Chateh (Closed)

我一向對中餐的興趣不大，唯獨上海菜和潮州菜例外，今晚同事約我去百樂小館，即管試吓啦！:)位於美麗華商場裏面，原來呢度都幾多食肆而且感覺好寬敞。門口屬於開放式設計，整體裝修好時尚及典雅。坐下不久，店員即端上幾杯功夫茶及餐前小食，嘆一口再慢慢叫嘢食。潮州嘢之中好好食嘅當然包括滷水鵝，所以我哋叫咗個滷水鵝肉拼盤（ $168 ），除了滷水鵝仲有墨魚片、滷水蛋、豆腐和腩肉，3-4個人食都好夠分，好味啊！另外同事介紹要食呢個潮式蘿蔔灌漿($60)，原來係將白蘿蔔浸湯然後去炸，外皮好脆，望落去以為好熱氣，但食落裡面係多汁又腍既白蘿蔔，食既時候可以點「桔仔汁」，係一款潮洲醬汁，特別又幾好味！仲食左煲明火煲靚湯($148)，阿姐話係黃瓜粟米煲唐排，熱騰騰夠哂味，好甜好味好滋潤！至於欖菜肉碎四季豆（ $98 ），欖菜味唔係太突出，但都夠鑊氣又惹味！整番條梅子明爐烏魚($188)，睇住佢明火煮，一路煮一路聞到好香，好鍾意佢個汁，酸酸地好開胃，應該用左梅子、檸檬、香草等去整，條魚都好大條添！蔥蒜牛肉崧煨飯($138)，原來係和牛黎架！用上湯煨完再炒飯，好味呀！:)食飽仲整多個甜品，潮式返沙芋條（ $78 ），據聞反沙芋好考功夫，佢呢個真係炒到個面有個糖皮咁，正喎！另外仲有蛋白杏仁茶，好滋潤呀！…Read More

「把酒當歌人生幾何？」人大了能夠與友相聚確實難得，近年我都比較偏好中菜而已。全因中菜多一份細腻，亦多一份家的感覺。潮菜之夜定必選擇「百樂小館」，全因環境舒適而且食物有保證，最重要的是價格也是合理之作。難怪在平日的晚上時分，也能夠座無虛席可見勝價比高。餐廳利用鳥籠的設計下，頓時覺得有一種鳥籠中自成一角似的。餐牌上滷水的食品必有之物，更有很多點心、小炒、粉麵飯類等；特別是中式甜品更加是我的最愛之物：潮式反沙芋、芋荔、水晶包、杏仁茶等。滷水鵝肉拼盤 $148首先到來定必是潮式鵝肉拼盤，鵝肉的肉質腍軟而且相當入味。滷水汁不會太油膩，混合了豆腐後更加惹味無比，如果添多一碗飯便最好不過。潮式蘿蔔灌漿 $48我的最愛之物「潮式蘿蔔灌漿」，炸至香脆的表層漲卜卜，輕輕咬開置中的部分充斥著蘿蔔絲的香味。蘿蔔絲晴瑩通透熱騰騰並多汁，再添上少許醬汁更加錦上添花。鮑汁扣鳳爪 $78平常只會在早茶的鳳爪，估不到晩市也有售。鳳爪的份量相當多，鮑汁相當濃郁內含花生更加添上口感。鳳爪炆得相當入味，令人愈食愈想食。紅燒皇子乳鴿伴凱撒沙律 $56/隻中西合璧之菜式，紅燒乳鴿炸至香脆油份亦不高，每一口都有嫩肉相當美味。旁邊更有凱撒沙律可以中和辣度。咸菜豬肚湯 $128（4位用）豬肚湯洗得清晰可見並帶爽口，胡椒味道其高吃時小心刺鼻，咸菜被煮過後少了咸味，完全滲入了湯中相當入味。豆醬焗田園雞 $238/隻平常極少以豆醬焗雞，上桌後相當吸晴原因原隻雞奉上；輕輕切開置中肉質鮮嫩及肥美配合豆醬一流，如添加一碗白米飯便完美。方魚雞球炆栗子 $98栗子相當軟身，輕輕咬一口容易鬆開。頂層放有少許方魚脆身，加添無限口感。雞球的雞肉被栗子炆過後非常入味。沙茶牛肉炒河 $118每次到來必點之物，沙茶醬是全碟精粹所在。牛肉相當腍軟配合沙茶醬，炒河的濕度剛剛好，令到整碟相當入味。…Read More

站在尖沙咀地鐵站，完全諗唔到食咩，腦入面突然浮現左百樂小館，上次食午餐飲茶非常滿意，所以立即就決定左去，而且唔使等位，非常好。幾個人叫左好多野食，潮洲菜當然要叫滷水拼盤，個鵝片都可話係我最愛，很軟很好吃喔～蘿蔔灌漿上次都食過，但今次好似有一點點唔同？又或者因為個蘿蔔唔係好甜，同上次甜甜的感覺不同，不過炸到外脆內軟真係好香口好正～店員推介的紅燒皇子乳鴿伴凱撒沙律，勁搞笑乳鴿配凱撒沙律，不過其實都係乳鴿還乳鴿姐，我地入面有位朋友勁愛乳鴿，佢一人食左一隻，應該真係好好味～（笑）我不太愛內臟，不過都飲左杏汁白肺湯啲湯，都幾好味，但真係叫我食埋啲肺就唔好喇…最愛就是乳香骨同炸雙棗！乳香骨的南乳味超濃～而且肉很鬆軟，吃了很多舊；而炸雙棗姐係蝦同蟹丸，好足料正點～～最後黎個秋葵炒牛肉，通一通血管，抗一抗氧化，而牛肉亦炒得非常軟熟，讚！雖然好飽，但成檯人都好想食甜品，因為好吸引呀！清心丸真係唔係到到有，仲要加綠豆，成左咁多炸野，用黎降降火清清熱一流～…Read More

講起潮州菜，第一時間就會諗起打冷，但其實「家常小菜」式既潮菜館都一樣咁出色。比起打冷，百樂相對坐得比較舒服，而且位於尖沙咀，約一大班人聚餐非常方便。潮式蘿蔔灌漿。潮州傳統小食，非常可口，食落滿滿蘿蔔既甜味。黃金炸雙棗。圓型係蝦棗，後面方型係蟹棗，肉質偏腍，入面有馬蹄碎，帶點清爽既口感。秘製乳香骨。肉質唔會太乾，肉排帶住南乳香味，色香味俱全。杏汁白肺湯。豬肺乾淨無內臟味，湯底亦無味精味，正秋葵炒牛肉。秋葵唔會有太多黏液，牛肉亦好嫩，不過單食味道咸左少少，配飯就剛剛好。皇子乳鴿配凱薩沙律。好特別既配對，食完嫩滑既乳鴿，可以食啖沙律減低油膩感。有朋友發現沙律上加左欖菜，立即令個沙律有潮州風味。沙茶牛肉炒河。牛肉肉腍，沙茶醬份量剛好，唔會過多。清心丸綠豆爽。朋友話綠豆爽工序繁複，亦係潮州出名既甜品，好小地方有得食，見到立即要叫一碗食，清心丸煙軔而綠豆就爽口，非常好食。…Read More

最近很常去食潮州菜館，當中有好有壞！遇到真心覺得好食的潮州菜館時就好想分享下！今次又是跟爸媽去食潮州菜，這次來到位於尖沙咀美麗華的「百樂小館」，店內環境也很舒適呢～入座後侍應送上功夫茶～鹵水鵝肉拼盤 $148鵝肉啖啖肉（最重要是不會太肥）、而且滷水超入味！味道又不會太咸紅燒皇子乳鴿伴凱撒沙律 $56/隻聽侍應說是新菜式來的，很特別呢！中西合璧的菜式卻意外的不會讓人覺得格格不入！沙律菜很新鮮、而且還特別加入中式欖菜...食落惹味之外，更顯特別～杏汁白肺湯 $168材料十足、杏仁味既香又濃，真的很適合女生的飲呢！潮式蘿蔔灌漿 $48聽家人說這是潮州菜館必食的、外脆內軟...蘿蔔絲爽口清甜，完全沒有油膩感！秘製乳香骨 $118南乳味十足黃金炸雙棗 $120分別是蟹肉和蝦肉、外皮炸至金黃色、味道好出！而且肉質好彈牙又爽口～十分惹味！秋葵炒牛肉 $128第一次食秋葵、徹底改變我對秋葵'滑散散'的感覺！原來用來炒牛肉也滿適合的～沙茶牛肉炒河 $118醬汁偏稠身、味道也很濃郁、跟河粉一併搞拌後剛剛好～花生糖糠湯丸 $54湯圓有花生碎包圍、加上芝麻餡食落甜而不膩卻更為香口～整體來說，我們一家都很滿意，而且餐廳價錢合理，食物質素高、環境也很不錯！是一個適合跟家人或好友們相聚的不錯選擇！…Read More

家中長輩為潮州人, 經常回味家鄉菜, 出面大多酒樓都出品廣東菜, 要搵間好食而又正宗既潮州菜的確唔易, 今日我地去左尖沙咀美麗華商場呢間百樂小館品嚐一下潮州菜, 果然令我大開眼界, 終於明白長輩們對潮州菜回味無窮既感覺!! 呢間潮州菜平日晚都經常爆滿,幸好我已為大家預先訂檯, 免得浪費等位時間~ 一坐低但先有小食開開胃....同時點左幾款菜式試試....【滷水骨香鵝肉片】HK$148食潮州菜必食首選一定係滷水鵝, Order左個例牌試試, 滷水鵝肉質柔嫩, 皮外脂肪唔太厚, 滷水汁亦很入味~【椒鹽豆腐茄子粒】HK$48炸物配上椒鹽一向都是絕配! 一啖一粒既豆腐同茄子粒, 炸得外皮好乾身, 唔會好油膩, 超級脆口...特別係茄子粒, 茄子已被去皮, 咬開脆皮, 內裡有熱辣辣軟心茄子...【潮式蘿蔔灌漿】HK$48呢款菜式我都係第一次食, 家人話呢個菜式唔係間間潮州餐廳都可以食到, 事關烹調技巧比較煩複~ 但呢款正正給我帶來驚喜, 令我一試愛上, 下次再來定必encron!! 色澤金黃, 外皮非常脆, 入面包住爽甜蘿蔔粒,濕潤既饀料亦冇影響到香脆外皮, 外脆內軟岩哂形容呢款菜式, 正!!【臘味飯】HK$240 (4位起)雖然臘味飯周圍都可以食到, 但印象中呢次臘味飯係最令我喜歡! 臘味飯送上檯打開蓋, 香噴噴既臘味香陣陣地散發出, 果然係色香味俱全! 臘味非常鮮甜, 而且夠林...就連薄切既臘腸都好甜好夠林, 沒有煙韌咬唔開既口感, 正!!【杏汁蛋白芋泥】HK$48香濃杏汁, 加入蛋白令口感更加香滑, 糊口既芋泥味道甜甜的, 亦是潮州甜品中其中必食之一!! 大愛!…Read More

美麗華商場真係多左好多食肆,自從之前上過去3, 4樓發現天外有天, 格局唔同左仲有好多新食肆後, 今天就來跟朋友們吃一下潮州菜~~~這家的名字也出名, 口啤也不錯, 所以決定來試一下!! 上到來環境蠻舒服的, 雖然只是平日的晚上, 但客人也蠻多的, 看看餐牌想吃什麼, 幾位朋友就每人諗一樣叫下……滷水鵝肉拼盤($148)~~~潮州菜唔可以唔食的, 當然是滷味啦, 拼盤就最岩做頭盤, 各類不同的, 有鵝肉、雞蛋、墨魚片、豆腐等, 全部都好入味, 鵝肉啖啖肉又唔算太肥, 墨魚片幾彈牙爽口, 最愛當然是豆腐, 勁吸汁入味, 而且滑嘟嘟~~~麻醬手撕雞 ($180 一隻 / $90半隻)~~~繼續食雞呀雞, 唔記得左呢度係半隻定一隻, 哈哈~~~但雞肉好嫩, 雞皮也是, 所以怕肥都食埋!! 加上好實在的麻醬, 應該唔會有人唔鍾意食, 推介的一款啊!!!潮式蘿蔔灌漿($48)~~~個名好得意, 未見過未食過就試下, 原來係炸蘿蔔, 裡邊係切了絲的蘿蔔條, 可以見到精瑩通透的絲狀, 又爽口又滑~~外皮炸粉好脆, 金黃色, 吃入口就好薄完全唔會覺得厚的感覺……椒鹽九肚魚 ($88)~~~熱氣但見到又會叫的一款, 外表脆脆加裡邊魚質滑滑, 嫩嫩唔會乾, 配上椒鹽的咸味道, 一如以往是超match的一款~~羊腩煲 ($288)~~~今個冬天未食過, 小妹本人很奇怪, 羊架羊肉那些有時很怕那股蘇味, 但羊腩煲我又好鍾意食, 可能加了無數香料, 加上那個汁可以淘一碗飯的份量, 仲有配埋枝竹, 最鍾意食!!! 這裡一上會配上一碗汁, 給客人耐久了的時間再加入去, 那就不會太少汁或太乾了, 蠻貼心的!!! 先吃了一舊羊肉, 超級超級的稔, 肉質很好, 不用咀嚼太多便吃了, 皮也很有質感嫩滑的, 枝竹不用說是點綴不可缺少的一款材料, 美味啊!!!臘味飯 (4位起 $240)~~~好耐無食過了, 難得天氣凍凍的, 就小伙兒叫了一個, 因為要4位起所以睇下大家食唔得得晒, 結果大家果然都是大食的, 哈哈!! 好多材料, 比想像中多及大, 本來我以前覺得這類飯會好油, 但一上枱望上去又唔算, 而且超級的香, 味道不會太咸, 吃著吃著真的感覺冬天來了, 吃完跟羊腩煲一樣超級溫暖!! 不過個人認為可以用小煲, 弄2人份, 那樣銷量應該會更好……薑汁湯丸~~~最後來一個圓滿的甜品, 冬天當然離不開熱烘烘的及薑味東西, 所以點了這個, 雖然忘了價錢但我記得唔太貴是相宜的, 湯丸有四大粒, 入邊係最愛的芝麻味, yummy!!! 吃完這餐完全消了寒氣, 很不錯的一餐, 有很多款式還沒有吃, 下次再跟朋友們來encore一下…….…Read More

若想吃潮州菜的話會想起「百樂」( ´∀`) 這晚來到尖沙咀的這家卻和我之前去過的不太一樣要說的話大概是老字號和走年輕人路線的分別吧~單看時尚的裝修已經可見嘛雖然如此，但也不是說這裡放棄了傳統的潮州菜式喔還未等齊人前可以先嘆茶聊天點餐的任務就交給轉了工作環境的我家那位~他現在在充滿潮州氣息下的辦公室工作應該不多不少也對潮州菜有認識嘛?! 先來 滷水鵝肝 ($138)  入口即溶的香軟口感用滷水調味感覺上更能突顯鵝肝獨特的味道，又不會像香煎那樣油淋淋滷水鵝肉拼盤 ($98) 有豆腐、蛋、腩肉、鵝肉和墨魚片 鵝肉吸收了滷水汁，肉質也夠柔軟～腩肉亦肥瘦適中其甘香味道也調得洽到好處，因為最怕吃得只剩下鹹味的滷水汁啊！潮式蘿蔔灌漿 ($48) 這個之前沒有吃過，而且單聽到名字就產生興趣了是潮州的地道小食~口感是外脆內軟，還帶點煙韌喔內餡少不了的當然是清甜的蘿蔔絲～然後再加上其他的配料杏汁白肺湯 ($168) 我們有4個人～每人最少可以飲到兩碗湯！杏汁味道頗濃郁但又不會太過火或是有苦澀味，入口亦很順滑~還可吃到軟稔的白肺。栗子方魚焗雞球 ($78) 看到栗子便覺得很有秋意！原粒的栗子炒得超香~整個菜式也很入味，用來送飯吃一流~即使冬菇亦充滿了醬油香雞肉嫩滑~加上方魚片~口感極為豐富。鮮蠔仔泡粥 ($68) ~蠔仔份量頗多也很飽滿嘛~而且沒怎吃到腥味。不過若粥可以煮得綿身一點會更喜歡～粥之中亦帶有鮮味呢自製魚蛋粉 ($68) 湯底清清的又不會太淡身。魚蛋方面，魚味頗鮮~但就是覺得不夠彈牙。相對之下會欣賞魚片多一點河粉爽而不黏口～不過可能我放太久才吃，所以變得容易夾斷...最後當然也要吃吃潮州甜品嘛！福果芋泥 ($38) 軟軟綿綿的芋泥很香~入口幼滑且嚐到濃郁的芋頭味不過若果一個人吃光的話，對我來說會太膩喔杏汁桂花糕 ($38) 這甜品有兩層。底層便是杏汁糕，面層就是桂花糕兩者的味道控制得剛剛好，依舊吃到花香又能吃到杏汁獨特的味道這裡有收取茶水芥醬每位$15 (有功夫茶飲)…Read More

自從轉了工作後，因為公司的歷史背景關係，辦公室裡滿是潮州的氣息。偶然的潮州手打牛丸或是潮州月餅，夾雜著年老同事那些難以理解的潮州話，雖然感受不深，但對著這種老潮州文化總會對潮式留意多了一點。這天與朋友來到百樂小館，雖是潮州菜館，但無論裝潢或是菜式，都予人一種偏向新潮的感覺。看著時興的餐牌設計與菜式，除了創作新穎外，最動人的要算是部份菜式設有迷你版，很方便我們這些想試多些不同菜式的嘴饞人士。用餐之前，先「隻」一「隻嗲」，清清口腔~滷水鵝肉拼盤 $98雖然這道滷水鵝肉拼盤只是迷你版，但賣相也絕不欺場。鵝肉與腩肉滷煮得肉香味濃，前者肉質嫩腍，後者則油而不膩，好味！滷水蛋與墨魚片雖然滷得不及鵝豬般入味，但墨魚片爽彈的質感也見不俗。滷水鵝肝 $138 平時吃鵝肝，要不是西餐就是鐵板燒，潮式的滷水鵝肝還真的第一次吃。鵝肝吃來羶香軟滑，與油豆腐的豆香同吃，卻平衡了鵝肝帶膩的特質。潮式蘿蔔灌漿 $48輕輕戳開炸得金黃的蘿蔔灌漿，看到的是滿滿的蘿蔔條。酥脆之中流著蘿蔔的鮮甜汁液，相當不錯的一道小吃！杏汁白肺湯 $168還記得早年媽媽經常煲豬肺湯，可惜因為怕清洗的麻煩而很久沒喝了。這夜點來一鍋杏汁白肺湯，算是止止渴的吧。潔白的白肺湯喝來盡是清新杏香，稠稠的膠原感與不帶豬羶味的白肺，盡顯湯料的豐富與師傅的火候。栗子方魚焗雞球 $78栗子炆雞是我自小以來的Favorite Food，這鍋有如啫啫雞煲的栗子焗雞球，讓本身香甜的栗子與嫩滑的雞球更加惹味，栗子的數量更加是超多！對於嗜栗子的同道人是必吃之選！鮮蠔仔泡粥 $68吃潮州菜又豈能沒有蠔仔粥？平平無奇的蠔仔粥，只要輕輕一攪，再一舀，飽滿的蠔仔及米粥已教人流晒口水！粥水中早已滲透香濃蠔鮮，讓米粥既有咬口也夠鮮味。此外，蠔仔粥裡添加的方魚碎，大大提升了整體的滋味！自製魚蛋粉 $68潮式魚蛋也是潮州名物，自然也是不能錯過。河粉幼滑的質感已見美味，魚蛋與魚片同夠爽彈，吃起來也散發陣陣魚鮮，不錯。福果芋泥 $38稠稠的芋泥夠晒香甜軟滑，不其然令我想起公司吃到的潮州月餅，笑。暖笠笠的芋泥在冬天吃絕對是保暖優品之一！杏汁桂花糕 $38杏汁清潤再添上一道桂花清香，雙重的香氣令人滿足之餘也夠養顏，女士們要吃多點了~餐牌裡其實還有不少挺吸引的潮菜，以這夜菜式的味道來說，看來得找找時間試試其他潮味。…Read More

人生有幾多個伯樂你唔會知道但係當你遇上了 你又可否捉得緊呢?! 正如機會在眼前你又有無諗過會係咁難捉得住?機會一瞬即逝 當你遇到請緊記要好好把握而我又可能已經遇上了 無論工作上 生活上 唔同範疇都有唔同既伯樂 唔係老點你 幫到你就已經係 唔一定要飛黃滕逹既伯樂話想請我地後輩食餐飯 多謝我地呢幾年既努力咁當然二話不說 SAY YES啦!!! 話去食潮洲野 咁即係打冷?! 比較少食 我真係唔在行........原來有呢種潮洲酒樓?! 我一直以為得大排檔咁樣個啲既舖頭裝修格調都一洗我心目中既打冷舖 飲杯茶 傾下計 一大班同事享受一下工作後的HAPPY HOUR地方算大 空間感好 又有獨立分隔 幾有私人空間炸魚皮係潮式名物 脆脆既炸皮加埋魚露同青蔥既汁 鮮味都好出原來魚皮可以咁食法炸蠔仔 個樣都好吸引 每粒蠔雖然並唔係頭咁大隻 但細細粒密密食 都好過癮鮮味同多汁 唔會好乾身 掓鹽味本身都好夠厚身既蘿蔔配上炸漿 有啲似炸蘿蔔絲咁不過佢原塊上 更加有口感同咬口 蘿蔔都好甜!!鵝片真係打冷必點之選 啖啖肉 又唔會有鵝個種羶味 點少少白醋 帶點酸更醒胃滷水入味非常 叫個白飯加滷水汁我諗都可以食兩碗手撕雞 好考功夫同時間 要起晒啲肉之如 又要調好味 麻醬又厚身又勁香芝麻味 配上嫩滑雞肉 好滿足!!!!我試過自己整 不過就..........都食到餐飯 無事既!呢個真係不得之了......一上到枱就已經相機食先 唔洗講野 自動埋位喇!!!個蟹色澤橙紅好吸睛 而且仲要咁鬼大隻有幾個同事都係蟹魔黎 雙眼發光 啖啖肉之如仲要係佢個蟹汁同其餘味道流晒落去個飯到個飯......超級入味 唔捨得一啖食晒佢 要慢慢細嚐潮洲野點會少得蠔餅先?!不過今次無叫 叫左呢個九肚魚餅 好新鮮!!佢呢個做法同形態似係簿餅咁整 但九肚魚已經起身骨仍然保持多肉JUICY 魚肉好鮮味 加返少少魚露就已經好有風味蠔仔粥 就係咁睇都似足料到驚啦!!!! 多肉大大粒 每一羮都係有蠔仔!!! 而且粥既米好綿 好有質感我本身好鐘意食蠔仔粥 我覺得68蚊堅抵食喎!!!本身好少食芋頭 不過今次伯樂要我地試下 因為佢老人家最鐘意食呢個佢話好溫暖好有家既感覺暖暖的 芋頭味好香 甜甜的 確實係好WARM.......桂花糕晶瑩剔透 桂花做成好有美感而且花味濃郁 清新口腔 帶有陣陣花香 新鮮感提昇花生湯丸 香口撲鼻 粒粒花生都粗幼接近 細心中又見香濃花生味湯丸皮軟熟又有回彈力 好味!!!茶始茶末 中國茶可以令人靜下來聽聽伯樂的諫言 默默的感謝 希望退休後生活愉快…Read More

尖沙咀美麗華商場原來有間好靚ge潮州菜館，仲要價錢都唔算好貴，一於就入去試下!你睇，門面幾靚，完全唔似出面食打冷果D潮州菜館好中意裡面個大圓檯，坐得舒服又有少少私人空間感覺一黎就上茶，有2款，右邊細細杯係功夫茶，都幾特別!潮州菜點可以冇滷水?叫左個滷水鵝，D滷味又幾正wor，唔會太咸，而且個鵝肉質好好，一D都唔硬呀!呢個豬大腸幾肥美，原來呢個都係賣功夫架!其實豬大腸內仲有豬小腸，所以睇落先咁肥美，而且食落超有口感，好中意呢個!炸魚皮超級脆，最特別佢係有個韭菜醬係度，加少少一齊食又幾夾wor，同埋好fresh ge感覺~蘿蔔原來可以整成咁，呢個又係好好味，入口即溶咁!個feel似炸，但食落又唔會覺得好油~(甜、甘、辣、酸、咸、鮮 - 百合、涼瓜、紅椒、子薑、咸菜、墨豆)真係有6種菜6種味，幾特別，但我就唔太好，可以都係中意返D野味炒菜多D一向麻麻九肚魚，但個整得好香，咬落又唔覺有骨wor!個魚蛋手打魚蛋，勁彈牙好新鮮，不個個湯就咸左少少，但魚蛋堅好味唔夠飽，一於叫左個飯，個糯米飯炒到好香，又唔會太痴口，又有鮮蟹味，食埋都好飽啦~但係見到個甜品又好想試，最後都叫左，但真係冇叫錯，新鮮熱辣，勁香芋香味，整就好夠漿感覺，建議就叫一個2個人食，因為都好飽肚!間野堅唔貴，可以再黎食過!…Read More

暑假真好天氣須則熱辣辣但有些朋友這時候才能多見面,這天係車爸爸放大假的第一天先約了一大班朋友仔去百樂小館飲餐潮茶^0^這天有三位活寶貝在場相當熹熱鬧呀!先上檯的是{燒腩仔}豬皮脆卜卜又鬆化肉質軟淋不過鹹,香港人真的很叻燒味實在出色~{滷水蛋墨魚片}$68,一上檯被那朵酷似落神花的辣椒裝飾吸引著,試了墨魚片質感軟滑挺有墨魚香,不果如能厚身點咬口更出色~{筍尖蝦餃}$48,百樂點心大多三件一籠蝦餃亦不例外,澄皮爽身軟滑,內餡鮮味可口水準蠻不俗~潮式蘿蔔灌漿$48,這款點心我一看見便嚷著要吃,果然沒痴心錯付外皮金黃煙韌,內裡的蘿蔔漿清甜可口我真的愛C它啊~看車媽媽飲茶不難估到有鳳爪了吧!!{鮑汁鳳爪}$78鳳爪炆至軟淋而不爛,味道香濃扣人心弦^0^{香煎馬蹄烙}$68,我從來都係馬蹄Fans,這個烙爽甜不油,粉漿只輕輕的黏著馬蹄片吃下口感舒服~最後整碟白灼菜芯$48清清腸胃,大家在舒適的環境中說說笑笑又過了一個開心的中午,而且有不少精美點心美食還有4送1的優惠呢!很期待跟大家再聚啊~…Read More

一到暑假總是有些老朋友回流返港，朋友共聚是必然的事。多數人都會選擇飲茶嘆返一盅兩件，或者到茶記單點菠蘿包、蛋撻及一杯絲奶茶等。不過一班人聚首一堂，中菜永遠是我心水之選。中菜講求細膩度，環境一般以舒適為主；而且傳統的工藝巧手確實不錯。我們一行12人想靜中帶旺的地方，選擇「百樂」是最好不過。位於美麗華交通非常方便，鄰近港鐵站；遊客都會光臨此店。已經不是第一次光顧「百樂」，再次到訪必有它的魅力。鳥籠中帶有私隱度是我大為喜愛，圓枱型的設計每位客人都能夠吃出每道菜式。朋友還未到齊，店員總是細心地遞上功夫茶；功夫茶利用翡翠盛載深得我心，苦中帶甘不會苦澀。旁邊有三碟前菜供應：酸菜、花生、辣椒油。潮式的酸菜少酸帶甜，份外開胃。花生脆身又有咬口，愈食愈滋味。終於人齊可以開飯，那麼久沒有返港必定懷念傳統食物。今晚真的喪點不是夢，有一種開懷大吃的感覺似的。椒鹽蠔珠 $48平時蠔仔都是弄至蠔仔粥，不過此店力求創新；椒鹽蠔珠脆身又有口感，一粒粒完全是小食之選。潮式蘿蔔灌漿 $48蘿蔔絲酥餅吃得多，倒不如轉投灌漿吧。單看外貌已經感覺到炸漿炸至金黃色，第一口已滿帶蘿蔔絲非常足料，滋味無比。潮式炸魚皮 $48炸魚皮本是一種普通食物，但原來精隨在於旁邊的韮菜水。當韮菜水遇上炸魚皮時，平凡的食物會變得不平凡。脆身的魚皮配上惹味的韮菜水，真心大為匹配令人愈食愈想食。麻醬手撕雞 $180手撕雞的外表已相當不錯，頂層的麻醬度十足，雞肉嫩滑無比，雞皮不算多健康又美味。滷水墨魚片 $88墨魚片每塊顏色通透，切到平均不會太硬恰到好處。潮州鹵水同其他鹵水唔同之處，就係會先將藥材落鐵鍋炒香之後再煮，醬香濃郁，連墨魚片都大為入味。滷水豬大腸 $88有別於其他小館的豬大腸，貌相已知肥美程度。原來是以腸灌腸形式，怪不得那麼肥美。不過豬大腸確是比較不健康的食物與人分享比好。滷水骨香鵝肉片 $148原碟有鵝肉貌相已相當吸引，肉質腍軟配上白醋汁，令人食指大動添加了鹵水汁更加入味。梅子肉碎粒豆腐湯 $88夏日炎炎豆腐湯水，確是解渴之選。梅子味道經過煮過後，帶少酸分外開胃。豆腐滑溜並帶有菇類及肉碎，材料十足並沒有半點味精。潮式糯米炒肉蟹 $488今晚的主角莫過於炒肉蟹，平時潮式多數吃動蟹為主。但今晚卻點了糯米炒肉蟹，估不到滿佈驚喜。糯米的味道恰到好處不會太硬並有少少濕度，而且蟹肉鮮美十足配上糯米不錯。五行六合菜 $88從六合菜已經知道一定有六種蔬菜製成，究竟五行又是什麼來？原來五行是指甜、甘、辣、酸、咸、鮮 。六種蔬菜包括:百合、涼瓜、紅椒、子薑、咸菜、墨豆，清新又可口並帶有百合花香。金瓜九肚魚烙 $98椒鹽九肚魚吃得多，不如試下金瓜九肚魚烙。金瓜是南瓜味道淋軟，完全考師博的功架。淋軟的食物總是難以煎起，甜中帶脆身旁邊更有少許魚露增添美味。手打魚蛋煮津菜煲 $108潮式魚蛋魚片出名彈牙帶有鮮味，確實無錯。每粒的形狀平均，底層放有津菜湯汁濃郁，而且帶點清甜的味道。利用瓦煲傳熱得快，令到整個津菜煲非常入味。鮮蠔仔泡粥 $68到訪潮洲又點少得蠔仔粥，$68大大碗而且用料十足。粥底棉棉不會太稀，每一口都有蠔仔的鮮味，大滿足又滋味。自製魚蛋粉 $68剛剛吃過的潮式魚蛋魚片回味無窮，特意再吃潮州魚蛋粉仍舊彈牙帶有鮮味，配上湯底一絕。不過河粉比較碎，令到對魚蛋粉稍為失色。蛋白杏仁茶 $38女生是愛蛋白杏仁茶，杏仁味道出眾而且蛋白滑溜。每一啖都有蛋白絲不會太甜，以糖水來說滋潤又美味。杏汁桂花糕 $38桂花糕食得太多，但創新的食物分外不同。底層有杏汁白色與透明的桂花香，清甜帶又有口感。糕點不會太甜並不會太軟身。花生糖糠湯丸 $54湯圓外層沾滿了花生碎及芝麻，入口煙韌內含花生的口感，花生芝麻甜度適中大滿足。整餐飯都相當不俗，朋友食得開心又美味。人愈大對傳統的食物更加大愛，日後一大班人相聚都會選擇中菜。…Read More

潮洲菜一般比人感覺係"大"，食物大大碟，真係有番咁上下人數先好去食。但原來潮州菜都有"小"既一面。已經第二次嚟呢度食潮菜，上次人才濟濟，叫野食無難度。但今次人少少，唔通要就住就住？因為上次食完留下深刻印象，朋友都食過番尋味。但由於今次飯局出席人數少過上次，所以打開餐牌都有少少膽心。今日大家入到嚟特別想食蠔仔粥，但我地知道蠔仔粥一般食都係一窩上，份量之多，如果食左就食唔落其他食物。估唔到發現到餐牌上既部分食物"可大可小"，當中亦包括蠔仔粥，同埋滷水既食物。滷水豬大腸 $68其中一個可選細份量既食物。豬大腸洗得乾淨，鹵汁香濃，同時充滿整個豬大腸。椒鹽蠔珠 $48價錢親民，份量亦都唔少。薄薄既炸粉中隱約見到裡面既蠔仔，雖然蠔仔並唔係桶蠔般咁大，但呢個size岩晒一口蠔。潮式蘿蔔灌漿 $48表面感覺似炸豆腐，但一咬開裡面，就會見到條條既蘿蔔絲，既香口，又口感十足，同平時食開既蘿蔔糕真係無得比。潮式炸魚皮 $48平時有湯或者打邊爐先會叫既炸魚皮，真係未試過就咁叫，主因係佢既韮菜水。用韮菜水配炸魚皮食感覺新鮮，呢種潮州食法，除左有清清既韮菜香味，食落又無咁熱氣。麻醬手撕雞 $180有大量麻醬鋪面，唔怕只得雞味咁寡。手撕雞唔係手"絲"雞，有時出面食手"絲"雞，食左等於無食，因為雞撕得太幼，呢度就無呢個情況出現。有實在既口感之如，雞肉又腍，配埋麻醬，夠晒惹味。鮮蠔仔泡粥 $68蠔仔粥係潮菜重點之一，又係我地今日係度既原因之一。平時食開既蠔仔粥大大碗，人少少叫左已經無咩quota食其他野。呢度就留意到呢點，所以有細碗蠔仔粥，令到好似我地呢d少人既組合都可以淺嚐。呢碗蠔仔粥蠔夠多，所以食落每啖粥都可以嚐到蠔仔，同時蠔仔都幾大件，入口有實在既口感。蠔仔洗得乾淨，食既時候亦無咬到蠔殻或者有沙。手打魚蛋煮津菜煲 $108菜煲材料豐富，有魚蛋，魚片，津白，再加其他配料。平時毫不起眼既魚蛋今次變成主角，非常彈牙。津菜切細細易入口，食落爽口，菜煲既湯味道清甜，整體感覺十分健康。五行六合菜 $88個名真係夠玄，所以叫之前都要先問店員係咩嚟。得到既答案係，六種蔬菜(墨豆、子薑、百合、涼瓜、紅椒、咸菜)，帶出六種味道(鮮、酸、甜、甘、辣、咸)，帶出養生之道。雖然聽完都係唔明箇中道理，因為養生野我真係識條鐵，但健康呢兩個字我真係識。金瓜九肚魚烙 $98外觀似足煎蠔餅，落少少胡椒粉再沾少少魚露食，味道一流。金瓜九肚魚烙食落香口，咬落去既有金瓜又有九肚魚，口感豐富。下次唔食蠔餅又可以有另一選擇。潮式糯米炒肉蟹 $488糯米配其他海鮮之前試過，但配肉蟹就未。淨係見到咁大隻既蟹已經知道用料十足，蟹睇szie唔駛講已經知啖啖肉。而糯米飯好特別，除左平時黏黏既口感，糯米亦比平時食開既更腍。蛋白杏仁茶 $38上次係呢度，憑住杏汁豬肺湯，我克服左對杏味既抗拒。今次再嚟呢度，我決定挑戰味道更濃既蛋白杏仁茶 。果然，今次同樣挑機成功。蛋白杏仁茶非常滑口，又夠滋潤，白果唔苦，飲完之後成個人都好舒服。似乎我已經可以完全接受杏味。因為餐牌上食物既貼心設計，令到我地今晚可以嚐到更多食物。其實"可大可小"對食客而言，都係一個幾貼心既安排。有時我係度諗，一間餐廳除左食物要好，服務要好，多點留意呢d細節位亦都重要，至少今日我見到呢度做得到。…Read More

同屋企人去食飯, 通常都係揀返中菜''*今次就揀左係美麗華商場食四坊入面既【百樂小館】百樂小館有別於其他的潮洲菜館；設計較時尚, 有點品味小店既感覺, 充滿藝術感!!先來吃潮州菜必點的滷水鵝片 (HK$88)大大件既鵝片, 滷水味夠哂鹹味, 入味之餘肥瘦平均；而底下用了豆腐墊底, 豆腐夠滑嫩!!潮式蘿蔔灌漿 ($48/4件)用了蝦米, 蘿蔔絲, 唐芹及番薯粉而成, 外貌似番薯餅~~食落有一條條的蘿蔔絲, 薄脆餡多, 完全唔油膩!!!而且食完一舊唔會太飽肚, 可以食多幾款美食"*咸菜燉豬肚湯是我喜歡的湯水~~每碗都有數舊豬肚, 豬肚洗得很乾淨沒有羶味;但個人覺得咸味可以再重D, 咁就會更好味!潮式糯米炒肉蟹 (HK$488)隻肉蟹真係好大隻丫, 擺底的糯米飯用炆蟹既湯, 金華火腿, 唐芹等炒至金黃色；食落帶有蟹既鮮甜味道, 加上煙韌的口感, 不錯呢!!肉蟹最多肉的位置一定係蟹鉗~~他們細心地已經將蟹鉗的殼輕輕的整碎, 食既時候更方便!!!睇下隻蟹鉗幾大隻幾多肉, 肉質鮮嫩, 真係啖啖肉, 十分滋味"*紅棗烏豆豬尾煲這菜式挺特別的呢!!!而紅棗可以補血, 黑豆對女生黎講係好有益的；豬尾食落入味又軟稔, 醬汁甜甜的幾開胃又惹味"*女生們食就最適合啦~~甜品我地就揀左花生糖糠湯丸；湯丸皮外有花生碎, 白芝麻, 入面係芝麻餡~~軟軟的口感不錯, 但覺得有點過甜!最後食完更會奉上一杯功夫茶；有助解油解膩, 不錯!!!…Read More