Zeppelin Hot Dog Shop (MOSTown Street (Phase 2))

去到邊區都總有一間齊柏林係附近🥰 入到美食沙漠🏜️ 緊係要幫襯下！上次食完佢個薯條念念不忘，唔知個水準又係咪一直咁得呢？😏💛火炙芝士辣肉醬熱狗 ($42)見到佢個包比平時烤多咗陣🌭 有少少黑黑地，不過無阻佢嘅味道！今次呢個辣肉醬比平時食開嘅辣🥵 但都係好食嘅😋不過一路食，啲醬一路乸到粒飛滋，勁痛🥲💛芝味熱狗 ($38)好多芝士🧀🧀🧀 🐡：聞同食入口都好香😍 見到外面嘅芝士好淋以為佢所有芝士都係得個淋字，但食落裡面嘅芝士好煙韌，好有層次💛芝士煙肉薯條 ($30)外賣拎翻屋企食，芝士同樣好煙韌，但就有啲難扯開，扯扯下仲扯爛咗兩支叉🤯 但芝士配埋啲煙肉鹹鹹地，而且佢嘅個醬好好食😍 薯條係偏幼嘅薯條🍟 類似M記個種，上次擺咗成個幾鐘先食都依然咁好味！綜合薯條+芝士嘅份量嚟講都幾抵食😋…Read More

🌭梗有一間响左近🌭推介指數 ❤️❤️❤️❣️🤍打風唔成又熱又焗，熱到心情同食慾都下降。放假簡簡單單買個輕食、涼冷氣、煲劇煲電視，人生一大樂事😌 The Penthouse 3、幫緊你應援團，仲有33嘅晚吹戀講嘢❣️🌭火炙芝士辣肉醬熱狗 HKD42✨餡料有芝士、辣肉醬、生洋蔥、黃芥末同荷蘭腸。Menu 上2隻辣椒🌶️，食落微辣嘅～即叫即製，保持水準。🍟芝士辣肉醬薯條 HKD28✨拎外賣時熱焫焫，極速返屋企凍咗🥲面層芝士同辣肉醬，配上薯條係邪惡嘅～😗.··👨🏻‍🍳齊柏林熱狗店 (新港城) (馬鞍山)📌 馬鞍山鞍誠街22號新港城第二期地下G2/01號舖…Read More

齊柏林熱狗🌭️店，宜家好似便利店咁，總有一間喺左近😂今次阿魚去咗馬鞍山呢間！都真係幾多人！因為佢係即叫即整，所以要等一等！佢都有成8款熱狗🌭️阿魚話食「火炙芝士辣肉醬熱狗」（$42）加飛船小食杯（$26）不過佢無堂食只有外賣🥡「火炙芝士辣肉醬熱狗」真心好多醬，芝士好厚！非常足料👍🏻中意熱狗嘅朋友一定要試下！下次要試下「澳式風情熱狗」先！齊柏林熱狗店地址: 馬鞍山鞍祿街18號MOSTown新港城中心二期地下G2/01號舖電話: 57026046…Read More

之前睇ViuTV空肚講宵夜太安樓果集見到阿祖介紹呢間熱狗已經好想試但奈何西灣河對我呢個新界人嚟講實在太遠不過最近佢係我住呢個有美食沙漠之稱嘅鹿鞍山開咗分店緊係去試下先啦🌭火炙芝士辣肉醬熱狗材料有熱溶芝士 真係見店員用火槍燒到佢溶個包烘到有少少燶邊勁正自家制辣肉醬 老細話整足三個鐘加埋生洋蔥 黃介末 荷蘭腸真係學BabyJohn話齋 一個人可以食到三個實在太好味另外+$12轉咗做餐跟埋個薯條同埋可樂幫襯呢下呢d良心小店而家仲有2021年曆卡同d文宣貼紙拎好過你去老麥食開心浩園餐吖你話係唔係先…Read More

MOS終於都開Zeppelin啦! 知道一開張嗰日已經群情洶湧我就未到12點已經排隊等, 點知...我排第10🤣唸定食咩order完就上車慢慢等.🌭火炙芝士辣肉醬熱狗 (HKD42)推介!! 尤其係條辣辣的荷蘭🇳🇱腸, 最正係啖啖都有非常刺激嘅mustard! 所以老公食左一大半之後我迫佢同我交換食🤪.🌭芝味熱狗 (HKD38)🌭澳式風情熱狗 (HKD38)內有黑椒嘅紐倫堡腸加上粒料菠蘿🍍配搭好清新.🌭大薯條 (HKD15)上次喺屯門店食過個杯淋滿芝士嘅細薯條真係成日心思思想食, 而用熱狗盒盛載嘅大薯條真心超大份夾抵食, 仲要條條薯條都沾到芝士醬汁的🤩.🌭芝士辣肉醬薯條 (HKD26)🌭後記: 我覺得店家選用嘅各款熱狗腸同埋配料嘅配搭真係一百分💯, 用料新鮮又足料/醬. 但係原來店家選用嘅芝士係一個好短時間之內就會硬化(我12:28拎到order, 12:40已經返到屋企開餐), 變左d芝士完全做唔到一個流心, 易入口嘅效果, 喺個熱狗上嘅芝士都還可以一口一口夾其他食材咬開, 但喺芝士辣肉醬薯條就完全唔係嗰回事了>>> 芝士硬到要用刀切開, 無一條薯條可以沾到芝士, 無左想像中嘅爆芝感覺, 其實變相浪費左店家所強調嘅”即叫即制”俾人嘅期望.🌭但係!!!!!!!總括黎講, 啲熱狗真心高質, 而15蚊嗰款薯條又真係好衰令人欲罷不能, 所以我下次都係會再去排隊食的😂😂😂😂.…Read More