Odelice! (The ONE)

今晚約了好友晚飯！好友提議來一個法國菜晚上，於是來到了尖沙咀The One的「Odelice!」。點餐後先送上麵包和餐湯。餐湯質感濃稠creamy，頗重薯香味，同時也有一些青醬、香料葉的味道。非常特別的巴黎鐵塔造型擺盤！打卡度高，同時也營造到氣氛。上層放有3款凍肉，有西班牙風乾火腿、辣味意式腸和法式火腿。火腿充滿濃郁的鹹香味，可配合下層的康提芝士同吃，2者非常搭。除了芝士，下層還有三文魚他他、辣肉腸忌廉球、蜜糖燒茄子，以及迷你蛋批。三文魚他他鮮美滑嫩，配上奶油香撻皮。迷你蛋批的蛋味好出好香，內餡就有蘑菇片。4款鹹點各有特色，味道整體都可以。非常大盤的法式煮青口！青口肉滑嫩，口感帶彈牙。以煙燻蕃茄辣肉腸醬汁作烹煮，貝肉吸了汁水精華，酸甜味道添加了層次感。伴有薯條，粗薯條香脆惹味，薯香味十足。牛胸腹扒選擇了7成熟，上枱時已切好片狀。牛肉充滿微微嚼勁，質感紮實有彈牙感。入口juicy，肉汁在齒頰間溢出。附有牛油果蓉佐送，牛油果的清爽更減輕了牛扒的膩感。另外還伴有燒薯粒和火箭菜。先有店員淋上火焰橙酒，來一個視覺享受。可麗餅柔軟，餅邊有少許脆身，牛油香味濃郁。入喉後再感受到橙酒的橙香味。再加上一球雲呢拿雪糕，口感冷熱交融，更滋味。點了2杯mocktail。前者以小紅莓汁、薑啤和青檸汁沖調，感覺香甜清新。另一杯則是沙冰，由士多啤梨果蓉、菠蘿汁、檸檬汁和薑啤組成，滿滿果香味。…Read More

朋友很喜歡這餐廳，特意約她假期前夕在這裡共享晚餐。餐廳環境不錯，店面的外國人經理也很熱情，很會搞氣氛。在愉快輕鬆的環境下，怎樣也沒想過接二連三的驚喜之夜即將展開⋯⋯我們點了二人餐，選了凍肉拼盤，三文魚蕎麥薄餅，煎鴨肝.油鴨腿意粉和火焰橙酒可麗餅。先上套餐的餐湯和餐包。餐湯是南瓜湯，有些煙肉，喝到一絲絲南瓜中有點煙肉咸香，很不錯。法式餐包外脆內軟，配搭像President 品牌的法式牛油就更添滋味。上前菜，咦？不是我們點的菜式呀。經侍應確認後，終於上我們加錢點的凍肉拼盤。拼盤的麵包還暖暖的，火腿有3款，每一款也充滿咸香和油脂，加上火箭菜獨特的氣味，如果配上芝士，喝酒的話再搭杯紅酒，足夠chill一個晚上～之後上兩款主菜⋯⋯為什麼依然全部也是錯的？我們開始有點無奈⋯⋯煎鴨肝.油鴨腿意粉，非常推介！鴨肝很大塊，充滿油香，滿口幸福！油鴨腳肉得嫩，我和朋友也大讚好吃！倒是三文魚蕎麥薄餅就有點奇怪，餡料的氣味和外型也像蕃茄炒蛋，味道帶微酸，蕎麥薄餅是滿有口感⋯⋯突然！呯！眼前有醬汁濺過我的臉、頭髮和衣服！我嚇得呆了，不敢動，我怕有玻璃會弄傷！原來有侍應在我們旁邊打翻醬汁！待我回過神來，發現朋友的衣服滿是白色的醬汁！侍應當刻並沒有道歉，只是拿了一堆紙巾和濕紙巾給我們！過了好一回兒才有侍應向我們道歉，並拿餐牌給我們選一款甜品作補償。我們的套餐本來也有甜品，再多一份我們也吃不下，而且那一刻我們只想快點吃完離開，生怕再留在這裡會發生什麼事，所以並沒有接受⋯⋯上甜品，搞什麼呀，依然是錯的！我們也苦笑了⋯⋯而且每次有侍應拿著東西在我們旁邊走過時，我們也很緊張⋯⋯火焰橙酒可麗餅，侍應會在客人面前，在可麗餅上燃點火焰，好打卡able，味道方面，酒精味過重，蓋過了橙汁酒該有的香甜，而可麗餅的口感其實也不錯的，有煙韌感。餐廳的食物整體不錯，有些菜式是推介的，但服務方面的確需要改善。為什麼從頭到尾給我們的餐點也是錯的？完全沒有道歉和解釋！而且打翻醬汁弄髒客人的衣服，讓客人受驚，也沒有即時道歉，送客人甜品這安排也不貼心，令客人尷尬。希望餐廳可以改善，也歡迎餐廳負責人作回應。…Read More

超過30度的熱夜，商場已成為晚間覓食兼涼冷氣的好地方。尖沙咀The ONE餐廳雲集，環境和食物同樣Decent、質素又穩定的餐廳已成為口袋名單的常客之一。鐵塔海陸雙人套餐 $9982人套餐包括餐湯、頭盤、主菜、甜品，每一項都誠意滿滿、有驚喜，熱度和份量十足。餐湯奶白色的西式Creamy薯仔湯滑溜濃厚，有綿綿的薯仔顆粒。頭盤巴黎前奏被Menu的Product Shot吸引下，仍然被實物的精美震撼到！一大座巴黎鐵塔非常精美，打卡一流！圍住鐵塔旁的美食也是主角之一，從西班牙風乾火腿、辣味意式腸、法式火腿，到炸白汁三文魚球、煙三文魚、迷你蛋批和吞拿魚撻，每一款都是高質小食，特別是各款鹹香突出的Ham和煙三文魚，多樣少量很合口味。主菜法式煮青口500g配薯條熱騰騰上菜，已經聞到香濃的香草味，未吃先讓人垂涎欲滴！青口份量比想像中多，每一隻都鮮美多汁，配上濃郁的白酒牛油香草湯汁，鮮味更有層次。隨附的粗身薯條也很酥脆可口，完美地沾盡湯汁的精華，非常滿足。澳洲牛胸腹扒配燒薯粒Medium熟度的牛扒外焦內嫩，肉質鮮美多汁，不用過多的調味已很出色，惹味的巴黎牛油汁更是畫龍點睛。搭配的燒薯粒金黃酥脆，與肉汁融合在一起，成為完美的配角。配菜是個人最愛的火箭菜，清新與微辣平衡了牛肉的豐腴。甜品火焰橙酒可麗餅配雲尼嗱雪糕可麗餅薄身柔軟，上面灑滿橙酒，店員即場點燃，輕柔的火焰表演好有視覺的享受，更激發了橙酒的香氣。整體酒香突出，搭配上綿密的雲尼嗱雪糕，除了中和酒味的苦澀感，還增添了一絲涼快。Coconut Dive $65 | Pistachio Royale $75前者以菠蘿汁、椰子水及檸檬汁為主調，清新清爽。作為開心果控當然更喜歡後者，植物奶加上開心果醬和開心果碎，還有如麥皮般的脆脆，甜度、味道、口感都恰到好處，當然開心果味更重口味就更完美。…Read More

年尾同朋友gathering,叫左2人set share，開心開心🥳餐湯 &餐包有2個湯同包。個湯好creamy，用黎點個包食都唔錯法式點心拼盤豐富既拼盤，有西班牙火腿，蟹肉他他三文魚醬配面包、迷你蛋批同埋黑松露蘑菇球～每款都好食，特別係三文魚醬好香，同脆脆既面包好夾（加埋火腿一齊食更正）。黑松露蘑菇球都好出色，外皮既炸面包糠香脆，入面既黑松露蘑菇蓉好香好creamy。蟹肉他他既撻皮脆口，蟹肉份量足～😋阿根廷安格斯牛脊肉顏色好吸引，係靚靚既粉色😍牛脊肉食落肉味濃，肉質香嫩細滑，加埋個鴨肝白蘭地醬好食！另外個燒薯粒都幾脆～阿根廷安格斯肉眼牛扒配薯條好juicy，一切開d肉汁多到流出黎～呢碟扒配忌廉肉汁，我覺得加埋粉紅鹽食更好食🤤薯條份量都好多，share食剛好～火焰橙酒可麗餅侍應會將橙酒點火，然後淋係可麗餅上，過程好有儀式感～燒熱既橙酒揮發時好香濃Japanese Mule入面既巨峰提子香甜酒同水蜜桃糖漿，令到呢杯cocktail 甜美易入口～岩女仔飲😋Sangria Blanche有豐富水果既sangria，清新好飲～…Read More

為慶祝旅遊巴黎一週年，今天特意前來這家法國餐廳回味一番 😁。我們選擇了一個二人套餐($538)，套餐不包括飲料，但食法國菜，都係有杯酒開心啲，況且今日都算是個週年紀念日，所以另外點了兩杯餐酒 🤭。📌Moon Rosé, Domaine d'Astros IGP Maures (+$75)呈迷人的粉紅色，入口輕盈，非常清新，絕對是視覺、嗅覺和味覺的三重享受。📌Rendez-vous, Pays d'Oc IGP (+$75)這款白酒偏向輕盈，口感清新，果香濃郁，容易受落。📌甘筍椰奶湯湯頭清甜，帶有椰香，湯內充滿了豐富的甘筍蓉，營養豐富，搭配每頓法國菜都絕不或缺的百吉包一同享用。今晚這個迷你版百吉，外型可愛。📌法式點心拼盤(+$30)蟹肉他他迷你撻 - 蟹肉鮮甜，撻皮香脆微甜。番茄紅甜椒芝士蘸醬+櫻桃蘿蔔 - 櫻桃蘿蔔外表小巧。入口爽脆，蘸上番茄紅甜椒芝士醬，味道極佳。炸煙肉忌廉芝士球 - 外皮炸得香脆，內裡充滿濃濃的煙肉忌廉芝士餡，醬汁帶一絲辣味，非常惹味。菠菜芝士迷你蛋批 - 以菠菜為主餡，散發出濃濃芝士香氣，入口充滿濃郁蛋香，健康又美味。西班牙火腿 - 肉質油潤，味道溫和，入口富鹹香。📌香橙油封鴨腿油封鴨腿是法國料理的一道經典傳統菜式，這道菜擺盤精緻，鴨腿肉質細嫩，只需用刀叉輕輕一撥便可輕易去骨，外皮超薄香脆，鴨肉鮮嫩多汁，完全沒有鴨臊味，配上甜甜的香橙醬汁，令味道更富層次。燒薯粒吸收了油封鴨的橙味醬汁，香甜可口。露筍鮮嫩爽脆，完全沒有粗糙纖維，也可中和油封鴨腿相對較膩的口感。📌阿根廷安格斯牛脊肉(+$55)這道牛脊肉採用先煎後焗的烹調方法，侍應建議我們選三成熟為最佳熟度，果然沒介紹錯，牛肉中心呈血紅色，非常輕易切開，外皮煎得香脆，中間肉質細嫩且牛味濃郁，之後再蘸上鴨肝砵酒醬汁享用，嚐到豐富而油潤的鴨肝精華，絕對是雙重享受！經過香烤的燒薯粒及鮮甜美味的蘆筍，味蕾十分滿足。📌火焰橙酒可麗餅一道法國甜品的經典傳奇。侍應在我們面前將干邑橙酒點火，然後慢慢淋在可麗餅上，看著橙橘色可麗餅上擺動的火焰，非常有儀式感。可麗餅皮軟嫩帶Q感，再加上干邑橙酒的濃郁香氣，入口時充滿香醇的酒味，這甘中帶甜的口感，真是無與倫比！這家法國餐廳秉持法式料理的高品質食材，加上別樹一幟的醬料與及精緻的擺盤方式，非常值得一試，難怪甚受食客歡迎。是夜全廳滿座，建議提早預約較為穩妥。🍽️Odelice! (The ONE) (尖沙咀)📪尖沙咀彌敦道100號The ONE 4樓L407號舖…Read More

由好幾年前bookmark左佢灣仔店 到宜家係全港擁有多間分店主打down-to-earth casual法國菜除左下午茶好吸晴既巴黎鐵塔high tea 🫖 Dinner set都唔錯架😆 今次嗌左Dinner for 2 $528/2-Soup-是日餐湯係翠玉瓜薯仔湯 好濃好綿🥹小法包外皮硬身入面軟熟🥖-Starter-✿ 法式點心拼盤 +$30 ✿有吞拿魚他他、煙三文魚蘸醬、迷你蛋批、炸黑松露蘑菇球、西班牙火腿 拼盤相當豐富😻每樣2件唔洗爭最有驚喜係煙三文魚蘸醬❤️質感順滑 配埋脆口麵包手指 煙熏味重另外炸黑松露蘑菇球都好出色🍄‍🟫炸得外皮香脆 入面黑松露蘑菇蓉好香好creamy🤌🏻-Main-✿ 煎鵝肝，油封鴨腿意粉 ✿油封鴨係法國傳統保存食物嘅方法演變出嚟嘅經典菜式鴨腿醃得入味唔鹹 肉質鬆軟 鵝肝肉汁鎖晒喺入面 油脂豐富😗✿ 阿根廷安格斯肉眼牛扒 +$35 ✿傳統法國菜steak frites配搭厚切薯條金黃香脆🍟5成熟 表面焦香 入面依然嫩粉色豐滿肉汁 牛味濃郁😆配搭黑松露紅酒汁🍷-Dessert-✿ 火焰橙酒可麗餅 ✿侍應喺席前加熱橙酒 直接將火焰倒上雪糕上面🔥橙酒味超級濃郁🍊配搭雲呢拿雪糕既香甜-Wine Pairing-✿ Sparkling - Cellier Leonard Vinci $70 ✿✿ Red Wine - Comtesse Roquefort, Bordeaux ✿…Read More

雖然Odelice有幾間分店，不過食親都係The One分店，如果日頭係度食，窗外陽光滲入藍白主調既餐廳，不失有南法風味，不過夜晚燈光昏暗，但又唔係romantic 既效果，唔係好啱打卡，咁就專注番食物。叫生蠔可以包兩杯野飲，生蠔睇落幾大隻，食落唔算多肉，有海水味，配上白酒，係幾鮮味。主廚拼盤有煙三文魚、意大利火腿、炸黑松露磨菇球、鱈魚醬、雞蛋沙律、燒番茄、酸種麵包，整體都好好食，係開胃頭盤之選。是日精選餐湯味道不過不失。兩杯飲品可以叫酒精或非酒精飲品，咁既然食生蠔，就叫白酒襯托下，白酒清甜易入口唔黏喉。套餐以外叫左蜆意粉，蜆都新鮮有肉冇沙，係典型忌廉汁意粉。原本係牛脊肉配鴨肝，可惜冇曬鴨肝，用大蝦替代，有d失望。牛脊肉生熟程度拿捏恰當，易切易咬，入味唔會「鞋」，配埋蒜粒更帶出肉香，整體味道中規中矩，冇乜驚喜。大蝦煎完唔算大，但都叫有肉，都夠香既。香煎三文魚，份量都係好配合法國fine dining 既，茴香加上檸檬汁提升三文魚味，薯蓉都好夠綿滑，整體唔錯。火焰橙酒可麗餅，可以話係頭盤以外的驚喜，侍應即點火即淋酒上餅，睇得又食得。雪糕算多牛油，唔易溶，可以配上可麗餅切件入口，幾有咬口，加埋香橙，甜度適中，係呢次用餐幾好既結尾。伴碟雕花士多啤梨可見廚師用心。…Read More

同事工作上遇到難題，感到很大壓力。我便約他到尖沙咀The One商場內的 Odelice! 吃法國菜，順道開解他一下。他沒心情點菜，就讓我安排。先來飲品滋潤一下，才慢慢談談天吧。🍹 花草茶 - 抗壓以香茅、薰衣草、 玫瑰花瓣和蘋果乾泡出的花草茶，味道清新，添加蜂蜜增添甜甜的味道；還有令人放鬆的香氣。他喝下一口，已感到本為緊張的情緒舒暢了不少。🍸 粉調馬天尼含伏特加、紅莓香甜酒和菠蘿汁，香香甜甜的。容易入口的粉調馬天尼，非常適合配搭美食。❣️ 法國香草蝸牛薯糰丸子法國香草蝸牛薯糰丸子滲出香氣。蝸牛口感彈牙，混合清新味道的香草醬，滋味 口感煙韌的薯糰丸子帶飽肚感，令經過一天的勞累，飢腸轆轆的他回過精神來。❣️ 馬賽龍蝦海鮮鍋馬賽龍蝦海鮮鍋包括半隻龍蝦、盲槽魚、黑青口、大蜆和魷魚。鮮味的龍蝦爽口多肉。盲槽魚皮煎得酥脆香口。黑青口、大蜆和魷魚帶來海鮮鮮味。還有酸種麵包蘸鮮味的湯汁來吃❣️ 法國油封鴨腿這店的法國油封鴨腿做得出色，送上時香氣四溢。鴨腿表皮烹煮得香脆美味，砵酒醬汁令鴨腿更惹味。而皺葉椰菜和薯糰丸子吸收了油封鴨腿的香甜肉味，不油膩。❣️ 火焰橙酒可麗餅可麗餅上有新鮮的橙肉和雲呢拿雪糕球。淋上味道甜中帶甘的火焰橙酒，為可麗餅加添了芳香味道。整體味道甜甜帶微甘，是一道別具風味的甜點。吃完這頓晚飯，他的心情大好了不少。多番感謝我的介紹，還說以後要多跟我出來享用美食…Read More

今日老公喺尖沙咀見客，於是我哋今晚順便喺尖沙咀食飯，我哋揀咗我哋最愛嘅🇫🇷法國餐廳—Odelice!。之前去過荃灣同灣仔嗰間，印象好好👍🏽，尖沙咀哩間第一次嚟，最後我哋都非常滿意❤️。1️⃣ 生牛肉薄切 $165除咗擺盤十分吸引外，味道都好好👏🏽。牛肉片雖然薄切，但彈牙口感仍在，肉質非常鮮嫩滑溜，肉味香濃，食落去好juicy，一啲都唔乾身。加上蜜糖芥末醬、黑醋汁同碎芝士，牛肉味更突出，味道更上一層樓，口感亦更添層次。2️⃣ 法國油封鴨腿 $195鴨腿係法國名菜，加上唔係好多地方食到，所以今晚再次叫鴨腿🤤，之前食過返尋味。鴨腿肉質細嫩鬆軟，外皮香脆可口，油香味豐富，加入肉桂蘋果可以平衡鴨嘅油膩感，香甜開胃，好味道！3️⃣ 馬賽龍蝦海鮮鍋 $368 🦞湯汁鮮甜，有濃郁嘅龍蝦同蔬菜嘅鮮甜味。海鮮鍋裡有多款海鮮，包括半隻龍蝦🦞、魚柳🐟、青口、蜆同魷魚🦑，款款都好新鮮，肉質富彈性，而且份量都幾多，蜆都起碼有15粒以上，性價比高。我同老公特別鍾意龍蝦，味道鮮甜，肉質厚實😍。裡面都有多款蔬菜，例如：西芹、紅蘿蔔🥕、洋蔥🧅等，鮮甜有益。4️⃣ 火焰橙酒可麗餅 $88🔥火焰視覺效果一流，忍唔住要拍片記錄📷。可麗餅總共有三層，口感煙韌，Q彈軟熟，味道香甜，橙酒味道十分濃郁，甘甜微苦，配上冰凍味美嘅雲呢拿雪糕🍦，實在令人食之感動🥹。5️⃣ Anti-Stress 花茶 $45Lemongrass香氣清新撲鼻，聞一聞已經讓人心情放鬆，壓力得以舒緩。花茶味道清香，加入蜜糖更生津回味。喺壓力及負能量滿滿嘅星期一飲，感覺特別舒服。6️⃣ 香甜梨汽酒 $70👩🏻女士必定會鍾意。味道清甜易入口，梨味清香，口感順滑，真係想把自己灌醉。另外要大大力讚賞餐廳嘅服務，所有員工都非常親切有禮，殷勤細心，好留意到食客嘅需要，會主動遞上濕紙巾、斟水、換碟等，服務貼心優質❤️，多謝你哋咁多位🫰🏼。餐廳宜家做緊星期一🐂牛扒放題優惠，每位$268，我同老公諗住遲啲去試吓，好似好吸引咁🍴。…Read More

上次我寫道特色主廚拼盤，而今次就寫多道菜同甜品，就係香橙烤豬腩🍊🐷及火焰橙酒可麗餅🍨🫔不過呢一間法國菜餐廳嘅上菜速度非常非常非常之快，我啲主菜&嘢食都未到，個甜品已經上到嚟🙈希望下一次，甜品可以最後先上🤥🤥⭐️香橙烤豬腩 💰$218香橙烤豬腩一定要趁熱食，唔係佢最面頭嘅皮呢就會變到好似橡筋一樣咁靭，韌到你咬唔開🙈不過意想不到烤豬腩配上佢哋秘製帶有少少橙香味嘅醬汁，係Perfect match👍🏻👍🏻不過都係果句，一定要趁熱食🐷⭐️火焰橙酒可麗餅 💰$88可麗餅上面有一球雲呢拿味嘅雪糕，餐廳員工喺雪糕球上面淋上一小杯嘅橙酒，然後就用火將橙酒燃起😋甜品上面有一層藍色嘅火包圍着，可以講真係好靚😌提升了成個甜品嘅賣相😬可惜個甜品太早上，幫我哋要享受呢個甜品嘅時候啲雪糕已經溶晒🤥 雪糕下層有好多橙酒，所以每食一啖都有好香濃嘅橙酒味道🍊🍊…Read More

同老婆今次去尖沙咀Staycation冇包晚餐，夜晚我地訂左位於The One的 Odelice!呢間法式小館撐枱腳。🥰Odelice!在香港已有4間分店，我地都由初初要專程去灣仔食，直到近屋企的將軍澳分店開左之後我地就經常到將軍澳店開餐，由於餐廳經常會更新餐單，每次去到都會有唔同嘅體驗。我地今次黎就係想試一下最新的雙人套餐。😁法式小館雙人套餐 $788雙人套餐包括餐湯、頭盤、兩款主菜、甜品及飲品，自選款式都非常吸引。蕃茄茴香酒煮蜆醬汁用上蕃茄茴香等調配，入口酸甜之餘又滲出香濃蕃茄味，這個汁煮海鮮十分惹味，把蜆肉的鮮甜提升，配上蔬菜的清甜令蜆肉更鮮，而蜆肉一點砂都無，可以大啖咁啜殼上的汁😆馬賽龍蝦海鮮鍋海鮮鍋入面有龍蝦、黑青口、大蜆、盲槽魚和魷魚，配上蕃茄洋蔥味的醬汁，鮮味非常突出，龍蝦肉爽滑，加上青口和大蜆，非常鮮甜😋香橙烤豬腩豬腩肉極之嫩滑，惺切下去肉汁緩緩滲出，腩肉一層肥一層瘦，入口甘香之餘又有口感，豬皮部分脆卜卜，整體口感豐富。配菜用上羽衣甘藍及薯蓉，羽衣咁藍獨有的菜味被棉滑的薯蓉調和了，好吃👍🏻火焰橙酒可麗餅可麗餅上枱時淋上橙酒再點火，玩味十足。橙肉的清甜和橙酒的濃烈都一一被可麗餅吸收，配上冰凍的雲尼拿雪糕，是極緻的享受😍花草茶由於餐廳暫未有酒類提供，我地最後加配左花草茶，嘆埋花草茶，呢餐非常完滿。😙…Read More

生日飯☺️週三晚但餐廳都好熱鬧本身安排的梳發位拍照好像不太美 最後換了角落枱雖然位置都係比較擠迫同無咁多位放隨身物品 不過餐廳可提供置物籃喔🧺 聖誕期間正在ᴘʀᴏᴍᴏᴛᴇ 2人套餐 ᴍᴀɪɴ ᴄᴏᴜʀsᴇ都是人氣食物 4個女生點了1個sᴇᴛ ғᴏʀ ᴛᴡᴏ & 1個烤雞🐔⋯⋯⋯⋯⋯⋯⋯⋯⋯⋯⋯⋯✨南瓜🎃湯：2人餐只包2個湯 加錢叫多2份☺️有周打蜆湯的味道 配了半片酸種麵包 沾著吃正🈵✨特色主廚拼盤：芝士同𝓅𝒶𝓇𝓂𝒶 𝒽𝒶𝓂的配搭 喜歡酸種麵包跟牛油果🥑蓉夾著吃✨蕃紅花海鮮燴飯：好濕潤 唔會好溜 每一啖都食到魷魚 仲有2隻開邊🦐味微酸 雖然分量唔少但都好快清晒😆 ✨低溫慢煮伊利比亞黑毛豬柳：攞盤好精緻 佢底層係薯蓉 配上炒菇 周遭有粒粒紅石榴 開胃得來又不違和 食落的口感+有少少血水 以為自己食緊牛😳原來係豬的里脊位🐷 ✨烤雞：佢嘅賣相好唔吸引😗個碟太大顯得半隻雞好細 換過細啲嘅碟+放返啲沙律菜🥗做伴碟 成個感覺應該會豐富好多🍽不過味道有驚喜 又醃得幾好食喎！✨火焰橙酒可麗餅🔥：會著火的𝒸𝓇𝑒𝓅𝑒🤩打卡一流💯略嫌橙酒味過濃 濃到苦 啲橙同𝒸𝓇𝑒𝓅𝑒食落都有苦味😅唯有用雲呢拿味雪糕中和一下 ✨飲品:名字已經拋諸腦後 好友點的𝓅𝒶𝓈𝓈𝒾𝑜𝓃 𝒻𝓇𝓊𝒾𝓉味 & 我點的薑汁可樂味 ᴄᴏᴄᴋᴛᴀɪʟ 🍸都好飲 後者酒味較濃👍🏻⋯⋯⋯⋯⋯⋯⋯⋯⋯⋯⋯⋯除咗位置較狹窄之外整體不錯 店員會sᴇʟʟ下叫你加多少少錢就多個湯/sᴏᴍᴇᴛʜɪɴɢ ᴇʟsᴇ 可接受😗4個女生食剛剛好喔…Read More

期待已久， 今晚食法國菜， 非常就腳就喺尖沙咀the one。餐廳好有情調，洋溢著歐陸氣氛， 好掛住巴黎鐵塔ar，掛着唔少壁畫， 望出窗仲有少少景睇，坐得舒服。先來兩杯白酒白酒好易入口，好香醇，一陣配魚和海鮮最啱不過。OMNI新鮮肉丸植物肉丸配香辣地中海醬汁， 見好多宣傳推植物肉， 今次真真正正食到，感覺同普通肉丸分別不大， 味道都幾濃，唔講唔知自己唔係食緊肉。新鮮大蜆鍋雖然蜆唔算好大隻，勝在 醬汁好味， 蘋果白蘭地忌廉汁， 襯托出蜆肉的鮮味。煎封盲曹魚有菠菜青豆蓉托底，配蒜香沙律醬同番紅花忌廉汁， 感覺幾特別， 而盲曹魚外皮煎得脆脆的， 肉質嫩滑， 感覺唔錯。法式風味漢堡配番薯條用咗安格斯牛漢堡加上芝士， 用咗焦糖甜洋蔥同爽脆生菜嚟墊底。 而薯條亦都係即炸，新鮮出爐。火焰橙酒可麗餅上枱時好有氣勢，店員喺我哋面前加燈酒， 加咗啲火焰好靚， 甜甜的可麗餅配雲呢拿雪糕，最啱不過。…Read More

上次喺灣仔匆忙食過一次，印象幾好，今日難得清閒，就黎the One試下週末嘅Brunch。回頭率：🌕🌕🌕🌕🌑環境：🌕🌕🌕🌗🌑服務：🌕🌕🌕🌗🌑份量：🌕🌕🌕🌕🌑味道：🌕🌕🌕🌕🌑價錢：HKD243/pal◆Summary◇環境開陽，坐得稍微逼夾；食物份量頗大，質素高，極力推介青口。整體性價比唔錯。———————————————————————◆白酒藍青口配薯條◇ HKD 168😍根本冇諗過$168會有咁多青口，青口煮的好入味，多汁又充滿白酒的香氣，微微的海水味令我不禁懷疑唔通用嘅喺新鮮青口，點解好似好新鮮咁？食完飲兩啖白酒汁，味道啱啱好，唔會為左令青口入味而過鹹。薯條炸得出色，酥脆得來入面仲好濕潤飽滿，而且同平時唔同嘅喺，哩度薯條全部好短身，成條蘸醬轉個圈都得，唔會好似平時咁食兩啖就要點下醬。而一貫冇咩味嘅蛋黃醬今日反而成為我新寵，酸酸地之餘帶有一絲近似鹹蛋黃的香味，食薯條食到停唔到口。◆番茄蟹肉扁意粉◇ HKD 125😋大大舊蟹肉喺面，香草同番茄味濃郁，意粉軟硬適中，食落幾match。而且我冇撈得好勻，食完意粉仲有好多蟹肉沉底，最尾成啖蟹肉咁食，好正！◆火焰橙酒可麗餅◇ HKD 65😋火焰就見唔到啦，侍應燒左下d酒直接倒落可麗餅度，可能純粹揮發酒精？不過冇火焰都唔影響味道嘅，軟身略帶煙韌的薄餅，橙味濃烈，略帶一些橙酒的苦，夾住雲呢拿雪糕的甜，加上冰火兩重天的衝突感確實令人印象深刻，頗有一些浪漫的法國風情。◆心靈甘菊茶(檸檬x薑x蜂蜜)◇ HKD 42😋用法壓壺裝茶，我都喺第一次見。壓完檸檬，成杯茶的香氣散發出來，薑的加入更莫名有種寧神的效果，好中意。◆椰青x芒果x熱情果 Smoothie◇ HKD 42😋順滑又唔會太甜，冇想象中嘅人工香精味，清新自然。芒果味喺主打，椰青同熱情果就飲唔太出啦，但係好飲就夠了。💁🏻‍♀️食完感覺喺飽足而不油膩，好健康，毫無負罪感💁🏻‍♀️哩個價有咁高品質，真喺試得過…Read More

星期六和朋友到Odelice 晚飯，桌椅偏細，不過人不多，環境清淨。之前在Openrice 見到網友推介威靈頓羊柳，可惜當晚沒有供應。我們點了兩款食物，再加兩款甜和飲品。1. 煙三文魚蕎麥薄餅 : 煙三文魚比較薄身，不過蕎麥餅好香，點上刺穿中間的蛋黃汁，非常美味。2. 蕃茄蟹肉扁意粉 : 蕃茄汁偏淡，蟹肉也不算多，這個便相對普通。3. 火焰橙酒可麗餅 : 侍應會在上枱後點上火焰，視覺效覺一流，橙味果醬味道濃郁，不錯。4. 香蕉朱古力多士 : 法式多士帶微甜，朱古力醬鋪面多士面和碟上，每一啖都吃到朱古力味，好食。5. 火龍魔力鮮果汁 : 朋友點的，無添加糖可安心飲，但太多泡，而且略嫌太希，味道偏淡，試不出果味。6. 鮮奶咖啡 : 咖啡不錯，奶泡厚，伴碟的曲奇也香脆可口。整體來說，食物不錯，亦適合傾偈。…Read More