 感覺上食完冇咁邪惡 側邊仲有茄汁同埋豬肋骨醬可以點 不過原本嘅豬肋骨已經好夠味🐷朱古力心太軟呢個朱古力心太軟上碟時候熱辣辣 配上一球雲呢拿雪糕 夾埋一齊食更加美味🍫 用匙羹切開啲朱古力流心係誇張地湧出嚟 朱古力味濃郁Tiramisu本來想嗌呢度出名嘅Apple Crumble 可惜實在太受歡迎 呢日已經賣晒啦 無緣試到呢度嘅名物🍎 不過Tiramisu同樣有驚喜 expect佢嘅size係¼咁大個 點知原來呢一份甜品已經好足夠我同朋友兩份食😗 味道方面咖啡味道唔算太濃郁 但係就非常creamy飲品熱Latte杯身幾高 味道飲落就奶味重啲 Mango Smoothie味道香甜 就算放耐咗融咗雪都唔會變成水咁稀😙 係夏天消暑嘅佳品友人都好滿意我帶咗佢嚟食呢餐西餐 望住個海景鋸扒真係幾正 食物份量都幾大 所以都有唔少檯係一家大細嚟食㗎🤣…Read More

北角匯臨近維港，可以找到不少海景餐廳，今次就來到主打美墨菜的海景扒房- Harbourview Grill。餐廳環境開揚寬敞，高樓底甚有空間感，氣氛舒適悠閒。Pet-Friendly露天雅座可以一邊進餐一邊近距離觀賞維港海景，於一片清翠嫩綠中呼吸一口清新空氣，在白天享受陽煦洗滌，入夜後把迷人璀燦的維港景色盡收眼底。一入門口便看到金光閃閃的的酒吧，酒藏齊全多樣。餐牌主打美國墨西哥fusion菜，選擇繁多，有牛扒、漢堡、薄餅及墨西哥手卷等不同西式料理供應，食物份量也不忘發揮美式餐廳精神，大大份超有飽足感。脆炸焗薯皮 $118熱騰騰的薯皮焗得金黃，外面脆卜卜，裡面的薯仔口感綿軟。中空位盛滿酸忌廉醬、牛油果醬和番茄莎莎，滿足多樣化的味蕾。意大利芝士薄餅 $138pizza餅底的厚度是簡乎超薄和厚批之間，烘得香脆，表面舖滿份量澎湃的芝士。超濃厚的芝士融化後增強了實在感，可以造出打卡拉絲效果，肯定可滿足芝士控。魚柳漢堡 $168重量級餡料包括炸魚、番茄、洋蔥、生菜及他他醬等等，層層疊起後確實是一口無法掌握。炸魚脆漿加入啤酒，因為啤酒是充滿氣泡的液體，可以讓粉漿變膨鬆，炸起來就會特別鬆脆，裡面包著嫩滑雪白的魚柳。薯角連着薯皮炸得外層酥脆，肉心軟綿細密。惹味烤雞軟薄餅卷 $178Fajita是墨西哥常見的烤肉料理，屬於西班牙殖民時代下的產物。上菜時將肉類與青椒、紅椒以及洋蔥等新鮮蔬菜放置於高溫鐵板上，滋滋作響，即時香氣四溢。鐵板雞肉早已切好一片片，方便包入軟身帶韌勁的墨西哥薄餅，蘸點酸忌廉醬、牛油果醬和番茄莎莎，隨心所欲地捲出自己喜歡的專屬風味。炭燒豬肋骨 $178豬肋骨大件厚肉，即使只點了半份，肉量已是超驚人，足夠二至三人share。表面烤得帶焦香，沾滿酸甜的美式燒烤醬，令人胃口大開，肉質細嫩不過韌。薄切薯條份量同樣是重量級，炸得乾爽不油膩。蘋果金寶 $78將微溫的 Apple Crumble，伴雲尼拿雪糕吃，帶來一冷一熱的雙重感官體驗。以烤焗過的餅碎舖面，將蘋果的天然酸甜果香與肉桂的特有香味交互融合，齒頰留香。Mango Milkshake $48奶昔入口濃厚順滑，綴以新鮮芒果切片，清新果香消暑又解膩，冰凍透心涼。…Read More

這間餐廳在北角匯強調Pet Friendly的。中午時段去到，剛好有對客人帶埋寵物的，餐廳職員叫客人抱住寵物入內，而寵物手推車就泊在門口，有寵物的就一定是坐露天的位置，入到室內只見到有兩、三枱客，反而露天位全滿😅，可能天氣不太熱，露台的位置又沒有陽光直射，所以感覺好舒服。而露台座位全是2人枱，雖然坐得舒服，但枱與枱之間比較擠迫😬😬，如介意的就坐室內吧🙂。午市套餐的餐牌非常簡單，只有3款選擇。基本上個個都是食炭燒豬肋骨和肉眼扒，我也不例外😄。餐湯是南瓜湯，口感好滑。炭燒豬肋骨，都算大件，唔覺得是炭燒，不過味道都香口，可能大件，食食下有點‘’漏‘’😬。見到有些客人要打包拎走。反而肉眼扒看外觀就似炭燒，扒偏薄身，不太多肉汁，都有牛味，以這個價錢都算ok。是日甜品是檸檬蛋糕，非常非常之細件，叫做好過無，但都幾好味🤪普通餐飲，應該都唔可以叫做餐飲，因為全部另外加錢，而且價錢並非便宜，好少套餐不包括餐飲的，特飲加錢就唔出奇。飲品質素好差，檸檬茶使用濃縮檸汁開的，檸角只是裝飾。咖啡非常之淡☹️，完全零分😑食物的擺設很簡單，沒有特色，似茶餐廳的扒餐，薯條轉換為薯角會比較好一些。另外當天餐廳的職員全部都不是本地人，而且全是講英語的，其他時間就唔知啦😊…Read More