Fo Shui Lo Fish Tripe House (Closed)

望見呢個天才與白痴既霓虹燈, 大家都知我今晚約左一堆白痂一齊同我呢位天才一齊烚下烚下, 哈哈哈坐底無耐, 餐廳職員已經招呼周到, 服務態度超好, 一坐底即刻有兩款街頭小食可以頂住肚先, 分別係炸魚蛋同炸燒賣, 食完唔夠喉仲可以再ENCORE 添, 火鍋醬料都有6款可以任你揀, 生蒜 炸蒜 蔥 辣椒絲 花生醬我既滋補養顏花膠雞湯終於黎啦, 真係好建議大家飲返碗頭啖湯先好打邊爐, 咁就可以飲到真正既原汁原味, 唔會俾火鍋食材既味道蓋過左你地睇下塊花膠係幾咁肥美同厚身最後我決定將D雞同花膠放落隻碗度, 咁我就開始可以打邊爐啦, 其實雞同花膠既分量非常多, 真係好足料, 難怪D湯會咁甜我最揀左最豪華既套餐, 星期一至四仲有85折，$279一位，咁就可以品嚐到安格斯牛小排,  特選牛頸脊, 穀飼牛板腱, 美國肥牛, 呢個價錢可以任食高級牛肉, 真係物超所值仲有以下既火鍋配料任君選擇添最後仲有呢樽烈火菜脯, 果然無改錯名, 辣到噴火餐廳仲會無限供應俾大家刺激大家既味蕾, 我最後決定帶埋佢返屋企添火鍋過後, 我仲叫左個冰冰黎降一降火添, 透心涼~…Read More

小編發現如果想喺屯門搵到一啲養生鍋，其實比較困難😟，小編上網搵咗一輪都搵唔到，正當諗住放棄既時候，畀小編們搵到一間叫做「火水爐花膠鍋」👀，而且仲要係放題添，任飲任食。呢個餐廳好明顯以花膠作賣點✨，相當吸引小編去試。而且花膠又可以當養生咁食，咁就不如入去試試花膠邊爐啦🤤。 ✦✦✦✦✦✦✦✦✦✦✦✦✦✦🎈濃厚花膠雞湯鍋 258/位爐入面既花膠真係超大件🤯，而且唔係一兩塊咁少，真係好足料。入面既雞亦都好嫩滑又多肉，而且應該真係有半隻雞🍗，有雞鎚、有雞翼。整體來講，論湯底或鍋入面既材料係滿分💯，但係可以揀嘅配菜就比較簡單，如果有小編最鍾意食嘅魚滑就更加完美喇👅。另外，因為湯底好豐富，所以小編有個建議就係鍋一到等滾後第一時間飲下個湯底，好似飲緊湯咁，非常清甜又濃郁💦，尤其小編揀既「濃厚花膠雞湯鍋」，如果落哂配菜再飲湯底就會覺得好濃，更加偏鹹㗎喇。 ✦✦✦✦✦✦✦✦✦✦✦✦✦✦小編特別想講講餐廳既裝修，好有香港既懷舊風格，餐廳入面既霓虹燈都係一啲以前電影名，例如雞同鴨講、最佳拍檔、英雄本色等等。餐廳仲放左同餐廳名有關既火水爐👀，從牆身、地板、檯椅都有香港舊建築、舊風味，好用心💖。 ✦✦✦✦✦✦✦✦✦✦✦✦✦✦餐廳位置係屯門時代廣場地下北面，附近就有個小公園，應該非常易認🗺。座位之間好寬敞，坐得非常舒適，而且店員好細心咁講解餐牌同點樣去選擇款式，讚👍。如果對花膠有興趣，又想養生打邊爐，屯門市中心就腳既餐廳就可以選擇呢間「火水爐花膠鍋」，入面仲有唔同花膠湯底畀你揀📝。✦✦✦✦✦✦✦✦✦✦✦✦✦✦…Read More

上次到了銅鑼灣打懷舊邊爐，但原來遠在天邊 又近在眼前的居住地附近也有一間。今晚便和家人到了這間「火水爐花膠館」，地點方便，從家樓下步行可至。同是走懷舊風，「火水爐花膠館」以電影為主題，店內掛滿霓虹燈牌裝飾。入座後即送上炸魚蛋燒賣果腹。家人是衝著花膠雞鍋而來，不用考慮已點了這湯底。除了花膠和雞，還有白蘿蔔塊一起熬，入口清香，但以火鍋湯底來說略嫌有一點淡。花膠不算是什麼優質貨色，勝在份量多，又夠大塊。不過用靚花膠打邊爐，也只會浪費食材罷了。任食套餐包括了一個海鮮拼盤，分別有墨魚滑、海蝦、海蜆⋯⋯等等。海鮮大致新鮮，鯇魚片厚肉爽脆。不過套餐只包一盤，之後若想再追加，則要額外收費。墨魚滑起膠彈牙，墨香味重。顏色鮮紅，雪味不重。薄切上碟，入口肉質不柴，頗香牛肉味。火鍋配料選擇蠻多，上菜速度快。雲吞水餃皮滑溜，皮薄餡靚。意想不到會有中式糖水獲贈。糖水以花奶作底，有涼粉、雜果、紅豆，絕對超越贈品的質素。吃完火鍋，再來一碗香甜冰涼糖水，簡直是味覺大享受！而套餐可以汽水任點，其他特色飲品就要再收費。來2罐汽水乾一杯，慶祝這個美好的週末吧:)。…Read More

今天帶小米到濕地公園，奈何樹屋臨時做清潔，要提前關閉。為了打發時間，選擇了小米口中＜偉大的輕鐵＞，由濕地來到屯門市中心，順便在附近晚餐。輾轉之下，在附近商場地面發現一家火鍋店。店門大大塊餐牌，可細看食物款式。加上氣溫十六度，天寒地凍，火鍋就是不二之選！　還未到六點，店門已有客人輪候，應該品質不錯！　百二分鐘的放題，六時入席，八時離席，十點保証回家。 就座後，先選擇鍋底和各火鍋配料。小米突然想要雞蛋，以火鍋料沾上蛋漿。自己家族向來没有這種習慣，不知小米何以得知這食法。最重要是，小米打蛋尚算有儀態，能夠保持枱面乾淨。魚蛋和燒賣，還有海鮮拼盤先呈上。濃厚花膠雞湯鍋 　　個人覺得：雞件，只係用來吊味，吊出靚湯底。就等於小時候，母親大人的花旗蔘燉雞：雞肉只是用來吊味！　花膠雞湯鍋真身：雞件，花膠，白蘿蔔。白色湯面，已浮出一層黃油。　嚐一口湯底，鹹中帶甜。　就讓小米先試一小碗雞湯吧！小米想再添，果然識食。我倆一碗又碗，整鍋雞湯都見底了！本來可免費轉做另一款鍋底來火鍋。自選的鍋底有麻辣沙嗲芫茜皮蛋，可是我和小米不食皮蛋，自己又暫時不能進食濃味的食物。而放題食材中，發現有芫茜菜和唐芹。只是很喜歡這個花膠與雞，於是再加清湯，以原鍋作火鍋之用。有了二大碗芫茜和唐芹，自製勁量芫茜鍋！配唐芹，提昇香味。在加湯後，湯底依然濃郁，全靠有雞件做膽。      特級安格斯牛　紅白分明，以肉味為主。    頂級牛小排　紅白參半，肉味和油花平均分佈，口感比安格斯牛更柔軟，有肉味也有牛油香。   黑毛豬肉片　肉質纖維和筋膜收縮率不同，所以煮熟的豬肉片出現彎彎曲曲的形態。亦因豬肉片較厚身，所以口感較實在，也有濃郁的豬肉味。     豬膶   本身比較喜歡肝臟食物，發現任點清單中，出現＜膶/肝＞二字，當然不能錯過。傳聞豬膶有豐富的維他命A／B2／B6，可以養顏，補氣血。這一碗豬膶，自己獨享。鮮紅色的豬膶，沒有經過啤水浸洗。血塊的存在，容易令豬膶變得硬身。於是改為細火浸熟，豬膶才會嫩滑不起沙。還點了其他火鍋料。白蘿蔔經過長時間燉煮，已經變得軟棉棉又很入味！自己最喜歡這個白蘿蔔！  嚐過啖啖肉後，總要來大量的青菜，以保飲食均衡。可是這晚唐蒿無貨，改點勁多唐生菜。就在限時之前，職員表示贈送甜品：雜不甩冰。特地要求走花奶／鍊奶。幸好紅豆，罐頭雜果和涼粉都是甜的，小米食得津津有味。自己放棄甜品，反而選擇邪惡汽水。　　聽職員講，星期五六日晚上火鍋要訂位，六點早場火鍋比較易有位。…Read More