嘉豐點心專門店

很多年沒有幫襯嘉豐點心專門店了，這店十多年前已經開業，現在已有二家分店了。當年點心店還沒有現在多，第一次吃這店，很像茶餐廳，吃飽便走，沒有茶樓坐得四平八穩，舒服歎宗的感覺。今早坐下，餐牌多了湯粉麵和生滾粥。這更適應其長營業時段及迎合其顧客的不同需要。蒸牛肉腸粉粉皮不夠韌滑，牛肉漿也一般。蝦餃皇外貌靚仔爽身不過火，但入囗餃皮有些黏口，切蝦微爽，沒有筍和汁。鮮竹牛肉球牛肉球，有馬蹄芫茜香，不過不失。潮州粉果水晶皮，滑滑的，不夠煙韌。但餡料豐富，大粒沙葛爽甜，花生脆。濃湯鮮竹卷鮮竹卷新鮮，買相不錯，不過湯有點咸。總括嘉豐的點心現點現蒸，價錢合理，味道不過不失，比街坊茶樓質素佳，沒加一收費，也是一個快餐點心選擇。…Read More

我朋友係美國返嚟探我，佢老公係美國人想食點心，所以帶咗佢地去九龍城嘉豐點心到食點心。我地4大人1小朋友叫咗蝦餃，燒賣，鮮竹牛肉球，蝦角，蠔仔肉碎粥，馬拉糕，叉燒腸粉，叉燒包，鳳爪，蘿白糕，潮州粉果，仲有雞扎。蝦餃都係大大粒，超好食，入面勁多蝦，啖啖肉。燒賣冇上次食咁大粒，但都好好味，燒賣入面有豬肉，有蝦有蟹籽，口感非常豐富。鮮竹牛肉球真係好彈牙，腐竹都好多。蝦角係即炸，入面有勁多蝦和芹菜，個皮勁脆堅好食。蠔仔肉碎粥都係勁多蠔仔和方魚，湯好鮮甜。馬拉糕好鬆軟，真係好好食。叉燒腸粉個腸粉好軟滑，好多叉燒。叉燒包鬼佬大讚好味，佢一個人食咗3個。鳳爪都好入味，朋友好鐘意食。蘿白糕都煎得好脆，個蘿白糕啲料好少，但都好食。潮州粉果真係勁正，個皮晶瑩剔透，啲餡勁多，真係超級好食。雞扎都好大件，都算唔錯。朋友都讚呢間好食過酒樓，我哋叫咗咁多嘢都食唔曬都係260元，真係好食又抵食…Read More

如果你吃過這裏的傳統點心，一試便會愛上。 熱騰騰上枱，大集團的點心根本沒法比⋯⋯點心紙一目了然，價值公道，每位茶介$3，不設加一，越多人越抵吃！作為港式點心愛好者，姐是這間店的常客！個人推薦翡翠三星餃和潮州粉果皮薄餡料靚又大大件蝦在內，無得頂三星餃內有芫茜！*haters注意返*大件到傻！棉花雞內有芋頭，滑雞，蟹柳，芋頭淋晒索入啲雞汁味，切勿錯過 鬆軟，係傳統的味道(你懂的)一個字，靚～唔似啲大集團隔夜鳳爪無理神彩～五大隻肥鳳爪，論骨論得好過癮呀鹹魚肉餅飯好食，薑絲多鹹魚大嚿，米飯軟硬適中！蒸得嚟唔會一pat pat四個人叫咗七個點心加一個飯，飽到傻價值＄162，超值！P.S. 阿姐加水收餐碟夠爽快，去了五次飲早茶都唔使等位，開心滿足…Read More