之前係澳門食過天麻川穹魚頭米，知道係元朗開左間澳門街水蟹粥雞湯米就好想黎試，但每次入到元朗都有好多新野食，所以今日係元朗附近就黎試下。雖然有兩間地鋪連埋一齊，但位置並唔算多，有室內同室外。天氣甘熱，就算出面有位都要等入面，等左5分鐘左右就有位了，坐得都算舒服。雖然店名係蟹粥雞湯米，但其實呢度有好多小菜，小食，可以叫餸食飯。而且見到隔離枱小炒份量都好大分，價錢都算合理，而且款式都算多。但一場黎到緊係試左重點推介澳門雞湯米。我同朋友分別叫左一個淨雞湯，一個加左米粉。淨雞湯等左大約5分鐘就到了，但雞湯米就等左10分鐘先到。澳門雞湯米，一上枱就聞到好香酒味，見到好多芫茜·蔥，有紅棗，木耳，份量都落得毫不手軟。重有2件冬瓜，同大約8件雞。澳門雞湯米，一上枱就睇得出淨湯同加左米粉份量有好大差別，好多紅棗，雞件都係湯上面見到哂。我係食量算多既，所以加左米粉，雖然只係$39但米粉都唔會少，而家好多麵店好多都係價照加，但料會減。同淨湯一樣，有2件冬瓜，大量芫茜，紅棗明顯比淨湯多好多，唔知係隨機定係加左$3就會多少少。一黎就飲左啖湯先，聞落好香酒味，但飲落又唔會，有淡淡既藥材味，但雞味就無咩，可能唔係新鮮雞。但8件雞有胸，有背，有雞翼都好平均，而且好嫩，唔會老，即煮真係好考時間控制，又要煮熟，但又唔可以煮老，時間真係控制得唔錯。木耳就無咩特別，都爽。冬瓜煮得岩岩好，唔會煮到太爛，又吸到湯既味，好清甜。再黎米粉吸左雞湯真係好香酒味，而且唔會係煮到斷哂，而係可以一次夾得起哂的。無講笑，我真係成碗連湯清哂，諗住睇下會唔會口渴，有味精，但真係幾個鐘後都唔會口乾，證明呢碗唔係味精湯。下次黎就要試下作隻醉雞，叫返個飯啦。價錢都算抵啦，甘多雞又用左甘補既材料去煲。…Read More
湯很香 有杞子紅棗等 還有至愛既芫茜雞件嫩滑 整個搭配美味暖身天麻川穹魚頭湯 $40 
2）揀客做：我與相公二人入座 野食上得慢無人理/ 對面枱一人女士甚至等咁耐只為牛河但背後坐了一枱四人家庭 狀似老闆娘的不斷埋去推介野食 點菜後係火速上菜感覺不公平！
一間餐廳既成功 除左好味 服務都係一個因素（除非好味到唔需要服務啦
）（一係就快靚正）呢一間 唔係我杯茶
