Yuk Cuisine (Lockhart Road) (Closed)

以前食潮州菜即係去打冷，但通常環境都麻麻哋。Openrice發現呢間潮式私房菜好多人推，所以今次就黎試下菜室內環境簡單整潔，三五知己吹下水一流滷水鵝片 (Hk$168) 呢個價位黎講係細碟左少少，好彩質素唔差，鵝片d 滷水好入味，肉質剛好唔會鞋十十。普寧豆腐 (Hk$88)內裡豆腐嫩滑，外皮炸得酥脆，唔點潮式鹽水醬汁都好好食咸菜胡椒豬肚湯 (Hk$148) 豬肚湯超重胡椒味夠辣又夠驅寒暖胃，豬肚洗得乾淨，湯水清澈無雜質潮州蠔仔烙 (Hk$118)份量足料，蠔仔隻隻都好大粒，唔會溝好多粉醬一齊煎，口感十足沙爹牛肉河粉 (Hk$128) 潮式既沙爹牛肉醬汁真係好濃厚，再加上鮮嫩牛肉撈河粉一流清心丸綠豆爽 (Hk$38/位)宜家好難食到潮式綠豆爽，見餐牌有show即時心動order左，結果出來原來係另類做法，並唔係以往食開個種，但都好好食雙色水晶飽 (Hk$38/6粒)飽皮一d都唔厚，口感煙煙韌韌， 餡料唔會太甜總括黎講，環境簡單整潔，員工服務到位，食物質素都好好，價位上大致尚算抵食，希望可以保持水準。…查看更多

喺灣仔食午餐如果多人食係難搵位D，咁梗係搵間有得訂位㗎啦，哩間係唔錯嘅選擇。話係私房菜，我覺得係菜館囉🤭喺灣仔打正旗號食潮州菜唔多，哩間開業年幾左右。地方唔算大，今次坐喺邊位，自成一角。首先嚟個普寧豆腐，豆腐好滑，個皮有少少似臭豆腐，幾香口。蠔餅好好食，用料十足，最窩心係係分咗好多塊。滷水鵝片雖然細碟少少，但係勝在幾好味😋川椒鷄味道幾好，旁邊炸紫蘇葉冇油(益)味梅羔排骨都唔錯，重點係有埋蝦片跟，出面好少排骨有埋蝦片㗎。欖菜肉碎炒飯係惹味之選。糖醋伊麵好食，唔點任何嘢食到佢嘅蛋味，脆口唔會腍啤啤。最後係甜品時間，哩個反沙係雙併嘅，一般出面食只係反沙芋，哩度有埋反沙南瓜，較為特別，不過唔好甜品嘅我好難評論好唔好食啊！😛…查看更多

正宗傳統的潮州菜 菜式多質素高6樣餸3個甜品都係每人$200幾 算係幾抵食環境服務都唔錯 好適合一家人食飯▪️滷水鵝片拼墨魚 - 滷水味香濃 鵝片高質好食唔鞋 但其實墊底豆腐才是我的主菜🤪▪️胡椒豬肚湯 - 好足料而且胡椒味濃得來不會過嗆 好正🤩▪️潮州蠔仔烙 - 沒有炸粉 煎得非常出色邊位好脆 重點係一點都唔油膩而且蠔仔夠哂多▪️芋泥 - 我的至愛😍超重芋頭香濃厚棉▪️清心丸綠豆爽 - 較為傑身但清心丸好好食▪️反沙條 - 有芋頭亦有地瓜 新鮮即叫即製 外面糖脆裡面芋頭同地瓜就軟棉…查看更多