Let's Yum Cha

我是一個好鐘意「飲茶」嘅人~ 香港地而家除左茶樓有茶飲~ 仲有「得閒飲茶」呢類小店可以止到我嘅「茶癮」!!!首先，呢度嘅茶葉係以袋裝茶葉方式沖泡~ 所以沖出黎嘅茶係唔會飲到茶葉，而且我個人覺得以小店質素的大茶包來說~ 呢度嘅茶我覺得幾好飲，唔會過濃同過淡~ 就算加水沖泡多幾次都唔會無味!!! 然後今次我地叫左以下點心~蝦餃之王 - 呢個真係非常出色! 果然係佢地手指公推介! 蝦非常爽口彈牙! 調味剛剛好, 皮不算過厚~ 果然係得獎蝦餃!!!最緊要配埋佢地的辣油同豆瓣醬 ! 真係好食到極致 !灌湯京滬小籠包- 這個就有點失色，皮就厚了一點點，內裡湯汁都有~ 但我個人覺得有點咸了一點點~ 和蝦餃比較就有對比了~春風得意腸- 這個就是中間包了油炸鬼~ 似炸兩咁，腸粉皮非常清透薄又滑，加埋蟹籽，粟米粒! 口感好夠~ 真係好好味原籠牛仔骨蒸飯- 呢個係咁多款蒸飯入面我覺得係大推嘅~ 佢嘅牛仔骨味道真係好出色，醃骨嘅味道也是完美~ 加埋用金鳳米加荷葉做底蒸成嘅飯~ 真係100分滿分嘅蒸飯~!!! 真係豉油都唔洗加太多~姬松茸燉排骨湯- 呢個係每個月的15-31號提供可選的湯品~ 湯品真係必點~ 呢款燉湯足料到痴線~滿滿姬松茸及排骨~ 湯味非常濃郁~ 0味精~ 正到癲~呢度一定會成為我解茶癮嘅好地方~ 而且有時想飲啖湯都可以黎呢度了! …Read More

入到元朗食得閒飲茶嘅點心，全部點心即叫即蒸，相當滾熱辣，而且茶錢只係$5,仲唔收加一，仲有營業時間長，邊個時段想飲茶都得，啱哂想飲早午夜茶嘅人，今日黎到叫左以下四款點心灌湯京滬小籠包（$27）啱啱蒸好嘅小籠包咬一口相當燙熱，好多湯汁流出同好豐富，肉餡鮮味好，食小籠包記住要先咬一口吸哂湯汁蟲草花魚翅灌湯餃（$35）灌湯餃皮薄餡多，湯又味濃，餡料有蝦肉，雞肉，魚翅，仲有蟲草花，成個灌湯餃好高質春風得意腸（$38）腸粉包住脆米網，仲有鮮蝦，粟米，芹菜，魚籽配搭，賣相吸引，都好有創意，有多重口感兼層次豐富黑金流沙包（$34）外表幾吸引，有蛋黃嘅流沙，唔會過甜味道啱啱好得閒飲茶有如其名，想邊段時間飲茶都得，日後想嘆茶食點心又多一個選擇，值得再黎！…Read More

早排去「得閒飲茶」飲茶，見呢間點心專門店可以全日免加一，好抵食。同幾個朋友食咗好多點心，埋單每人只係需要俾五十蚊左右，經濟實惠。而且點心味道唔錯，做到價廉物美，性價比幾高。小籠包比想像中大隻，分量有如湯包。灌湯肉餡濕潤鮮香，但外皮略厚，無小籠包應有個種吹彈可破嘅外層。蟲草花冬菇棉花雞入面鬆軟嘅魚肚吸滿雞肉精華，味道濃郁。配上蟲草花、蒸雞，口感、味道更有層次。有別於點心紙上大部分嘅傳統菜式，呢道日式翡翠豆腐更似一款中日crossover嘅自創炸點。麵衣鬆脆透薄，有如天婦羅外層，而內餡則似日式玉子豆腐。豆腐豆味唔突出，反而混入蔬菜嘅炸漿更惹味。排骨嘅油脂同醬汁滲入爽滑煙韌，Q彈可口嘅陳村粉，令原本平平無奇嘅粉皮肉香四溢。而且蒸排骨加咗粉麵後令人易飽肚，可以同盅飯一樣當主食，定價$25一份相當抵。黃金糕金黃奪目，椰香撲鼻。切開見到絲絲蜂窩狀，證明蒸發得宜。入口煙韌柔軟，甜而不膩。但蒸糕溫度稍涼，如果可以熱辣辣上枱就更好味。灌湯餃入面有蟲草花同花膠，用料矜貴。湯餃汁香滿盈，肉餡飽滿味濃。叉燒用料額多，分佈平均，每塊都有肉。腸粉皮軟熟滑溜，但略厚，尤其是粉皮重疊位置，影響口感。流沙包貓咪造型可愛，粉紅外皮顏色鮮豔，賣相討好。蒸包鬆軟香甜，奶皇餡味道濃厚。不過流心效果一般，唔太澎湃。…Read More