The Corner Coffee

好耐之前就已經想食依間餐廳但上次因為walk-in冇位，今次book埋枱食dinner，終於俾我食到啦依間餐廳係樓上鋪黎，非常近灣仔地鐵站A1 出閘右轉就即刻到，超級方便。坐電梯上到去，一眼望去餐廳入面環境非常寬敞，空間感十足。佢除左食野嘅地方外仲有零售嘅區域，產品都幾多樣化。店員安排咗我同朋友坐係窗邊位置，夜晚望住外面嘅景色真係幾寫意見到出面咁急速嘅街境，坐係sofa上面頓時覺得整個室內空間好似慢左落黎咁，好vibe好放鬆。野食方面，佢Dinner嘅選擇都幾多，每樣野都好豐富好大份咁樣 我同朋友分別叫左香蔥香菇壽喜燒汁牛肉蓋飯同埋澳洲和牛芝士漢堡配黑松露薯條。牛肉蓋飯配有一份細沙律同埋一隻甜甜嘅糖心蛋，面頭鋪滿香噴噴嘅牛肉，賣相真係超吸引牛肉係比較偏向肥牛嘅質感，半肥半瘦，食落去好軟身，層次分明。味道調得恰到好處，加上洋蔥帶來嘅小小甜味，真係好野味下面嘅飯粒就好Juciy又有咬口，吸晒壽喜燒汁嘅味道Burger嘅部份仲正，個麵包外脆內軟，有種好fluffy嘅感覺，夾住嘅配料又好足，食嘅時候要小心D，舊牛肉咬落係會爆汁嫁！！ 旁邊嘅黑松露薯條都唔可以睇小，薯條炸得岩岩好，唔會好乾身仲好掛醬添，配埋而個超濃味嘅黑松露醬super滿足，最後我忍唔住奶晒成碗醬野飲就叫左兩個比較岩冬天飲又養生嘅飲品，一個係熱嘅蜜糖洛神花茶，上枱嘅時候岩晒D鍾意打卡嘅人士，紅配金超級吸睛，佢嘅蜜糖係分開上嘅，你可以自己調配每次飲嘅甜度比例，非常甜心另一杯就係普洱蕎麥桂圓茶，聞落去好大陣普洱嘅香氣，飲落又會taste到蕎麥嘅小小甜味，成個味道都幾夾岩晒食完炸野之後潤潤喉，入面個茶包都好足料，茶葉同蕎麥嘅比例係一半半咁塞滿晒最後嗌左個 homemade tiramisu 作結，蛋糕非常軟身，食落有淡淡嘅酒香，creamy得黎又唔會太甜，面頭嘅可可粉帶有少少苦味，令整體口感層次更加豐富！…Read More

今日收工，同朋友兩個想搵間Cafe坐下，慢慢傾偈，唔想食餐飯都趕頭趕命！ 之前聽朋友推介過呢一間樓上Cafe，可以慢慢坐，食物又OK，所以決定嚟食！秘製蒲燒鰻魚飯配流心蛋 $148 外貌吸引，味道唔錯，鰻魚份量都唔洗份，仲送咗玉子做前菜👍 另外配咗呢杯養生熱飲，加$10 ，叫做清肝護眼養生茶，啱晒而家冬天飲😋 澳洲和牛芝士漢堡配黑松露薯條 $158 相對之下，呢個漢堡更加有驚喜，和牛好Juicy，配合微微烤熱嘅芝士同埋香脆嘅麵包，好食，而且薯條份量好多～ Hand Drip Coffee - Columbia 木瓜乳酪 $85係難得一件幾高質嘅hand drip，感覺就好似藝術品，有侍應會為你講解唔同嘅體驗同埋引發，有少許咖啡粉可以聞吓佢嘅香味，另外唔同嘅容器原來都會影響佢嘅味道，左邊有一杯比較酸，右邊有一杯比較甜，而且仲有一杯冰，可以凍飲！ 港式經典格仔餅配Milk Top 雪糕 $118 個格仔餅味道好豐富，面上有有機嘅腰果糖、果乾花生醬、大量椰子碎等等，個雪糕嘅椰子味都好香，配合香脆嘅格仔餅食味道好夾！…Read More

假日，係灣仔行行下街，在灣仔天橋上無意發現了一間樓上Café，這間Café結合了「細味公平」、「喜居生活」兩大的互動平台，同時支持本地創作者，寄售不同類別的作品。過來食野之餘，仲可以欣賞不同本地創作者的作品，提取生活靈感。而另一邊Café是不少年輕人的聚腳點，因餐廳提供了插頭的位置，不少同學仔會帶電腦過來這裡傾Project。同時，也是Pet Friendly餐廳，也有不少的主人會帶埋愛犬過黎，真是鬧市中隱世的聚腳點。👩🏻‍💻🧑🏻‍💻👫👭🐶🍽️✨ THIS THIS TOAST（$118），這份多士的名真係幾有趣，令我聯想到外地旅遊，經常點餐時都會使用「This This」用詞。其實是由5款不同的口味的組合，自由組合選擇2款口味。我就選了煙肉洋蔥醬配爵士蘋果及和煙三文魚。🍞☺️👏🏼🧡 煙肉洋蔥醬配爵士蘋果，以酸種麵包作為多士底，比較硬身較有咬口。薄薄的蘋果片配上煙肉洋蔥醬，配搭新穎，清甜的果香味配煙肉洋蔥醬，火辣辣的口感帶給味蕾幾有刺激的感覺。🥖🍎🥓🌶️🔥💛 煙三文魚份量一D都唔少，滿滿的舖上多士上，片片甘香油滑，簡單的做法，滋味又滿足。周邊還有胡麻醬沙律菜，新鮮很美味。🥖🐟🤤澳洲和牛芝士漢堡配黑松露薯條（$158），漢堡砌得高身又大個，加埋薯條份量都幾多。夾在包中的澳洲和牛芝士漢堡，厚身大塊、肉汁豐富，製作出色。旁邊的粗身薯條炸得香脆，點埋黑松露醬，味道濃郁又開胃。🍔🍟🤩MATCHA LATTE(+$32)，抺茶和鮮奶調較出來的漸變色，令這飲品的賣相吸引。攪拌後也不減抺茶本身的濃郁茶香味道。🍵🥛🧊DIRTY(+$29)，飲品的沖法選用了白咖啡豆，再加入鮮奶，入口香甜順滑，先是咖啡的香，之後就是牛奶的滑，飲品沒有加冰，都有冰涼快感的感覺。☕️🥛雙魚小姐開心果巴斯克芝士蛋糕（+$53），每次睇到Café小店賣自家製的開心果甜品，我都有心心眼的意慾。這個蛋糕只睇外型已經睇到不少的開心果元素，上層的開心果碎、開心果Cream、一半開心果芝士蛋糕和一半純芝士蛋糕，入口濃濃的開心果味，又唔會好甜，做到香滑而且入口即溶的效果，相當有層次，是一份驚喜到高的甜品。😋🧀💚…Read More