Ramen Shinbusakiya

出開灣仔，諗住求其食d野，上網揾到呢間拉麵。點左炙熱味增拉麵同炙熱醬油拉麵。兩個麵配料一樣，係湯底唔同，配料如叉燒，筍，豬肉粒都冇咩話特別出色，中規中矩，比較大路。但最正嘅係個湯，十分出色，第到食唔到。醬油味係食得出煮出黎，唔係豉油水，濃郁得黎唔會太咸，同其他拉麵店嘅醬油湯唔同，其他地方多數都比較清比較淡，甚至食完都唔覺係醬油味。醬油味之中會有陣smoke味，真係有野炙燒過先會嘅美味。味增湯同樣出色，又係係第度唔會食到呢個味，湯底將味增味煮到好濃好純但又不油膩，齒頰留香。佢濃得黎又唔會好咸，簡單講就係味增純度好高，鍾意味增嘅人唔試過一定後悔。而拉麵麵味唔重，比較淡，而且係曲身，唔會搶左湯底嘅味，咬落彈牙，最衰係份量好似差d咁，可能係太好食啦xd。筆者有機會都會再黎試其他野，值得推介！用餐日期:23/2/2019是餐費用:$176味道:9/10環境:8.5/10性價比:8/10…查看更多

週五晚家人各有各開P，小肥唯有食自己，收咗工喺附近兜，結果就行咗入去春園街一家連名都唔係幾識讀o既「麺匠 真武咲弥」食咗碗拉麵醫肚。拉麵店門外貼滿彩圖餐牌。XO仔被吸引入店係因為門外位妹妹實在落力又好客，加上透過玻璃窗又咁啱見到帶哂手套同帽o既師傅喺度表演，或許這就是緣份吧。小店為搭枱制，枱號可於牆上找到，嘻嘻，當日好好彩地有三號枱坐。餐桌上有齊凍水、水杯、紙巾、筷子、調味料，明顯全為自助式。四周牆身都有海報及紙條推介套餐及可追加項目，而且清楚標明只收現金。桌上亦有擺出彩圖過膠餐牌。點菜紙簡單易填。炙熱醬油拉麵（$80）：大大碗拉麵不單夠熱，份量亦十分強勁。黃色o既麵條煙韌有彈性，醬油湯底香濃而不膩。整碗拉麵o既精髓就係頂面嗰塊靚叉燒，其肉質軟腍嫩滑，個人覺得係自己食過咁多間拉麵舖中最正o既一塊叉燒，實屬「一番」（Ichiban）！最意想不到就係湯入面嗰啲豬肉粒都一樣咁軟熟可口，絕對值得推介！「ごちそうさまでした！」…查看更多

今日因要上半山工作關係大約要中午先下山，坐15號巴士走落灣仔食午飯，係春園街見到依間真武咲弥門面的拉麵相好吸引就同同事入去試下啦入到坐下發現午餐得三個拉麵選擇，晚餐又三個，而下午茶看餐牌都係一款的好特別。我們分別點了炙熱醬油拉麵同我要的大辣炙熱辣味噌拉麵。我坐係近門口位看見㕑房火光熊熊，製作好有氣勢。麵很快送到我們面前個湯真係好濃好熱好香，因叉燒得一片所以我再加了半熟蛋，麵條彈牙又哨口配上大辣味濃湯完美。整體食物滿意，地方細了點外，服務一流。…查看更多

今日行過春園街, 見到有個姐姐派傳單宣傳炒拉麵, 咁入去試下啦!原來價錢都幾貴下, 我叫咗炙熱醬油拉麵, $80 仲要加一。碗麵大小正常, 有1塊大义燒、2舊豬肉、荀, 好多芽菜同蔥。其他配料就要加錢, 不過最少都要$10, 我梗係唔加啦!個湯底味道都幾重口味, 係有陣炒過味道比較特別, 啲麵用咗曲麵有口感。啲荀有苦味。我之後飲咗2 大杯水呀!最後仲免費加咗清湯, 加完之後個湯底算係正常啲。環境唔好坐, 迫到呢...... 加上性價比唔高。服務都唔錯, 叫店員加湯無黑面。…查看更多