Running Chicken (Chiu Tak Mansion)

呢幾日天氣開始凍咗🌬 #打邊爐 啱哂不過 @runningchicken_hk 可以一次過滿足3️⃣個願望#懲罰 #打邊爐 #食雞煲 🤣🤣我地一行6️⃣人 叫咗兩個例牌 姐姐話例牌係for 2-3人份量#黃金芝士雞煲 #激量 $198重芝士 有拉絲 正😍 而且原來佢地雞煲係用雞脾整 所以幾乎件件肉🤤 好少骨#火焰麻辣雞煲 $188呢個真係貨真價實 有火焰俾你睇🤣🤣滾到咁上下 姐姐過嚟起🔥 起前仲問我地要唔要預備電話🤣🤣#溫馨提示 未試過佢地嘅辣嘅朋友 唔好太重手 我朋友識得吓辣 佢揀咗🌶🌶 都差啲頂唔順😱雞煲完當然就係加湯 #打邊爐配料逐碟計 特別講講 #鮮炸響鈴 #全份 $56堅係佢地自己炸 脆卜卜 推🙌🏼推🙌🏼推🙌🏼=====================#黃色經濟圈 #yellow深水埗 #yellow長沙灣 #yellow雞煲 #hker #hongkongfood #香港加油 #食好西😋 #互推互追互讚 #nofilter …Read More

雖然天氣熱，但阻唔到我食雞煲嘅！我仲要食火焰麻辣雞煲，夠哂刺激！地方光猛整潔服務仲幾好，撈醬攪拌一一有店員代勞，我坐喺旁邊欣賞，「逢」一聲點起火，慢慢聞到香味撲鼻。超級惹味，雞件量多，靚洋蔥同蒜炒半熟勁好食。食飽加雞湯，打埋邊爐認真爽！新鮮靚脆鯇片，大大塊蝴蝶形，份量多口感幾爽脆抵食。必叫手切新鮮牛頸脊同竹笙墨魚滑，牛頸脊牛味濃郁纖維口感較幼細，咬落有少少肉汁。原來墨魚滑釀入竹笙好好味，食到竹笙吸到湯汁又食到墨魚滑嘅爽，好高滿足度。食埋打邊爐唔少得嘅生菜、粉絲、稻庭烏冬，雞煲邊爐一tick過滿足哂！…Read More

上次試過芝士雞煲後，心思思想試埋呢個火焰麻辣雞煲！加上最近天氣凍所以就約埋朋友一起去長沙灣的米走雞。長沙灣的裝潢是典雅的中國風，比較起其他分店有特色。座位都很寬趟坐得舒服。 我地叫左一個小辣的火焰麻辣雞煲！如果第一次食的朋友可以參考枱面貼住的食用指示同推介。上面的指引好清晰。火焰麻辣雞煲：上枱時店員提醒我們先不要打開蓋，過了一陣店員將辣汁加入再用火槍點火，即變火焰雞煲！我地看到哇哇聲。雞煲内的配料有姜，洋蔥，芫茜等，一打開蓋就聞到香味四溢，非常惹味！！而且雞件分量一如既往分量十足，啖啖都係肉。雞件嫩滑！加上醬汁惹味令人食唔停口。麻辣的辣度適中不算太辣，不過有後勁。食完雞件我地就加左清湯打邊爐鮮製四拼餃：裏面有4款不同的餃子，全部都皮薄餡靚。其中我最喜歡的就是韭菜餃和鮮蝦雲吞，韭菜鮮嫩崔綠，鮮蝦雲吞爽口彈牙。西班牙黑豚肉：黑豚肉味道令人驚艷！豬肉味道重並帶有濃郁的橡果香氣味 ，肉質香甜唔蘇。鯪魚釀豆卜：豆卜盡吸雞煲的精華！加上 鯪魚確鮮甜可口。係打邊爐不錯的選擇。竹蔗茅根：唔甜，飲得出係自己煲的！！！ 而且好大(楂)，打邊爐下火最好。 …Read More

剛剛入秋，天氣開始轉涼，又是吃雞煲的好時候，不想找新餐廳，於是今天來了長沙灣的米走雞。米走雞招牌芝士雞煲，但今晚回歸傳統吃麻辣雞煲，火鍋配料選擇夠多，價位適中。火焰麻辣雞煲雖然今晚只有三個人，但仍叫了大份的麻辣雞煲，侍者上桌前先燃點起火焰，一股麻辣香氣撲鼻而來，一嚐雞件，舌尖立馬發麻，夠香夠麻夠辣，味道令人上癮，雞件份量多，肉質鮮嫩，注意雞煲會越煮越辣。特級雪花肥牛來一客大份的雪花肥牛，雖然是價位較便宜的一款牛肉，但質素卻絕不馬虎，沒有將貨就價，油脂分布恰如其分，厚薄適中，輕嚼一下，香濃牛味在口腔爆發。鮮炸響鈴店家自炸的響鈴，將之放入濃郁的湯底之中，吸收湯底精華，半軟半脆，口感豐富。鵝腸鵝腸肥膏醇厚甘香，腸身爽脆，非一般街外無味啤水貨色。蜂巢冰豆腐打邊爐遇上優質湯底，必須來一客凍豆腐，早早放入鍋底吸收味道，一口咬下，湯汁在口中蕩漾。…Read More

係香港，一年4季都係喜歡打邊爐，打邊爐有分港式，日式，同最近大熱的台式臭臭鍋，養生鍋都已經一一食勻。所以今日同老公選擇回歸食番雞煲。論麻辣雞煲，之前食過觀塘米走雞(以前食開紅磡x品，但d雞件越來越細，因為佢的雞件又大又滑，而且麻辣味道夠重，所以今次都係食番佢，但就另一間分店，因為青山道呢間有位可以將間車泊街(當然係違泊)。呢間係地鋪，位置闊落。一黎order左個細火焰麻辣雞煲(中辣)，一杯咸檸7,一杯凍檸茶。個雞一上場會有呀姐幫手點火，一陣食得就幫你開蓋同攪拌。D 雞又大又滑，淡淡肉，而且唔會見到d雞頸，頭呢d唔係咁好睇的位置，麻辣味:食完個雞煲已經好飽，所以淨係叫一碟細特級雪花肥牛，半份娃娃菜，一份鮮製四併餃。牛肉雪花分佈好靚，牛味重，唔太肥，雖然148蚊有d貴，但質素上值呢個價錢。鮮製四併餃係鮮蝦雲吞，韮菜水餃，鳳城水餃及鮮牛肉餃。 d 餃大大粒，真係即場包，唔係係雪櫃執番出黎，粒粒圓大，好味，雲吞同牛肉餃味道最出色。埋單500蚊，雖然冇食海鮮但都非常滿:…Read More

經過早排個幾星期寒冷天氣日子， 還暖不過兩天，最近天氣又再次轉冷， 天文台更給予寒冷天氣警告， 日頭工作時已感覺有點凍， 到了晚上確實冷得很， 唯有晚飯食啲滾熱辣的食物,食後令身體有種暖笠笠的感覺。 結果 ，又再去食米走雞的麻辣雞煲。今次食勁d, 既然幾個友人都食得辣， 嚟煲兩隻辣椒仔嘅火焰麻辣， 看看到底是不是真係勁辣， 同樣材料有洋蔥、中芹、芫茜、乾辣椒， 但今次的雞髀肉視覺上確實大隻很多。 眼看師傅三兩下手勢，已把雞煲炒好， 蓋了一陣煲蓋後， 我們便急不及待夾起雞髀肉嚟食, 首先辣嘅程度不是真正太辣，但麻痺感覺 重好多。好香濃嘅麻辣味滲透在每件雞肉內， 每咬一啖肉都令舌頭有種堅麻痺嘅感覺，由於味道實在是太惹味,加上雞脾肉厚肉而豐滿， 不消片刻，整煲雞煲已被幾個大男人三扒兩撥地數清光。 接著下來當然是加清湯，再來下半場打邊爐。打邊爐配料分別叫了西班牙黑豚肉、美國桶蠔、手打鮮蝦丸和生菜。 先來雞煲接著打邊爐， 食完大滿足。今次的西班牙黑豚肉，品質有水準， 單看色澤已經十分鮮嫩， 加上肉和脂肪分配比例各一半， 豚肉味香濃，口感丰富有嚼頭。而整碟份量也很多,價錢$188，確實不贵。美國桶蠔，自己在街市買也需要80蚊至90蚊， 在這裏才148蚊， 而每一隻都大隻，加上十分肥美， 啖啖肉食落沒有沙粒，十分抵食。至於手打鮮蝦丸， 著實有驚喜。 因為手打關係，粒粒都大粒之餘， 每粒包著嘅鮮蝦都有幾隻咁多。加上每一隻食落口感都新鮮彈牙，肉丸索滿了麻辣湯底嘅麻辣味， 味道富有層次感， 先品嚐到有麻辣味，食食下就食到鮮蝦嘅鮮味， 加上彈牙的口感， 我個人覺得必點這火鍋配料， 只售78元，低。最後生菜，新鮮鮮嫩，食落無渣，口感很爽口。食完這次麻辣雞煲加打邊爐後，成身確是暖笠笠， 回家路上也不覺寒冷， 麻辣雞煲真是幫助不少。…Read More

天氣太凍，當然去長沙灣米走雞打邊攎！位置係港專職業訓練學院對面，係mtr c2出口還要行大約8分鐘……我們一家入舖已經有禮貌職員招待，並叫左大既麻辣雞煲,揀左小辣，職員用点火器点起麻辣雞抄起幾下，香味隨即漂下漂下，好香呀！然後叫竹蔗茅根，味道小甜，好飲！入面除咗有竹庶還有红蘿蔔粟米等等還叫手打五寶拼盤，口感彈牙好食！鳳城水餃，芝心丸(半份)，雜茹拼盤，脆鯇片，翡翠苗，新鮮牛頸脊。生菜，稻庭水餃，每款餸菜真係用料上级，我地5人打邊爐食材岩岩好！…Read More

早前已聽聞這間店很出名，今天特意來試一下店的size挺大，座位很多它是以雞煲為主題，吃完雞後可以加其它火鍋的材料先點了一瓶涼茶降火我點了一個少辣的雞煲，有專人過來幫我們為我們服務，感覺真好雞肉很滑很滑，整個雞煲都是雞脾肉，所以全部雞都差不多吃完吃完雞後，加了一些手打丸，它真的很大，而且材料很足，咬下去太爽吧水餃的size也是很大最引頸而待的是牛肉，它的肉跟脂肪比例很好，不會只偏重一方，所以咬下去口感特別好這個菜也是比較少在火鍋店出現最後這個魚片很新鮮，也不會太腥四個人吃得很飽，價格也不貴，下次一定再過來…Read More

上一次食完太子間米走雞之火焰麻辣雞煲後， 之後成日心思思想再食一次。 今晚決定 和太太去長沙灣分店再食一次，以解相思之苦。這間店舖雖不夠太子那間大，但勝在有兩間相連鋪，而多張卡座足夠六個人坐，我們兩個人坐夠晒宽敞。店舖裝潢富有中國特色，牆身和燈都古色古香，加上座位擺設分明，井井有序，令四週環境更見明亮。其實個人好想試這店的芝士雞煲， 因全城最出名的。但又怕腻，而太太不喜愛芝士，惟有再食火焰麻辣雞煲，好在我都好愛食， 所以我哋叫咗bb辣食下。這麻辣雞煲除了用大量麻辣烹調外， 還用了其最佳配料-分別是芫茜、蔥芹和洋蔥，令味道更佳更惹味。而烹調方法更赏心樂事，由侍應即場炮製，首先雞煲打開， 一點火便團團火焰升起，侍應便連隨落麻辣醬不停炒炒炒，大概二至三分鐘之後， 陣陣麻辣香氣狂湧而來，只是嗅已十分開胃。而我們點的小雞煲份量都唔少，有4隻雞髀肉之多。而雞髀肉質嫩滑，雞味足，啖啖大口極滿足，加上麻辣濃郁香味，令味道辣而香，而bb辣不可睇少，雞完全入哂麻辣味，好食到大汗叠细汗。食哂啲雞當然跟住打邊爐，雖然已飽到大半，但d汁實在太香濃， 當然不要錯過。 加小小湯底又可以再擦一餐，超級大滿足大興奮。最後點了兩條火鍋配料,分別是特級雪花肥牛和虎蝦，加碟烏冬少少地過瘾下。這碟特級雪花肥牛好靓， 花紋美極，色澤鮮紅，而且切得片片厚薄適中，牛肉油脂均勻，牛味香濃。而虎蝦更爽更甜，一碟6隻，隻隻大隻。雖然是急凍多，但蝦肉結實彈牙，蝦膏勁多，好濃烈蝦味，超爽彈，每人食3隻大豐收。食過太子、長沙灣兩間米走雞後，感覺其火焰麻辣雞煲確實愈來愈正，下次要升level嚐嚐其細辣的威力。…Read More

星期一去咗長沙灣道買啲嘢,跟住經過有間火鍋店見到有好多報道貼左係間鋪頭嘅門口,所以停咗喺度望咗陣。見到好吸引，所以走左入去食火鍋。呢間火鍋店出名係黃金芝士雞煲。但係因為我朋友話芝士會太膩，兩個人食唔晒，所以我哋叫咗去另一種特色火鍋-火焰麻辣雞煲。估唔到佢哋呢個麻辣雞煲都好有特色，因為首先佢哋要煮滾咗個雞煲，跟住點火落啲雞度，好似用明火咁樣燒下燒下跟住再落啲辣汁落去煮煲等多一陣。嗰啲麻辣雞香味就已經係一震震咁樣一漂入我個鼻嗰度啦。其實我已經急不及待想食架啦。但係個服務員叫我地等多陣，因為啲雞未熟晒。等咗一陣服務員一打開嗰個蓋，我就即刻夾咗嚟食啦。其實個雞都幾滑，唔錯。同埋佢嗰個麻辣醬汁我覺得真係幾香濃架，好味。之後我哋叫咗好多嘅食物，重點要講講佢嗰個韭菜餃同埋牛肉片，真係一絕啊！記得一定要叫！總括嚟講呢間鋪頭個環境唔錯又乾淨又光猛，仲坐得幾舒服添。啲服務員態度又非常之和藹可親，同埋就算幾忙都係笑笑口咁架。咁都真係幾好嘅，因為食火鍋最驚就係見到啲職員黑口黑面架嘛。以下就係我地叫嘅嘢食：鮮炸響鈴$48-呢個自家製嘅鮮炸響鈴，非常之脆，好有口感，因為比一般嘅係響鈴厚少少，仲有香香地嘅豆香味。鮮製四拼餃$88 -呢四種餃，都係皮薄餡靚，非常之新鮮同好食。重點介紹佢嘅韭菜餃定要食，因為d韭菜又香又甜，正到爆！特級雪花肥牛（小）$98-雪花肥牛都切得厚厚地，d肉質有彈牙感，最緊係個湯到煮一煮之後，啲牛肉加埋啲麻辣味，真係非常正。因為啲牛肉好有牛肉味，仲香噴噴。油麥菜（半份）$22-啲油麥菜都非常之新鮮同脆。可以叫半份，如果兩個人食就啱啱好啦。翡翠苗（半份）$22-都係非常新鮮，而且甜。washi鮮墨丸$78-鮮墨丸非常之彈牙，而且有wasahi汁係中心，味道都幾得意。…Read More

朋友第一日返新工，竟然呻個部門原來就快俾其他部門吞併，變相要做多好多工作同埋要UNDER多幾個人。為左平服佢唔知點嘅心情，所以帶左佢黎呢度，以悲憤化為食力順便聽佢訴下苦。本身想點呢度嘅招牌芝士雞的(隔離枱個個都點)，點知友人話同女友食過，所以想試另一款。估唔到有驚喜！－－－火焰雞！上枱嗰時無咩特別，同普通雞煲賣相差不多，但當店員蓋上煲蓋，等左一陣。。。着火了，燒左差不多半分鐘有多，期間散發出濃濃嘅香料，酒精同燃燒雞肉嘅油脂香味，真係令人食指大動。雞肉全部都係雞脾位，所以食落啖啖肉而且十分嫰滑。雖然我地點嘅係小麻辣，但已經好夠味，西芹花椒八角同辣椒嘅味道都好出，洋蔥仲要兩溝，白，紅洋蔥都有，令雞煲增添唔少香味，食落有啲似沙爹湯底咁。唔錯。同埋份量真係幾多下，兩個人食完個雞都飽咁濟。食完雞當然要加湯打埋邊爐啦，點左招牌五寶丸，雜菇拼盤，同埋翡翠苗。菇類洗得夠晒乾淨，抵讚。翡翠苗都好爽脆，輕灼幾秒，吸啲湯汁十分可口甘甜。招牌五寶丸：有牛肉，豬肉，鯪魚，蝦同埋墨魚，每款都結實彈牙。食得出手打的確係唔同啲。其中最鐘意蝦丸同埋鯪魚丸，打到起膠之餘仲加入蝦碎同魚肉碎，增添口感同食味。最後點多個手切牛頸脊，真係無得彈。牛頸脊蝴蝶形開邊，厚薄同油脂雪花均勻。擺落滾湯中數十秒，已經食得。入口軟腍有咬勁牛香同肉汁四溢。而且份量又係唔話得咁多，真係食雞煲嘅最佳配搭。其實返工，UNDER咩人又有咩所謂？放工食餐好嘅，咩煩惱都無晒啦。…Read More

香港係一個彈丸之地，交通方便，加上通訊快捷，食肆只要有實力夠GIMMICK,開喺邊都一樣有捧場客。早十年食雞煲嘅潮流由大陸傳到香港，迅即掀起熱潮，雞煲店成行成市，梗有一間喺左近，開得多食得多自然少咗新意。早幾日喺網上見到介紹芝士雞煲，以為又係鬼佬芝士火鍋，睇真啲原來真係芝士同雞煲兩樣重口味CROSSOVER!無理由唔叫齊腳試吓嘅。 呢間舖由幾個年青老闆經營，連BOOK枱都與時並進，可以用WHATSAPP預約，由於我哋即興想食，唯有到現場排隊，一去頭已經有人等位，全場爆滿，等咗大概一個鐘先有得食。舖頭裝修簡約乾淨，座無虛設但不覺擠迫。 喺門口見到大大個燈箱賣廣告，主打黃金芝士雞煲同火焰麻辣雞煲，今日一於打孖嚟試晒兩款雞煲。 黃金芝士雞煲(大)$188芝士湯底比起芝士火鍋仲要杰，但煲入面有芝士雞湯打底，加埋大量乾葱同洋蔥，略略加熱已經「芝」味濃郁，漸漸溶化成芝士湯。雞煲用晒雞髀肉，啖啖肉，用力一夾已離骨，雞肉鹹香，啖啖邪惡美味😋😋有芝士當然唔少得一丁麵，將麵烚到剛剛腍，一夾上嚟沾滿芝士汁，稍為攤一陣，等芝士完全黐實麵條先食，真係超美味😋 火焰麻辣雞煲(大)$178麻辣雞煲食得多，好好奇如果火焰法？原來雞煲一上枱侍應會為雞煲點火！真係新奇又好。睇完表演，侍應幫我哋撈匀個煲，務求每件雞都沾滿麻辣汁，而且可以將乾葱洋蔥放到底部煮熟。麻辣汁頗有水準，食完遍體生煙，暖笠笠♨️ 魚歡喜$78生料配料同出食到分別不大，最得意係一條魚形墨魚滑，仲用蟹籽砌成笑樣，好睇但味道無特別。不過嚟呢度主要見識吓邪惡組合芝士雞煲，食完先知飽，打個飽嗝都係芝士味，真係要減番3,5KG先可以再嚟食。…Read More

老友相約吃芝士雞煲, 加上丈夫的推介, 那沒有不來吃的理由吧!  開業數個月已經有火旺的場面, 加上大多數的傳媒採訪, 這雞煲真是值得吃。奈何因為一些溝通誤會的原因令原本可以完美收場的雞煲夜產生了不能磨滅的傷痛, 實屬與個人名譽有關。  原本想把這次不良記憶埋藏, 可是米走雞所賣的雞煲與火鍋生料是何等新鮮、何等美味, 我卻捨不得把它們掩蓋, 食物是無辜的、廚師的廚藝是無辜的!茶餐廳的格局, 日間賣快餐, 晚間賣雞煲。一室只有座位數拾, 熱呼呼地吃雞煲, 幸好座位靠不緊密。天花掛上一臺大電視, 電視撈雞煲還是首次!每張檯上都擺放了一籃「用餐良伴」, 筷子、牙籤、調味品還有一筒畫火鍋紙需要用的筆, 可是鉛筆掘、原子筆無墨, 幸好同行友人有帶筆。米走雞只賣兩款雞煲: 黃金芝士雞煲 (小) $128 , (大) $168、火焰麻辣雞煲 (小) $118 , (大) $158 , 可選大中小辣。吃完雞煲便可要求加湯吃火煱, 湯底是由豬、雞、魚骨熬煮而成, 集鮮、香、濃三味。  火鍋配料的款式不算多, 至少肉類除了牛肉有選擇外, 其餘就只得羊肉片、豬頸肉、滑雞片；相對來說蔬菜與菇、丸類的款式是較為豐富。黃金芝士雞煲 ... 濃稠的車打芝士醬把雞肶件裹著, 底下有洋蔥塊、唐芹作墊子。  雞煲的特色除了芝士醬外, 所有雞件都選用厚肉大隻雞肶切件, 雖然是雪藏貨但雞件是亳無雪味, 採用先炸後撈芝士醬, 因此雞肉會比嫩滑較為粗糙但未至於粗嚡。  芝士醬濃郁得有層次, 一點也不膩口, 添加了洋蔥、唐芹的味道夠獨特, 若然可以不加湯就這樣撈丁, 這種芝士撈丁的美味實屬天下無。火焰麻辣雞煲 ... 先麻後辣的確醒神, 可能我們點的是小辣, 麻香較重而辣度一般, 越吃反而嚐出帶一陣甜。吃過雞件後加湯再滾, 用此湯底來灼海鮮、灼響鈴均美味萬分!響鈴 $38 ...並非新鮮即炸那款美國桶蠔 $138 ... 一桶有7隻, 大小不一但隻隻飽滿, 蠔味鮮甜煙肉腐皮卷 $48 ... 似乎是自家製產物, 灼了灼腐皮吸收了湯精華而煙肉是帶有嚼勁, 兩種南轅北轍的口感盡在這兒。魷魚 $48 ... 魷魚新鮮, 帶重膠質, 灼熟後的魷魚捲曲得美, 質感彈彈之餘咬勁也十足, 魷魚肉甜一甜, 始終是新鮮魷魚最好吃!鱔片 $78 ... 廚師的刀功俐落, 看鱔片被切至薄薄透明, 怎能不直豎拇指 --- 按讚!  鱔片配麻辣湯更能帶起自身的肉甜, 說實在已很久沒有吃過肉帶甜味的鱔片了。  鱔片新鮮, 灼熟後吃的肉質爽脆兼帶膠質, 甜兼且無骨 (都說廚師的手勢俐落!)四位共吃了$1303 (而非二千幾) , 平均每人都是 $325 , 以這個價錢吃到味道獨特兼新鮮的食品, 能說不抵吃嗎?若然不是有誤會存在過, 我們是一定會再度光顧的~…Read More

其實一向對雞煲都冇乜都好感，麻辣麻到個咀無乜感覺之餘，又太多油，每次食完都痾餐死。今次見老友話好介紹，咪走去長沙彎特登試吓新嘢。一入去見到兩個廿幾歲嘅後生仔老板，真喺有啲愕然。哈，不過傾咗幾句，原來依兩個後生仔都過癮！佢哋兩款主打嘅雞煲喺自家研究，非常特別！聽佢哋講，喺研發過程都用咗半年時間有多，曾經一日試過食六餐雞煲，食到有雞煲恐懼症添！可見依兩個 90 後嘅後生仔真喺用心認真做事！而且佢哋理想好偉大，希望創出代表香港嘅雞煲，為香港《美食天堂》出返一分力。而且佢哋仲堅持健康，少鹽少糖冇味精！仲負起社會企業責任，價錢定合理，大眾化。好值得欣賞同尊敬。特登走過嚟食嘢，咁緊喺叫佢哋兩款主打雞煲，《芝士雞煲》同《火焰麻辣雞煲》啦。嘩，依個自家製嘅《芝士雞煲》真喺超好食，運用中西合璧特色做法，令到每舊雞肉都充滿芝士味！芝士湯底非 creamy 得嚟，又唔會痴底！完全唔似傳統西式芝士火鍋咁，凝固到一 pat pat。而且原來佢哋每舊雞都堅持用雞脾肉，食落好有雞味同有口感。真喺一個字，超正！第二款主打嘅《火焰麻辣雞煲》又喺一絕！原來依款喺會預先倒定啲中式白酒落煲到，送到客人面對再點火！嘩，個陣酒香真喺迫哂出嚟之餘，同時將麻辣、酒香同調味料嘅香味直接迫入每舊雞肉裏面，唔需要經長時間醃製，健康而直接。總之好正！而且佢哋麻辣醬汁，又喺自己用十幾種香料親自研發！今餐除咗食到兩個咁出色雞煲之外，仲完全體會依兩位年青人嘅熱誠同創新精神！…Read More