Ramen Bari-Uma (tmtplaza Phase 1)

朋友聚會，晚上和她到這間拉麵店吃碗拉麵，聽聽她日本旅程的分享。霸嗎拉麵是日本廣島規模最大的拉麵品牌，售賣日本正宗拉麵。店內的日式裝潢令人有如置身在日本。從入口處看，店的中間是吧台位，往右走是卡位，左邊則是靠牆的軟座位。綠茶可樂($25)，這款是眾多飲品中，我最喜歡的飲品。這款靜岡縣的綠茶與可樂混和，，造成特獨特的味道，同時帶點可樂的刺激和甜味。配合拉麵吃，一口熱湯，一口凍可樂，有冷熱交替之感。炙燒豚肉味玉拉麵($95)，多件大塊厚身滲透著油脂香的豚肉，經炙燒後逼出肉的油香。溏心蛋香滑，滲出蛋黃的香滑，與拉麵攪拌，令麵條在掛上濃香的豬骨湯底時，也掛流心蛋黃的蛋香。麵條能掛上湯汁，呷一口熱湯，嚐一口拉麵，再喝一口汽水，令人十分滿足。沙拉唐揚炸雞(+$18)，凡惠顧任何拉麵，可以這個優惠價追加兩件唐揚炸雞和一款自選醬汁，可選辛口、燒汁或沙拉。我倆比較喜歡沙拉，沙拉能帶出炸雞的鮮味，令炸雞帶來清新的口感。外脆內軟的炸雞是店內的招牌小食，附近每枱都點了一份。沙拉野菜炸餃子(五件)($38)，餃子香脆，拌上沙拉，內饀與沙拉相輔相成，配一支可樂能作下午茶。石鍋燒豚肉海老飯($78)，甫上桌，店員提醒我們小心炙熱的石鍋。如想要更多飯焦，先不用攪動底層的飯。爽口蝦仁配上大量豚肉粒，與飯攪拌吃，能同時嚐到肉的油香和飯的焦香。味道和口感很好，我通常都點這個吃。…Read More

一家三口又嚟食拉麵，今次先叫了日式煎餃子同燒汁唐揚炸雞，兩樣都是即叫即煎/炸，鬆脆香口。為女兒點了個兒童餐，有細碗雞叉燒拉麵，有杯橙汁同KitKat作甜品。套餐說有玩具，但玩具不知所終？太太點了個天婦羅軟殼蟹番茄豬骨濃湯拉麵，我有試一點軟殼蟹，是酥脆好吃的，份量算大件，但泡在湯太久會影響到口感，如果分開上的話會比較好。而我點了炙燒豚肉味玉拉麵，濃厚的豚骨湯很漿口，滿口都是濃湯味道，豚肉肥瘦適中，肉味濃香，筍條軟又入味，蛋味帶甜。…Read More

今日同女朋友去左良景行菠蘿山，行完沿路行返落良景，之後坐輕鐵來到市中心搵野食醫肚。咁行到市川心3樓，見到呢間拉麵店，睇價錢同食品都ok，又唔洗排隊，就入去一試。我收友叫左個炙燒豚味玉拉麵，我就叫左個辛辣炙燒豚肉味肉拉麵，同沙拉炸餃子加多枝綠茶可樂，埋單2百幾蚊。先講我碗辛辣豚肉拉麵，我叫左中辣同軟麵，辣味ok，而且湯味冇比辣味蓋住，幾濃，我喜歡👍麵真係幾軟，可惜冇得選粗拉麵，我個人比較鍾意粗小小。味玉（蛋）係比原隻糖心蛋你，冇切開，咬落一流（小心蛋黃汁必左出黎）豚肉好淋，咬落口有小小入唔即溶既感覺，成碗我覺得中上。我女友嗰碗豚肉味肉拉麵就要普通硬度，佢覺得麵豚肉蛋等都好好，不過湯就嫌咸左啲，佢覺得以前apm嗰間神山既味道好一點。餃子唔錯，可惜係炸既，如果係煎餃子會更好。綠茶可樂係就咁一枝上，可能我之前眼大睇過龍，去日本旅遊時冇印象見過呢款飲品。飲落唔錯，有小小小小茶味同小小可樂味，感覺似多汽既百事可樂再加 梳打咁。整體唔錯，值得再去，如果下次我仲黎屯門又想食既話😜…Read More

有什麼在冬天吃一碗，熱辣辣拉麵更好。午餐時間，天寒地凍，豬骨濃湯有營養又夠熱量，立刻想到霸嗎拉麵。我們下午1點半到達，取號碼要等40張枱寶寶真的嚇壞了女人行街真的好恐怖，我拉了老公去對面無印良品，然後就……瘋狂購買了很多東西購物完回去霸嗎拉麵，過了2個號碼即刻通知服務員，服務員好友善給我們補回下一張我選了招牌炙燒豚肉味玉拉麵，麵要軟身。 各位朋友紙上可選麵軟硬度，同要不要蔥，木耳……非常方便又細心。炙燒豚肉很厚身，雖然得1片，但絕不少份量而且燒過的很金香，一層脂肪一層肉完全很美味，味玉就是糖心蛋，滑到不得了，非常出色蛋王顏色多漂亮甜甜豉油味道很想吃多個老公今日要吃雞义燒原來雞义燒係雞肉卷成，切片，他說又滑又香，湯清而不肥膩，另一番風味走時候才發現門口新出擔擔麵，下次又要試下先，不知道日式擔擔麵又會如何呢!…Read More

今天來到屯門市中心，見到這間拉麵店， 見到它的裝橫，很有日式風， 就試一試它的拉麵。我們叫了炙燒豚肉味玉拉麵和雞叉燒味玉雞白湯拉麵，我們也叫了燒汁唐揚炸雞。首先豚肉拉麵，湯底煮得很濃郁，味道很濃， 拉麵的硬度適中，豚肉煮得很入味，而且也有流心蛋，很好味道。而雞白湯拉麵，因為剔了少油，而且是白湯，所以湯底會比較清淡，但味道也是十分好味的，雞叉燒也很入味。拉麵的份量十分足夠。而炸雞方面， 因為是即叫即炸的，所以是熱辣辣的，很香脆，而且炸雞也不會炸得很乾，很有肉汁。很好滿意的一餐。…Read More

星期日放假度度都排隊諗食咩都要等食拉麵可能都係一個好選擇人流去得比較快.今次叫左炙燒豚肉味玉拉麵同雞叉燒味玉雞白湯拉麵炙燒豚肉味玉拉麵感該都算係最招牌啦～炙燒豚肉燒得好肥美睇到d油份出哂黎（枱面仲話佢地既豬肉係慢煮10小時先再燒）咁當然係好腍啦～豚肉有兩大塊厚的唔會話唔夠食湯底豚骨湯油量適中，夠濃而不是太鹹今次隻味玉溫泉蛋都算唔錯有蛋香中間亦唔會過熟如果蛋白都入味少少就更好～.至於雞叉燒味玉雞白湯拉麵雞叉燒有d似雞腿卷好滑又有口感雞湯比起前一碗相對清新少少味道都好夠味玉兩碗一樣品質都keep到一致…Read More

星期六同朋友係屯門上完瑜珈堂，消耗左唔少體力，緊係要食d好野，補充反，先有力氣反到屋企架嘛。💕霸嗎拉麵最出名既係超濃既豚肉拉麵，但佢除左呢樣，雞肉拉麵、仲有小食同飲品，樣樣好吸引！💕呢張係點菜紙好清晰，我地先揀邊款拉麵，再揀麵條既軟硬度、同要唔要蔥花咁，可以迎合到唔同喜好既我地。✨炙燒豚肉味玉拉麵 ($88)我叫左呢碗餐廳主打既「炙燒豚肉味玉拉麵」，有一件好厚的炙燒豚肉，仲有原隻那味玉、仲有配菜荀片咁。首先試下件炙燒豚肉，好厚切，經炙燒後既豚肉，佢既油份變得更香更濃味，用筷子輕輕一篤，已經可以將其分離，烹煮到十分嫩滑。✨炙燒豚肉海苔味玉拉麵 ($98)而朋友就叫左呢個，同我果個係一樣既，但就多左海苔，一上台，超勁霸氣，霸左半隻碗既位置。拉麵既豚骨湯係好creamy既橘色，夠哂濃郁，飲一啖個湯，即刻成個口腔充滿豚骨既味道。拉麵方面，朋友揀左普通，軟硬度又控制得幾好，唔會叫硬比軟咁，麵條既掛湯能力都好強，每一啖都充滿濃郁既湯汁。✨羽根燒餃子 ($35)餃子有五隻，一貫日式餃子既做法，先將底部煎得香脆，連同底下既薄翼，一下反轉，食得！餡料既肉汁同香味一湧而出，高質小食。💕總結黎講我地都覺得炙燒豚肉味玉拉麵真係好好味，湯底夠哂濃味，飲埋碗湯都仲得。下次想試埋個期間限定既極上龍蝦味玉拉麵，大大隻龍蝦勁吸引啊。…Read More

在市中心九嗚，突然想食日式叉燒聽友人說這店不錯便一試店內模仿日本的屋台設計，牆身又鋪上榻榻米的蓆材整個感覺都很和風炙燒豚肉味玉拉麵 $88叉燒厚度很驚喜，肥瘦適中，肉質很軟很入味湯底味道濃郁，玉子很流心麵質方面揀了適中，但本人還是偏愛有口感的麵質，下次會選硬麵辛口燒餃子(5PCS) $38日式餃子就是要食表面的薄脆，韭菜餃子夠辣皮厚薄適中，愛辣人士可一試枝豆 $20帶少許鹹味和胡椒味，下酒佳品，飲酒的話怎可少朝香豐臣秀長吟釀(300ML) $68香味較清淡柔和，沒有強烈的酒精味，很適合女生飲300ML才$68，性價比算是不錯總括而言是一間性價比頗高的拉麵店尤其日本酒定價不算很貴，自己突然很想飲返杯也不會有負擔服務態度很好，侍應叔叔會主動介紹拉麵上菜速度亦很快，落單後約5分鐘食物便到想食拉麵的話不妨一試…Read More

凍凍地訓到2 3點先起到身，今日同媽媽黎左屯門市廣場行街街，兜左一大個圈，最後決定一試呢間人氣爆燈既「霸嗎拉麵」，由於過哂lunch hour所以未有排長龍既情況，就即刻入去啦。聽過咁多霸嗎拉麵既好評，但就未真係入去試過，今次一定要抓緊機會食返一次！作為拉麵店，除左主打既豚肉、雞肉拉麵、仲有小食同飲品，樣樣都想試啊！呢張order紙好清晰簡潔，先揀味道，再揀麵條既軟硬度、油既分量、要唔要蔥花同筍等等，輕鬆配搭出自己既心水。另外有一張order紙係期間限定既，依家就做緊極上龍蝦味玉拉麵，但海鮮敏感既我唯有睇其他炙燒豚肉味玉拉麵 ($88)主打既「炙燒豚肉味玉拉麵」，有一件好厚的炙燒豚肉，經慢煮再炙燒，將天然既油份迫出，香氣四溢，肉質細嫩。拉麵既豚骨湯鹹淡適中，但係夠哂濃郁。拉麵軟硬度方面，我揀左普通，又真係軟硬適中喎，掛湯能力都好強，每一啖都充滿濃郁既湯汁。雞叉燒味玉雞白湯拉麵 ($88)食開清淡既朋友（姐係我），可以一試呢個「雞叉燒味玉雞白湯拉麵 」，湯底清徹見底，冇過多既油份。試一啖，清雅既雞湯底，好pure好true，但又相當引人入勝。而雞叉燒，係將雞塊卷起，擠壓成一卷，再厚切放上拉麵。同豚肉相比之下，雞叉燒冇乜脂肪，肉質彈牙，岩哂追求健康既我。照燒餃子 ($38)餃子有五隻，一貫日式餃子既做法，先將底部煎得香脆，連同底下既薄翼，一野反轉上碟，再加上特製照燒汁，得左。餡料既肉汁同香味一湧而出，又幾正喎。總結而言，當成街成巷都主打濃郁heavy既拉麵湯，呢度就有清甜簡潔既雞湯，照顧唔同口味既我，份外暖心。…Read More

朋友介紹話呢間拉麵不錯於是朝早收工就貢左落屯門啦😎話說之前經過晚市要排隊的午市去既好處係慳返唔少時間✌亦可以食得比較舒服點炙燒豚肉味玉拉麵🍲濃厚的湯底整隻的玉子💕玉子是半生熟的但不是很入味有點少扣分呢。炙燒豚肉豚肉邊薰致微焦肥瘦參半不錯👍呢間拉麵味道唔錯難怪之前黎屯門市廣場行街經過都要排隊朋友果然冇介紹錯😋超開心，新界西終於都有間可以返啅既拉麵店而且價錢合理!下次要黎食下個個雞叉燒先(見到隔離枱食又好似唔錯)好吸引咁😂…Read More

放假又咁岩想食拉麵, 諗起上次去過霸嗎都幾好食, 今次諗都唔洗諗就入左去啦😁我地黎既時間已經差唔多晏就三點鐘, 店入面人唔多, 環境幾清靜, 傾下計坐下簡直就係一流😍可能都係因為人唔多既關係, 我地一入黎就有店員serve👍上次我就試左過辣既拉麵, 今次就緊係試下其他啦😆我地就嗌左兩個招牌拉麵~ 灸燒豚肉味玉拉麵塊豚肉唔肥唔瘦岩岩好🤤個湯亦都唔會太咸~最正都係隻溫泉蛋啲蛋漿係漏出黎咖😍我最鐘意霸嗎既地方就係佢可以比你簡麵既軟硬度🤪真係岩曬我依啲鐘意食硬麵既人呀👍👍仲有得簡走蔥呀走荀呀~ 真係勁方便👍因為係午市既關係~只要你嗌左一個正價既拉麵, 就可以+$12 嗌多個小食 (唐揚炸雞/煎餃子)其實我地都好想兩個都嗌呀~ 不過好驚食唔曬, 所以就嗌左一個😜就係唐揚炸雞啦!!!🤤岩岩出黎個陣係岩岩炸好熱辣辣一咬落去外脆內軟😻食完真係勁滿足😋而家依個地點係正屯門市中心非常方便無論環境, 服務, 去到食物質素 我都覺得一次比一次好想食拉麵既話 依到一定係首選👍…Read More

我非常喜歡餐廳有設置兒童餐，所以我是衝著兒童餐而來的，因為霸嗎拉麵其實都開咗一段時間，但一直都提唔起勁去試。今日星期日，幸運地我搭正12點就來了，差不多到十二點半的時候已經排長龍等位。但經過今次我應該很快會再去食第二次。炙燒豚肉味玉拉麵一開頭睇相見到叉燒的一塊，心諗咁少?點知原來塊叉燒係好大塊同好厚，炙燒半肥瘦叉燒充滿油香而味玉即係半熟蛋，蛋黃見到相都知係全流心而他們的豚骨湯底應該加了少少麵豉醬，帶少少鹹香， 我自己就比較偏向純豚骨湯。子供醬燘雞叉燒拉麵首先我覺得55蚊係超級抵，佢嘅份量連一般女士的胃都足夠，我冇諗過雞白湯是如此美味，濃郁嘅雞湯非常順口，雞叉燒非常厚， 入口都係濃郁嘅雞味及嫩滑，55蚊配料都唔少，有木耳，粟米，紫菜，最衰兒童餐只供應12歲以下，仲要有玩具搞到大人都想叫沙拉野菜炸餃子炸得非常香口，加埋沙律醬，味道唔使講。👌同埋店內衛生不錯好欣賞他的豉油碟的第一隻用保鮮膜封了，然後貼心的貼上標簽叫客人攞下面的。…Read More

再次來到霸嗎拉麵，難得平日放假，這次是來吃下午茶和晚餐。聽說支裝飲品很好喝，這次多點了兩支飲品。首先是很多人及雜誌推介的綠茶可樂($25)。曾在其它拉麵店看過這可樂，但標示售完。最初聽個名會聯想到怪味道，但看到這麼多人推介，又好奇試一試。有人說這個比一般可樂多氣，但我覺得兩者相若。可樂味較重，綠茶相對較淡。單獨點一支，伴小食不錯。但伴拉麵我較喜歡另外一支。就是這支靜岡蜜瓜蘇打($28)。這支靜岡蜜瓜蘇打最初飲覺得有點太甜，後來來了拉麵。一邊吃拉麵，一邊喝蜜瓜蘇打，中和拉麵的飽滯。蜜瓜蘇打冰冰涼涼，帶密瓜香。想不到這支更適合配拉麵喝。既然是拉麵店，當然要點招牌拉麵--炙燒豚肉味玉拉麵($88)，竟然有「少油」的選項，我毫不猶豫立即點選。豚肉非常入味，拉麵選了軟麵，這次對我來說口感剛剛好，不會過硬。拉麵還保留了帶嚼頭的口感。上次吃過最好吃的雞蛋，這次再加點一隻($10)。味道依舊，雞蛋呈半熟狀，蛋黃流心。作為蔥花的愛好者，這次加了大量青蔥($10)。不知道意是這麼大碗，足夠兩三人平分。甫在拉麵上桌時加進去。生青蔥在浸過熱湯底後，變成熟的味道和口感是我最喜歡的。味筍($10)的價錢跟青蔥一樣，一大碟。與拉麵中的味筍不同，這個味筍是冷的，用來做伴酒小食較適合。凍味筍較熱的好吃，較突顯醬油味。平日難得忙裡偷閒，來到這裡，與友人聚會聊天就最好不過。…Read More

市面上, 到處都是拉麵, 到處都是標榜日本餐廳; 這次來到屯門, 也發現了一間, 肚子餓了, 就來吃上一頓。這拉麵店有小吃及拉麵, 餐單款式不算多, 但這裏擠滿了人, 可見味道不差, 於是就找了一個小卡位坐下;我點了一碗炙燒豚肉味玉拉麵; 濃濃的豚骨湯底, 黏稠綿綿的口感, 長長的麵條吸沐浴在濃湯裏, 口感特為幼滑, 更加綿綿; 豚肉, 一大塊, 半肥瘦, 肉質幼滑, 入口即化, 油香可口; 糖心玉子, 咬一半, 金黃色的蛋汁緩緩流出, 蛋味無比香濃; 流進湯裏, 使湯及麵條的口感更為幼滑; 吃完也不膩的口感。另外, 我也點了一客沙拉唐揚炸雞; 熱騰騰的炸雞, 金黃色的外皮, 一口咬下去, 外脆內軟, 類似芝士的醬汁緩緩流出, 鹹鹹的, 香口的味道難以形容;一個人的午餐, 時間慢慢地流動, 不用趕身邊的人和事, 十分舒適寫意。…Read More

霸嗎拉麵在2015年引入香港，近年更開設在新界屯門市廣場三樓，成為首間霸嗎拉麵進駐新界區。開業將近一年但仍未品嚐，所以當日決定一嚐霸嗎每晚一到7點半至8點便會出現人龍，需要取票等位。取票的話只需在大門旁的取票機點選入座人數，號碼票會自動從取票機印出。當日7點已到所以只需等大約5分鐘☺️霸嗎拉麵鋪頭延伸至廣場中庭每張枱都放在調味架，有蒜粉、黑胡椒、七味粉和餃子汁供應，亦有調味碟、筷子和牙籤，以方便客人自取。最窩心的是每張枱都會供應面紙和檸檬水☺️經常忘記帶廁紙和愛喝水的我覺得非常貼心❤️筆也有供應方便點菜😊客人只需在點菜紙點選想要的拉麵/丼物/小食/飲品，拉麵可點選軟硬度(軟麵/適中/硬麵)，拉麵更可點選少油、少蔥、走蔥或走筍，非常能夠照顧到不同客人的需要。————我的選擇：炙燒豚肉味玉拉麵拉麵軟硬度- 適中油份 - 少油拉麵真的做到軟硬度適中！不會煮到過淋而且仍保持到爽口彈牙。但油份方面仍然略賺偏多，尚未做到少油的效果。豬骨湯底頗濃郁，所以掛麵程度都不錯，但不建議喝光湯底，因為湯底偏咸。如果不喝湯底味道便剛剛好！一定要講下豚肉味玉拉麵的主角-豚肉。豚肉經過低溫慢火浸煮超過10小時並用明火炙燒，經過低溫慢煮令豚肉非常軟身，不會大力咀嚼豚肉已在口內散開，而炙燒更令豚肉變得可口甘香，簡直同時滿足到2個願望，豚肉軟身之餘雖可口。但豚肉脂肪比例亦比較高，可能這是令湯底難以少油的原因當然吾少能拉麵的第2主角 - 味玉。味玉是令我最難忘最驚喜的！起初好奇為何味玉會原粒上而不是切開一半(通常大多數餐廳會切開😝)，但後來自己切開便知道原因了，蛋汁不停流出！蛋黃完全處於流質狀態，只可說煮蛋的時間真的拿捏得剛剛好身為味玉愛好者非常滿意此蛋❤️…Read More