Pho 5 (Tsing Fung Street)

兩個人來天后辦點事，時間不是好充裕，想快靚正食個午餐，嚟火五實放心。食物上枱快，食物保持水準，夠大碗一定飽肚，價錢又唔貴。兩碗河粉：火五火車頭牛肉粉（$68）喜歡牛的朋友必食，有齊生、熟牛肉、牛丸和扎肉。火五和牛牛丸+扎肉粉（$48）我就覺個火五的扎肉最好食。兩碗河粉都非常足料，湯底清甜有牛肉味，我會喜歡加辣椒粒和越式渃蘸，更加惹味。兩個小食：越式炸春卷（$28）長長蝦肉春卷用生菜包住，蘸越式渃蘸，脆、酸、甜齊味。好食。香茅雞翼（$22）大大隻好抵食，炸得乾身但肉質仍辣滑。兩杯飲品：凍奶茶和熱西洋菜蜜（+$8）午市時段有半價，又係好抵。最喜歡它的凍飲包裝，乾淨衛生。火五的座位和空間不算好寬敞，但光猛乾淨，又可以自助斟水，價錢親民，經過可以試下。…Read More

記得之前在佐敦那邊吃過，原來有其他分店的。午餐價錢好划算，飲品只需加$6-$10。  火五火車頭牛肉粉 - $68 湯頭香甜有牛香味，帶微微香料味；生牛肉的肥牛好嫩滑，熟牛肉則是軟腍的牛腩，還有牛丸、札肉和粉嫩的牛筋；佐料生芽菜和香葉另上，可自行控制份量。  火五熟牛肉粉 - $58 牛腩的份量自然比較多，但款式比較單調。相比之下，好像火車頭的性價比較為高。  香茅美國黑毛豬扒(2件) - $42 兩大片切件的豬扒好划算，炸得好香嫩，有惹味的香茅香。  凍青檸梳打 +$10 青檸酸酸的好清新，有碳酸的爽口感。  凍越式香滑濃咖啡 +$10 比想飲中濃郁的咖啡味，甜度相對較為低，故帶點咖啡苦。 …Read More

好耐之前已經去過 「火五」嘅太子店，記得味道都唔錯，今次就試試佢地天后店啦 😝 估唔到平日lunch time 啲外賣單多到買滿哂幾張枱，啲外賣員一個接一個 越式炸春卷 📍$28春卷好長身，即叫即炸，所以外面特別脆身，而且入面充滿住好多蝦肉火五火車頭牛肉粉 📍$62有齊生牛肉、熟牛肉、和牛牛丸，同扎肉，好豐富，麵底仲有得 「多麵」，所以一定夠飽火五生牛肉粉 📍$42湯底清清地又帶有淡淡嘅牛肉味，而且生牛肉用咗牛柳肉部位，特別嫩滑 👍🏻 枱面上仲有幾款醬汁俾你點牛肉：辣椒醬、原塊辣椒、海鮮醬、XO 醬 🍜 最傳統嘅就當然係點海鮮醬啦手作扎肉米紙卷 📍$32薄薄嘅米紙包住生菜，扎肉，青瓜絲，米粉，好清新 👍🏻 點埋啲酸辣醬，好開胃白桃梳打 📍$19唔算好甜，白桃味 light light地，夏天飲都幾refreshing咸檸雪碧 📍$19好清新嘅一杯嘢飲，用咗醃咗嘅鹹檸檬粒，對喉嚨舒緩都係好有幫助，同雪碧好夾…Read More

今天小米在維園踢波後, 肚餓了, 就要馬上醫肚. CWB那邊租金貴以致物價較貴, 所以我倆便到天后那邊. 來到熟悉又抵食的餐館, 份量大味道不錯, 真係好適合一家大細.  下單後不久, 職員就呈上食物了!    香茅美國黑毛豬扒撈檬  大熱天時, 想要涼浸浸撈檬. 而香茅美國黑毛豬扒看來很特別, 所以點了這款.  先試豬扒吧!  豬扒肉質較實淨, 没有醶水味. 個人覺得豬扒没有加鬆肉粉梳打粉. 只是 香茅味不夠濃郁... 我想要濃濃的香茅味.  豬扒配餐廳特製的海鮮醬及SRIRACHA醬, 一流.            撈檬, 要淋上特色的調味料.  這種橙橙紅紅的東南亞調味料以酸為主.   註: 那些年, 在檬米裡狂加這種調味汁, 變成湯檬, 所以覺得檬粉係<超勁酸>, 難以吞嚥.     近年便改為逐點逐點添加, 調校至自己喜歡的份量.    自己喜歡把調味汁跟檬粉&配料拌勻後, 碗底没有多餘的醬料, 就是最完美的比例, 又不浪費.  白色檬粉現在變成粉紅色了!   雖然剛才嚐過豬扒, 但因為醬汁有微微的酸味,  仍然嚐到檬粉的米味.    其實檬粉跟米粉有點相似!  米味跟河源霸王花接近,  但口感卻更彈牙! 微酸之下, 除了提昇米味, 還令甘筍和青瓜絲更清甜.  咀嚼之時, 也會咬中那個脆脆的炸蒜片.    火五火車頭牛肉粉  餐牌列出多款肉類的配料, 引得小米要來一份. 因小米仍然係細路,  覺得這個火車頭很巨型. 還懂得列出: 這碗有澱粉質, 蛋白質和膳食纖維呢! 夾起河粉說是澱粉質, 夾起牛肉就說是蛋白質. 膳食纖維=蔥花! 成功在小米碗裡搶到札肉和牛丸.     嚐過越南美食, 就要來一杯特飲.    自己選凍鹹檸梳打, 小米就選凍檸茶.  可是剛才食物的份量太大了! 未能把飲品都吞下. 幸好帶了環保飲品手挽帶, 就手提2杯飲品, 邊走邊飲吧! …Read More

話說做野經開天后，去到清風街想搵野食就見到呢間火五越式牛肉粉。見到佢個門面放左好多外賣，應該好多人幫襯就入左去試下。內裹好光猛，而且播緊懷舊金曲，好搞笑。午飯時間超多人叫外賣，侍應完全做到沒停手。火五火車頭牛肉粉 ($62)呢個粉超大碗，淨是食一碗粉都一定夠飽﹗而且配料超多，分別有生、熟牛肉、和牛牛丸同埋扎肉。推介和牛牛丸，有超濃厚嘅牛味，一定會覆桌﹗意大利黑醋汁蒜蓉牛油雞翼 ($38)雖然淨是食碗粉都夠晒飽，不過為食又歡喜雞翼嘅我就想試埋呢款黑醋蒜蓉牛油雞翼﹗一上枱就聞到超香，雖然有少少油，不過勁好食，酸酸鹹鹹好好味﹗…Read More

約咗朋友放工喺天后食飯🍚喺地鐵站一出沿路有好多食店 之後行到去清風街 見到呢間越式餐廳 就入去試下啦😊一入門口就見到好多人訂咗外賣🍲應該都幾受歡迎👏入到去侍應好nice 幫我哋安排好座位 😊餐廳內有部大電視 🖥俾客人邊食飯邊睇電視👍我哋就開始點餐 一睇個餐牌 有勁多選擇🥰樣樣都想試 👍最後我哋揀咗4️⃣款美食😋🟪火五火車頭牛肉粉🍜$62（ 生牛肉，熟牛肉，和牛牛丸，扎肉） 有得揀檬粉或者河粉🍜湯底香濃👍好足料🥩啲牛肉好幼滑鰻魚好大塊😋 口感細滑 仲有埋少少💛💜酸酸甜甜配菜撈埋啲飯 🍚成碗飯更加豐富🟪意大利黑醋汁蒜蓉牛油雞翼(5件）$38 即炸雞翼 👍淋上黑醋汁可以減少炸雞翼嘅油膩感  入口爽脆 加埋惹味蒜蓉 令雞翼食落更加香口  建議要趁熱食啊🥰🟪手作挪威煙三文魚紙米卷🌯$48 好有心思嘅一道菜 我本身好鍾意食煙三文魚 佢加咗啲蔬菜一齊包 好欣賞佢  包得好結實👍咬落去唔會散開哂  又易入口又夠Fresh🥬 食完好開胃👍同朋友平均每人食咗$98😋真係好抵食呀🥰👏會再嚟幫襯💜…Read More

疫情反覆，維園花市話開又唔開最後又開倒！立即相約同事中午快閃天后！來一個花市＋午飯！天氣回暖又行到一身汗，立即想食碗檬粉開下胃呀！太好了就喺清風街有一間越式河粉！Go Go go ! 又可以 #食左當去左旅行 啦 🤣🍜火五火車頭牛肉粉 （生牛肉，熟牛肉，和牛牛丸，扎肉）$62 一來到超大碗，先飲一口湯！湯頭濃厚清香，生牛肉超淋冇肥冇根，出乎意料～好！好！味！熟牛肉似牛腩，肉質豐富夠哂入味！各有兩件嘅和牛牛丸爽口彈牙，扎肉香口！河粉爽滑，一啖河粉一啖湯超級正！餸料份量足！   🦀炸軟殼蟹撈檬 $68 炸軟殼蟹撈檬賣相超吸引！全隻大大隻炸軟殼蟹，酥炸鬆脆咬落去啖啖肉仲唔油膩 ！加上秘製蒜茸甜酸醬檬粉立即好fresh！🍤越式炸蝦春卷 $28 (3件)抵食夾好味嘅蝦春卷仲有3件！推介！…Read More

天后新開了間越式牛肉粉 Pho 5🇻🇳，我帶同住附近的朋友放工去初探。🚂火五火車頭牛肉粉 $52🐖香茅美國黑毛豬扒撈檬 $56🗞手作挪威煙三文魚米紙卷 $48🐲火五特式鳳爪 $22💣D24 榴槤炸彈 $48🥤凍越南三式冰 $19🥤凍越南椰汁冰 $19兩個主食好大碟好足料，牛肉粉的牛肉大大塊，牛丸又彈牙，仲有牛腩同扎肉等，牛骨湯底都好香濃，來到不得不試牛肉粉。而撈檬添上越南酸甜魚露汁再一起攪，充滿著香茅的豬扒配上蘿蔔絲和青瓜絲等，吃上口很清新。個榴槤炸彈超正😍，外皮脆，咬落去有啖啖的榴槤，香味隨即爆發出來。米紙卷皮薄而餡又夠多，三文魚大大條，有飽滿又厚實的口感。大大舊的鳳爪唔算好辣，易入口，酸辣又惹味。老闆好好人，服務態度很好，同場仲有個大電視播放Avengers: Endgame，食到滿載而歸太開心了🥳。…Read More

朋友今日約左我黎天后呢間火五食越南野。咁我就嗌左火五火車頭牛肉粉，有生牛肉、熟牛肉、牛丸、扎肉，牛肉好淋好正，未熟透既牛肉肉質好嫩，河粉配埋清湯帶點牛味都好食，值得一試，份量亦多。朋友叫左法式咖喱豬頸肉油香飯，啲飯同咖喱都幾香，軟硬適中，豬頸肉都唔差，不過肉質覺得可以更好。叫咗個意大利雞翼嘅小食，佢有d黑醋味帶點酸，牛油味都香，幾特別嘅。嘢飲嗌左一杯三色冰，椰奶味幾濃所以幾好飲，不過冰好似太多，下次可以叫少冰。…Read More

天后一帶向來都是港島區覓食熱點，當中不少更是一些隱世食肆，就像短短的一條清風街，已可以找到不同國家菜式的餐廳，中式、日本、韓式和印度均見蹤影，而最近就發現一間平民越式餐廳在該地段新登場，筆者當然第一時間去探一探場。從網上資料得知，這小店總店原在太子一帶，最近分店才進駐到天后這個老牌熱點。門面招牌以黃底襯上紅綠色燈字樣，甚是搶眼；店內裝潢反而偏向簡約，黑白色主調配上亮橙金屬枱櫈，牆上還掛有綠化盆栽和播放著音樂節目的大電視，型格清新得來又帶點地道港味，在內用餐不覺迫窄，還算舒適。細閱餐牌，選擇雖不算太多但應該有的都會有，越式河粉檬粉、沙律、米紙卷和各式小食，甚或油香飯都有供應，其中較特別的有越式花膠老火湯河、越式鹹菜腐竹胡椒豬肚湯河和越式魚翅花膠雞湯河，是一般越式餐廳少見的，帶點Fusion菜的感覺，弄得筆者每樣都想一試。扎肉米紙卷，米紙卷一般都是即叫即做，因米紙放得久了會變得硬韌。這款新鮮即製的米紙卷內裡有齊青瓜、甘筍絲和檬粉，還有生菜和扎肉，塞得滿滿的，爽脆清新，蘸上小店特製較外面濃稠的越式魚露，添上蒜香甜酸，更是開胃醒神。越式炸蝦春卷，起初以為是傳統的越式春卷，但端上來時發覺賣相不盡相同，春卷長長的偏向幼身，帶點粵式春卷的影子，可以好像零食般用手拿住來吃，十分方便。春卷皮較越式的厚上一點點，內裡包上蝦膠餡料，入口外脆內Q彈，香口鮮味。意大利黑醋汁蒜蓉牛油雞翼，蒜蓉牛油雞翼是筆者品嚐越南菜必選的菜式，這店的雞翼醃得入味，以炸漿裹上雞翼炸脆，再拌以蒜蓉牛油，面頭淋上小量意大利黑醋，入口香脆帶牛油香，佐上黑醋更帶上少許甜酸，中和了油膩，是頗新鮮的配搭；唯蒜蓉略嫌有點不夠，致蒜香不太突出，如能改善一下將會更好，但其實味道仍算不錯。火五火車頭牛肉粉，大大碗份量十足有夠飽肚，生、熟牛肉，牛丸和扎肉齊集其中，不用費神已能食齊多種必試食材。先嚐一口湯底，味道鮮甜中偏向清淡，不像一般越式牛肉粉湯底的濃郁，但飲得出是自家熬製，應該沒有添加味精，較健康之餘亦帶點在家的感覺，別有一番風味。生牛肉軟嫩富肉香，熟牛肉則較厚而入味，入口鬆軟富質感，有點似清湯牛腩的口感；牛丸彈牙牛味濃厚，扎肉爽彈中帶點黑椒香，加上生洋蔥絲和大量香草蔥花，佐上滑溜河粉，連湯一啖進口，濃郁鮮甜清香彈牙同時充斥於味蕾之間，豐盈美味，大滿足也！法式咖喱牛肋油香飯，牛肋肉份量十足，鬆軟入味富牛香，油香飯亦粒粒分明帶淡淡香料清香；咖喱汁算富香料味但卻沒有預期般的濃郁，味道偏甜亦頗清淡，不知這是否法式咖喱的特色呢？雖然是這樣說，但其實以價比貨實算可以。整餐的質素雖不是十分突出，但仍算到位，環境亦算舒適，而且定價相對貼地，小食價錢由$22至$48左右，主食更只是$42至$59，以天后地區來說算是相宜，難怪人客可以絡繹不絕，相信不難成為附近街坊的常去食堂之一。…Read More