Mini Friday (銅鑼灣廣場二期)

銅鑼灣呢間mini Friday真係對我黎講位置好方便，個人好鍾意去食晚飯，因爲款式比較特別。最近更發現轉左menu，有新野食！【堅·火燒豬手】🔥火焰脆燒德國咸豬手$268 -可以話係黎呢到必點，驚喜滿滿！店員上菜後會點著火燒燒豬手比我地打卡後先再攞入廚房切開-豬手外皮超級脆香，食落去好crunchy，超多肉而且肉質軟嫩，正！🦞龍蝦蝦肉包配薯條 $198 -脆皮麵包上夾上粒粒龍蝦肉同彈口大蝦，撈上沙律醬同濃濃龍蝦湯，更添鮮味口感。薯條好脆香而且唔油膩-入面亦有沙律配菜，爆珠水果juicy甜甜的，好特別想有個簡單得來又有點不同/驚喜嘅dinner,呢到的確係唔錯選擇！…Read More

🚩Mini Friday (銅鑼灣廣場2期)銅鑼灣駱克道463-483號銅鑼灣廣場2期6樓墨西哥脆片每枱客人一坐低首先會上一碟墨西哥脆片 點千島醬幾開胃🤤明太子忌廉帶子手捲粉帶子三件都非常厚身 煎香至表面微微金黃色 咬落新鮮爽口 仲有好多大大粒三文魚籽😋 手捲粉中間捲起晒creamy嘅明太子汁 每啖都食到濃郁嘅明太子汁 加埋車厘茄 蘆筍同埋菇 整體非常豐富🥰火焰脆燒德國咸豬手豬手首先會上枱 喺客人面前點火即場燒 想唔脆都唔得🤪 跟住餐廳會切好豬手再上枱 唔洗自己慢慢鋸咁辛苦 而且每片都切得好平均好靚 脆皮同豬手肉冇分離 每塊都可以食到脆卜卜又啖啖肉 仲有皮肉中間充滿骨膠原嘅口感 服務好貼心非常加分👍…Read More

拍拖日～ 梗係要食好啲！今次揀咗銅鑼灣嘅Mini Friday~ 响銅鑼灣廣場二期，地鐵站一出行幾步就到～ 好方便～Menu選擇都好多，有散叫又有set dinner, 都係2百零蚊有交易，區內嚟講真係好經濟實惠～一坐低就送上墨西哥脆片同埋點醬～我一早梗係上嚟做定功課啦～ 幾大都落咗最吸睛嘅 芒果黑松露鮮蝦沙律 同埋 火焰脆燒德國咸豬手, 另外仲叫咗一個 香烤美式BBQ豬肋骨，另外叫咗 水牛城雞翼 仲有我為佢而嚟嘅 時代抗翼 - 黃到金雞翼💛好快就上咗跟餐嘅 沙律 同 南瓜忌廉湯沙律菜都好新鮮啊～ 仲有爆珠珠～～ 好正呀！！！然後再嚟嘅，就係 芒果黑松露鮮蝦沙律👍🏻👍🏻👍🏻 座住响冰，咁夢幻咁上枱，唔係間間餐廳做到㗎～ 仲有呀～ 冰底賣晒就冇，記得一坐低就order咗先呀知冇！食完沙律就到小食喇～ 先嚟嘅，係時代抗翼 - 黃同金雞翼香脆嘅雞翼由咸蛋黃包住，每一啖都充滿住咸香酥脆！當然唔小得佢嘅好朋友，水牛城雞翼啦～ 一碟有6隻，我為咗影相靚啲，強生將黃到金雞翼放咗落去🤣老公話好似前年去美國出trip時食嘅口味呀👍🏻👍🏻食完前菜，就到主菜（嚟到呢一刻，我地已經飽咗7成。。。。。。痴線㗎前菜同小食嘅嘅份量都咁慷慨）先上枱嘅，係我揀嘅火焰脆燒德國咸豬手上枱後淋啲酒落去，再即場點火🤩🤩🤩正到爆呀～～ 影完相之後，侍應哥哥就拎返入廚房，切好先再上枱～我想講，佢個皮係脆到食薯片咁樣！！！！！！！！我都算食得多德國咸豬手，但薄脆到呢個程度，真係第一次！！！（我地食唔晒打包咗半隻走，第二晚氣炸返，同堂食一樣咁脆！）做乜要pack走半隻豬手？因為我地仲有份香烤美式BBQ豬肋骨嚟緊呀🤣咪睇佢好似好細份咁，厚肉到爆！！！！！而且bbq汁有好香嘅煙薰味，睇得出廚師較個醬嘅功力👍🏻👍🏻而且火喉都控制得好好，成件ribs都好juicy, 唔會乾真真硬柴柴👍🏻👍🏻最後我地跟餐要咗甜品（加$1咋唔係唔食呀？）同埋一杯熱咖啡～ 臨走之前，記得去門口打吓咭呀～～ 520～ 13～14💛…Read More

豬手會原隻上，再點火，然後再攞番入去切比你。外脆卜卜，內面香噴噴，肉質仲好juicy👍🏻👍🏻👍🏻雖然要等15分鐘以上，但真係幾好食😋值得一等💛💛個湯其實飲咗幾啖都唔知佢係乜湯，本身唔鐘意蕃茄，呢個味又怪😅個沙律🥗幾有新鮮感，d爆珠幾得意黃金雞翼💛超好食，外脆內軟，完全入哂味，仲要熱辣辣(⁎⁍̴̛ᴗ⁍̴̛⁎)牛扒點5成，嚟7成熟⋯⋯😩但外邊香口，內面又做到(淋)嘅效果，仲有汁添🤤野食幾好食，但d水杯係膠，洗得好唔乾淨😅媽咪唔敢用佢d杯。…Read More