Nichi Etsu Japanese Restaurant

由5月開始就講：「快啲過11/6。」點解呢? 因為這日有重大的project要處理，所以5月時已book定今日與一班好拍檔大食一餐，以此獎勵自己。終於完成了……結果好不好都不想太諗，只想與好拍檔鬆一鬆。餐店開放式的門口，感覺好寬敞。正門口設有一塊色彩繽紛的美食祭巨型推廣板，好搶眼。內裏環境光猛，裝潢滿有和風色彩，最吸引我是那條有質感的魚兒，很美!地方寬敞闊落，中間是自助區，而前後均設有大大座的飲品凍櫃，取食物飲品都很方便。內裏設有多行座位，一排排梳化座配二至六人枱，另外還間了一區，適合大夥兒相聚，地方大，令人坐得很舒適。晚巿放題限時2小時30分鐘，分三個時段，我地揀了自選時段18:00-20:30 ($278+10%)。原來4人同行會加送優惠咭和活魚薄切一份，可惜我們只有3人，噢!******************************每次都必先揀飲品作好準備，凍櫃有不同的韓式飲品、汽水、紙包飲品等等，而自助區就有咖啡、朱古力、清酒、梅酒、果茶、花茶、山楂烏梅汁、蜂蜜雪梨、玄米茶、煎茶等等，還有熱湯和糖水，包括蟹肉昆布清湯、味噌湯、銀杏腐竹豬肚煲西施骨湯、圓肉紅棗杞子茶、海帶綠豆沙，選擇好多。各取所好，雖然只有我一人飲酒，但也可一起乾杯慶祝。******************************接着去自助區，都有不少選擇，包括泡菜、牛蒡、醋薑片、海蜇、墨魚仔、八爪魚、螺肉、煙鴨胸、中華沙律、韓式大豆芽、泰式鳳爪、炸菜鴨腎、八爪魚漬、涼拌青瓜、枝豆、黃金螺、青口、凍蝦、胡麻豆腐、薯仔蛋沙律、沙律配料、沙律菜等等。一口氣取了七款小食共享，有爽口入味的中華沙律、清爽鮮嫩的田園沙律、滑溜甘香的胡麻豆腐、爽脆的牛蒡、香辣惹味的炸菜鴨腎，還有最討我喜歡是海蜇，味道辣辣地，又爽口，再來一些吧！******************************每枱都放了兩本厚厚的點菜紙，客人填好遞交便可，最傳統的方法。灰色簿是刺身壽司類，有刺身、壽司、火炙壽司、創意壽司、軍艦壽司和卷物；而黑色簿是一品料理類，包括燒物、串燒、炸物、天婦羅、一品料理和食事。十二款刺身中點了北海道帶子、赤蝦、赤貝、甜蝦、油甘魚、三文魚和劍魚腩，油甘魚和色澤亮麗亦很肥美，肉質稍稍爽口，很吸引。大大隻的赤蝦質素亦佳，鮮甜黏爽；帶子就好鮮甜柔軟。四款卷件中只要了芝士鰻魚卷，都幾靚仔。卷頂放了肥美的鰻魚和鹹香的芝士，中間捲着青瓜、蟹柳和玉子，用料豐富，淋上甜甜地的燒汁，配搭不錯。我們三人對火炙壽司都情有獨鍾，故點了五款，仲encore一次，真係不惜米飯飽肚也要食呀!有三文魚腩壽司、海膽赤蝦、芝士蟹棒、香蒜牛肋肉和鵝肝帶子。最喜歡是三文魚腩，迫出三文魚的魚油更加肥美，正! 還有芝士蟹棒也推介，蟹棒肉嫰，再加埋半溶的芝士，添上鹹香更美味，好好味。******************************突然響噹噹，發生什麼事，估不到放題店也跟酒店自助餐一樣為食客突然送上驚喜。今晚的驚喜原來是片皮鴨，正合友人心意。一客兩件，鴨片色澤亮麗，皮脆兼油潤，肉質兼富肉汁，伴着青瓜絲和京蔥絲，加些甜醬，以蒸包挾着同吃，不錯！******************************輪到另一本點菜紙，六款燒物中選了燒香草羊鞍、芝士蟹粉焗帆立貝、鹽燒鯖魚和燒菠蘿。燒香草羊鞍大大件，好有份量，外表燒至帶些焦色，幾香口，內肉雖沒有呈粉紅，但肉質腍嫩，帶少少羊羶味，伴上黑胡椒和香草，味道和口感都吸引。芝士蟹粉焗帆立貝燒得金黃，以混入蟹籽、蔬菜粒的芝士汁同燒，鹹香惹味，而內裏的帆立貝雖不算肥美，但熱辣辣，肉厚彈牙，質素不俗。鹽燒鯖魚也不錯，底面同樣燒得金黃，賣相幾靚仔。燒弄的時間掌握得剛好，並不乾身，魚皮還有些香脆，味道稍稍鹹香。燒菠蘿大件厚切，色澤鮮黃，帶些焦色，入口微暖，相當香甜多汁，新鮮美味。串燒都有八款，選了燒豆腐和翠玉瓜，兩者也不錯。前者很香脆，後者爽嫩多汁，同樣淋上燒汁，甜甜地，幾好味!八款一品料理中選了雞絲胡麻醬菠菜和櫻花蝦炒鮮菌椰菜，較喜歡後者。成品有大量的椰菜、紅蘿蔔絲、芽菜、洋蔥、菇菌等等，灑上櫻花蝦。最讚是食材清爽，且沒有加入大量油份炒弄，不覺油膩。******************************最後當然是甜品啦！自助區有紅豆砵仔糕、和菓子、芒果布甸、迷你焦糖布甸、椰汁馬豆糕、迷你木糠布甸、桂花糕、豆腐花、時令鮮果和棉花糖。唔止呀! 竟然還有兩大品牌的雪糕任食，真豪! 有我最喜歡MÕVENPICK品牌雪糕，雲尼拿和朱古力兩款口味；而Haagen-Dazs品牌雪糕就有士多啤梨和咖啡味。我們取了迷你焦糖布甸、兩杯朱古力味的MÕVENPICK雪糕、一杯士多啤梨Haagen-Dazs雪糕和咖啡味Haagen-Dazs雪糕。每次吃MÕVENPICK雪糕也令人吃得滿足，細膩幼滑的雪糕中佈滿朱古力薄片，朱古力味相當濃郁，香甜美味；Haagen-Dazs咖啡味雪糕也同樣令人吃得滿足，味道香濃好吃！吃完一輪凍甜品就來一碗熱騰騰的圓肉紅棗杞子茶暖暖胃子。滋潤甜美，補血養顏，岩晒我。------------------------------快樂的時間過得快，又夠鐘講bye bye! 估不到傾下食下，轉下眼就兩個半鐘，以不斷的笑聲伴着豐富美味的一餐，真係可為六月打氣，其實過了今天，漫長的六用還有很多挑戰和做不完的工作……拍檔們，加油呀!…Read More

今日同屋企人去食放題！屋企人聼D工友話尖沙咀的日悅放題質數唔錯，而且仲有好多款食物選擇。這間放題餐廳座位寬倘，座得好舒服。座位與座位之間的距離夠大方便客人出去取領食物。放題日悅放題的價錢不是太貴，黃金時段$268 一位。放題中間的自助Bar台，外面有很多小食，冷盤，湯，甜品，沙律甚至海鮮！猶如自助餐一樣。刺身拼盤：這裏的刺身選擇都算多，甚至有甜蝦！刺身全部都非常新鮮爽口，尤其是甜蝦鮮甜味足，刺身有冰盛著可以保持新鮮冰凍。餐廳的燒物都很不錯，帆立貝北海燒配上沙拉醬很滋味。和牛薄燒的牛肉很惹味而且牛味頗重，我們很快就食完了。放題的燒物，火炙壽司以及一品料理的清酒煮蜆等全部都應有盡有。不得不提的是清酒煮蜆！蜆肉全部都大大粒，新鮮肥美！最重要是沒有沙。差不多7.30的時間仲有特別食物燒乳豬！，實在令人驚喜！乳豬外皮很鬆脆，肥瘦適合。店員會搖鈴作預告，然後示意客人排隊領取食物。另外自助bar台更有老火湯及養生茶。最後當然係甜品時間！呢個放題超級好！就係可以任食Häagen-Dazs同Movenpick雪糕，而家已經很少放提可以任食呢兩個品牌的雪糕la~絕對係一個回本位。日悅極尚日式放題的價錢合理，種類又夠多，好似食自助餐一樣！可以任食雪糕係重點。…Read More

黃埔和尖沙咀是我往時流連的地方。每隔數月，這裡總有多多少少的轉變。回到故地走走，物非人非，教人感慨。我們無意中看到這間店，小小的店牌在白天毫不起眼，卻在漆黑中吸引了我們目光。走到餐廳門口，才知餐廳原來是這麼空曠，是我到過最大的餐廳。在寸金尺土的香港，又在滯滿遊客的尖沙咀，這裡是難得的舒適，更難得的是價錢沒有因這寬大的空間而變得高昂。首先看到的是刺身、冷盤和甜品，還未點正餐，我便急不及待到琳瑯滿目的食物區拿各式各樣的食物。迷你木糠布甸，雖與焦糖布甸只有兩字相隔，但這個布甸較像忌廉。我素來喜愛加入飲品的忌廉， 但作為甜品，還是焦糖布甸好吃。木糠量多，喜愛木糠的可一試。迷你焦糖布甸，在這迷你份量下，焦糖的比例顯得較多，適合我這個喜愛大量焦糖的人。這個布甸很軟滑，是眾多甜品中最好吃的。迷你蘋果牛乳杯是另一個好吃的甜品。蘋果的酸甜帶走過甜的味道，在較少甜的牛乳下突出其酸甜，令整道甜品頓時變得清新，是少見而做得好吃的甜品。尚有其它甜品，只說幾個我較喜歡的，其它的留待大家試。冷盤也有不少選擇，吃過大量甜品後，已吃不下這些。但要吃這個—胡麻豆腐，冰滑而開胃，便把這當成開胃菜。是次主要吃壽司，沙律非我選擇之內。正如先前其它人所說，壽司是最好吃的，食材新鮮而款式多樣。按次序排列，最好吃的列首，但即使排到最後的壽司仍是很好吃。必點所有火炙壽司，比壽司店還好吃，更有火炙後的濃郁燒烤香味。最後是每人一杯雪糕，選了Panna Cotta口味，感覺甜了一點，但友人覺得這個較好吃。下次選回雲呢拿好了。…Read More

今日一群義工組好朋友帶我往尖東日悅極尚日式放題慶祝生日, 我們點了很多美食, 有軍艦, 卷物、火炙壽司、刺身、炸物、燒物和甜品等。軍艦有海膽和芥辣八爪魚, 前者海膽味鮮甜, 食落不苦, 紫菜味香脆, 飯好軟綿, 後者芥辣八爪魚辣味適中八爪魚彈牙；芝士鰻魚卷芝士味香濃鰻魚肉質鮮甜味美；火炙壽司有左口魚, 鰻魚和三文魚腩, 左口魚火炙壽司食落彈牙, 鰻魚火炙鰻魚肉質鮮甜醬汁惹味和火炙三文魚腩食落有油花好醒胃；刺身方面有北海道帶子, 三文魚、馬刀貝、赤蝦、甜蝦和希靈魚, 上桌時有乾冰襯托, 賣相吸引,個人強烈推介北海道帶子和赤蝦, 食落新鮮,鮮甜味美, 而三文魚、馬刀貝、甜蝦和希靈魚入口即熔, 食落爽口, 味道鮮甜；炸物有蝦天婦羅和芝麻雞翼, 前者粉漿薄薄, 蝦十分彈牙, 食落不油膩, 後者炸得金黃, 雞肉肉質鮮嫩；燒物有北海道北海燒, 雞軟骨、燒海蝦和燒菠蘿, 北海道北海燒食落鮮甜, 配上醬汁食落開胃, 炸雞軟骨燒得乾身, 食落香脆惹味；燒海蝦蝦燒得惹味, 蝦好鮮甜味美, 最後燒菠蘿燒得香甜, 口感十足。除了以上食物外, 餐廳另外提供即燒乳朱排隊領取, 乳朱燒得香脆, 食落惹味有油花；甜品方面有咖啡奶凍, 食落咖啡味濃, 甜度適中；雪糕方面有movenpick 和haagen daz雪糕,movenpick有咖啡味, 個人建議如果餐廳可以補充多一點會好些, 因為數量不多, 好多食客想食movenpick時才知餐廳沒有補給, haagen daz雪糕有朱古力和士多啤梨味, 前者味道香濃, 後者甜度適中咬落有士多啤梨果肉, 好好味, 我們食了好多杯雪糕。餐廳座位闊落, 食物美味, 上桌和執拾速度甚快, 而且餐廳有一遊樂區給小朋友玩耍, 場地又大又多玩樂設施,十分照顧週到, 我食了一頓開心愉快滿足的生日飯, 慶祝生日好去處(餐廳現時壽星仔八送一優惠)。…Read More

初初開張既時候黎過一次，今次同朋友帶住小朋友再黎，貪佢地方夠大，仲有個playroom😛今次黎仲多左兩個滑梯同一個鞦韆仔添。✨6點前入座，$278+1, 限時兩個半鐘～～上菜速度都幾快，而且無漏單，所以時間都非常夠洗。✨自助區當然首選要食海鮮😍凍蝦，青口，翡翠螺質素真心唔錯，味道鮮甜拍得住酒店。✨野飲除左凍櫃，又有常溫飲品，梅酒，水果茶，電熱壺既菜蜜，自沖茶包等等～～✨不過今次終於出現我之前想飲既呢款生果beer!!☺️西柚味甜得黎帶微酸幾易入口，好過飲汽水咁甜。✨我幾鍾意食酸蘿白青瓜呢d 漬物，海蜇都唔錯，個汁甜甜地又有d 芝麻幾香。另外，仲有沙律區，味附螺肉果d, 太多都無乜食到，要留肚食其他野☺️。✨刺身都幾新鮮，最開心係有蟹腳，好鮮甜，又唔會係死咸果種，無限encore!!!!✨壽司我覺得比之前食果次細件左，感覺無咩heavy👍🏻海膽軍艦紫菜夠脆，味道算新鮮，容易入口，可以食多幾件。✨火炙壽司都係我既至愛❤️鵝肝帶子，三文魚腩，肥美甘香，蒜香牛肉都好惹味。不過話時話我粒鵝肝點解無左？🤔✨芝士鰻魚同牛油果軟殼蟹卷我都好鍾意👍🏻✨帆立貝北海燒： 睇落個醬雖然賣相嘛嘛地，好似好實咁一pat 野，但係味道我覺得好過其他地方，可能係因為佢偏酸d既關係，我覺得食落無咁漏，個人幾喜愛😆✨估唔到個燒粟米幾甜，翠肉瓜燒到帶點焦香，加上搽左d甜甜地既醬汁，食得肉多食番d 蔬菜都唔錯。✨燒蝦大大隻，夠彈牙，肉質結實，送beer必食。 羊架反而比較失色，肉質有d 韌同埋可能無香草果d, 食落無咁香。✨和牛薄燒： 個汁甜甜地幾惹味，最重要係有牛味😆✨食食下響鈴鈴，場面都幾嚇人，原來係搶茶碗蒸😳不過其實都唔使搶，見佢出左勁多！ 到手仲超級熱辣辣，個蛋又幾滑幾juicy 喎。之後仲有乳豬拎添。✨準備食甜品既moment, 一定要叫蕃薯仔天婦羅，脆口得黎又香甜，一定要拎黎點雪糕！！✨movenpick 雪糕😍😍😍！！自從食過佢之後已經好少㨂haagendaz, 因為口感真係超滑的。之前食過佢個法式奶凍味係超好食，甜得黎帶點紅桑子既酸味，又有d 焦糖香👍🏻拎果時得番幾杯咋，記得早d 拎定。✨咖啡味第一次試，反而有驚喜。咖啡味超濃，食落唔會太甜，仲有d 果仁粒粒，好食過haagendaz 既咖啡味。✨呢度劃紙既食物可能唔夠同類放題多，不過環境闊落，方便一家大細。三百蚊黎講，夜晚輕鬆食下，食多d 冷盤海鮮，蟹腳，movenpick 都有助回下本。 最緊要細蚊仔坐唔定可以有個地方比佢放下電，唔使瓜瓜嘈😆。…Read More