Wing Gor Chef

呢間榮哥煮場喺旺角都開咗一段時間，成日都有經過見到，原來晚市嘅二人餐都幾多款式，幾抵食喎👍🏼當日所見侍應都好熱心主動，而且上菜都好快~•🥢 二人套餐 $298 呢個二人套餐包咗一鍋湯、一款自選小菜、一碟前菜、兩碗白飯、兩碗甜品/飲品。當日前菜係醋香木耳，口感爽脆，酸酸哋好開胃👍🏼📸 濃湯花膠雞煲上菜嘅時候雞湯係微暖嘅，會附埋一個爐可以滾返起個湯先飲，夠熱之後就較細火啲暖住個湯，個湯好足料，除咗有好多花膠同埋雞件，仲有啲芹菜同雲耳～ 雞湯味道都幾濃郁，好重雞味，但唔會好鹹，仲標榜無味精！雞件係熟晒嘅，但肉質唔會嚡；花膠就偏向爽口，但完全唔會有腥味/怪味😛 呢個湯加白飯好好食😋•📸 柚子蝦球蝦球係新鮮炸起熱焫焫，而且每隻都幾大隻，口感爽彈👍🏼 柚子醬酸甜開胃，但略嫌啲醬撈得唔均勻，同埋炸皮厚咗啲啲~•📸 楊枝甘露📸 樽仔凍檸茶甜品同飲品每人只可揀其中一樣，我同朋友就叫咗一個甜品同一個飲品～當日甜品只有楊枝甘露，芒果味酸甜適中，椰汁味亦都好香，仲有唔少柚子肉同埋西米，但最特別嘅係仲有芒果味爆爆珠！🤩而呢到嘅凍檸茶係樽仔上，預設咗走冰少甜，非常貼心！茶味同檸檬味都大致恰到好處，只係飲到底有微微澀味…Read More

外國朋友好耐冇翻香港，想食下啲香港地道野，咁啱見到網上介紹話抵食，就去左試！💓💓今次叫左二人套餐，包一碟前菜，一款煲類，一款小菜，兩碗白飯，仲有兩碗甜品！真係超抵😍1️⃣味道✨前菜前菜冇得揀，係配番我哋揀嘅煲，今次嘅前菜係陳醋雲耳，作為前菜非常適合！酸酸地好醒胃🤩而且份量好足！✨濃湯花膠雞煲呢個煲真係超級超級推薦‼️因為真係超好食同超抵食！侍應首先會拎個gas爐黎熱住個煲食，冬天食真係啱曬😋 啲雞湯好濃夠曬暖胃，而且入面超足料，有好多花膠，仲有好多雲耳!🥰 而且啲雞都好滑唔會韌，食完覺得皮膚都滑左👍🏼✨酸甜藍莓骨呢個小菜都非常推薦‼️生炒骨食得多，藍莓骨真係好少食！酸酸甜甜好開胃🤤啱曬要黎撈飯！而且炸得好香脆，而且碟餸好熱，食到停唔到口🤩✨甜品：腐竹薏米糖水我哋太飽所以打包左糖水，糖水好食，要黎做飯後甜品一流，不過就俾預期細碗，同埋外賣要加兩蚊🥹2️⃣服務上菜速度好快，不過店員普遍冇乜笑容3️⃣地點+環境地點非常方便‼️旺角地鐵站出口行兩分鐘就到👍🏼大致乾淨，不過間餐廳比較細間，坐得迫啲…Read More

行完星際揾間小店醫肚，經過「榮哥煮場」見佢有二人套餐幾抵食就一於試吓。餐廳面積不大，裝潢都係普普通通，但原來食物有質素超出預期😍二人餐叫左有👍🏻嘅套餐C濃湯花膠雞煲 $268，套餐包括雞煲，一個前菜，一個小菜，2碗白飯（或一碗烏冬/米線/淮山麵），2個甜品（楊枝甘露）🍲濃湯花膠雞煲雞煲用爐具盛載，確保温度keep住滾熱辣👍🏻花膠份量唔算少有口感，雞好有雞味，而且肉質勁鮮嫩，個湯底係用雞殼熬製，超濃郁嘅雞湯味，絕對係有誠意之作，非常好味！ 跟餐嘅烏冬🍜都唔可以睇少，雖然唔係贊崎烏冬唔算好煙韌，但個湯底係魚湯勁鮮甜，就咁食個齋烏冬都非常正👍🏻🥒金銀蒜蒸勝瓜勝瓜嘅外皮切得好徹底，淨番嘅係中心最嫩嘅部分，金銀蒜做得好香，咸味適中，蒸嘅時間啱啱好，加上豉油後再讚熟油。碟餸看似簡單，但要做得好食其實唔簡單，抵讚。🍧楊枝甘露個甜品中規中矩，有芒果味質感都唔錯。冇用西柚肉而以芒果爆珠代替幾得意。總結：雞煲果然係推介菜式，雞湯濃郁雞肉鮮嫩，花膠亦好好食有質感。整體用餐體驗超乎預期，值得推薦👍🏻食物：❇️❇️❇️❇️環境：❇️❇️❇️❇️服務：❇️❇️❇️❇️價錢：❇️❇️❇️❇️翻兜指數：❇️❇️❇️❇️…Read More

天氣轉涼，想食返個熱鍋。今日午餐去左旺角山東街中菜館叫榮哥煮場食。例牌叫左全日供應既二人套餐，價錢係$268，包一個鍋4選1，一款自選小菜24選1，前菜一碟，白飯兩碗，同兩碗是日甜品。前菜係蒜蓉雲耳，另配香辣汁。雲耳爽脆醒胃，味道酸酸地。濃湯花膠雞煲用個爐滾住。個湯都算清唔會太油膩。爽口花膠份量好多。黃油雞份量好多，特別喜歡嫩滑雞腿肉，而且雞有雞味，配菜有雲耳西芹同蒜頭。酸甜骨份量好多，炸得塊皮好香脆，個藍莓汁酸甜開胃。伴碟仲有少少沙律菜。淮山麵個餐配既兩碗白飯可以轉淮山麵。淮山麵大大碗，又幼身又滑溜，又有少少彈牙，我會推介。上面加左少少雲耳，蒜頭同西芹。是日甜品係楊枝甘露。楊枝甘露飲落有奶香又滑，仲有新鮮芒果肉，西米，同爆珠，好飲同refreshing。服務員服務態度都非常好呀。…Read More

今日專登嚟試全日供應嘅二人套餐全日，揀咗濃湯花膠雞煲類、酸甜藍莓骨、白飯及楊枝甘露 ($268)前菜加咗醋及少少麻辣嘅雲耳，非常爽口，又有好重蒜蓉味，好香濃湯花膠雞煲連露營爐一齊上菜，夠晒型。湯滾起之後就熄火，雞肉及花膠份量慷慨，雞肉依然嫩滑，雞湯就非常清甜，冇味精，絕對可以就咁飲或者撈飯食酸甜藍莓骨份量夠多，與其話佢係酸甜，我覺得係偏酸多啲，幾開胃食埋楊枝甘露，正~ 如果有埋新鮮檸檬茶就更加完美…Read More

旺角站📍榮哥煮場-飲完養生茶，繼續養生之旅。今次去榮哥煮場食花膠雞煲😋二百零蚊兩個人落樓，抵食！二人套餐（$268）二人套餐有四款可以簡，分別係招牌酸菜魚煲、藥膳黃酒雞煲、濃湯花膠雞煲同胡椒豬肚雞煲。套餐另外包一個小菜、兩碗白飯、一個前菜同甜品。前菜係醋香雲耳，微酸開胃。我地簡左花膠雞煲，繼續養生之旅😎花膠雞煲一上台個陣又唔覺份量多，只見深黃色既雞湯同為數不少既花膠仔。一滾起就飲返啖湯先，濃而不膩，清甜滋補，而且飲到個質地係膠膠地、漿漿地，滿滿骨膠原😍👍🏻花膠雖然唔係大大舊，但量多，都有成十舊😙雞件幾滑，記得記得熄火，咁就唔會煮得太老😛雞件食落都幾多下！兩個人都夠晒飽。另外小菜要左黑松露煎肉餅，幾札實，真材實料，淡淡黑松露味（個人覺得可以再重手d）。糖水有楊枝甘露，意想不到幾好味，好滑，都幾多料。環境方面，餐廳唔算好大，少少迫，但全場滿座，都幾多人食花膠雞煲😜侍應上菜收碟都幾快手，服務態度幾好。…Read More

今日去左旺角山東街既榮哥煮場食野，榮哥煮場係一間中菜館，入面裝修都企企理理。餐牌有二人套餐，$268包一個鍋同自選小菜一款，白飯兩碗，前菜一碟，同是日甜品兩位。二人套餐全日供應。先黎一碟前菜，係蒜蓉雲耳仔，另上個香辣汁。雲耳仔爽脆醒胃，味道酸酸咪咪，點香辣汁都好開胃。濃湯花膠雞煲我地係4款鍋當中揀左呢個濃湯花膠雞煲，呢度用個爐滾住個煲。首先個湯鹹度適中，好好飲，明顯冇落味精。花膠份量都好多，食落非常爽口。黃油雞有雞胸，雞腿肉同雞翼，份量似有半隻，雞有雞味，雞皮彈牙，另外仲有少少爽脆雲耳同蒜頭。呢個湯水真心非常健康。酸甜藍莓骨我地係24款小菜當中選左呢款酸甜藍莓骨，外面少見有得食藍莓汁既中菜。酸甜骨份量都好多，而且個藍莓汁擺盆都不俗，味道果然非常重藍莓味道，酸甜開胃。酸甜骨真係有軟骨，係咬到個d，食落都唔錯。伴碟仲有少少沙律菜同車厘茄。米線個餐配既兩碗白飯可以轉米線。米線大大碗，係幼身滑溜嗰啲，個雞湯好濃雞味，不過又唔油，上面加左少少雲耳，蒜頭，芽菜，同西芹。味道口感都唔錯。是日甜品係楊枝甘露，連隻碗都係冰凍，好認真。飲落有奶香又滑，入面有少少新鮮芒果肉，多多西米，同爆珠，好飲解渴。今餐食物質素都好好，重點係食完感覺健康，唔會口渴，個肚又飽足。仲可以加$100升級濃湯雞煲翅。…Read More

放工去旺角買完嘢經過呢間餐廳，見到有好扺食既二人套餐，２百幾蚊就有酸菜魚/藥膳黃酒雞煲/濃湯花膠雞煲/胡椒豬肚雞煲 四款選一款。今次揀左濃湯花膠雞煲，雞湯味道濃郁，雞件肉嫩幼滑，仲有好多件花膠，仲部都大大件，貨真價實！下次一定要再去食埋其他款式！除左魚或雞煲，套餐仲包一款小菜，２碗白飯同糖水，可以加12元轉將白飯轉一碗米線、淮山面、烏冬或煤炭飯。小菜有廿多款選擇，揀左秘制咖啡排骨，酥脆排骨加上好特別既咖啡醬汁，味道好夾，好特別！楊枝甘露，除左杧果肉仲加左爆爆珍珠，又唔會太甜，連糖水都做得出色！…Read More

上星期去旺角睇戲，諗住快食個晚餐，竟然發現呢間甘有驚喜嘅小菜館😎👍🏻當日係閒日，未夠7:00，坐咗一陣已經慢慢滿人，想試嘅朋友如果過8:00最好打去book 位。我地兩個人，叫咗左2人餐，有一個煲，一個小菜，兩碗飯同飲品。跟餐嘅濃湯花膠雞煲，唔係講笑，個湯真係好濃好足料！雞同花膠都勁多，完全係無諗過會甘足料，個湯好好飲！雞都好入味，最後成個煲係連湯清晒😅呢個麻醬四季豆係跟餐以外，自己加嘅，如果你平時食開重口味果款四季豆就未必岩，佢係比較清淡，健康嘅口味☺️跟餐揀嘅東巴牛肉，好淋好味👍🏻個味道岩岩好，唔會係出面果D勁多醬料嘅感覺，直得一試。我地跟咗兩個飯，但因為其實都好夠飽，所以轉左個麵，湯底都不錯👍🏻臨味仲有糖水送，老闆話會定時轉糖水，今次係楊枝甘露😍出街食野，好少食到甘真材實料，又無味精嘅食物，仲要價錢合理👍🏻…Read More

今日去左試新野，地點係旺角山東街既榮哥煮場，係一間中菜館。餐牌有二人套餐，$268包一個鍋同自選小菜一款，白飯兩碗，前菜一碟，同是日甜品兩位。就試試啦。前菜係蒜蓉酸雲耳朵，另配辣汁。雲耳爽脆醒胃，味道酸酸咪咪。濃湯花膠雞煲我地係3款鍋當中揀左呢個濃湯花膠雞煲。花膠份量唔少，非常爽口，有厚有薄。黃油雞有雞胸，雞腿肉同雞翼，份量都唔少，雞有雞味，雞皮彈牙，另外仲有少少爽脆雲耳同西芹。個湯好正，好清又好飲，冬天飲正。柚子蝦球我地係20款小菜當中選左呢款柚子蝦球，蝦球一客12隻，炸皮薄脆，蝦肉爽脆，加上有柚子皮既柚子汁，酸甜開胃。伴碟仲有碟花。白飯超大碗。是日甜品係楊枝甘露，用公雞碗裝住上枱，連隻碗都係冰凍，好認真。飲落奶香又滑，入面有新鮮芒果肉，西米，同爆珠，超好飲。今餐食物唔錯。餐廳裝修企理，上菜快捷，可以再黎。…Read More

💎總評分：8.5/10-旺角一向食肆雲集，無論街邊小食定餐廳堂食都有數唔完嘅選擇，疫情期間就唔好掃街喇🙈，聽聞餐廳嘅老闆曾獲得「環球廚神國際挑戰賽」獎項🎖️，呢日經過小店，見到室內環境乾淨企理，食物望落健康，就決定入去一試。中午lunch set中等價位，多款飯同米線選擇，仲有健康湯水，今次小編就試左佢地個二大套餐👩🏻‍❤️‍👨🏻。⭐二人套餐 $268⭐1️⃣ 是日前菜1款 2️⃣ 煲類主食1個3️⃣ 自選小菜1款4️⃣ 是日甜品2個5️⃣ 白飯2碗5款煲包括招牌酸菜魚煲🐟、藥膳黃酒雞煲🐔、潮式蘿蔔牛腩片煲🐮、四物肉骨茶煲🐷，同小編揀嘅濃湯花膠雞煲🍲。小菜多達19款，前菜同甜品就無得揀每日唔同，細食嘅話3個人share都夠。🍽️ 濃湯花膠雞煲 🍽️店員好細心咁幫我地set好個爐，個煲一路滾一路傳出香味，有儀式感得嚟慢慢食都唔會變凍👍🏻。開始先飲啖湯，雞味香濃，清甜無味精，值得一讚湯面上唔係好油，感覺健康可以完全飲晒💚。成個煲好足料，雞件墊滿成個煲底，keep住咁煲都口感嫩滑🐣，木耳吸收晒湯水嘅精華，面頭嘅花膠份量真係唔少，值回票價🤑，食完個煲成個人充滿骨膠原。🍽️ 柚子蝦球 🍽️蝦球都算大隻而且份量唔少🦐，炒得香口彈牙，柚子醬嘅調味啱啱好，酸酸甜甜嘅醬汁食落特別開胃😋，送飯一流。🍽️ 雪耳桃膠糖水 🍽️小編怕肥唔鐘意太甜嘅糖水🍮，呢個雪耳桃膠作為飯後甜品有驚喜，味道比較清淡唔會太甜，每啖都食到雪耳同桃膠，滋潤解喝🥰。雖說旺角多美食，但想搵啲食得健康又無罪惡感嘅就選擇有限，難得揾到間好味又抵食嘅當然要推介💪🏻。除左性價比高嘅lunch set / 二人套餐之外，單點菜式賣相有心思😌，絕對值得推介。…Read More

Though we can’t dine out after 6 pm due to pandemic in Hk, we can still seize our golden lunch time to have yummy food 😋 This weekend I tried a new Hong Kong style restaurant “榮哥煮場” in Mongkok with my friend👭 They are now offering a hotpot set lunch for two which is very worthwhile to try! 🤩Fish maw chicken soup lunch set (for two servings) 🍲 $2681. Black fungus salad The set includes this starter which is super healthy and appetising with sour but not spicy taste. 2. fish maw chicken soup The soup was the highlight of this menu! Many fish maws were put inside and made the soup full of collagens and nutrients🤩 Chicken meat was so soft and yummy. We have finished up all the soup in seconds 🤣3. Shrimp balls with yuzu sauce We can choose one dish from a selection. This time we chose yuzu shrimp balls 🍤 The shrimp balls were deep fried till crispy and brownish. And the yuzu sauce made the whole dish so refreshing 😍4. Daily dessert (white wood ear soup)近期無左晚市，想偷懶唔煮出去食，只可以把握weekend lunch time😆 今次同朋友試左旺角新開一間港式風味美食「榮哥煮場」🤤 聽講距地既主廚榮哥大有來頭，係中華廚神比賽冠軍🤩依家有個自選二人餐，可以自由選擇一個煲底同小菜，仲有前菜、白飯同甜品，感覺好抵食😍所以即刻去試下😋二人自選套餐 $2681. 開胃前菜 距地既開胃菜係涼拌黑木耳，酸酸地唔辣好清爽，夠曬開胃😋2. 濃湯花膠雞煲🍲 距地有成五款煲底可以選擇，今次我同閨蜜就揀左花膠雞煲🥘 裡面有勁多花膠，份量十足！而且雞肉好嫩滑，絕對夠兩個人食🥢不過最精華既就係個湯，一滾起一定要飲啖靚湯先🤢花膠同雞煲到入曬味，裡面全部都係骨膠原，我地兩個女仔食完連湯都飲曬😆3. 自選小菜 有成15款小菜畀我地選擇，我同閨蜜因為好多都想試，考慮左下先決定好今次要試左柚子蝦球先😆 蝦球大大粒，炸到表皮金黃色而且好脆口🍤最讚係個柚子醬，本身炸嘢比較膩，但係個醬夠曬清新，酸酸甜甜，同蝦球好夾！4. 是日甜品 呢個餐真係好抵食，前菜到甜品樣樣有齊，而且今次甜品仲係美顏聖品銀耳羹😍 啱啱食完咁多骨膠原既花膠雞，再食埋銀耳羹，真係啱曬我地女士們😍…Read More