Lemna of the alchemist

牧羊少年咖啡館大約有10間8間，唯獨位於文化中心的這家是屬於牧羊少年的浮萍。餐廳裝潢充滿格調，偌大的店舖，座位不會擺放得太過擠擁，而是寬敞舒適。朋友大約提前一個月左右訂位，只有6:30pm及8:30pm兩個時段可選。當晚致電詢問能否提早前往，獲回覆指有客人已結帳離座，才可提前至8pm入座。紅菜頭辣根漬三文魚流心布袋芝士配小蕃茄及青提沙律，三文魚以紅菜頭醃漬，魚肉呈紅色，並沒有紅菜頭那陣青味。三文魚肉大片厚身又柔軟。布袋芝士即burrata cheese，因形狀胖乎乎的像一個漲鼓鼓的小布袋而得名。一切開那布袋，香滑流心的芝士溢出，與紅菜頭三文魚的味道相配，加上horseradish cream就更為滋味！酥脆魷魚圈配辣根時蘿蛋黃醬，魷魚圈的份量很少，炸粉稍厚，又炸得焦了一點，調味不夠惹味。澳洲M4安格斯西冷及香烤蔬菜佐牛燒汁，5成熟的西冷扒外層燒得焦香，內裡肉質粉嫩軟稔，肉汁豐沛，簡簡單單配上牛燒汁已很好吃😋椰奶骯髒咖啡，咖啡帶淡淡椰子香🥥之餘又不會蓋過咖啡香，幾好飲～～～整體用餐體驗舒適，使人能在浮萍上與牧羊少年一起享受一個寫意的晚上。…Read More

生日就係明正言順食好啲啦，今次就黎左同樣都係牧羊少年咖啡店餐廳旗下餐廳，但係感覺就好唔同啦。呢一間餐廳感覺同氣氛比較 fine dinning 一啲。位於文化中心地下位置，都幾私密。明太子康提芝士蟹肉墨西哥夾餅墨西哥夾餅餡料好豐富，有大大條明太子之外，仲有蟹肉牛油果，Taco亦脆卜卜，樣樣唔同口感，明太子配埋少少辛辣，清新又開胃。海膽黑魚子醬蟹肉貓耳朶粉海膽汁好濃郁而且杰身但順滑，仲可以包住每一粒貓耳朶粉，貓耳朵粉粒粒彈牙，間唔中食到幾粒黑魚子醬，咸咸香香，帶來小驚喜外，仲無咁膩亦都唔太滯，睇落份量唔多，但兩個人share 嘅話岩岩好啦。澳洲M4安格斯西冷及香烤蔬菜佐牛燒汁M4 唔油膩，西冷五成熟啱啱好，無筋仲好易咬開，蔬菜配左牛燒汁亦都惹味。蘋果批伴雪糕最後甜品叫左蘋果批，presentation 精緻，雪糕大大球。蘋果批熱辣辣，雪糕凍冰冰配搭得好好，蘋果批唔太甜之外，外層唔會好厚。事前問左職員幫手寫上生日快樂字句，朋友都好開心！…Read More

牧羊少年相信大家並唔陌生，今日黎到文化中心千尺分店，空間感十足，環境好舒服，不過現場除咗有咖啡機嘅聲音之外亦有嘈雜嘅人聲，所以預咗講嘢都要大聲D。 WEEKEND都有SET LUNCH，$158起有2 courses (前菜/甜品+主菜)
🍴雞尾酒蝦蜜桃莎莎杯 Shrimp Cocktail Peach Salsa帶酸辣sauce嘅彈牙大蝦再配桃粒

🍴依比利豬背油薯條Iberico Lard Fries
一上檯已經勁香豬油味，一條接一條脆卜卜口味，必點！

🍴澳洲M4安格斯西冷及香烤蔬菜佐牛燒汁Grilled Australian M4 Angus Striploin Steak w/ Roasted Vegetable & Gravy (+$68)
肉味超濃，5成入口未到即溶，但好易咬開，配菜嘅蘆筍就比較硬啦

🍴龍萵蝦油慢烤蕃茄醬大蝦扁意粉 Shrimp Linguine w/ Tarragon & Slow Cooked Shrimp Oil Tomato Sauce
蝦油令成碟意粉加哂分，超重蝦味，不得之了

特別推介：🍹香芋椰子牛奶
驟眼睇佢好似係一杯平平無奇嘅牛奶，但細心一睇杯底有層香芋，入口第一啖超級香椰子同香芋味，3者MIX埋一齊簡直係PERFECT MATCH，飲完第一啖已經想原地ENCORE一杯

🍴焦糖燉蛋脆脆蛋糕Crème Brulee Cake
普通焦糖燉蛋味，無咩特別，可以唔洗叫

牧羊少年與他的浮萍地址：尖沙咀梳士巴利道10號香港文化中心地下

回頭指數：⭐️⭐️⭐️⭐️⭐️
抵食指數：⭐️⭐️⭐️
人均消費：$250…Read More

約朋友到文化中心午餐，梗係去一間充滿文化氣息嘅cafe啦，牧羊少年與他的浮萍分餐廳同酒吧兩邊，主打新派fusion菜，裝修以米、灰色調為主，大綠色植物擺設，落地大玻璃採光度高，空間感十足，我哋12:30入座，都幾休閒寫意，不過一到一點鐘午飯時間旋即全場滿座。呢度set lunch有前菜、主菜及甜品，可以自行選擇配搭同埋升級。#前菜#煙三文魚配溫泉蛋及香草油煙三文魚夠凍，溫泉蛋保持流動的半熟狀態，有流心，配上綠色香草油賣相唔錯。#水牛芝士配青提及小番茄水牛芝士跟番茄係好普遍的組合，番茄天然嘅甜酸味跟水牛芝士嘅奶味配搭得好好，加上配水果可令口感更清爽，開胃輕盈。#主菜#澳洲M4安格斯西冷及香烤蔬菜佐牛燒汁 $266叫咗medium，西冷表面邊位煎得焦脆，充滿鹽同黑椒味，配菜有烤薯同長長西蘭花苗，不過西冷肉質都係榎咗啲，呢個價格覺得應該可以好啲。#烤比目魚蜜桃綠牛油生菜沙律配烤南瓜籽及自製油醋汁 $128比目魚皮煎得香脆，魚肉嫩滑，加上醃製蜜桃一齊食，魚肉清淡口味撞埋蜜桃香氣感覺清新，甜甜地可以吊起個胃口。沙律採用新鮮食材牛油生菜、青瓜、番茄仔，一定穩陣唔會難食，加入烤南瓜籽增加口感。#卡拉布里辣肉腸苦艾酒大蝦扁意粉 $128大大片辣肉腸，大蝦爽口，醬汁香辣，苦艾酒散發出淡淡茴香嘅味，意粉硬度煮得剛好，濃濃醬汁掛身。#飲品#香芋椰子牛奶香芋味道唔係好出，感覺淨係得椰奶味，同埋比較淡。#Mocha朱古力咖啡咖啡味同朱古力嘅比例適中，覺得應該係用咗無糖朱古力，配合面頭嗰層甜度適中厚厚嘅cream，溝勻嚟飲味道就剛剛好，好綿有泡泡感。#檸檬特調底部有糖漿，攪勻後唔算好甜，同時有鹹鹹地嘅味道，有塊乾檸檬做裝飾。#甜品#焦糖脆脆蛋糕每日daily cake都不同，表面焦糖拖肥味，中間cream cheese部份軟滑低甜，底層焦糖脆脆好脆好甜，夾埋一齊食剛好。#Tiramisu芝士輕盈幼滑，手指餅夾層質地偏挺身，似蛋糕嘅感覺，滲出淡淡咖啡酒香，屬於偏甜但不會過分死甜，鮮忌廉伴碟口感更加滑。#牧羊少年與他的浮萍地址：尖沙咀梳士巴利道10號香港文化中心地下…Read More