Yum Cha

疫情期間，已有多天沒有外出，今日（4/8/2020）因要事要到銅鑼灣，便與同事到這餐廳食吓精緻點心，時間緊迫，故昨晚已訂位，順便賺吓飛行里數，兼有全單85折優惠。二個人點了六個點心，好飽。蟹籽燒賣，足料，好味有色蝦餃，麻麻地陳皮牛肉球，好實肉及有牛肉味睇住流奶，已食多次，每次食都要好小心，以免流出餡，這點心，除可愛外亦好味，所以幾乎每次來都叫炒蝦腸粉，略為遜色，不夠味，如加入XO醬或加辣，會更正金四季豆，第一次食，正，雖然份量少咗些，兩個人就啱啱好…Read More

心血來潮， 去左位於銅鑼灣既 #yumchahk 試新派菜， 黎度有好多可愛造型既包點。 兩個大細路， 顧住影顧住玩… 餸菜都凍哂啦～。          舊時d人去酒樓，可能會拎住籠雀去嘆茶， 等我都叫返籠雀先。鴿吞鳳梨 $59－ 鴿的造型維肖維妙，唔講以為係真的， 熱辣辣的鳳梨酥，外脆內軟快樂農場 $99－ 有齊推介必食的招牌包點各一件 (睇住流奶 、一籠八戒、狗不理腸、吉川奶子、玫瑰花、鴿吞鳳梨)， 其中睇住流奶(橙色) 及吉川奶子(綠色) 都是流沙包， 篤穿面包， 流出香滑奶/綠茶醬， 造型攪鬼趣緻，玩味十足，不捨得食。 而另一款一籠八戒， 是叉燒包來的。椒鹽鬍鬚$79 － 其實即係椒鹽魷魚，推介 炸粉夠薄。蟹籽燒賣$59 － 冇特別， 同平時酒樓食嘅一樣。舉手雞花$79 － 醬汁濃炸粉厚， 食一件已好飽。炒蝦腸粉$69 － 蝦仁夠大夠厚， 雖然腸粉有顏色，但整體味道不足，如果可以加入XO醬就一流。 …Read More

一大班人食飯用 eatigo 訂位「飲茶」有折就變得好抵食，食到好多樣嘢埋單除番開都係百拎蚊位真係抵到爛喔～😚 其實飲茶嘅點心顏值絕對高過味道。試過一次就卓卓有餘吉川奶子 ❤️ ($49)評分：6.5/10.綠茶餡流心包，但餡唔系特別飽滿，亦比較稀。😅 滑稽嘅名令你聯想起啲咩呢？睇住漏奶 ❤️ ($49)評分：7.5/10.最穩陣嘅奶黃流沙包 😙 始終都係傳統嘢好食。感覺流沙包系三款包之中餡料最多 (最正常嘅) 外型可愛，除此之外同普通流沙包無分別一籠八戒 ❤️ ($49)評分：7/10.叉燒包整成豬仔頭嘅概念離唔開得意二字。但總括嚟講都無咩特別。餡料唔係特多同好食。麻麻哋炒蝦腸份 ❤️ ($69)評分：8/10.炒得幾惹味，算系有少少鑊氣嘅小炒。隻醬有啲新意思，鹹腸粉其實幾有潛質同甜腸粉睇齊南乳金角 ❤️ ($49)評分：7.5/10.鹹水角煙韌度滿分。整體都冇乜好評論但算係比較正路嘅點心之一雞雞春卷 ❤️ ($39)評分：7.5/10.春卷遲上食到最後個個停晒手...😂 因為食包食到飽。客觀評論其實整得幾好，擺咗上枱半個鍾之後食依然香脆依然😋 ，而且唔算油膩蟹籽燒賣 ❤️ ($59)評分：6.5/10.綠色嘅燒賣咩味？普通燒賣味囉...但要成$15粒喎其實唔抵食…Read More

平日同屋企人多數係東區食，今晚就諗不如出cwb試下新野⋯⋯早有聽聞飲茶d野食唔錯，造型又特別，所以就預先訂左3位8半。我地早左10分鐘到都即刻有位，剛好坐左係一張對住Times Square的枱。環境都ok，落地玻璃對住Times Square, 客人都唔多所以唔嘈～上菜的時間都算適中，餐具都算比較精緻有特色。先到的係翡翠豆腐，用的是玉子豆腐，感覺都幾清新。我地每人嗌左一杯野飲，個人覺得一般，無咩特別。本來睇menu以為櫻花蝦飯同炒河（例牌）的份量係大約一人份量鬆d，點知原來有3人量。呢3個菜味道都幾好，個人最喜歡係滑蛋蝦球河。一開始最期待的就係快樂農莊，但食落反而無太大驚喜。略嫌包點上枱時唔夠熱，包的外皮好快變硬，所以就算個餡味道ok但因為個皮太硬而失色。總括而言，野食的味道係真係ok嘅，但價錢的確偏貴。好偶爾食一次都可以嘅…Read More

食之前其實已經睇過唔少食評，所以衝住可打卡呢點而黎，同埋因為可以儲里數加上星期一可以一蚊儲一里數，所以就搵埋朋友黎食。可能因為係星期一，所以人唔算多。一入去就見到裝修得唔錯，就甘睇都估唔到係飲茶既地方！雖然只係2個人食，但朋友為打卡所以豁出去啦～兩個人點左幾多野食，價錢其實偏貴。可以考慮嗌拼盤，幾個餸加埋會比單叫平。不過要留意返有啲點心係5點前先有，好似我本來想食'有色蝦餃'，但5點前先有。同埋唔同分店有唔同主打菜式，本來想食'紅都面埋'，但銅鑼灣店冇既。但店員有介紹花生老豆係佢地主打。銅鑼灣店位置近時代廣場，都幾方便。店員都幾好服務，會講解餐牌啲點心俾我地知，加上星期一人少，會幫手針茶俾我地，最估唔到飲茶地方居然要講英文點餐，有外藉員工😂😂…Read More