am.pm (譽發廣場)

Open Now

Now Closed

炎燒布丁疏乎厘是一道結合焦糖布丁與疏乎厘的創意甜品，焦糖味豐富，布丁滑嫩濃郁，疏乎厘蓬鬆輕盈，層次豐富而不膩。甜度適中，奶香與蛋香交織 十分推介，喜歡甜食的你一定鍾意！

油麻地無人不知既黃巴士疏乎厘外賣店🥰好耐之前食過一次，都覺得幾好食，之後每次經過條巷都會望佢幾眼😂😂，今日見佢竟然做緊「夏日感謝祭」優惠，超級抵😱❗️即刻忍唔住買左‼️✨「夏日感謝祭」梳乎厘第二份半價❗️牛角包窩夫75折‼️-💕招牌 炎燒布丁疏乎厘+日本3.6牛乳蛋糕 $60/2pc👅好味指數：8/10疏乎厘中間位置重空氣感，食落口感綿密，周邊位置比中間紮實小小，整體蛋香味同牛乳味都好濃郁。表面既炎燒布丁，燒到有脆片，焦脆香甜🥰-💕 黑糖厚鮮奶牛角窩夫 $38👉🏻$28‼️👅好味指數：9/10牛角窩夫酥脆香甜，微暖充滿牛油香😍，黑糖厚鮮奶 奶味香醇濃郁❗️配黑糖都唔會太甜，真係好似飲緊手搖咁🥰必食❗️-💕 特濃朱古力3.6牛乳 $48👅好味指數：8/10果然係特濃，面層放上朱古力碎片，超級濃奶香同朱古力味，好濃郁好飽肚好解暑❗️-環境：/10服務：7/10好味指數：8/10回頭率：8/10

呢間「黃巴士」am.pm之前成日都要排隊，所以一直未有機會試。今日難得路經此地見唔使排隊，就拉埋個friend嚟一齊試吓。從窗外可以見到店員製作疏乎厘pancakes嘅過程，見到佢反嗰吓真係好治癒。炎燒布丁疏乎厘上面加有焦糖，另加$10可以有日本3.6牛乳軟雪糕，$10實在太抵，完全諗唔到唔加嘅理由，一冷一熱嘅感覺好過癮。另外叫咗金燒奶黃布丁多士，同樣地可以從櫥窗睇到店員嘅製作過程。首先將一塊厚厚嘅多士烘成兩邊金黃，然後平均地灑上砂糖。再用火槍將麵包上嘅砂糖燒成焦糖，店員好細心好平均地將每一個角落嘅糖燒熔，所以食起上嚟每一個角落都有焦糖嘅味道。然後再將多士一分為二，用叉叉起，最後就淋上充滿蛋黃香嘅奶黃同埋忌廉，一份美味多士就此誕生。食過兩款抵食皇牌後有啲口渴，所以就叫咗杯奶昔。呢杯香蕉3.6牛乳奶昔有好香嘅香蕉味，當然亦充滿住3.6牛乳軟雪糕嘅味道，面層仲灑上焦糖脆脆，真係有得飲又有得食，正！😋