KYO Watami (Man Yee Building)

中環番工既應該都知萬宜有間lunch又抵又好食既和民。今晚OT耐左我地決定黎食晚餐，呢度有四款二人餐，由三百幾到九百幾都有，適合唔同budget既大家。我地見$498呢個有天婦羅又有刺身，就揀左呢款豪華二人餐。呢度上菜超快，10分鐘內已經上曬。我地隔離枱仲係日本人添，真係幾正宗。<凱撒沙律>係好經典既羅馬菜、番茄仔、麵包脆脆、煙肉加芝士碎呢個配搭。配上凱撒沙律醬，夠曬開胃。<五點刺身盛合> 有厚切油甘魚、薄切三文魚、帶子、甜蝦、三文魚籽。擺得好靚，食落都夠鮮。<鮭魚溶岩壽司卷>呢個真係賣相幾靚，係熱食黎既，入面係熟既三文魚，配左啲沙律醬同半溶芝士。真係好正，係飽肚既主食。<大海老天婦羅盛合>真係超大碟，有五條天婦羅蝦。每條都超巨型，個炸皮唔算話好薄，但係入面啲蝦都幾鮮嫩。<炙燒珍寶雞腿>真係幾珍寶，好大份，而且個汁甜甜地，本身雞腿肉就係嫩滑多汁，配啲沙律醬真係超美味。<九州和牛壽喜燒鍋>和牛份量唔算多，有四塊左右，都幾嫩幾有牛味。下面有啲菜有啲菇，個壽喜燒湯甜甜地好正，真係想追加個烏冬飲埋啲湯但係真係太飽喇。<飲品>本身跟餐有飲品，我地揀左熱檸茶同熱蜂蜜生薑茶。好欣賞呢度就算熱飲都係透明杯，影相都係咁靚哈。<雨滴餅>最後甜品都好正，係呢個透明蒟蒻配黃豆粉仲有蜜糖，係個冰涼爽口既美味甜品，味道唔會好甜。今晚晚餐食得超飽超滿足，和民原來晚餐都咁抵食，第日真係黎多啲喇！…查看更多

我屋企人好鍾意和民，一個月可能食三至四次。最近聽朋友講饗和民係和民高級版，今日帶左女友試試，諗住好食既話再請屋企人。裝潢同一般和民大同小異，不過面積大啲。Sake喺日本餐廳當然係不可或缺，饗和民既日本酒選擇都幾高質。食物選擇超多，令人目不暇給，有選擇恐懼症嘅我最後交俾女友發辦。和牛炙燒壽司真係不得了。和牛切到好薄但好大片，完完全全覆蓋壽司飯。和牛炙燒後油脂更豐盛，入口即化。一件和牛壽司平均$37一件，對我而言係物超所值。炙燒珍寶雞腿既外皮非常脆，更難得係肉質超嫩，肉汁豐富。微辣既醬汁同雞腿係絕配。蒲燒鰻魚壽司卷叫左半份，鰻魚同壽司飯嘅比例1:1，鰻魚燒得焦香。免治雞肉棒加左軟骨在內令層次感更豐富，不過略嫌唔夠鹹，而且肉質太鬆軟。和牛壽喜燒鍋幾正宗，牛肉吸收湯底精華後更甘甜，蘸上日本生蛋汁後更嫩滑，如果湯底再濃味啲就好。總括而言，雖然饗和民係和民升級版，但價錢唔係差太遠，和牛炙燒壽司亦令我難以忘懷，所以以後都係去饗和民！…查看更多

提起居食屋表表者，第一時間就想起和民，最近中環新開了和民另一支線分店 - 饗和民，其實即是和民2.0升級版。餐廳面積廣闊，用餐空間寬敞，設有不少卡位，坐得舒適。升級版果然比平時的和民更有特色，正中位放滿綠色植物，裝潢散發濃濃和風禪意。餐牌款式繁多，足以令人選擇困難症發作。而且這裡還有SAKE 供應，飽餐後也可淺嘗美酒。難以抉擇之下，於是就一口氣點了多款小食和燒物。厚燒玉子 $38將熱騰騰的蛋漿層層捲起，內層入口吃起來柔嫩濕潤，享受玉子燒香甜軟嫩的滋味。特製餃子 $48將餃子附上有如展翅的薄膜，不過有點可惜是口感未夠脆卜卜。餃子皮滑煙韌，內餡扎實多汁，菜肉比例得宜。高糖度日本產有機蕃薯條 $48選用高甜度的日本產有機蕃薯，蕃薯味濃，就如蜜糖般溢出來天然香甜。香炸北海道產水牛芝士 $48一口一個的炸芝士外層炸成金黃，酥脆無比。一入口已經爆出半流心的芝士，外脆內軟，芝味滿瀉。天婦羅紫菜伴明太沙律醬 $38天婦羅紫菜一口咬下薄酥香脆，比平時薄薄一片的紫菜片口感更實在。雖然炸得略為油膩了一點，不過將天婦羅紫菜沾上明太沙律醬更能突出鹹鮮味。大阪椰菜燒 (雞蛋&芝士入) $68口感鬆軟，不會吃得一口粉漿，鹹香的芝士在麵糊裡帶出了椰菜的清甜。一切開就有拉絲芝士，少麵粉多菜料，椰菜切成碎絲，吃起來清脆爽口，不會令人覺得滯膩。日本產魷魚燒 $88燒魷魚鮮味肉厚，肉質爽口彈牙，火候控制得剛剛好，一點也不會過韌，吃時蘸些蛋黃醬，風味十足。炙燒珍寶雞腿 $98雞皮燒得香脆，以微辣香料提味，入味得來又不會死鹹，惹味無窮。雞脾位夠啖啖肉，燒烤期間把油份迫出，變得肉汁豐富，肉質嫩滑。抹茶蕨餅配黑蜜 $28蕨餅是日本的傳統的和菓子之一，口感軟糯QQ，散發抹茶的微瀝幽香。黑蜜甜得來又有種天然甘蔗味，點上微苦的抹茶蕨餅，一苦一甜，非常匹配。抹茶白玉紅豆芭菲 $38翠綠的抹茶雪糕軟質感軟滑，茶味和奶味取得平衡，甘香抹茶味之中而又不帶半點茶澀感覺。白玉口感Q彈，加上大粒飽滿的甘甜紅豆，底下還有脆米墊底，呈現豐富層次感。…查看更多