Zeppelin Hot Dog Shop (Hau Tei Square)

大家望下個熱狗啲料多到就快漏😍依個火好足料既炙芝士辣肉醬熱狗係Best Seller，有芝士、辣肉醬、生洋蔥、黃芥末、荷蘭腸😋一咬落去口感十分豐富，芝士仲有拉絲既效果嫁!! 食得太狼狽所以影唔到俾大家睇😂食食下都覺得幾辣下，因為有辣肉醬、黃芥末，建議唔食得辣既朋友要加$12加配兩款小食/汽水，就可以解下辣!!…Read More

真心推介:火炙芝士辣肉醬熱狗🌭🍟麵包咬落去口感軟軟地但又有脆邊好正加埋唔太辣既醬配落條咸咸地既腸仔到味道好夾，雙方d味都唔會話太突出而搶左去另一邊!薯條都炸得好脆加埋芝士辣醬又係一絕!10分有8分，冇左個2分係因為冇野飲。…Read More

先不論政治立場，一間好食嘅小店應該賦與支持！呢間熱狗開喺一個超隱閉唔係住荃灣嘅都唔知呢度有野食嘅地方！食過一次會想再番黎食嘅熱狗～好大件～料又夠，又有小食配搭～第一次食緊係要試下佢個招牌熱狗：火炙芝士辣肉腸肉醬熱狗～一打開個盒我就呆左，哇，咁大件我食唔食得哂...啲芝士配肉醬好好食！不過有少少咸，條腸似係司華力腸，都係咁大條。我仲要配埋薯條同粟米..最後我係食唔哂。 薯條個醬真係好好食！一定要叫！食過番尋味，再去試第二次，今次叫嘅係日式和風熱狗，個醬好似食緊八爪魚丸咁～因爲有木魚喺面～不過配嘅腸冇火炙果隻腸好食～私心希望腸仔可以換下下次要試埋其他味～排隊時間真係有啲耐，可能大住個肚實在不宜久站，第一次食等左半個鐘有多（因為又多人又有網上外賣平台)...第二次想叫網上外賣平台,但被取消order...可能人太多佢地做唔切..唯有老公去買..佢話人少啲等15分鐘左右。 …Read More

下午兩點幾去到荃灣呢間熱狗店食tea，完全無諗過會有咁多人🤔睇黎應該都幾有名氣同好食先會咁多人排隊。等左10分鐘終於到手喇😍熱辣辣新鮮出爐嘅熱狗、薯條同栗米，聞到已經好香好想食🤤火炙芝士辣肉醬熱狗 $42入面有芝士、辣肉醬、生洋蔥、黃芥末同重點荷蘭腸。熱狗好大，食到有少少狼狽，不過真係好好食，醬料都好多，少少辣好惹味，熱狗都係即刻烘既，唔係普通一舊熱狗包！難怪同出面唔同，吸引到咁多人。細薯條(跟餐) $6薯氣香脆，唔會好咸，加上茄汁同千島醬，一流🤤加$5仲可以轉做大薯條牛油栗米杯(跟餐) $6好滿好大杯🙈食完有飽飽既感覺不過唔知係唔係因為多人嘅關係，老闆黑哂口面之餘又帶點惡，仲係咁叫人唔好催佢，比人感覺就有少少無禮貌喇😣…Read More

山長水遠入到荃灣 其實都只因為為左食其中呢間係我心水之一所以一到步已經打定主意要留定肚食熱狗鋪頭係小巷內 一共有八款熱狗加一啲小食我揀左一陣最終拍板黎個火炙芝士辣肉醬熱狗不過叫左少芝士 哈哈鋪頭隔離仲有個透明玻璃比客人睇到製作全過程我就當然好興奮又跳又彈啦 因為我好中意食熱狗可能我嘅熱情打動 靚女比左好多辣肉醬我呀😍塊芝士我一咬就直接成塊食左落肚啦 啲辣肉醬嘅辣度剛剛好同埋真係好多 多到食到最後都仲有好味到想encore 但本人食左半個已經飽左😂好彩我地兩個分一半食臨走個陣靚女笑笑口望住我地我不期然地比左個讚佢👍🏼因為唔單止好食 仲要好nice雖無華麗裝潢 但有最spicy同yummy嘅味道…Read More