LETS POT

👧🏻😋👅🍽✨支持本地農場🥰精緻靚料火鍋-起鍋🇭🇰 灣仔駱克道37-39號得利樓1樓 🇭🇰-🧑🏻‍🌾 本身係俾佢主打東南亞風火鍋吸引, 但食完後更欣賞佢地堅持用料新鮮上乘; 佢裝修係東南亞風, 但食物主要都係靚料肉類同海鮮, 原汁原味簡單唔花巧; 係少量丸同餃有D東南亞調味料, 同埋自助混醬有蝦醬, 金不換, 檸檬葉等等🧑🏻‍🌾二人餐份量唔多每款一兩件, 但款式夠多又高質食完勁滿足🤤 肉, 餃, 丸, 款款都有牌仔介紹, 食每一啖都知自己食緊乜; 老細好nice介紹餐牌, 食食下都會出黎關心下食客拎下feedback, 抵佢座無虛席👍🏻-😋😋😋起鍋二人套餐 $368/位✔️前菜小食: 熱浪響鈴午餐肉✔️湯底三選一✔️潮汕牛拼盤 300g✔️海鮮拼盤✔️餃子三款各兩隻✔️手打丸三款各兩粒✔️本地時令菜拼盤 ✔️水雲麵-🍤熱浪響鈴午餐肉💯黑毛豬午餐肉食落唔會太鹹, 質地韌韌地, 炸腐皮好香豆味又好脆-🍲 有機蕃茄薯仔豬骨湯✨用本地農場既作物真係好抵讚, 個湯勁鮮甜, 尤其薯仔又粉又甜勁出色; 食呢個餐D潮汕牛唔會好油, 食食下再𢳂多兩碗湯黎飲都完全冇問題😋-🐂 潮汕牛拼盤 300g💯三花趾, 匙柄, 匙仁, 吊龍, 由瘦食到肥, 全部都淥幾秒仲有少少粉紅色勁嫩滑爆肉汁💯又一本地靚料😍 元朗牛四個部位滿足不同需要, 最愛軟嫩吊龍, 但其實四款都係冇得輸-🦪 海鮮拼盤✨紐西蘭蟶子皇超大隻又爽彈; 半隻手掌咁大既台山蠔鮮甜嫩滑, 水中蝦肉質結實勁新鮮-🥟 即叫即包餃子💯即叫即包太犯規, 勁新鮮唔會好似普遍邊爐鋪咁包好一大批再雪硬晒💯香茅蝦膠扎肉餃, 黃芽白大頭菜豬肉餃, 韭菜豬肉餃; 三款入面香茅蝦膠扎肉最有特色, 淡淡香茅味係熱湯下滲出黎, 蝦膠結實, 可以啪多幾粒🤣 大頭菜餃有D馬蹄粒幾爽口清甜-🍡自家手打新鮮丸✨蝦醬墨魚丸, 梅菜豬肉手打丸, 手打彈彈牙魚蛋; 大大粒好鬼彈牙, 蝦醬同梅菜做丸好易太濃味, 但佢都係做到恰到好處, 尤其是梅菜浸味唔會好甜好假, 係鮮☺️-🥬本地時令菜拼盤 💯本地農場菜特別甜😆 每日精選最新鮮款式, 當晚有唐生菜, 白菜仔, 油麥菜, 菜心-🍜 水雲麵✨水雲喺日本餐廳就食過, 用來做麵第一次試, 質地會比較彈牙同埋冇咁飽-🧄絕世混醬 $25/位…Read More

📍起鍋今次黎呢間懷舊十足嘅火鍋店，裝潢設計以懷舊風為主，門口有好多波波燈💡同霓虹燈營造氣氛！🤩超多打卡位📸叫左個起鍋二人套餐👭野食好豐富，夠曬飽🤤🫙絕世混醬 $40/位價錢嚟講算貴，但勝在醬料選擇多！足足有成20款～有青檸、檸檬葉、南薑、香茅、蝦醬等等，比較少見嘅醬料都有，味道都唔錯～🥘湯底湯底有得三選一，今次試左有機蕃茄薯仔湯🍅鍋底好足料，有齊三大嚿豬骨、蕃茄、薯仔、紅蘿蔔同粟米；湯幾清甜，一嚟已經飲咗成碗😆🐮潮汕牛拼盤 300g一共有四款部位既牛肉：有吊龍、匙柄、雪花、匙仁～吊龍多筋位，比較有咬口；匙仁比較大塊，煙韌得黎肉又唔會鞋；而雪花油脂感十足，肉質亦都比較柔軟，個人比較鍾意呢款🤤🦪海鮮拼盤成個拼盤有生蠔（兩隻）、蟶子王（兩隻）同蝦（四隻），樣樣都夠曬新鮮～最推薦嘅係蟶子王，淥完之後都冇縮水，食落超爽口彈牙😌值得一試🥬本地時令菜拼盤 總共有四款蔬菜：生菜、菜心、油麥菜同白菜仔，款式幾多～總有一款啱你心水🍜水雲面食落幾爽口，煮耐左都唔會變淋；就咁食嘅話冇乜味，配埋芝麻醬一齊食就冇得輸，昇華咗成個面嘅味道～🥟餃子個set包左三款餃子，自選鍾意嘅味道就可以啦～今次試左香茅蝦膠扎肉餃、韭菜豬肉餃同黃芽白大頭菜豬肉餃，個人比較鍾意食香茅蝦膠扎肉餃，好有驚喜！每啖都食到彈牙嘅蝦粒，香茅同蝦膠個味意外地夾！🍢九類全部丸類都係餐廳手打既，夠曬十足！試左手打墨魚丸、手打彈彈牙魚蛋同手打牛丸😌三款都建議大家試吓，表示每款都好彈牙！幾出色😍🐖響鈴午餐肉響鈴配午餐肉呢個組合幾特別，但味道上又幾夾😎響鈴炸到好脆，好似食緊薯片咁～午餐肉就係正常味道🤣🍹椰青 $68/ 個夠曬清甜😌絕對係解膩之選🤞⭐️好味指數： 8.5/10📍 起鍋 (灣仔)灣仔駱克道37-39號得利樓1樓#灣仔 #起鍋 #邊爐 #打邊爐 #潮汕牛拼盤 #懷舊風火鍋 #蟶子皇 #海鮮 #hotpot #hk #hkfood #hkfoodie …Read More

.灣仔· 霓虹下的精緻火鍋起鍋📍灣仔駱克道37-39號得利樓1樓➰好歌推介「旋轉兜圈的感覺太逼真，神遊興奮背後寫滿敏感請慢慢行近。」➰朋友都知道我非常喜歡食火鍋，只要湯底足料材料新鮮便可以與三五知己暢聚一個晚上，今日與朋友來到灣仔一間樓上餐廳，門口裝潢已經充滿特色，以大量波波燈及霓虹燈營造氛圍，充滿打卡元素，店內亦有播放首首經典流行曲，與朋友更玩起估歌仔遊戲，非常有趣。➰𖥕絕世混醬 💲40/1 ⭐️4.2/5⭐️.介紹火鍋之前先要介紹餐廳的醬料區，本以為餐廳主打港式火鍋，但一入到餐廳已充滿泰式香料的味道，行近醬料區一看，發現餐廳有多款式泰式香料，連金不換，魚露，青檸等亦有供應，非常特別，大家都可以混製一碗喜愛的醬料。.➿起鍋二人套餐 💲736/2 ✥有機蕃茄薯仔湯 ⭐️4.2/5⭐️ 套餐已包含湯底，挑選了非常足料的蕃茄薯仔湯作今晚火鍋湯底，兩大舊豬骨非常搶眼，先喝一口湯頭，甚為入味，有住家靚湯的品質。.❀潮汕牛拼盤⭐️4.2/5⭐️ 原來餐廳還供應市面少見的潮汕牛，今日有四款不同部位供應，特別喜歡吊龍和匙柄，前者肉味濃郁後者肉味與油香兼備，牛魔王不容錯過。❀海鮮拼盤 ⭐️4.2/5⭐️套餐還有時令海鮮拼盤，包括有蠔，蟶子皇及海蝦，而且用料新鮮，特別是蠔和蟶子皇，兩者皆是爽彈鮮甜。.𖥕響鈴午餐肉 ⭐️4.1/5⭐️餐廳的推介之作，將午餐肉包裹至響玲新鮮即炸而成，兩者隔合非常邪惡滋味。.𖥕香葉肉碎餃·芫茜豬肉餃·黃芽白大頭菜豬肉餃 ⭐️4.2/5⭐️套餐可款3款餃子，每款兩粒，前文已說餐廳充滿泰式風味，餐廳果然隔合其中，將泰式香料製作成的香葉肉碎餃很有驚喜，以為自己在吃泰式肉碎的滋味，十分特別。.𖥕冬蔭功墨魚丸·梅菜豬肉手打丸·手打牛丸 ⭐️4.2/5⭐️與餃子都是可以挑選三款，今次最特別的是冬蔭功墨魚丸，除了墨魚丸本身的爽滑彈牙之外，更有泰式冬蔭功滋味，兩者融合得非常完美，很滋味。 .✥本地時令蔬菜拼盤 ⭐️4.1/5⭐️ 有四至五款本地新鮮蔬菜，份量亦十分足夠。 .✥水雲麵 ⭐️4.1/5⭐️最後主食的水雲麵亦是頗有驚喜，入口爽彈，我和朋友也很喜歡的口感。.✥Ice Thai Milk Tea 💲38 ⭐️4.1/5⭐️✥Lime Soda 💲38 ⭐️4/5⭐️餐廳亦有供應泰式飲品，可以一解泰式風情的滋味。.➰總結餐廳主打精緻火鍋，除了常見的火鍋元素，亦推陳出新加入不少泰式風味元素融入港式火鍋之中，食物出品質素亦非常理想。而且餐廳裝潢佈置亦很有心思，令客人流連忘返，充滿打卡元素，喜歡食火鍋的各位不容錯過。.➿➿➿#起鍋…Read More

平時食開火鍋嘅大家相信一定越食越刁轉!今次咁啱有朋友推介我呢個火鍋控試下呢間帶住東南亞泰式風味嘅火鍋,由醬料嘅選擇到食材都帶點特色東南亞風,感覺好新鮮!平時食開火鍋嘅大家相信一定越食越刁轉!今次咁啱有朋友推介我呢個火鍋控試下呢間帶住東南亞泰式風味嘅火鍋,由醬料嘅選擇到食材都帶點特色東南亞風,感覺好新鮮!᭣起鍋四人套餐 ╯hkd$498/位 (醬料$40/位)湯底香茅清酒煮蜆𖠗大大粒蜆肉吸晒清酒同香茅香後變得更清甜又充滿鮮味.湯底味道唔錯.᭣熱浪響鈴午餐肉𖠗呢款餐前小食充滿港式風味!以響鈴包住午餐肉帶出香脆感,配上鹹香午餐肉夠晒惹味.᭣潮汕牛拼盤𖠗牛肉拼盤夠晒豪華!潮汕牛拼盤內嘅牛肉整齊地排好,牛肉色澤光鮮嫩紅唔會暗啞.𖠗仲有匙柄,三花趾及吊龍等稀少部位,夠驚喜.‎⸝⸝⸝❍三花趾𖠗口感充滿彈性有嚼勁.‎⸝⸝⸝❍匙柄𖠗結實得黎又帶嫩柔感,脂肪比例不多不少.‎⸝⸝⸝❍雪花𖠗充滿分均分佈嘅牛脂,入口質感香嫩細膩.‎⸝⸝⸝❍吊龍𖠗肉質細嫩而且充滿肉汁,味道鮮甜.᭣海鮮拼盤𖠗極豪華嘅海鮮拼盤!西澳龍蝦以刺身上,肉質彈牙甘甜,鮮味濃郁.𖠗海鮮食材都好新鮮又足料.˚西澳龍蝦˚鮑魚˚蝦˚蠔᭣任選3款即叫即包餃(12粒)❍香茅蝦膠扎肉餃𖠗蝦肉配上扎肉令口感更爽彈,配搭香茅更香.‎⸝⸝⸝❍黃芽白大頭菜豬肉餃 𖠗以黃芽白大頭菜及餡味道更香甜而且帶少少黃芽白嘅奶香.‎⸝⸝⸝❍芫荽豬肉餃𖠗芫荽味香而濃郁,芫荽控必食.᭣任選3款自家手打新鮮丸 (12粒)❍九層塔蝦丸𖠗蝦丸好夠蝦味,九層塔香味都突出又唔會過嗆搶走蝦味.‎⸝⸝⸝❍手打彈彈牙魚蛋𖠗魚蛋彈牙,魚味濃郁入口唔會有好重粉嘅感覺.‎⸝⸝⸝❍手打牛丸𖠗牛丸juicy,帶出爽而彈嘅口感,入口牛味香濃.᭣本地時令菜拼盤𖠗時令菜拼盤嘅菜類都有好多款,而且每份蔬菜都好新鮮而且嫩綠.𖠗粟米粒脹卜卜又夠甜.᭣凍豆腐𖠗凍豆腐吸湯力強嘅特性將鍋內嘅精華全部都吸收晒.᭣水雲面𖠗質感好彈牙而且吸湯力都幾強!2個麵底4個人share啱啱好,唔會太滯又可以試到水雲面嘅味道 起鍋四人套餐湯底香茅清酒煮蜆大大粒蜆肉吸晒清酒同香茅香後變得更清甜又充滿鮮味.湯底味道唔錯.熱浪響鈴午餐肉呢款餐前小食充滿港式風味!以響鈴包住午餐肉帶出香脆感,配上鹹香午餐肉夠晒惹味.潮汕牛拼盤牛肉拼盤夠晒豪華!潮汕牛拼盤內嘅牛肉整齊地排好,牛肉色澤光鮮嫩紅唔會暗啞.仲有匙柄,三花趾及吊龍等稀少部位,夠驚喜.‎三花趾口感充滿彈性有嚼勁.‎匙柄結實得黎又帶嫩柔感,脂肪比例不多不少.‎雪花充滿分均分佈嘅牛脂,入口質感香嫩細膩.‎吊龍肉質細嫩而且充滿肉汁,味道鮮甜.海鮮拼盤極豪華嘅海鮮拼盤!西澳龍蝦以刺身上,肉質彈牙甘甜,鮮味濃郁.海鮮食材都好新鮮又足料.˚西澳龍蝦˚鮑魚˚蝦˚蠔任選3款即叫即包餃(12粒)香茅蝦膠扎肉餃蝦肉配上扎肉令口感更爽彈,配搭香茅更香.黃芽白大頭菜豬肉餃 以黃芽白大頭菜及餡味道更香甜而且帶少少黃芽白嘅奶香.‎芫荽豬肉餃芫荽味香而濃郁,芫荽控必食.任選3款自家手打新鮮丸 (12粒)九層塔蝦丸蝦丸好夠蝦味,九層塔香味都突出又唔會過嗆搶走蝦味.‎手打彈彈牙魚蛋魚蛋彈牙,魚味濃郁入口唔會有好重粉嘅感覺.‎手打牛丸牛丸juicy,帶出爽而彈嘅口感,入口牛味香濃.本地時令菜拼盤時令菜拼盤嘅菜類都有好多款,而且每份蔬菜都好新鮮而且嫩綠.粟米粒脹卜卜又夠甜.凍豆腐凍豆腐吸湯力強嘅特性將鍋內嘅精華全部都吸收晒.水雲面質感好彈牙而且吸湯力都幾強!2個麵底4個人share啱啱好,唔會太滯又可以試到水雲面嘅味道 …Read More

之前介紹過呢間港式邊爐，湯底同配料都充滿東南亞元素，依家仲推出咗新套餐非常抵食。起鍋係一間喺灣仔嘅新派火鍋店，主打東南亞風既湯底、醬料同埋配料同主打提供無添加食材，加上東南亞風嘅格調裝潢，加上星期六日駐場嘅DJ表演，非常有氣氛。每款湯底仲會配搭特調雞尾酒，啱晒一大班人邊打邊爐邊飲酒。除咗特色湯底，餐廳仲主打直送本地有機蔬菜同本地騸牯牛，取貨至牛皇莫，每日凌晨新鮮屠宰，每日只有5-6隻供應，非常罕有，供應六款唔同嘅部位。店舖嘅裝修都充滿東南亞同港式風味，一出電梯就感受到，門口掛住七彩色燈籠，加上一啲舊信箱同塗鴉。入到去餐廳，係比較80年代嘅香港設計，好似有綠葉窗、霓虹燈，連餐具同埋鍋爐都係用萬壽無疆圖案碗具，餐廳裡裡外外都係打卡位。店舖會播住7、80年代嘅流行曲，星期六10:30pm 後仲會有DJ駐場。-🐮 起鍋二人套餐 💰368 pp呢個係四月新推出嘅套餐，逢星期一至星期四提供，分別有兩人套餐同四人套餐。-🌶️ 絕世混醬 💰40pp（👅: 8/10）呢度嘅其中一個特色，就係佢哋嘅自助醬料區，20幾款選擇，入邊有好多東南亞香料，好似魚露、金不換、泰式辣醬、蝦醬、檸檬葉、青檸、香茅、南薑等，非常有特色，不過價錢偏貴。-1️⃣ 熱浪響鈴午餐肉（👅: 8.25/10）餐前小食係用響鈴包住午餐肉咬落去脆卜卜，食落去非常惹味，不過就無咩熱浪味。-2️⃣ 原條沙巴酸菜魚湯 ＋💰150（👅: 8.5/10）原本湯底係麻辣豆腐卜湯、芫荽皮蛋湯、蕃茄薯仔豬骨湯三揀一，不過二人套餐可以加錢轉其他湯底。酸菜魚用新鮮沙巴魚熬製，可以見到成條沙巴魚，比起一般酸菜魚，魚味比較突出，而唔係平時飲到嘅辣味酸味，酸味唔算好勁，反而辣味比較突出。沙巴魚無骨，入口就唔算好滑好厚，食落啖啖肉。另外呢度既鹹酸菜係師傅自家醃製嘅，食落去仲有酸味。-3️⃣ 潮汕牛拼盤潮汕牛對唔同部位都有唔同嘅稱呼。🥩 吊龍（👅: 8.25/10）吊龍係肉眼嘅一部份，咬落有少少筋位，食落肉味較突出。🥩 匙柄（👅: 8.25/10）匙柄係匙仁下方，肋骨之下，咬落比匙仁彈嫩，食落去肉味最濃郁。🥩 匙仁（👅: 8.5/10）匙仁係連著肋骨，肉中間有細筋，咬落去係咁多款最軟腍，有肉味有小小油脂。🥩 雪花（👅: 8.5/10）雪花應該係頸部位，雖然有小小根，係食落去係咁多款最肥，油脂爆發。-4️⃣ 海鮮拼盤（👅: 8.25/10）紐西蘭蟶子王夠大隻，咬落爽口彈牙，食落去鮮甜。蝦同蠔份量都算大隻，食落去就正常新鮮。-5️⃣ 任選即叫即包餃 (六粒) 三款🥟 香葉肉碎餃（👅: 8.5/10）呢度嘅餃子都好有東南亞風味，香葉肉碎餃餃皮薄身滑身，好似雲吞皮，入口彈牙帶煙韌，入面有肉汁，食落入面有唔小香葉，帶豬肉味，非常惹味特別，值得一試。-🥟 黃芽白大頭菜豬肉餃 （👅: 8.75/10）大頭菜黃芽白豬肉餃餡料飽滿，食落比較清淡，菜既鮮味較突出，有啲似灌湯餃嘅感覺。-🥟 韭菜豬肉餃（👅: 8.5/10）豬肉同韭菜嘅比例啱啱好，韭菜非常之多。-6️⃣ 任選自家手打新鮮丸 (六粒) 三款🍢 梅菜豬肉手打丸（👅: 8.25/10）梅菜豬肉手打丸咬落去相比其他冇咁彈牙，不過有肉汁，食落有梅菜味不過唔會太突出，主要突出豬肉味嘅鮮味。-🍢 手打彈彈牙魚蛋（👅: 8.75/10）手打魚蛋咬落非常彈牙，而且入邊比起一般嘅都鬆軟，食落有魚味。-🍢 九層塔蝦丸（👅: 8.5/10）蝦丸咬落去彈牙，入邊足料，好似食緊蝦滑咁，蝦味比較突出，有小小九層塔味。-7️⃣ 本地有機農場推介當日精選菜拼盤 （👅: 8/10）呢度嘅蔬菜都係來自元朗錦上路嘅濼田農莊，入邊有生菜、皇帝菜、油麥菜、菜心等，蔬菜入口爽口，食落夠新鮮，吸收酸菜湯湯非常適合。-8️⃣ 水雲面 （👅: 8.5/10）水雲面係用日本海藻同小麥搓揉製成，啱晒健康人士，麵質幼細，入口爽口彈牙，掛滿湯汁好食。-🌟整體我覺得呢度最出色嘅係湯底，其次係手工餃丸、牛肉，如果同我其他愛店比較，如果係單點既話，牛肉價錢偏貴，不過呢個套餐有依個牛肉份量，非常抵食。至於湯底唔係好濃個隻，而係比較適合飲個種。手工餃丸最出色我覺得係手打魚蛋同黃芽白大頭菜豬肉餃。新嘅套餐性價比高，如果係正常食量，二人套餐絕對夠飽，多人嘅話，通常會四人套餐再單點嘢食。呢度店員、老細用心介紹，同埋喺度慶祝店員會插播生日歌，而且會大鑼大鼓，呢方面係幾有驚喜，如果係慶祝生日，呢度幾適合。比起一般嘅火鍋餐廳，佢唔係一般酒樓嘅格局，除咗裝修好有舊時香港風味，全晚都會播住廣東歌，星期六10:30pm 後仲會有DJ駐場，不過音量有時會偏高，唔太適合傾計，如果唔鍾意可以同店員講較返細啲。-👅味道: 8.75/10🍴環境: 8/10💰消費: $550-800pp (服務費: 10%)…Read More