Hutong

父親節諗左一輪食咩好，最後決定揀一間就腳評價又唔錯又可以打到卡嘅餐廳，所以就揀左位於尖沙咀嘅『胡同』。一早睇定左其他人嘅推薦，所以揀左以下幾樣餸。火焰胡椒片皮鴨 片皮鴨就預先預訂咗一隻，因為都算係舖頭嘅招牌菜，有機會walk-in 會冇，所以就打電話留定先。佢個名原來係火焰胡椒，除咗火焰之外都唔係太食到胡椒味。片皮鴨上嘅時候，廚師會喺隔離用火焰燒隻鴨，然後切皮。味道食落去唔太有太大驚喜，不過不失。然後用蒸籠裝住嘅皮一上菜嘅時候有煙包圍着以為會熱辣辣，但係即刻食已經凍咗有少少失望。大紅燈籠高高掛即係辣子軟殼蟹，好多辣椒再加炸軟殼蟹，味道係正常加少少辣辣地嘅炸軟殼蟹味，份量岩岩好夠6個人一人一舊試味。花椒金湯桂花魚呢個係其中一樣最好食嘅餸菜，啲花椒辣得來又唔會太搶，唔食得辣嘅人都食到，幾香～薑米蟹肉蘆筍蛋白炒飯呢個係一個正正常常嘅炒飯，唔係好食到薑味，不過都算炒得乾身。食完呢4野之後都唔係太夠飽，所以我哋都再落多咗兩款餸。京城羊肉呢個係另一個驚喜之作，上菜嘅時候望落去有啲似燒肉，食落去羊味非常之豐富，而且唔算太蘇，值得一試。小魚菜苗一上菜嘅時候見到隻碟係有少少崩咗，我哋即刻討論，其實係餐廳特登咁樣做去營造胡同效果，定係其實隻碗真係崩咗😂喺呢個環境食飯，我就冇預計過隻碟係會真係崩咗😅總結嚟講，環境非常適合聚餐慶祝。現場所見，外國人嘅比例亦比較多，集fine-dining同中菜於一身嘅感覺，望住維港夜景食晚餐，感覺舒適，係影相同Chill嘅好地方。…Read More

近年好多中餐廳都用上西式格調，設計上整體感覺比較精緻，位於尖沙咀Zentre嘅胡同都有呢種格調。環境方面比較昏暗，一入門口有一種入左酒店lounge嘅感覺，再加上落地大玻璃方便欣賞維港夜景。 🌕🌕🌕🌑🌑燈映牛肉味道唔錯，甜甜地，略嫌唔夠薄，唔夠通透 🌕🌕🌕🌑🌑火焰胡椒片皮鴨（半隻）會有師傳喺你面前花式翻熱隻鴨再片皮，除左觀賞之餘亦都令鴨皮更加香脆 🌕🌕🌕🌕🌑大紅燈籠高高掛辣椒煮軟殼蟹，辣椒好香，軟殼蟹鬆脆，但係以呢個排場黎講略嫌唔夠辣 🌕🌕🌕🌑🌑海龍皇簡單一個蟹肉湯 🌕🌕🌕🌕🌑麻辣蝦香脆爽口，唔夠麻唔夠辣 🌕🌕🌕🌑🌑鹹肉津白為左上枱嘅時候可以成朵花咁，同一般上湯浸嘅津白有少少唔同，比較爽口（硬身） 整體黎講菜式都係比較精緻，但係唔知係唔係為左遷就香港人口味，川式嘅麻度同辣度比想像中弱好多，無左個神髓，只係用好多辣椒堆砌左一個好澎湃嘅視覺辣度。食川菜就係想麻想辣，當然為左迎合市場而適量調整口味係在所難免，但係過度遷就市場就無左本來嘅特色。…Read More

四訪！臨近新年必訪古色古香嘅海景中菜廳胡同。經過一條胡同巷弄，就會去到樓底極高極之寛敞、坐擁維港美景嘅用餐area~ 燈光昏暗，氛圍一流，同日頭黎完全唔同feel！適逢新年，胡同推岀左好幾款新春限定嘅菜式同cocktails，味道相當唔錯！想試嘅朋友仔要把握機會一嚐1月12至31號限定嘅 Chinese New Year Dinner！𝐂𝐡𝐢𝐧𝐞𝐬𝐞 𝐍𝐞𝐰 𝐘𝐞𝐚𝐫 𝐃𝐢𝐧𝐧𝐞𝐫 $890pp十道菜：胡同口水雞 / 竹炭魚香咸水角 / 黑椒和牛酥 / 胡同撈起 / 金牛 / 薑醋鱈魚 / 乾煸四季豆 / 龍蝦擔擔麵 / 龍井奶凍 / 酒釀丸子 🐮金牛牛小排好軟嫩，好重肉味！調味濃得黎唔會搶過油香肉味，旁邊嘅三色椒都好爽脆~🍯薑醋鱈魚 超大一塊超厚肉！外皮香脆唔會太厚，內𥚃肉質夠晒軟滑。薑醋汁嘅酸甜度調得岩岩好，開胃得黎唔會太甜。🔥火焰胡椒片皮鴨 +$398/半隻 (原價 $445/半隻)師傅席前點燃再片鴨，相當有睇頭！外皮香脆，肉質軟腍重肉味，多汁帶油香。餅皮厚薄適中帶彈性，配左最經典嘅青瓜、京蔥同鴨醬~🍶酒釀丸子一上枱就聞到好香酒味，食落酒香突岀 又唔會太嗆。略嫌丸子口感偏腍，酒鬼私心想酒味再重啲🍼龍井奶凍 $68奶凍滑溜帶淡淡龍井甘香，甜度恰到好處。🍹Hé Píng +$88— — — — — — — — — — — — — ⁣⁣⁣⁣⁣⁣⁣⁣⁣⁣⁣⁣⁣⁣⁣⠀⠀𝐀𝐩𝐩𝐞𝐭𝐢𝐬𝐞𝐫▪️點心拼盆 $238/八件泡椒蝦餃、碧綠桃膠素菜餃、欖角雪魚餃、麻辣鳳尾蝦餃四款之中，家姐呀妹一致最鍾意泡椒蝦餃！有大大粒彈牙蝦肉，食落好香泡椒，好惹味！素菜餃 菇味濃郁，雪魚餃 餃皮用上紅蘿蔔天然上色，鳳尾蝦 爽彈惹味，每粒餃皮都厚薄適中~▪️蒜味麻香帶子 $238千奇唔好睇少佢嘅辣度！初初食落好似好小兒科，點知後勁好麻好辣，超刺激！帶子幾軟嫩，蕎麥麵好彈牙，口感味道都好正 (不過平時食得少少辣嘅呀妹就標晒眼水)▪️魚籽煎鵝肝燻蛋 $238/兩件橙黃流心嘅蛋黃超吸睛！雞蛋入口富煙燻香，面頭嘅煎鵝肝同魚子增添左一絲鹹香鮮味。略嫌鵝肝較薄，軟心部分較少。𝐕𝐞𝐠𝐞𝐭𝐚𝐛𝐥𝐞▪️咸肉津白 $198靚到好似成朵花咁！津白腍中帶爽。湯頭純粹用菜同火腿煲成，就咁飲都仲得，鹹而清，飲完都唔口渴…Read More

點心有泡椒蝦餃、碧綠桃膠素菜餃、欖角雪魚餃同麻辣鳳尾蝦餃，可以由清啲既素菜餃食起！之後食到麻辣既蝦餃會覺得好過癮竹炭魚香鹹水角全黑既鹹水角真係好少見，表面仲炸得好香脆蒜味麻香帶子帶子好厚肉，加埋冷麵同辣油好正火焰胡椒片皮鴨會係你面前即場燒同切🤩花椒金湯桂花魚金湯好濃有層次，魚肉都好嫩滑大紅燈籠高高掛即係炸軟殼蟹，估唔到配辣味又幾特別！🍸Comfortably Numb有啲似martini，vodka based加少少荔枝味，但加入四川辣椒元素，條脷會有少少麻🔮Fortune Teller - 用左本地品牌Two Moons既氈酒，再加埋會遇水綻放既茶花，賞心悅目…Read More

胡同由北京道1號搬左去H Zentre唯一冇變嘅應該就係個無敵維港大海景了吧🤓仲有嘅就係超靚嘅中國風裝修無論邊個角度影都一樣咁靚🤤抵唔抵食就見仁見智 好大一部分都係食環境😂除左散叫都仲有set menu💁🏻‍♀️.🎈點心拼盤 ($218)有四款點心 每款有兩粒💁🏻‍♀️👉泡椒蝦餃👉碧綠桃膠素菜餃👉欖角鱈鱼餃👉麻辣鳳尾蝦餃五顏六色非常之靚 每一款亦非常精緻有用到金箔點綴下 又用大木盒裝住😂望落感覺好大氣 但味道就冇太大驚喜🤫評分: 7/10.🎈火焰胡椒片皮鴨 (Half $438; Whole $868)絕對係全晚嘅highlight 事關師傅會係席前玩火😂用火燒香過成個鴨嘅表皮 非常香脆加上青瓜 香蔥 片皮鴨醬包住一齊食味道正常發揮 但打卡絕對一流👍評分: 7.5/10.🎈花椒金湯桂花魚 ($538)可以選擇辣度 適合食唔到太辣嘅朋友不過以一道大菜來說性價比偏低🤓首先份量都可以 一盤有好多魚魚肉尚算嫩滑 火侯控制得可以唯味道沒有非常驚艷 金湯嘅咸蛋味並不算突出帶點淡淡花椒嘅麻香 同樣地不算突出結合味道同打卡值都屬中規中矩😛評分: 7/10.🎈乾煸四季豆 ($198)川菜嘅蔬菜類菜色當然不得不提乾煸四季豆用豬肉碎炒香四季豆 以咸香著稱胡同嘅乾煸四季豆口味偏甜少少🤏可能係為左迎合香港人口味吧🤣評分: 7/10.🎈蟹肉露筍蛋白炒飯 ($198)最後上嘅主菜 用蒸籠奉上💁🏻‍♀️算係一個比較清淡嘅主食 調味略淡蟹肉味道不算突出 同樣屬中規中矩🤓評分: 7/10.🎈焦糖海鹽朱古力糯米糍 ($58/4 pieces)胡同嘅甜品menu選擇不多 見到英文譯音係Lava sea salt & caramel chocolate mochi感覺好豐富又係流心所以一試😂😂呢個味道算係比較特別 亦真係做到流心有朱古力同焦糖嘅甜 都有海鹽嘅咸食一啖都甜入心 預一人一粒都非常足夠🤓評分: 7.5/10.🎈總括而言呢個價錢好大一部分係食環境 請客食飯至少可以換到體面同特式😛不過以呢個價位嘅餐廳來說服務係有待改善可能係新搬遷嘅緣故 周不時要等好耐先搵到店員但店員都好helpful 好樂意幫手影相❤️環境方面前推薦坐角落頭位 被兩面嘅落地大玻璃包圍 遠眺到維港無敵大海景而且中國風嘅裝修真係打卡超靚又高級🤤評分: 7/10…Read More

川菜風氣早就充斥香港的大街小巷，小至小店站立式的小食亭，大至連鎖餐廳都推銷川菜，可見齒頰留香的麻辣與香辣頗香港人歡迎。胡同不但將川式辣味展現得淋漓盡致，配上H zentre 18樓遠眺維港兩岸的美景，將整倜用餐體驗昇華致更上一層樓。踏住餐廳的瞬間衫一道燈籠牆映入眼簾，非常適合打卡。穿過走廊便是充滿既覇氣又輝煌的 服務生的殷勤招待令你感受到被照顧得無微不至。至於菜色方面也非常岀色，充滿驚喜！ 頭盤的椒香和牛卷麻香得宜 和牛裹着紫椰菜令整個口感充滿不同口感 有麻椒的麻痺，有和牛該有的油香 紫椰菜口感爽脆，點此為前菜就最合適不過。另外，海皇脆筒亦是另一亮點， 此菜即脆炸海鮮派，內有魷魚，鮮蝦粒等不同的海鮮拼湊一起的雜燴，非常鮮味！主菜為火焰胡椒片皮鴨，師傅即席將半隻燒鴨淋上火焰推到食客面前作為小表演，為整頓晚餐帶來深刻難忘的記憶點。師傅赤手捉住烤鴨在焰火中不斷在碟中來回旋轉，令烤鴨的香氣立即充滿整個dining area，令人垂涎三尺，所有人都注視師傅的鬼斧神工的刀技如何把皮肉分離，極之讚嘆！ 味道就不在話下當然極之美味！油香，肉質，皮薄，數之不盡的味道感受一次過在口中爆發，簡直令人齒頰留香不斷回美。不愧被譽為全球最頂尖的中餐廳之一！…Read More