am.pm (譽發廣場)

📍 am.pm呢間舖頭嘅梳乎厘人氣No.1！雖然即叫即製，但出餐快靚正! 款式多到花多眼亂，今次仲撞正感謝祭💓，甜品第二份半價，超抵食！🥞炎燒布丁梳乎厘+日本3.6牛乳雪糕係呢度嘅招牌之一！表面層焦糖脆卜卜，一啖落去超驚喜😆梳乎厘空氣感十足，入口鬆軟綿滑，配上濃郁奶香嘅雪糕，凍同熱嘅交融，實在太正！必點！🌟🍵靜岡抹茶牛角包窩夫將牛角包壓成窩夫，即叫即製，外層烘到金黃酥脆，一啖咬落去咔咔聲，熱辣辣香氣撲鼻🤤重點係嗰抹茶粉，沈左超多！選用日本靜岡抹茶粉，茶味超濃郁回甘，微微甘苦中和咗窩夫嘅甜膩，邪惡又滿足！💓🍯蜂蜜珍珠牛乳呢杯真係真材實料！一睇就見到杯底勁多蜂蜜，甜得嚟好滋潤養顏～啲珍珠煮得啱啱好，煙煙靭靭超Q彈，配埋香滑嘅牛乳一齊飲，口感同味道都完美配合，每一啖都係享受！🍵宇治抹茶珍珠牛乳抹茶控至愛！😍選用頂級宇治抹茶粉，茶味甘香濃郁，入口回甘，完美中和甜膩感～搭配Q彈煙韌既珍珠同香滑牛乳，每一啖都係煙韌同濃厚茶香嘅交織，味道層次豐富，清新又解渴😌…Read More

宵夜當然要食個甜品，位於油麻地有架好搶眼既黃巴士，相當有玩味性，專門食梳乎厘同雪糕，味道款式很多，我同男朋友諗左好耐先決定到食top 1 既 炎燒布丁梳乎厘+日本3.6牛乳雪糕。落單後需時大概15分鐘，透過大玻璃可以睇到員工即叫即整，到手時香噴噴熱辣辣，2大塊空氣感十足既梳乎厘口感綿密，入口即溶，加上面頭薄薄既焦糖，多了一份香甜，旁邊係3.6牛乳雪糕，奶香味濃，顏色粉紅粉藍色，即刻少女心爆燈。整體感覺配搭得好好，可能因為唔係堂食，60蚊利講算幾抵，CP值高，值得一讚既係個盒係紙材質的，雖然隔熱程度一般，但勝在夠環保。…Read More

炎燒布丁梳乎厘+日本3.6牛乳雪糕 $60雖然唔洗排隊買 但等左都有15分鐘先有得食 Pancake上下疊左兩塊🥞都幾鬆軟且有蛋香 炎燒焦糖面好脆 連埋pancake食甜度剛好 雪糕既牛乳味唔算香濃 但配pancake一冷一熱咁食都有加分👻…Read More