Australia Dairy Company

第一次嚟澳牛一去到見到條長人龍真係嚇親閒日早上都咁多人足足排到轉角位不過澳牛嘅光速真係唔係講笑雖然有幾十人排隊但唔駛10分鐘就已經可以安排入座因為拎住個大袋侍應哥哥好好人咁專登安排我坐牆邊有櫈放嘢澳牛嘅環境係比較逼但要坐得舒服嘅就唔會嚟澳牛啦一坐低侍應姐姐就放低杯茶同落單由於一早聽聞過澳牛嘅極速傳說所以我都一早諗定食咩蛋就跟咗隔離位先生叫太陽蛋落完單轉頭就即刻嚟碗通粉一食落口有驚喜湯底比一般濃厚通粉食落軟硬適中轉頭就嚟太陽蛋多士烘底略嫌偏生咗少少不過我都明有啲茶餐廳嘅太陽蛋係偏生用嚟夾多士還好塊多士比一般厚索埋啲蛋黃同牛油好好味食食吓見到附近有人食炒蛋個樣好吸引（之後search返先知原來佢炒蛋好出名）食完蛋同多士侍應就即刻幫我收碟同落嘢飲有啲人可能覺得咁做係趕客但其實呢種效率正正係澳牛嘅特色而且收走啲碟唔會阻住飲品到都係一種貼心表現好難得仲有茶餐廳有熱唂咕飲真係夠晒熱驚阻住佢哋所以我都盡量吹凍飲快啲侍應哥哥見到反而叫我慢慢唔駛急好多人話澳牛服務態度差但我見幾位侍應都好體貼現場不斷有BB喊佢哋一啲唔耐煩都無面對外國遊客又會耐心解釋佢哋講嘢可能大聲啲做嘢又快又急但佢哋做嘅嘢充滿住人性化喺呢度我深深體會到香港人外冷內熱嘅寫照食完埋單走人前後20分鐘都無名不虛傳嘅光速澳牛嘅快完全切合香港呢個咁講求效率嘅地方佢自有一套嘅規矩有人可能覺得無服務質素但理解過後反而覺得呢個就係佢嘅魅力下次要試吓佢嘅炒蛋～…Read More

去開佐敦有時間食個早餐，10點趕時間 望一望 澳牛 唔使排隊直入👌🏼入去就被指示座位，「早餐」係不二之選啦！ 火腿通、煎蛋、多士，飲品唔好叫住呀！你想叫都會俾伙記話「遲啲先」。火腿通粉 一上枱碟粉吓咁少嘅？（我即時拍照）撈底都係少粉，出聲冇人理伙記叫老細答：係咁架喎！😤服務態度差通粉唔熱，多士 、煎蛋都正常。呢餐🫤～～～～～～～～～～～～～～～～呢個時候同枱坐低國內遊客，指住枱面大餐牌，用半咸淡廣東話叫：炒蛋多士、火腿通粉、奶茶。 伙記問係咪枱面指住個啲？ 對方答：係。 見佢上枱食物擺樣係靚過我個啲少少，但係收佢 單價計 我悄悄同佢講：呢啲係「早餐」，我指住早餐及價錢牌佢睇，下次識叫啦！走出門口回頭見得幾個排隊，拍照留影。佐敦仲有好多選擇。…Read More

香港餐廳代表 不得不提澳牛!!!今日經過一如以往 大排長龍,但澳牛出名 快! 狠!! 準!!! 所以其實排到轉埋彎都只係3個字內既事入到去當然馬上感受到香港既節奏~快 落單唔駛2分鐘 ~全部野已經都上齊(野飲要後嗌)多士半燶 ,有咬口 好味炒蛋唔知點解得佢做到咁滑 果然係招牌奶茶有用碎冰 值得加分 ...奶同茶夾得好好 好順口 唔澀 總結:話澳牛係香港最強早餐一D都唔失禮,除左環境 同要食得快 點會唔推介哩 …Read More

長期都要大排長龍，今日見冇人排就沖入去食個光速餐!環境就一般而且坐得迫,不過D野食好食搭救到~澳牛食早餐從來唔洗諗直接黎個早餐就OK早餐$43火腿通粉湯底非常之好味,出到好順滑軟棉棉概FEEL，通粉又夠爽口彈牙烘多士外脆內軟,成塊多士烘到脆一脆,再搽埋牛油不得了炒滑蛋質地嫩滑同埋好香蛋味澳牛概炒蛋咁多年都係招牌黎好滿足~成個早餐20分鐘內完成哂~澳洲牛奶公司地址 :佐敦白加士街47-49號地下電話號碼:23117363營業時間星期一至五06:45 - 20:00星期六06:45 - 18:00星期日全日休息#濠愛美食 #hkfood #Hkfoodblog #Food #food blog #香港美食 #香港美食指南 #相機食先 #佐敦美食 #早餐  #性價比 #上班一族恩物 #澳洲牛奶公司 #炒滑蛋 #烘多士 #火腿通粉 #光速餐 #澳牛…Read More

已經想食試下這間餐廳好耐，見次次都好多人排隊，一定好好味好吸引，但又唔想等咁耐所以無食，今日唔洗返工，同老公拍拖經過開，又見唔洗等，所以試下。店舖食物款式唔多，早餐只見得一個選擇，不過食過就知，一間食店不用太多款，只要做得夠精，就真係會有好多回頭客。點了火腿通粉，炒蛋，凍奶茶落單後唔洗1分鐘，即刻有碟腿通，超高速度，而湯底超正，飲晒。多士炒蛋更加一絕。我喜歡牛油，呢份炒蛋有很香濃牛油味，除了牛油外可能還加上雞湯似的，炒得很滑很Juicy。除此之外，多士外面脆身，內裏軟綿綿，整份早餐炒蛋是最正的。凍奶茶都調配得很好，香滑而甜度很啱口味最後點了蛋白椰汁鮮奶，一流…Read More

終於一嘗澳牛早餐～呢個早上異常地想飲檸茶，咁耐冇食過又試下依家嘅質素係咩水準！熱檸茶～依然好飲，夠熱同埋茶底正！(其實好想飲凍架…..不過唔得啦…養生～)火腿通粉～湯嘅味道同以前一樣冇變！其實湯嘅味道都幾重架！火腿足料，味道正常！炒蛋多士～炒蛋係呢度名物，去澳牛唔食呢樣野唔好同人講去左澳牛😂多士同以前咁上下，入口脆脆地既厚多士。炒蛋呢就….睇個樣都唔同左樣🥶係咩原因咁稀？一攤野咁🙈食落去完全唔係個回事Lu～整體質素平平，還好杯檸茶仲係幾好😗…Read More

今日做左一天響導帶幾位澳洲朋友遊香港，先到此店食早餐，原因係近尖沙咀食完慢慢行穿過九龍公園觀下鳥，再行下尖沙咀商場，再坐小輪過海都好順路，係一個理想行程出發點。而且此店一直保持水準咁好味，門口排隊等15分鐘都值得。如果單人去食幾乎不用排，不用2分鐘入得。店內有廿個員工，見佢地不停穿梭左右好勤快，由點餐到上餐都勁快，工作效率好高。我地一埋位唔駛諗就叫早餐，牛油方飽炒蛋火腿通粉凍奶荼($40)。方飽厚切外脆內好鬆軟食出層次，蛋好滑有蛋香，方飽夾住蛋一起食好完美。通粉湯清清地通粉軟硬適中好爽彈牙，火腿絲不夠味沒有存在感下次轉叉燒比較好味。奶茶有茶香又滑又濃。整體上，每個細節都做得好滿意一直保持水準。另外，此店另一賣點就係香滑蛋白燉鮮奶和杏汁燉雞蛋，來到此不能錯過甜品，燉奶和燉蛋好有水準，時間掌握好好，香滑细腻、入口即化的口感，燉蛋好有蛋香，一啖啖食好滿足。…Read More

今天來到位於佐敦的澳洲牛奶公司吃早餐，大概是店因清明節和週四例假休息了兩天，所以人龍超長。好在是光速餐的始祖所以等了不是很久。早餐其實選擇不多主要是麵包要不要烘底，雞蛋要炒蛋還是煎蛋。上餐速度真是超光速點完馬上便有得吃。煎蛋其實沒有什麼特別，炒蛋真的很滑。其實重點係碟火腿通粉，筆者食過很多茶餐廳的早餐通粉，通粉不是太林就是太硬，澳洲牛奶公司的吃下去軟硬適中又真的像吃麵條的感覺。最後我點了個餐飲奶茶當早餐來說也是一個很好的終結。…Read More

澳牛對我有種莫名的魅力，明知入面會千軍萬馬、很緊張，但它的炒蛋和奶茶總叫我回來再吃或許有人會因為這裏的光速卻步，但我覺得這裏的快是下單必須要快、狠、準起碼我這吃飯吃很慢的人未試過因為吃得慢而被罵(當然也不要慢得離譜啦！)早餐、炒蛋、多士，就這讓完成了下單的程序，接下來就是等食物送上，通常1-2分鐘就有炒蛋多士：這𥚃的炒蛋一直是我心中的no. 1又嫩又滑又香我知它的熱量很好，但我總是無法抗拒呀～一旁的多士用了厚方包，表面烤得脆脆的，中間鬆軟配搭炒蛋食火腿通粉：就是正常茶餐廳的火腿通粉，沒有特別好吃，但也沒有特別難吃奶茶：來澳牛的另一重點，奶茶又香又滑，也是我的最愛…Read More

應該冇乜香港人未食過澳牛,前幾年我去開附近一諗唔到食乜都會去食,不過近年就少咗好多.嚟呢度都係食火腿通,火腿絲份量同我之前嚟嗰陣冇大分別,味道鹹鹹哋咁,通粉亦冇煮到好腍,簡簡單單已經好惹味.炒蛋多士,炒蛋仍然滑溜,搽咗牛油嘅厚身白麵包烘到有少少燶燶哋,食落香口.最後就快快手飲埋杯熱奶茶就走喇.呢次再去,門口仍然有好長嘅人龍,座位仍然都係背對背咁坐,啲侍應哥哥仍然都係咁快手快腳,唯一唔同嘅係,前幾年好有霸氣嘅侍應哥哥好似收歛咗,以前係你叫嘢食嗰陣諗多一秒都會催你,而家就溫柔咗好多,嗰日仲見到佢哋會同啲旅客傾下偈呢.…Read More

澳牛嘅朝早總係人滿為患嘅，11點前都是一條大長龍，到咗下午會好好多，不過排長隆都唔驚吖，因為呢°真係幾快下嘅，排個5分鐘一般都有位坐喇，點好單之後再等個五分鐘D嘢就上曬來喇，可能大部分嘢都係現成嘅，所以速度真係坐火箭咁快吖。澳牛不愧係做奶加，呢度奶茶真係滑一滑嘅，都幾好飲，炒蛋多士，炒蛋好食，好嫩滑，用咗D奶油同牛油來抄，味道好特別！火腿通粉，味道唔錯，湯都幾鮮，我成碗都食光光吖！蛋白燉奶，望落去就滑溜溜嘅仲好有彈性添，哈哈，燉奶有D蛋味但係唔會有腥味，口感真係好好，不過好可惜食到最後決定有D膩，可能是甜味問題，唔應該咁甜嘅。厚多士，多士煎咗下，好香氣，味道都幾好，可以成日來食。…Read More

由細食到大，早已習慣澳洲牛奶公司的餐廳文化，就是點餐要簡明，食得要夠快。近年早餐時段餐廳都大排長龍，甚至排到去毛冷店。早餐的火腿通粉，湯底有點過鹹，通粉煮過林，但是我就是喜歡這樣的質地。雙蛋多士可改為蛋治，蛋炒得非常滑溜，厚厚的炒蛋被新鮮軟熟的麵包夾著，很好吃！…Read More

早排見有食友話呢間野好食,,今朝同太太去試下,去到已經要排隊,太約都有十數人,等咗15分鐘到我地有位喇入到去,地方比較迫,我地安排坐卡位,卡位張枱好細張,對面2人叫既食物都已經放咗3/4張枱!之後我地叫埋食物,張枱就迫到插針都唔入!唯有大家遷就下!火腿通粉>>好食,好似以前細個食個d味道牛油方包+西煎雙蛋>>厚切方飽好味,唔會太硬或太脆!煎雙蛋可選炒蛋,兩者都好滑,凍蛋白燉鮮牛奶>>入到去緊要試下呢個,真係好味,好滑!唔會太甜!正!!凍奶荼>>同一般茶餐廳差不多熱檸水>>同一般茶餐廳差不多…Read More

四月九日 (星期六)今日要一大清早出去佐敦拎身體檢查報告護士說要最少比原定時間多等九個字,建議我先去吃個早餐老公仔一早就出來陪我本身想買個外賣吃最後可以一起到AMC吃甚少一同吃早餐的我們叫了一個燉鮮奶和一個早餐火腿通,火腿切得碎碎,湯底偏咸的以早餐來說兩個人SHARE也足夠了炒蛋多士香滑的炒蛋,永遠是早餐的好選擇!凍檸檬茶加上滑滑的熱燉奶為我們的早餐加上了一個完美的句號正所謂一日之計在於晨,如果每日都有得吃AMC的早餐,你說多麼美好!…Read More

曾經路過白加士街多次, 但今早才是第一次光顧.沿路經過鄰街的餐廳及冰室, 早餐費介乎二十至二十二元, 不過客人稀少, 而澳牛的早餐賣二十六元, 全場滿座, 名氣果然利害, 亦見有些遊客慕名而來, 也許澳牛是國際知名的茶餐廳, 只是身為港男的小弟見識淺薄而已. 型男班服務員的英語不俗, 跟遊客帶位時說 "move , move...", 很有趣, 遊客門微笑跟着服務員, 他們用英語落單, 服務員也用英語溝通, 配合簡單手語便不成問題, 也許是别無他選的早餐.我坐下後行李放在身旁的吉椅上, 服務員立刻给我—張摺椅放行季, 因為已經有客人準備坐下, 原來三位是家庭式茶餐廳老闆, 一邊食邊细語品評澳牛的優點與缺點, 令我免費上了寶貴的一課. 早餐落單後, 聽到數位服務員阿哥語带緊張地說 "抄牌, 抄牌", 我見一位中年男士立刻從檯羣中跑出店外, 遊客們只是望着, 而不知道這是香港食店的特色. 火腿通粉首先上場, 吃了二囗只感鹹味, 湯底重手了少一點, 相信早上大多數客人也想吃得較清淡, 可幸通粉仍然彈牙, 火腿絲每條尺吋也统一. 多士 + 炒蛋原來選厚多士不需收附加費的, 牛油已溶入多士内, 所以只見多士上薄薄的牛油而不是牛油層, 仍味道香脆, 著名炒蛋當然嫩滑, 不只是加多些油炒便成, 否則會感油膩, 鲜黃色的賣相也非常吸引. 我本想選熱鲜奶, 可惜不能加十元八塊, 而需另外購買($15), 只好選回熱奶茶, 我對奶茶没有研究, 故熱度夠便成, 維記熱鲜奶留待日後寒冬的晚餐. 我不覺阿哥們服務欠佳, 只感快而準, 他們没有多餘的對話及動作, 否則衆多門外排隊的客人便更需慢慢等了.上星期試過民華, 今次是澳牛, 接着試哪間名茶餐廳或冰室?…Read More