Super Noodle

初初係聯和墟見到呢個價，覺得係貴既，亦心諗呢類店好難係聯和墟生存。今日一試，真係好好食，完全同一般小店兩回事，係每一樣都好食。我都冇咩寫過食評，不過忍唔住支持一下。佛跳牆麵必試，湯底好好味，鮑魚極入味。小龍包皮薄，同其他店厚一厚既皮完全唔同。我地亦有試到龍蝦湯底果隻招牌麵，我以為龍蝦多數呢類得一舊，但原來有成半隻，初初睇落驚d 料唔夠，但食下食下飲下龍蝦湯飽哂，佢呢類冇味精果隻死咸味，係似用真龍蝦煲出來。就算普通一碟菜，都唔係普通一碟油菜，係有湯底既菜。…Read More

親戚帶路試新嘢。餐廳環境乾淨企理，座位寬闊，第一印象唔錯👍。三個人每人叫咗一款招牌麵🍜。另外，趁主菜嚟之前試下包點，於是叫咗兩客小籠包同一客生煎包。平平無奇嘅小籠包，夾起一啖噬落去，爆出鮮味肉汁🤪，射程之遠直飛對面枱 ，幸好對面冇食客😅，否則釀成衝突，打擾我食呢客皮薄肉鮮嫩爆汁小籠包嘅雅興😊。接下來嘅龍蝦小籠包 ，橙紅色嘅外皮已經挑起食欲。汲取上回爆汁經驗，我已懂得小心品嘗。原來肉汁混和龍蝦湯汁，互相提升鮮味，令人一試難忘。呢款色香味俱全嘅包點，係期間限定，要食趁早。對我嚟講，食生煎包無非都係為咗個脆脆包底，呢度嘅生煎包肉餡質素已無庸置疑，暖暖酥脆嘅包底更令我欲罷不能。水準之作👍。主角出場：潮人招牌麵。 見到實物已經覺得好靚😍，打卡都玩左十幾分鐘。紅紅嘅湯底不是地獄湯或濃稠的西式番茄湯，而是清鮮嘅龍蝦高湯。結實嘅龍蝦肉、日本帶子、肥美青口、彈牙墨魚丸……用上新鮮嘅海鮮食材🦞，冇得輸。跟住係佛跳牆面。好少湯拉麵會配上呢啲貴價食材，第一次見，非常有創意，以為自己去咗名人飯堂，人高貴咗，連氣質都提升咗。至於味道……自己試下啦，😋😋😋總之性價比超超高。最後係紅燒牛肉麵 。燘煮牛肉火喉剛好，肉質軟硬適中，紅蘿蔔清甜可口，配上微辣香濃牛肉湯底，想起台灣旅行嘅日子。結論：物有所值。總結：😌我無私地向大家推薦呢間將創意融入傳統美食嘅食肆；但我又自私地😈唔想你哋去霸曬啲位搞到我要排一粒鐘頭隊。 係咪好矛盾呢 🤣？ 食湯麵記得飲埋啲湯，真材實料淆製，不含味精，一滴都唔好嘥☺️。 …Read More

接哥哥收工之際，見到呢間新開張嘅麵檔啱晒我依個麵控，平時食得重口味多。就想試吓啲清啲嘅嘢哈我哋三個人食試咗三樣唔同嘅麵 ，叫咗一個牛肉麵，一個佛跳牆麵，一個潮人招牌麵☺️牛肉唔會太肥，啲肉唔會好鞋，整得好林大舊，但係湯底有小辣既牛湯味，好彩我鍾意食辣覺得咁樣仲香啲。但我覺得性價比高啲嘅話，就係佛跳牆麵，因為我覺得佢個湯好鮮甜，而且配料有花膠鮑魚冬菇，就算男同女都咁鍾意😛大大養生嘅都係呢一款麵度呢兩碗面都係用手工整嘅刀削麵，份量唔好太多同太少我覺得食完啱啱好☺️ 至於哥哥，就叫咗招牌麵，湯嘅顏色同其他面都唔同，感覺飲落去好似龍蝦湯，好鮮甜，而且有原隻龍蝦肉喺入邊，淡淡都係肉🥰少貴都有佢嘅道理，不過我覺得如果保留龍蝦頭擺喺麵入邊，外觀更加好🕺 另外叫咗兩籠小籠包，一籠原味一籠龍蝦味哥哥覺得龍蝦味嘅湯汁好濃，而且一個小籠包嘅尺寸擺入口啱啱好，溫度有小熱，都唔會燙到口，最值得稱讚嘅地方但係我自己偏向鍾意食原味，原肉汁味😎😎想食多2多籠😨 最後叫咗3支特製飲品，紅棗杞子雪梨水，啱晒而家秋風起嘅天氣，甜到適中，好舒服飲完 估唔到有時試新嘢都有驚喜，而且地方好闊落好舒服，唔會太多裝飾。而且服務員都好好，我會根據我哋口味建議我哋叫啲咩。下次我再試埋佢哋嘅生煎包同其他面先…Read More