熊本牛鍋 (世宙商場)

同朋友喺元朗搵地方打邊爐，試咗「熊本牛鍋」個任食不限時澳洲和牛套餐，唔單止可以坐低慢慢食，仲有勁多選擇。📍整體體驗：抵食+舒服座位夠闊落，拎配料同斟野飲都好方便。最驚喜係個價錢，五周年優惠價$280（原價$308）已經包埋澳洲和牛、雞煲、蒸海鮮仲要免加一，真係幾抵。🐔雞煲惹味一坐低就先食個和風雞煲，啲雞夠入味，食完之後店員會幫手加湯做火鍋湯底！另外送咗個蟲草花烏雞湯，好適合冬天，就咁飲返碗湯都好滿足。🦪隱藏福利：打卡送海鮮餐廳仲做緊優惠，我地跟指示like & share咗佢哋專頁，竟然免費送咗盤蒸海鮮！有鮑魚、扇貝、生蠔，款款都幾新鮮，個鮑魚仲好彈牙，呢個福利幾有誠意。🥩主角和牛有質素叫咗個澳洲M4-M5和牛，油脂花紋幾靚，輕輕一淥就食得，入口好軟熟，牛味都夠。另外試咗牛白肉，口感爽脆，幾有特色。🍲總結嚟講呢個價錢有齊雞煲、和牛、任飲任食，再加埋個蒸海鮮同無限時，成個體驗好滿足，已經約定朋友下次再encore！…Read More

📍熊本牛鍋 (元朗)元朗安寧路38號世宙商場地下24號現推出五周年優惠火鍋配料專區飲品/甜品或專區雪糕自助區✨日式和風雞煲湯底味道恰到好處，雞肉滑嫩味。✨澳洲M4-M5和牛套餐 澳洲M4-M5和牛/牛白肉/頂級牛肉/牛肩胛牛肉各有千秋，肉質細膩，脂肪分佈均勻。保濕豬豚肉-肉質鬆軟，肉汁豐富，肥瘦適中。✨澳洲M4-M5和牛肉味濃郁鮮嫩，讓人食指大動。✨牛白肉又稱胸口朥或牛胸爽，入口爽脆帶有韌勁，且帶有微微的牛油香味。餐廳有一個特別驚喜，打卡可獲免費蒸海鮮！只需讚好專頁並留言即可領取，為這餐點增添不少風味，每日數量有限，送完即止‼️裝修風格簡約，寬敞舒適，適合親友聚餐。————————————————————整體用餐體驗✨味道(4/5)✨環境(4/5)✨服務(4/5)✨性價比(4/5) …Read More

🍲 澳洲M4-M5和牛套餐（$308/位）套餐有日式和風雞煲，食完雞煲之後可以加湯打邊爐，無限時任食澳洲M4/M5和牛、牛白肉、頂級牛肉、牛肩胛，保濕豬豚肉同雞肉🥘 雞煲好足料，除左有大大件啖啖肉嘅雞件之外，仲有紫薯、紅蘿蔔，洋蔥同豆卜，味道甜甜地惹味得嚟帶少少辣🦐 而家只要CLS(Comment Like Share)餐廳嘅ig page即可免費獲贈蒸海鮮（每日數量有限，送完即止）餐廳會為有預約嘅客人優先安排，唔好以為餐廳免費送嘅就會揸流攤；海鮮有鮑魚、大蝦、扇貝，蠔同蒜蓉蟶子粉絲，份量十足仲好新鮮；鮑魚彈牙，蝦肉爽口，蠔好飽滿肥美，蟶子鮮甜🥩 肉類方面，牛白肉爽口有嚼勁；和牛油花分佈平均，入口即化，牛肩胛肉質比較結實，牛味香濃；保濕豬豚肉相對普通豬肉鬆軟同肉汁豐富🥬 火鍋配料方面，無論係平時打邊爐唔少得嘅丸類，餃子、菇菌類，蔬菜定係主食都一應俱全應有盡有🧃 飲品方面主要係罐裝飲品比較多，無論係啤酒定非酒精飲品都一應俱全，樽裝飲品方面有餐廳自家製嘅冰糖紅棗燉雪耳同夏枯草，烏龍茶同韓式燒酒🍮 甜品方面有雪糕、藍莓奶凍、豆腐花、木糠布甸、冰粉，啫喱杯同燉蛋💰 而家餐廳做緊快閃優惠，$278皇牌套餐/$308澳洲和牛套餐二人同行一人半價，我同朋友埋單嘅時候見到平左真係好驚喜同埋110cm以下嘅小童星期日至四仲可以免費添🆓…Read More