Ramen Bari-Uma (D'aguilar Street)

當晚與朋友試了「霸嗎」的二人前餐，整體感覺是抵食又好食，拉都好好食。慢工出細貨，湯底好正好濃，日本風味拉麵。二人前有拉麵 有小食 有飲品 有枝豆 仲可加配料🍜 炙燒豚肉味玉拉麵湯底但有層次，炙燒豚肉香氣明顯，口感不肥膩，味玉熟度剛好，蛋黃微流心。慢工出醬貨，豚肉超好味，湯亦好濃好香。🍜 燒味玉雞白湯拉麵雞白湯濃但不膩，雞肉質嫩滑，這碗比豚肉那碗清爽一點，雞湯濃厚，配木耳，與豚肉唔同風格，。🥟 羽根餃子（5件）外皮脆口，餡料調味適中。羽根部分煎得靚，沒有油膩感。配拉麵一流。🍗 燒汁唐揚炸雞（5件）炸雞外皮酥脆，肉質多汁，燒汁，可以邊吃邊加。雞件滑，仍然滑 脆又不會乾今日仲加左粟米 我個人好鐘意粟米配拉麵💰 抵食划算感以二人前餐來說，價錢合理，食物質素穩定，絕對值得一試。…查看更多

相信大部份人都認識這間拉麵店, 源自廣島規模最大的人氣連所拉麵店, 日本已有30多間分店。香港都開了多年, 海外多個國家都有分店, 主打炙燒豚肉拉麵。鴨蔥拉麵 $118餐廳新品, 加了大量青蔥, 還有大蔥, 喜歡吃蔥的一定覺得是美食天堂 😇 鴨胸出奇地嫩滑, 比豚肉更嫩, 湯頭蠻清淡, 清淡之中會嚐到濃厚蔥味。麵的硬度可以隨自己喜好選擇, 我選了中間, 口感都不錯。炙燒豚肉味玉拉麵 $95湯頭是醬油味, 對比鴨蔥拉麵明顯濃烈得多, 偏咸了點, 即使這樣都將整碗湯都全喝了, 喝完發現隻碗有‘’感謝你食晒‘的標語‘’, 相當有趣 😆 豚肉不會燒到過火, 不過肉質就有點韌。唐揚炸雞 跟餐+$18炸雞外脆內軟, 炸到恰到好處, 一咬就會有肉汁流出來, 非常juicy! 🤤 我們很後悔跟餐點, 直接點就會有4件! 🥹羽根餃子 $35照燒餃子 $38羽根餃子即普通餃子, 餃子皮很薄, 裡面有滿滿新鮮豬肉, 都不錯。反而照燒餃子加了照燒汁即刻搶去餃子的所有味 🫠 點醋也不配搭, 吃完這個就更加後悔沒點4件炸雞! 😅畢竟是日本大型連鎖餐廳, 味道當然有水準👍🏻 不過我打算拍攝staff煮食時就被拒絕, 這個有點失望。…查看更多

午飯時間係中環放Lunch去左蘭桂芳試咗霸嗎拉麵最近嘅期間限定🤗🦆鴨•葱拉麵 ($118)menu圖片同實物係一模一樣🤗大葱、香葱配酸梅粉慢煮鴨胸，鴨胸份量一啲唔吝嗇🥰慢煮後口感鴨肉呈少少粉紅色，肉質非常嫩滑😌鴨胸皮會食到酸梅粉味，鴨高湯非常清甜超讚👍🏻食完唔會覺得咸或者膩🤗🍜炙燒豚肉味玉拉麵($95)豚肉超厚切🤩兼且半肥瘦煮得好入味，湯底好濃郁，麵底可以選擇硬度👍🏻揀咗硬麵所以好有帶點爽口彈牙但依然掛汁😆🐔沙拉唐揚炸雞(跟餐+$18)炸完肉質唔會好乾，點埋沙拉醬同香葱好夾😇🥟羽根燒餃子($35)餃子皮薄，好鐘意個底皮超薄脆🤗…查看更多

炙燒豚肉味玉拉麵 $95豚肉大大舊，肥：瘦 = 1:1湯底好濃、夠咸（小編偏重口）蛋則蛋白冇流心，但都未至於全熟。花雕雞卷藥膳雞白湯拉麵 $108雖然成件事好台式，唔似日式，但對花雕雞毫無抵抗力嘅小編決定試下🤤第一啖先飲湯。嘩！好濃嘅花雕酒味！！！😍😍😍😍😍😍😍😍😍😍鍾意食花雕雞同飲酒🍻嘅一定鍾意！🤤平時嘅花雕雞係凍食🥶，宜家係兩片熱喇喇，極大、極厚、又滑嘅雞卷，超入味，熱食🔥又好正喎，酒味好似比凍食仲出添👍🏻平時我食麵鍾意食到一半加調味（eg辣粉）轉換下口味，但今次我由頭食到尾都冇加，唔想破壞咗個酒味❤️❤️❤️配菜有炸牛蒡(就咁食小編覺得偏油)（學座銀？但座銀炸得好食啲😛）、木耳（份量幾多）、紅棗（少少甜養生feel）、杞子小編慢慢食，食到最後麵都唔太發漲。軟硬度正常。小編覺算是幼麵，掛湯能力高，唔洗每啖都另外舀湯都可以啖啖花雕酒同雞白湯底味👍🏻🎊🎊🎊🎊🎊🎊🎊🎊🎊🎊結論豚肉好食，肉嘅份量對比其他拉麵店可以話係慷慨🫶🏻特別的限定拉麵值得一試🫶🏻🫶🏻🫶🏻…查看更多

一行四人兩大兩細，知道有兒童餐，咁就食啦。叫咗炙燒豚肉味玉拉麵，賣相okay ，味道都唔差，不過份量較少，仲有就係無生蒜同芝麻。兒童餐我無食，小朋友話好食，咁我就唔過問😂。另外叫咗份唐揚炸雞，勝在夠熱，但味道一般。整體來講，呢個價錢食嘅嘢，叫做合格有餘。中間有同事幫手收食完嘅碗，對答都好有禮貌。今日唔好彩，坐正喺廚房吧枱前面，一般食日本嘢吧枱前係好位，但今餐全程聽住廚房阿姐投訴人工唔高，埋怨足全程，都幾煩🤦🏻‍♂️下次都唔敢坐呢啲位😂…查看更多

次次經過尖沙咀果間分店都好多人，一直都好想試下呢間日本過江龍「霸嗎拉麵」，上網見到有優惠券抵好多，買嚟試下！環境中環分店位於蘭桂芳，有點意想不到會有拉麵店坐落酒吧區，而且店舖面積頗大。餐牌分為紅碗豚肉味和黑碗雞白湯，當然各一嚐試。炙燒豚肉味玉拉麵 $88湯底有得揀少油，麵都可揀粗幼。出名濃厚豚骨湯底加秘製醬油，湯底果真夠湯郁重點係不覺鹹，叉燒屬厚切，肥瘦相間，用低溫慢火煮超過十小時，肉嫩又入味，真係一碗不錯嘅豚骨拉麵，無論湯底、叉燒、油膩度都控制得好好。雞叉燒雞白湯拉麵 $83雞叉燒係選用雞髀肉，口感彈牙，至於雞白湯同樣不能睇小，係再豬背骨、雞腳等熬煮十小時，湯底呈現奶白色，味濃，但油膩度就比較高啲。羽根燒餃子 $35一定要一大塊連住先係日式餃子，焦度正常，皮亦算薄，正常之上水平。啤酒 +$4因為11月份慶祝香港店四週年，每碗拉麵+$4就有枝SAPPORO飲，爽！食哂先見到既碗底~~食拉麵一定要食濃厚湯底，而油膩度對我而言亦係加減分數位，就算味道濃郁但偏油都影響口感，呢度有正宗日本拉麵選擇可揀油膩度，已是加分位，湯底又夠濃厚，我會再返轉頭食。…查看更多

💭天氣最近轉涼，夜晚想食碗湯麵暖下個胃，都有一排無食拉麵，行過見到「霸嗎拉麵」有期間限定新產品，決定入去食晚餐。◾️餐牌除左招牌嘅炙燒豚肉同雞白湯拉麵之外，期間限定嘅菜式，今期係天婦羅軟殼蟹櫻花蝦湯拉麵，當然要試下啦，我地仲點左客餃子添！🍜天婦羅軟殼蟹櫻花蝦湯拉麵 ($93)天婦羅軟殼蟹原隻上，夠晒份量，炸得幾香脆，粉薄唔油。櫻花蝦湯底好濃郁，飲落除左蝦嘅微微咸香，仲可以見到有蝦嘅紅油，非常惹味。飲一啖湯再食個麵，相當引人入勝。🍜炙燒豚肉味玉拉麵 ($88)呢款係霸嗎嘅主打，非常厚嘅炙燒豚肉係特色，肥瘦分明，肉質嫩滑，經灸燒後油份溢出，非常邪惡。至於豚骨湯底，膠質重，非常濃郁，每一條麵都可以掛滿湯，正呀！🥟羽根燒餃子 ($35)餃子五隻一碟，一整排反轉上碟，非常傳統的日式餃子做法，煎得好香口。🍹和梨蘇打酒 ($18)🍹蘋果蘇打酒 ($18)呢個又係新野，飲落果味好足，似飲緊有汽果汁咁，雖然係酒精飲品，其實只有3%酒精，所以可以大膽飲呀！💭總結而言，霸嗎拉麵以主打濃郁拉麵湯來講，真係做得好到位，質素係有保證的，今次期間限定嘅天婦羅軟殼蟹櫻花蝦湯拉麵幾有驚喜，湯底蝦味真係幾濃，想試下新野係一個好選擇。…查看更多

想喺中環prime area食好西，又要唔過$100嘅呢，我呢個低層打工仔誠意推介呢間位於德己立街嘅拉麵店！我去到大概十二點搭八搭九左右，喺我前面條隊已經有五六個人等緊。本身都諗住要先成20分鐘，丫點知唔使10分鐘就有得入啦，Yesss!佢間鋪頭雖然好細，但坐落都唔會太迫，傾計又一啲都唔嘈喎，正！呢間同其他拉麵店都一樣啦，有得揀湯濃度、麵條硬度、同埋剔走唔食嘅配菜，我同朋友都揀左炙燒豚肉味玉拉麵！由於我第一次食呢間，我樣樣野都揀咗適中，出嚟我覺得個湯都係有少少太濃，而麵條都略硬。哇！但係個叉燒真係好正，超級淋滑、又甘香🥺！個糖心蛋都好味🥺🥺🥺又發現到中環平民價好西勝地！開心😗P.S. 唔知係咪我飲咗太多拉麵湯，油得制，食完之後成個下晝都胃脹脹，好唔舒服😓而我朋友就冇呢個情況啦🤷🏻‍♀️大家去食嗰陣要克制啲啦！…查看更多

成日經過尖沙咀The One都會見到對面嘅霸嗎拉麵條隊好長，呢日約咗同學晏晝返學校傾project，就早啲去到霸嗎拉麵嘅中環分店食咗lunch先～果然我哋冇決定錯，早啲去到冇乜人，而且侍應們都冇咁忙，服務好周到！但去到12點左右，office啲人開始放lunch，客人就巴巴聲咁嚟喇！而家先知道霸嗎拉麵 同 風雲丸 係姊妹店！一入到嚟已經覺得裝修同上個禮拜食嘅風雲丸好似哈哈 叉燒嘅製法亦都一樣，用上等豚肉慢煮超過十小時，再以明火炙燒增添脂香。好厚、好大舊、好淋、好入味！炙燒豚肉味玉拉麵（$88）豬骨湯底好濃味，拉麵份量好足～辛辣炙燒豚肉味玉拉麵（$93）朋友嗌咗中辛，話唔錯！味玉好impressive，流心效果💯雞叉燒味玉雞白湯拉麵（$88）呢個幾特別，係雞肉叉燒～ 好入味，唔肥；雞皮好薄，可以一齊食，燒得好香～雞白湯比豬骨湯淡味好多，鍾意食淡口啲嘅朋友不妨試下呢個～羽根燒餃子（$35）同上次風雲丸嘅一樣，羽根薄薄嘅一層，非常脆口😛靜岡蜜瓜梳打；信州蘋果梳打（$28）呢隻梳打一向都鍾意，試過蘋果、白提子、白桃，蜜瓜都係第一次見！而家仲要做緊優惠，$25一支，點可以唔嗌呀！蜜瓜味又幾好飲！🤤大滿足！♪(´ε｀ )menu：…查看更多

昨天活動完畢後的我們，去了德己立街斜路上的😋Bari-Uma霸嗎拉麵🍜醫肚湯底🥣好濃郁，味料都好夾。但不知是否湯濃的關係，竟覺得半熟蛋有點淡😅 而叉燒半肥瘦的位置口感不錯，但食到炙燒的一邊就硬得像食肉乾😂希望有待加強肉質的處理哦！ 價錢方面HKD$83-89/碗，但如果以呢個質素就稍微偏貴少少。朋友說試過元朗的分店覺得一般，大家有吃過嗎？ 感覺如何？ 可以分享一下☺️ #不是每次都打廣告哦#還是一蘭比較好吃😋#不過我就是喜歡周圍試食😜…查看更多

話說約左朋友食晚飯，研究想食乜嘅時候，朋友比左2樣選擇：1，上海野 (咁2丁友好難叫菜嘅，好似酒樓食野咁) 2，拉麵反正之前已經聽過霸嗎拉麵呢間店，今次就一於試試得知朋友7點半收工，咁我預番時間去到餐廳附近等，等下等下，8點，whatsapp問問原來先知道未收得工，最後等到8點半先入去餐牌封面，一睇就見係指主打菜吧二話不說攞張點餐紙填填，同一般拉麵店一樣都係自己填，可以揀食咩之外，仲可以揀麵質軟硬度，使唔使走蔥，另加其他配料等原來味玉 = 流心蛋，咁一定揀要味玉啦，一碗拉麵冇左隻流心蛋就硬係覺得欠缺一點野咁，最後點左2碗炙燒豚肉味玉拉麵，不過1碗要軟麵，1碗就要適中等待途中，見到個紙巾盒寫左段野，個公仔幾得意咁，原來係指出餐廳嘅豚肉，係以慢火煮十小時相信一定好正上枱啦，一望就見到果然係濃厚嘅豬骨湯底塊豚肉都幾大塊同厚身，點知一咬隻蛋，流心效果唔太好，做得比較遜色，但麵同豚肉都好味 下次再幫襯會轉試下雞白湯拉麵，仲可以用埋個入會優惠：15蚊換領羽根燒餃子一客 (download Storellet個apps搵番間餐廳就可以入會)…查看更多

以前係銅鑼灣食過，覺得好好，所以帶朋友來食，但誰知水準下降，質素麻麻。【雞叉燒味玉雞白湯拉麵】雞湯底較少見，所以之前食過好，就念念不忘，但今次實在太差，不想再食。先講主角雞白湯，湯底沒冇雞味，味道也不濃，反而是太油太膩，還要十分咸，咸得超恐佈，好像飲味精湯，食完口乾，要飲三杯水都仲覺好咸。拉麵反而較好，幼身順滑帶微微咬勁，掛湯度一般但剛好就是湯太咸，所以食落味道剛好。雞叉燒反而保持水準，濕潤嫩滑雞肉，口感好有彈性，加上厚厚地食到啖啖肉滋味，連雞皮食也不膩。味玉醃得不夠入味，蛋黃半熟度剛好，但朋友個隻就太熟，所以有點參差。【沙拉唐揚炸雞】炸衣夠脆身，而且鬆脆口感，雞肉多肉汁，同樣夠嫩滑有彈性，加上沙拉醬食好滋味，即叫即炸夠新鮮熱辣，做得幾好。【炙燒豚肉味玉拉麵】友人的拉麵冇試到，但以前食過，湯底濃而不膩，反而豚肉雖厚身加上是五花肉，但仍太乾硬，口感麻麻。…查看更多

情人節，訂枱吃飯是常識。但對於我來說早已習慣即興搵食，在情人節用一個更高的價錢享用餐廳的食物，大家也覺得不值得。今晚就選擇吃拉麵。平日常有人龍的拉麵店，反而今日不用等位直接入座。小小的拉麵店座位不多，但正因為”小”，才更有拉麵店的味道。這裡的拉麵大致分為豚骨湯，雞湯和辣湯，還有期間限定的魚介湯。炙燒豚肉味玉拉麵 $88拉麵都幾豐富，有流心蛋和炙燒豚肉。炙燒豚肉非常吸引，肉和脂肪層次分明，炙燒效果好好，豚肉口感香腍，半點韌的感覺也沒有。拉麵軟硬度適中，拉麵湯沒太重油膩感，麵有不錯的掛湯能力。羽根燒餃子 $35餃子的驚喜程度比拉麵更大，是出乎預料的香口，餃子皮夠薄又完整，內裡餡料豐富，而且不會太油膩，值得推介。情人節吃拉麵雖然從未試過，但就是喜歡在情人節中實而不華的情人拉麵。…查看更多

二月初的氣溫依然維持在7、8度，低溫加上下雨天，必須要吃點熱東西保暖一下。是日提前出外午膳，十二時便來到平日大排長龍的霸嗎拉麵門前。幸好只有二人排在前面，排隊期間店員讓我們先點餐，等候約15分鐘便可入座。我們被安排坐在窗邊，店內開著暖氣，非常暖和。我點了炙燒豚肉味玉拉麵，朋友則點了辛辣炙燒豚肉味玉拉麵（小辣）。店員很快便為我們端上拉麵。拉麵的湯底很重要，往往能定下我對該碗拉麵深刻的第一印象。這次也不例外，先呷一口湯，熱騰騰的豚骨湯底十分濃郁，還嘗到一點炙燒的味道。相對起辛辣湯底，原味更很合我的心意。麵底方面我選了硬麵，但感覺跟朋友的普通硬度沒太大分別，兩款的口感都不錯。至於我最期待的炙燒叉燒也沒令我失望！叉燒相當肥美，本來還有點擔心會過於油膩，但脂肪部分燒得非常香口，而且肉質軟腍滑嫰，雖未至於入口即溶，但已做到口感鬆軟，十分不錯。味玉亦做到流心效果，一整顆配著蔥花及湯底吃，加分。把整碗拉麵連湯帶餸全部吃完後，肚皮也表示滿足！吃飽後充滿力量開工去。…查看更多

萬聖節就緊係一家人出動去中環蘭桂坊開吓眼介睇吓啲人點扮鬼啦，之不過有小朋友嘅關係兩邊嘅酒吧餐廳又唔去得，咁啱又見到間叫"霸嗎拉麵"即刻就撞入去!咁次正呀! 呢間餐廳絕對適合一家大細入嚟因為佢有小朋友最鍾意嘅兒童餐!我就嗌咗一個"炙燒豚肉味玉拉麵" 個舊豚肉真係一啲都唔簡單肥膏同肉都係梅花間竹咁一層肥膏一層豬肉食落仲要一啲都唔覺有肥膩嘅感覺肉都炆得非常之林，拉麵硬度我揀咗適中，入口都有彈牙嘅感覺唔錯!舊味玉蛋黃味重!有流心嘅效果! 而湯底濃郁唔會太咸呢間餐廳細心到會將兒童餐分開男女去圈， 如果你叫嘅係男仔兒童餐佢會用男仔嘅餐具去招呼呢個小朋友~食完仲有朱古叻做甜品!之後仲有小禮物tim…查看更多