Terrace in seaside (德福廣場1期)

Care Bears出沒請注意！這間人氣韓國過江龍咖啡店由即日起至2024年2月14日全線8間分店化身主題咖啡店！一系列限定的Care Bears主題造型餐飲非常可愛。就連店內也花盡心思佈置，每個角落都有Carebears的身影，相當可愛。熊仔頭螄蚶拌飯 - $188超大熊熊頭造型，白飯拌入特調韓式辣醬微辣惹味，粒粒飽滿的螄蚶十分鮮甜，亦有黑醋沙律菜及濟州柑橘，充滿韓國風情。愛心傳播飯卷 - $98傳統的韓式飯卷質感更黏身，散發著迷人的麻油香氣，染上多種天然食物顏色，亦有爽脆的醃蘿蔔及雞蛋，同樣有沙律菜及柑橘，相當清新輕盈。Care Bears彩雲窩夫 - $118 即叫即製的窩夫香脆無比，入口鬆軟富蛋香，幻彩忌廉幼滑細膩，亦有藍莓及士多啤梨粒粒，柑橘果肉香甜回甘。Care-a-lot彩虹樂園蛋糕  - $68韓式彩虹蛋糕足足有七層相間，每層間有著香甜細膩的忌廉，彩虹軟糖酸爽開胃。Starbuddies紫薯南瓜冰  - $52顏色層次分明充滿夢幻繽紛感，以香濃紫薯和南瓜作主調，有爽脆的蜜糖星星及爽滑清甜的珍多條。濟州柑橘乳酪 - $68每週空運到港的濟州柑橘製成，混合酸甜希臘乳酪，順滑又清甜。…Read More

「里想煮意」一直都好想食呢間舖頭，不過次次經過都排長龍，今日難得準時放工，即刻跑去德福睇吓有冇機會食到先💃🏼點知～～真係有位呀，超級開心，咁就即刻叫晒我想食嘅嘢先🥳是日餐單：菠菜雞肉千層麵$78醬油豬五花飯卷$86柑橘窩夫$98濟州柑橘乳酪$68柚子檸檬梳打$42二人食，好飽，超級滿足。每款食物的味道都好夾，特別係飯卷和窩夫都係我嘅至愛，只是飲品覺得有啲少貴。不過，咁難得有位，就豪一次啦🤭…Read More

遠睇到餐廳入面有棵大大嘅柑橘樹，而且店員都戴住柑橘造型的帽，已經覺得間鋪頭好得意，平時返工經過見到間鋪仲要排隊添，所以真係心郁郁想試好耐🌝韓國蜆肉紫蘇飯一上碟見到分咗一半係炒飯，一半係蜆肉紫蘇葉，炒飯底配上韓式辣醬炒的蜆肉，真係好惹味！份量十足，蜆肉又大隻又多，充滿韓國風味。🌝醬油五花肉飯卷食韓國嘢又點可以唔叫飯卷，充滿芝麻香的飯卷包上燒得香脆嘅黑毛豬五花肉，再淋上特製嘅醬油汁，肉香四溢，口感豐富，真係值得推介。🌝水果忌廉三文治呢個水果想試好耐三文治，三文治包覆住厚厚嘅cream, cream 內有紫薯、提子同埋奇異果，望落去有三種不同的顏色，配合軟綿綿嘅麵包片，食落清新甜而不膩，好適合係炎炎夏日食。🌝綠油油蜜瓜窩夫綠油油蜜瓜窩夫係招牌甜品之一，窩夫外脆內軟，加入新鮮嘅蜜瓜同店內招牌的柑橘，清新又多汁！而且在滿滿的忌廉上灑上開心果碎，口感非常豐富。🌝濟州柑橘乳酪呢個係必點項目！一見到成杯飲品都係柑橘造型真係俾佢攻陷，乳酪用上韓國濟州島出產嘅柑橘汁同乳酪混合而成，飲落酸甜可口，帶有淡淡嘅清新柑橘香氣，值得推介。🌝凍洋甘菊桂花茶呢杯茶以洋甘菊同桂花為主要材料，清香怡人，有助減壓，更配有一片柑橘乾，飲完心情都靚啲…Read More

今晚到Terrace in seaside，位於九龍灣偉業街33號德福廣場1期1樓F11號舖。 之前食過海港城分店， 味道不錯，仲經常排長龍。 店內裝修文青簡約風格，是一間韓國仁川過江龍，主打韓式西式Fusion菜📋，今次我們二人點韓國蜆肉紫蘇板$138、 蟹籽雞蛋薯仔蘋果沙律$78、 綠油油蜜瓜窩夫$122、 水果忌廉三文治$62、 濟州柑橘乳酪$68、 洋甘菊桂花茶$48。 🔸韓國蜆肉紫蘇板🍛 ～ 一邊是甜辣鮮味的蜆肉， 另一邊是韓式辣醬炒飯， 非常惹味開胃。 🔸蟹籽雞蛋薯仔蘋果沙律🥗 ～ 蟹籽增添口感， 雞蛋薯仔味道很夾， 蘋果清新爽甜，豐富而美味的組合。 🔸綠油油蜜瓜窩夫🧇🍈 ～ 平時多數都食士多啤梨窩夫，今次要轉新口味，蜜瓜窩夫賣相非常精美， 又係一款可以瘋狂打卡的甜品， 蜜瓜香甜，忌廉口感幼滑， 配上窩夫外脆內軟的口感， 非常滋味。 🔸水果忌廉三文治🥪 ～ 麵包裏的厚厚忌廉， 綿綿的口感，水果有柑橘、 提子和奇異果， 賣相精緻可愛又美味。 🔸濟州柑橘乳酪🍊 ～ 新鮮水果的外形， 未飲就要打卡先。 味道微甜帶有淡淡柑橘香， 口感細滑。 🔸洋甘菊桂花茶🥤 ～ 清新的菊花味， 配上芳香的桂花， 兩者香氣巧妙融合。 這裏的主菜、甜品和飲品， 食得又睇得， 真心推介。🏷️溫馨提示～ 整個用餐體驗均屬個人分享意見， 只作參考😊。 …Read More

一直ᑲ᥆᥆kmᥲrk左好耐📝終於黎試呢間韓國柑橘ᥴᥲ𝖿ᥱ 餐廳以濟州特產的柑橘做主題🍊大部分菜式都見到柑橘蹤影😂裡面有一棵柑橘樹好療癒😍員工仲戴住頂橘子帽好可愛🤭韓國蜆肉紫蘇飯🍛蜆肉用韓辣醬醃製，份量佔左1/4隻碟，目測接近有50隻🤩，炒飯加入紫蘇葉及芝麻粒帶出獨特味道，而且粒粒分明有咬口，每啖飯拌入蜆肉一齊食，食落辣辣地香濃惹味，伴碟仲有少許沙律菜🥗及一件柑橘🍊初夏開心果窩夫🧇表面鋪滿好多新鮮士多啤梨片🍓及開心果碎，仲有薄荷葉及食用花做點綴，窩夫🧇外層香脆內裡鬆軟，切開中間有開心果醬超有驚喜🤩，味道更突出，鮮忌廉口感綿密但食到尾有點膩的感覺，適合同朋友一齊分享好飽肚🫄濟州柑橘乳酪🍊造型好搶眼🤩，用來打卡非常іgᥲᑲᥣᥱ💯，杯上放左一個被挖空的柑橘🍊做裝飾，幾乎每張枱都有叫🤭，果肉香甜的柑橘汁，混合酸酸甜甜的乳酪，飲落好清新解渴👍凍柑橘湯力咖啡🍹底層充滿果肉的柑橘汁🍊，混合湯力咖啡☕，飲落有少少甘香帶點微酸，較易入口，適合唔飲得好苦但又想飲啡的人試😂，食完甜品再飲返啖咖啡可以減低膩感😊…Read More

以濟州柑橘主題，想入去食好耐，每次經過那個令人垂涎欲滴的櫥窗，見到各種美食及窩夫，總想嘗試一下，但克服不了要排長隊的決心，今日終於得左。 蟹籽雞蛋薯仔蘋果沙律 $78蟹籽及雞蛋分別左右兩邊鋪滿了，撈勻後吃味道不錯，蘋果粒爽口不會酸，伴碟更有一件切件的橙件，多汁鲜甜，滿滿的維他命。韓國蜆肉紫蘇飯 $118好特別好韓風嘅一個飯，大量蜆肉混入韓式辣醬，炒飯亦混入好多紫蘇碎，咸咸地少少辣，如果食開一般韓國菜覺得悶悶地，不失為一個新穎嘅選擇。飯旁亦有切件橙做伴碟，隨意的把橙汁圍一圈淋上去，混合飯來吃，味覺清新了，不錯。初夏開心果窩夫 $122厚厚且蛋香鬆脆嘅窩夫，上面鋪滿士多啤梨及綿滑嘅cream，有超多開心果碎，窩夫並非普通蛋漿，入面綠色的有很香的斑斕味。 濟州柑橘乳酪 $68賣相好吸睛，用了整個柑橘混合乳酪，喝起來酸酸甜甜很清新。 熱洋甘菊桂花茶$48本來以為是普通洋甘菊桂花茶，入面放了柑橘乾片，除了有洋甘菊桂花的花香味，還充滿了柑橘的酸味，完全令我驚喜的一個組合，橙味把花茶的味覺提昇了。…Read More

今日同舊同事喺德福食飯，搵咗一間打卡，自選嘅韓式fusion餐廳Terrace in seaside成間鋪感覺好橙色，因為佢哋係用濟州柑橘做主題由於我哋唔係太肚餓，我哋叫左生魷魚紫菜包飯、初夏開心果窩夫、濟州柑橘乳酪同埋洋甘菊桂花茶紫菜包飯賣相吸引，食落魷魚彈牙、開胃可口開心果窩夫食到粒粒開心果碎、擺盤精美、而且唔會太甜洋甘菊桂花茶，味道清新濟州金橘乳酪，賣相打卡一流，味道清新解渴，個有少少苦澀味，係餐廳嘅主打之選…Read More

之前一直好想試，但一直都冇時間就啱嚟食，今日經過開就同好友一齊去試～ ～～～廢話少講，食評即到～～～～🍊韓國蜆肉紫蘇飯 $118韓式辣蜆肉飯，蜆肉量多到佔半碟，蜆肉辣辣地，非常開胃，2個人食絕對冇問題👌🏼伴碟仲有少少沙律菜 + 一楷柑橘🍊蟹籽雞蛋薯仔蘋果沙律 $78份量都多，最中意係有蟹籽 + 1楷柑橘🍊以白橙強烈對比，沙律好開胃，中意輕食必點🍊初夏開心果窩夫 $122滿滿蛋香鬆脆嘅斑斕窩夫，上面鋪滿士多啤梨 🍓 + 非常綿滑嘅cream 夾雜著超多開心果碎，仲有食肉花 + 薄荷葉，每一啖都有開心果香味+ 斑斕香味，好好食🥹特別推介俾中意食斑斕嘅朋友仔～ yyds 🍊濟州柑橘乳酪 $68必點✨打卡yyds!上面超大柑橘🍊 （只是裝飾品🤣)柑橘肉已經變成juice~ 酸酸甜甜柑橘汁配上乳酪，非常之開胃 🍊熱洋甘菊桂花茶(熱) $48中意飲花茶必點！超香😍Overall 嚟講初夏開心果窩夫係必點！中意食開心果 + 斑斕一定要試～ 沙律 + 蜆肉飯都好食，一下子全部掃晒～ 比相像中好食，有驚喜！店員又nice又helpful! 大家經過不妨一試！如果大家中意俾個like支持下🤟🏽 𝗖𝗶𝗮𝗼🍊Terrace in seaside🍊九龍灣偉業街33號德福廣場1樓F11舖…Read More

🇭🇰Hong Kong - Kowloon Bay📍Terrace in seaside士多啤梨窩夫Strawberry Waffle 濟州柑橘乳酪Jeju Tangerine Special YoghurtAqua Bomb水漾奶昔Banana Milk Shake_____________________________近常見到好多人IG打卡一間飲品有原個柑橘嘅鋪頭，今日終於到我去試下。因為唔係太肚餓所以就只係簡簡單單叫左兩杯飲品一個窩夫。呢到最Signatures相信係柑橘乳酪同菠蘿沙冰，但好唔好彩個日無菠蘿沙冰。兩杯飲品不過不失，但水漾奶昔比我個感覺似香蕉香精加牛奶打出嚟。因為味道有小小小假，奶昔亦都比較稀。相對柑橘乳酪就好飲好多，亦都有啲果肉。窩夫新鮮熱辣。好有蛋香味，外脆內軟，加埋忌廉真係一啖接一啖食，士多啤梨亦都好甜。有小小失望就係店鋪大部用嘅都係即棄餐具，有小小唔環保。其次，餐廳大部分飲品食物都係IGable嘅食物。如果用返佢地menu上嘅玻璃一定靚好多。另外，有部分就真係有待改善，第一，因為Share食所以有比定啲碟Share用但所有碟濕到一個點，唔講以為洗完即時拎出黎。第二，服務員亦都有種天然呆feel，可能佢太攰，我係佢面前揮左幾次手佢都好似睇我唔到咁。之後先眼尾望下我，但最後都係另一區嘅服務員幫我落單。第三，座位上都有唔少嘅食物碎碎，衛生可能要再注意下。📍九龍灣偉業街33號德福廣場1期1樓F11號舖元朗朗日路9號形點 I L2樓2056號舖沙田沙田正街18號新城市廣場一期L6樓609號舖屯門屯順街1號屯門市廣場1期UG樓UGK9號舖尖沙咀廣東道3-27號海港城海運大廈2樓OT233號舖…Read More

放工去德福廣場睇下有咩食，見到有間柑橘主題嘅韓式Cafe勁得意🍊有主食，有甜品又有精緻飲品，決定去試下。韓國蜆肉紫蘇飯 $118————————————粒粒蜆肉同飯嘅比例係一比一，好抵食。少少辣味，成個配搭係超好送飯，一啖蜆肉一啖飯，不經不覺食晒成大碟紫蘇飯。炭燒雞肉飯卷 $78————————————經典嘅韓國飯卷，令我置身野餐嘅感覺，青瓜、蛋、蘿蔔、芝麻，加上炭燒雞肉，既清新又豐富不單調。至臻蜂巢無花果窩夫 $188————————————啲Cream超軟綿綿，配上富蛋香味鬆軟嘅窩夫🧇真係好正呀，再加上草莓同無花果，更加豐富。最鍾意係個蜂巢，好細啖食都已經勁多蜂蜜爆出嚟，正。濟州柑橘乳酪 $68————————————超可愛，成大個柑橘🍊，飲落去好多果肉，原來柑橘同乳酪咁夾。漂浮棉花糖朱古力咖啡 $52————————————棉花糖真係一直漂浮直到飲完杯Mocha，好治癒嘅感覺☁️暖暖的一杯。…Read More

放假去德福行街，見到一間好文青的店鋪木系的建築配以一棵柑橘樹，好chill , 超適合打卡呢個咁有風味的竹筒，其實放左D餐具紙巾每個細節同環境都好夾呀~原來佢唔止係普通cafe咁簡單，仲係濟洲特色食店濟洲被稱為「柑橘之鄉」，濟洲柑橘就係呢度嘅重點啦～黎呢度，必點呢杯「濟州柑橘乳酪」打卡一流，口味一流超大個柑橘放係杯上面，好吸晴不過佢只係裝飾黎，d肉同汁變成左杯入面嘅飲品做唔到柑橘嘅水果酸甜同乳酸的味道都幾夾韓國特色食物，當然要食飯卷啦炭燒雞肉飯卷大人小朋友都適合的卷物飯夠煙韌，入面有菜有肉有蛋，非常健康，雞肉仲超級滑👍🏻個塊柑橘就咁食好甜，仲可以將d柑橘汁混落沙律食燒慢煮雞腿紫蘇拌飯雞腿非常嫩滑，又入味，有DD似豉油雞脾~ 紫蘇拌飯係壓到扁扁的,  唔知係咪想整到似飯焦，不過佢有飯焦的硬，但無飯焦的香而且加上辣油一齊撈，感覺有少少油膩。 2者比較，我較鐘意個飯卷多D~甜品時間呢度既窩夫超多選擇，款款都好靚，真係好難揀最後揀左士多啤梨窩夫~影影下相，發現原來佢係一隻動物黎~有眼同鼻架~XD 窩夫是即製，好鬆軟，配上唔會太甜既忌廉，實在好满足~ 食甜品，當然要配咖啡熱漂浮棉花糖朱古力咖啡杯滿圍滿了一圈甜甜的朱古力粉, 飲COFFEE 時就入口又朱古力味又有咖啡味~個棉花糖係大大粒，飲到底都會沉，好厲害~ 走個時候先發現，原來餐廳仲有另一邊 位於商場的座位的~…Read More

我收工去九龍灣，朋友約我去果間試食，之前他一直想去果間試，是韓式料理，我們入去試吃，好彩不多人，我們好早入黎，環境很不錯，餐廳有兩區有選擇一區開放、一區係室內，我們揀室內，位置很好剛剛好在眼前一棵橘子樹，好有感覺的韓國地方！太想韓國的地方，三年沒去旅行，想返回鄉下的感覺～哈哈1. 燒醬油黑毛豬白切肉紫蘇飯 $128我揀點..看住真是好吸引…這個黑毛豬腩切得好靚..八大片，烤得好，試試食..感覺有口感彈牙..同埋飯好薄薄一層..似烤飯咁…紫蘇飯配上豬腩..入味好吃都有微辣很值得推薦…2. 紫米鰻魚飯卷 $88他點這個飯卷，我來試試吃..第一次紫米鰻魚，好特別…十分好健康，好豐富既餡料包括青瓜、玉子蛋、黃蘿蔔、紅蘿蔔🥕、鰻魚..每一啖真是好滿足！3. 濟州柑橘乳酪 $68看住有一個橙放左係杯上，原來是挖空，訪問朋友，飲得如何，有柑橘乳酪味又好甜～十分好清香！賣相好吸引..是濟州運嚟既柑橘…4. AQUA BOMB 水漾奶昔 $58我揀點這個，試試飲…看似海洋的感覺，我很喜歡藍天好配我，其實是香蕉味奶昔…飲落口有奶油..沒有咁太甜，好岩我飲..下次我會再來試其他食物～…Read More

九龍灣德福一樓既一個open area 位開左一間餐廳，似日系風睇個menu，原來係韓式fusion 菜，係韓國有總店既過江龍裝修舒服，而且主題十分鮮明，係以橘子做主角的所以店內都見到有一棵仿真既橘子樹﹑周邊都見到有些仿真小樹擺設餐廳係分開左兩個範圍主店係四四方方咁如平時一般既店，連住收銀、廚房亦都有個display 玻璃櫃，展示大部分食物既模型出黎，都幾真，睇到都吸引另一個範圍就係上面提到係「室外」，其實即係商場既開放地方，冇一間四方既鋪「框住」咁解是日lunch 去，超多人，都排左成廿分鐘先到排隊已經見到d 食物超精緻好似成粒橙咁放係杯飲品上面﹑滿滿水果既三文治等，真係望到流晒口水入到去，第一樣已經好肯定就係呢紫菜卷，大愛，食韓國野係我必叫之選第二樣睇左好奈，見到有一款飯好特別就試了，以下再細說人人都叫了杯橘子飲品，必試了吧總體說，味道很不錯賣相滿分咁濟色香味俱全，滿意價錢是有點少貴，但還可以接受賣相、味道也得，加上商場店，ok 吧服務也不錯，放低會有檸檬水浸泡既水叫加水、落單等都有速度而且侍應的制服也可愛，每個人頭頂都有一個「橘子帽」，不只食物外形滿分，連去到整體店的裝飾、人的「外形」也橘子化，真的好易愛上這間有心又可愛的店其實我都想試個甜品，睇隔離枱真係靚到不得了不過，兩個人的肚有限，下次一定叫幾個朋友再戰！ ➽傳統飯卷 $68 signature，得紫菜卷上塗了層油，閃靚靚幾靚又灑左d 芝麻包手卷的手工好，夠實材料雖然係好常見既韓國卷，但都係覺得好好食整體味道有少少甜好喜歡➽燒醬油黑毛豬白切肉紫蘇飯 $128 也是店家推薦 飯係壓偏左，睇落薄薄一層咁初時我以為係d 烘過黎既「飯焦」原來唔係個飯落左少少似泡菜味既微辣口味辣度不高，點到即止飯面睇落好似冇汁，但飯底其實有少少既汁，記得拌埋底既汁食，再juicy d 豬肉雖然冇汁，但肉軟易咬，入味整體好好食推薦➽濟州柑橘乳酪 $48上面提到，係有一個橙放左係杯上橙是挖空了的味道酸酸甜甜，加乳酪味，正常發揮的飲品…Read More

行德福既時候見到呢間新開既餐廳，好似幾吸引咁，特別係飲品同甜品。餐廳有open area同店入面既座位，我地6:30pm到要排隊等一等，不過好快都安排到入座，係店入面既，我自己覺得好過坐open area既。隔離咁岩坐左一大班人，聲量比較大，加上店內空間比較細，回音好大，好嘈吵咁，講嘢都要大聲啲，冇得靜靜地食飯😢好彩食物方面係高質既😋燒醬油黑毛豬白切肉紫蘇飯 ($128)每片黑毛豬肉都肥瘦均勻，燒得好入味，咬落好嫩腍，紫蘇飯亦好香，有啲調味粉但唔辣既，反而食落好香口。傳統飯卷 ($68)包得好實亦好大份，餡料好足，有魚卷、蘿蔔絲、青瓜絲(切到條條粗幼度匀等👍🏼)、蛋、黃瓜，餡既比例比飯多，好抵食，而且調味過，完全唔需要點醬或加泡菜食。每份主食都附有一塊橙，飯後甜品，夠甜夠新鮮的👍🏼濟州柑橘乳酪 ($68)賣相好特別，成個橙放係杯上，味道係偏酸一點，因為係乳酪嘛，但幾refreshing既😋…Read More

嚟到九龍灣德福商場呢一度基本上格局保持十年如一日，😂但陸續見到嘅係不斷有新餐廳加入，所以仍然保持一定嘅吸引力。 😜而其中應該都會見到有一間非常之清新嘅餐廳，主打就係韓國濟州柑橘，相信都幾吸引眼球，😍就連個名都顯得小清新，Terrace in seaside. 而呢一度就主打食韓國嘢，但無論係飲品甜品定係煮食都有佢特色之處😛水果忌廉三文治— 🥪個名就普通，但係實際望落去就並唔係咁簡單，水果只會用當做嘅水果，而士多啤梨正正好就係一個非常時令嘅水果，🍓出自韓國嘅士多啤梨，相對上又甜又爽口，🍓放落軟綿綿又充滿奶香嘅忌廉度，顯得中和一下綿密緊致嘅感覺，🍓又帶嚟更多酸甜酸甜。忌廉同麵包三文治絕對係非常好拍檔，🍓微甜亦都係控制得相當出色咁就唔會好似忌廉蛋糕嗰啲忌廉咁重咁實的的🥪燒醬油黑毛豬白切肉紫蘇飯— 🐽煮食方面就絕對推介呢一款色香味俱全嘅醬油黑毛豬白切肉飯，🐷首先講吓燒醬油黑毛豬白切肉，就此切開一塊塊嘅豬手咁樣，🐷可以見到色澤同埋層次就似五花腩，但係相對上肉質比較多同埋脂肪部份相對上唔太油膩，🐷反而有豬手嘅膠質感，本身已經有醬油漬嘅處理方式，所以味道已經10分充足，🐽至於個飯更加係精心製造，粒粒都呈現橙紅色就好似將泡菜嘅味道塞咗落去。🐽每粒飯都非常充滿味道，配合埋黑毛豬切肉更加係又有燒烤味道，又有韓國丼飯嘅正宗感覺🐽煙三文魚芝士窩夫— 🧇另外呢一度亦都非常出名窩夫，有甜嘅亦都有咸嘅選擇，🧇而呢一款煙三文魚芝士窩夫相對上來講係比較出色嘅配搭。🧇窩夫嘅蛋香味依然係吸引人嘅原因，🧇而窩夫裏面亦都塞咗芝士同埋煙肉，🧀所以先令到香味更重味道更濃，🧇加上夠晒長嘅煙三文魚，再加上旁邊嘅醬料多重滋味，變相有一種好實在嘅咸甜配搭🧇濟州柑橘乳酪— 🍊呢款飲品絕對係餐廳嘅招牌作，喺飲品上面插咗一大個原隻柑橘，🍊當然裏面嘅肉就係用嚟做乳酪嘅原材料，至於味道絕對係一流，乳酪嘅酸甜，🍊再加上柑橘嘅清新絕對係好完美嘅配搭，而且少咗乳酪嘅酸味令到絲滑感大大提升，獨一無二嘅製造同埋味道令人非常之上癮🍊Terrace in seaside (德福廣場) (九龍灣)九龍灣偉業街33號德福廣場1期1樓F11號舖…Read More