Hei House

週五與家人外出晚膳，大家都話想搞搞新意思，XO仔就提議一試利東街一家酒吧餐廳「囍碟」 。店子地下為酒吧，入夜時分已坐滿酒客，不易影相。通往一樓必先行上中央o既梯級，暗黑o既通道兩旁都擺有小盆栽及假蠟燭。樓梯頂o既中式餐碟吊燈望落都幾別緻，不過唔知危唔危險呢 ？！一樓用餐大堂面積明顯比地下酒吧寬廣。左手邊先有一個長形大水吧。右邊牆壁上有幾幅東方美女o既油畫，畫下一排半梳化式座位。大廳中央則擺出多張方形o既合併式散座。黑色o既餐桌配上黑色o既餐具，加上漆黑o既環境，如果唔係咁啱小肥被派發咗本滲滿紅酒o既餐牌，同隻手從枱上黏上啲黐立立o既野的話 ，講真都幾難評定餐店偏低o既衛生分。餐牌首頁清楚寫出食店所提供o既菜式以東南亞小碟為主。柱身用上蒸籠裝飾都變得好貼切。正當姨媽姨丈各人都點選熱茶作飲品，眼見茶品每款都要成$35，三客都已經過百 ，仲貴過喺酒樓開茶，細佬就決定點杯招牌雞尾酒黎飲。Hei-Ria with Sparkling Wine（$78）：雞尾酒品o既酒精含量唔高，飲落其實似飲菠蘿梳打多啲。深知小碟份量唔會多，我地就每人點咗一味餸。 香茅雞翼（$78）：雞翼炸得好夠乾身，食落亦酥脆惹味，唯一家人都略嫌炸粉過厚。 斑蘭葉烤春雞（$108）：春雞一客半隻，胸肉部位偏乾同嚡，而且調味欠奉 ，不吃也吧。 炒貴刁（$88）：貴刁加咗雞肉、蝦仁、芽菜、臘腸等炒煮，雖然炒得唔算好油，但個人覺得料多過貴刁，有啲喧賓奪主囉。 松露芝士批（$78）：單睇價錢，其實大家都已估到個松露芝士批唔會好大，姨媽仲好搞笑地用隻手去證明佢隻玉手比個批仲要大 。松露芝士批脆薄鬆化，餡料香濃得黎一啲都唔溜滯，四人都覺得此乃整頓晚餐之最 ，值得推介。「囍碟」環境新潮，幫襯o既客人大多都係後生一族。酒吧餐廳主要都係靠賣酒賺錢，所以提供東南亞小碟黎送酒個概念其實唔錯，無奈食物水平不一 ，實難說服食客回頭。此外，除咗個商場洗手間比較乾淨之外，餐店服務生眼見餐桌堆滿不潔o既餐具都唔會自動清理，似乎就唔係咁講求衛生囉 。…Read More

索女Q留意到灣仔利東街開咗間特色Fushion菜餐廳，大家都好想試試 ，今勻就趁好姐妹生日來個“囍”聚吧 ！半個月前訂定位，接線小姐話消費滿$1,500.- 可以免除切餅費 。灣仔港鐵站Exit A3出，過對面馬路，利東街就係春園街隔離，好易揾到 ！是日適逢[灣仔美酒音樂節 ], 成條街化身為歐法式嘉年華會 ，隨身聽live music、攤位、雕像繪畫 等等。聞風而至，先凑個熱鬧再說……放低個生日cake係餐廳先 ，年輕女侍應突然轉口風 ，以英語話今晚要消費滿$2,500.- 先免切餅費！肉隨砧板上，可以點呢 ？！正當靚靚公主話要同她理論之際，女侍應又以廣東話回應話$1,350.-先啱 ，咁就算佢喇 ！大家上二樓後，女侍應已示意呢張長枱係畀我哋㗎。餐廳佈置甚有中國風味 ，牆上掛有几幅中國新娘肖像畫 ，還有一個個大小不一嘅竹蒸籠裝飾呢！Dinner menu只此一張 ，相信每人點一樣, 怕且都畀我哋點勻晒卦！1.牛油果蟹肉沙律 : 蟹肉微鹹，唔多覺有牛油果喎！反而脆脆片一大堆！2.喇沙蝦牛油果沙律炸雲吞 : 蝦隻爽口彈牙，炸雲吞非常酥脆！3.蟹黃包 : 口感似平時食開嘅蒜蓉包，多咗蟹肉嘅口感。4.黑椒軟殼蟹蟹肉炒飯 : 軟殼蟹又香口又脆，炒飯粒粒分明，但比較淡口。5.大頭蝦墨魚餅 : 賣相似炸蝦餅多啲，搞到啲朋友猛話未食墨魚餅呢 ？！口感亦係蝦餅味，爽脆好味！6.巴東牛仔肉芝士批 : 牛仔肉嫩滑，芝士批似迷你版pizza。7.椰林印尼辣味芒果雞 : 雞塊嫩滑，有芒果嘅清香及酸甜，成碟餸好清新！8.烤秋葵 : 口感清脆，肉質柔軟，跟黃瓜嘅味道差不多！9.炒貴刁 : 比較油膩，配料有蝦、臘腸等。臘腸切薄片，口感軟熟。10.薑味羅望子甜酸汁咕嚕肉 : 咕嚕肉酸酸甜甜，啖啖肉，又醒胃！11.松露芝士批 : 口感係重菇菌味嘅迷你pizza, 至於松露味，就唔係咁覺！12.烤豆腐 : 烤得好入味，豆腐仲滑溜溜添！13＆14.沙嗲雞肉及牛肉串燒 : 串燒賣相靚仔 , 肉質燒得剛剛好 ，多汁唔乾身，夠軟腍。沙嗲醬帶有花生碎粒，非常香濃，沾上滿滿嘅醬嚟食，份外惹味 ！15.烤焗肉骨茶豬手 : 熱騰騰嘅豬手煱上桌嘞 , 女侍應生一邊慢慢倒入肉骨茶，一邊問我哋打算倒入嘅份量，仲話可以任意添加呢 ！肉骨茶帶少許藥材味，少許胡椒味，見到有杞子，味道唔苦澀，甜甜地，几好飲 㗎！豬手皮Q彈入味，肉質軟腍，油炸鬼相當香脆 ，蘸上湯汁後，滋味無窮 ！整體唔錯 ，几有特色，但個別菜色較為油膩咗啲！年輕侍應生好nice, 只是溝通上有出入！無限時無壓力底下 ，成餐生日飯食得好開心 ，好滿足，志同道合，一齊吹水，先叫人生 ！…Read More

囍碟位於利東街中段，單看門面會以為係酒吧。其實仲有上層，中式裝潢仲好闊落。中西fushion。中午時份，日光曬入黎。似喎似去左第度旅行咁Lunch set 選擇唔算多。菜式走東南亞方向。隨餐附贈寧神安寧茶。味道近似玄米綠茶。摻摻麵份量好多。蟹肉同蟹黃有手掌咁多，份量之多實在令我驚喜。一碗四蝦仁，每隻直俓約3cm,爽口彈牙。摻摻麵口感柔韌，好比永不熟的米線。用上摻摻麵，縱然大大碗麵，食到最後都唔會好似米線咁發脹而有糊爛口感。蟹黃味道還好，不是太香濃。炒貴刁闊如河粉。每條麵都沾滿醬料，十分野味。同樣份量很多。侍應服務不錯，但大多只講英文。…Read More

自從囍匯開始入伙之後，這裡多了好多食肆。於灣仔工作的人有口福了。今日又試新菜了，東南亞的菜式真的令人百吃不厭。因此，就來了主打東南亞菜式的囍碟。我酷愛叻沙，當然要一嘗這裏的招牌叻沙。 3/5 - 雖然配菜有很多，但無奈叻沙味道不足，沒有令人一食興奮的感覺朋友們嘗了炒貴刁及海南雞。 賣相的確吸引，碗碟十分有特式，但朋友說味道也是一般。午餐約80，90元，於灣仔利東街這裡來說，不算太貴。我想在這裡租一間餐廳是不平宜的。這價錢及質素尚算合理。於灣仔吃一餐這價錢的午餐真的不能要求味道太正宗。…Read More

「裱起婚紗照那道牆及一切美麗舊年華　明日同步拆下」的囍帖街，一個華麗轉身，已變成一條與灣仔舊區格格不入的歐陸式街道。從頭走到街尾，彷彿走進一個主題樂園，像走進歐洲街頭，不過當你走出這條街，又會重返現實，發現這裡其實只是灣仔。由於以前是囍帖街，所以新建後大部分的名稱都要用上「囍」字，例如價格離地的住宅「囍匯」，還有上海菜「喜遇」和這一次要介紹的星馬菜「囍碟」。這家餐廳不論外觀與名稱都絲毫看不出是星馬菜餐廳，其實這裡同時也是酒吧，Happy Hour有買一送一優惠。餐廳分上下兩層，大部分座位都在樓上，有少量在樓下，樓下全都是高腳檯，應該是用來Happy Hour喝酒用的，不過午餐時間也會安排兩三個人的客人就座。樓下的高腳檯座位樓上設有吧檯位很多人都說午餐不設訂座，不過我估計可能是有人數限制，因為我們這一次是慶祝同事生日，總共十四人，有預先訂座，所以人多的話不妨打電話問一下店家可不可以訂座，因為觀察到午餐時間也有不少人在排隊輪候，不過應該等十分鐘左右可以入座。餐廳裝修得很型格，但當中不少擺設又有南洋風，傳統與新潮並重，不過店內太過昏暗，完全沒有天然光線，可能這也是設計上的一環，不過我還是喜歡吃午餐時不要像吃晚餐一樣黑。店內較為昏暗特色擺設，傳統與新潮並重午市設有lunch menu，經典的星馬菜都有，共有六款，我們人多，所以六款全都點了。冬蔭龍蝦湯麵配大蝦及英國蟹黃 ($88)同事點的，我沒有吃過這一道，不過同事力讚這湯煮得很香很濃郁，下次我會想試一試。馬六甲海南雞飯 ($78)竟然不是白切雞而是豉油雞，真的有點奇怪，雞肉不老，不過雞油飯不夠香，只算勉強合格。炒貴刁 ($88)炒得十分香，而且乾濕適中，很有鑊氣，而且配料豐富（裡面竟然有臘腸，十分新奇！）星加坡喇沙 ($88)賣相不錯，而且用料豐富，不過欠缺椰汁味，所以不合我的口味，我比較喜歡有濃濃椰汁味的咖喱喇沙，這一種是魚味較濃的一種。馬來肉骨茶 ($78)肉骨茶有分馬來口味跟新加坡口味，馬來西亞的是中藥味，新加坡的是胡椒味。這一道叫馬來肉骨茶當然是中藥味的，不過可惜中藥味不夠濃，只有顏色沒有味道，跟馬來西亞的味道還相差一段距離。巴東牛肋條配黃薑飯 ($78)黃薑飯煮得不錯，沒有太濕，配上醬汁吃剛剛好，牛肋條煮得夠腍，十分下飯。＊所有午市套餐均配飲品，可選青檸梳打（凍）或烏龍茶（熱）總結：環境十分特別，檯與檯中間的距離也足夠，算坐得十分舒適，不過環境較暗，進去以後分不到是天亮還是天黑。食物味道尚算合格，不過就沒有十分出色的菜色（在午市套餐裡），以地段與環境來說午市價格可以接受，不算太貴。不過飲品只有兩款選擇實在太少，星馬菜飲品怎能缺乏拉茶？希望店家日後能在午市套餐的飲品上提供更多選擇，相信定能吸引更多顧客。…Read More