Big Boils Club

環境餐廳以宮廷形式風格，擺盤好精緻，設有皇座及古裝衣服提供。營業時間12點到零晨12點，宵夜嘅好去處，8:45預約入座有78折優惠！康熙花膠雞湯鍋 $338必點！店員親手剪大大塊厚身花膠，份量超多，湯色清澈透亮，滋補又不油膩，滾起一定要喝上！手切本地牛頸脊(細) $338肉質鮮嫩，肉色紅潤，油花分布均勻，咬上一口，肉質彈牙，鮮香四溢。滾得囍餃子拼盤 $148餃子水準好高質，拼盤餃子有5款每款2粒一次過試晒，最好食係和牛芝士一口餃、馬蹄冬菇豬肉餃！黃金雙拼(即炸響鈴及炸魚皮) $98必食！新鮮炸放久了都十分酥脆，濃郁鹹蛋黃味，超級惹味！…Read More

加班工作後於家附近的火鍋店宵夜，晚上8:45後入座七八折店內裝潢大走宮廷風路線，環境舒適，古典幽雅門口位置放了一張金色龍椅及古裝服飾供食客影相打卡以滿清皇宮日常為概念，火鍋爐具及青花瓷器餐具展現氣派精緻九宮格醬料盆選擇多，自行調配乾淨衛生康熙花膠雞湯窩含有大量骨膠原，養顏又美味本地牛頸脊騸牯牛肉油脂分佈平均，賣相精緻滾得囍餃子拼盤共十粒，新鮮包製，餡料爆滿即炸響鈴口感脆卜卜，油而不膩，脆而不散秘製鹹蛋黃醬黃金雙拼極邪惡，即食或放湯均保持咸香冰凍藍妹生啤金黃通透，香氣突出，順喉且回甘足料竹蔗茅根火候足夠，清熱袪濕，生津止渴…Read More

呢間火鍋店走宮廷風，擺盤幾有心思，肥牛用成個盤上相當有氣勢🤣打卡一流✨康熙花膠雞湯鍋用大量龍崗雞每日新鮮熬製八小時而成嘅黃金雞湯，一滾起就好香雞味😍忍唔住一開始飲咗兩碗雞湯先😆花膠份量十足口感軟綿充滿骨膠原雞件食落有雞味質素幾好✨本地牛頸脊騸牯牛打邊爐主力食牛肉，牛肉選擇都幾多，安格斯、澳洲和牛、日本和牛同本地手切牛都有牛頸脊雪花紋好靚但唔會太油膩，肉質嫩滑牛肉味濃郁✨黃金雙拼 (秘製鹹蛋黃醬)新鮮炸起嘅炸魚皮同響鈴非常酥脆，鹹蛋黃醬香而不膩，超級好食🥹✨滾得囍餃子拼盤 餃子拼盤一共有五款口味，和牛芝士一口餃、菜苗帶子餃、韮菜豬肉餃、馬蹄冬菇豬肉餃、芋泥豬肉餃每樣兩粒，兩個人嚟食嗌呢個就啱晒當中最鍾意菜苗帶子餃同和牛芝士餃✨手打珍珠帶子墨魚丸墨魚丸真材實料，中間有一粒帶子，食落爽彈鮮味✨滾得囍豐盛雜菜拼盤蔬菜種類多而且份量大，足夠四個人食…Read More

北角·足料滋味官廷風火鍋滾得囍宮廷火鍋小炒📍北角馬寶道33號寶馬花園1樓116-125號舖➰剛去完日本旅行，回到香港開始急不及待相約朋友派發手信及聚餐，因為食了太多日本菜的關係，今日決定與朋友一起尋味香港的特色，正正是一年四季都熱愛的火鍋。.今日到訪的這間餐廳位於北角站附近約3分鐘路程，地點方便，以官廷風火鍋作招徠，除了一張彷製龍椅，還有一些古裝服飾供客人打卡，更在餐枱上用「聖旨」當作餐牌，甚具心思及氣派，而場內燈光環境偏暗，座位寬敞間隔成獨立空間，適合與三五知己暢聚。.➰❀康熙花膠雞湯鍋(半隻) 💲298 ⭐️4.3/5⭐️港式火鍋最大賣點當然是湯頭，餐廳的火鍋湯底選擇繁多，與朋友最後挑選了招牌的花膠雞湯，花膠雞湯亳不欺場，先上湯頭，之後分別由店員將兩大塊比面還大的花膠的剪塊落入湯底，加入半隻鮮滑雞炮製，不消片刻，一碗濃郁花膠鮮雞湯可以上碗，非常滋味滿足。.𖥕厚切脆炸午餐肉 💲68 ⭐️4.1/5⭐️近年與朋友火鍋都會叫上一碟脆炸午餐肉，剛炸熟的香脆午餐肉浸上火鍋湯底頓時令交隔，令口感層次都提昇，建議大家一試。.𖥕黃金雙拼(秘製鹹蛋黃醬) 💲88 ⭐️4.1/5⭐️餐廳秘製的鹹蛋黃醬配上炸魚及及響玲，新鮮熱辣，上枱還有陣陣熱煙冒出，無論單獨吃還是火鍋都適合。.❀本地牛頸脊騸牯牛肉(細) 💲318 ⭐️4.2/5⭐️餐廳推薦而且每日限量的本地騸牯牛牛頸脊，肉紋色澤均勻不在話上，每片輕輕灼熟至嫩紅即可，入口輕輕咀嚼已經十分滋味，而且牛味濃鬱，牛魔王不容錯過之選。.𖥕滾得囍餃子拼盤(十粒) 💲138 ⭐️4.1/5⭐️餃子拼盤有5款餃子，每款兩粒，個人較為喜愛黑松露野菌餃，黑松露菌香非常突出。.𖥕滾得囍雜菜拼盤 💲78 ⭐️4/5⭐️最後亦叫了一盤雜菜拼盤中和一下油膩感，其中的栗米和蕃茄由竹籤串起，造形立體。.✥竹蔗茅根(一渣) 💲68 ⭐️4/5⭐️.➰總結餐廳主打官廷式火鍋，特色火鍋湯底繁多，用料十足風味甚佳，而且各款火鍋配料都真材實料，由其稀有的騸牯牛，非常滋味。服務方麵店員亦不時加湯換碟等，熱心好客。加上餐廳的裝潢非常有格調十分打卡，整體環境舒適。➿➿➿#滾得囍宮廷火鍋小炒#北角美食 #hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger##香港美食…Read More

太后生日，為咗令佢有帝皇級嘅享受，我就帶咗佢嚟呢間富有宮廷特色嘅滾得囍火鍋小炒。太后見到門口嗰張龍椅已經笑到合唔埋口，影過相後，就入去接聖旨。呢度嘅食物名稱好多都包含咗歷代皇帝嘅寶號，甚有特色。每枱都會放置調味盤，呢個安排非常好，食到一半隨時可以自己添加醬料，非常方便。與此同時，店員亦奉上餐前小食，開一開胃口。呢度嘅湯底選擇繁多，而最特別嘅就係有順治特色卜卜蜆鍋，入面嘅蜆真係鋪滿一整鍋，簡直係有數之不盡嘅蜆，我同太后最後都未能清晒所有卜卜蜆。湯底已經夠晒豐富，所以我哋揀選嘅火鍋配料都主張貴精不貴多。打邊爐當然要食牛肉，我哋就選擇咗本地牛頸脊，雖然係細分，但份量一啲都唔少，牛頸脊肥瘦適中，肉質比較嫩滑，牛味相對就冇咁重，我個人就非常喜歡。然後就揀選咗幾款拼盤，貪佢樣樣有啲，可以試晒唔同味道。滾得囍宮廷拼盤其實係丸類拼盤，入面包括有—🌖手打芝心牛肉丸➡️入面嘅芝士呈半溶狀態，配合鮮製嘅牛肉丸味道匹配。🌗手打紫甘藍豬肉丸➡️個人就認為呢個相對比較遜色，味道唔夠突出。🌕手打黑松露野菌鮮蝦丸➡️真正用蝦滑打成，而且亦帶點點嘅松露香。🌖手打珍珠帶子墨魚丸➡️入面藏有原粒珍珠帶子，口感豐富。🌕手打墨汁墨魚丸➡️咁多粒丸入邊最爽口彈牙，入面仲有粒粒墨魚，呢個一定係必食。然後滾得囍餃子拼盤包括有—🌖和牛芝士一口餃➡️感覺有啲似食緊漢堡包，非常創新。🌖新鮮菜苗帶子餃➡️入面有粒粒帶子，真材實料。🌗韭菜豬肉餃➡️相對地冇太多特色，味道仍然係正常發揮。🌗黑松露野菌餃➡️鍾意食菇菌嘅朋友就絕對唔可以錯過。🌕芋泥豬肉餃➡️係最有驚喜嘅餃子，滑滑嘅芋泥混合少量豬肉，味道出奇地夾，包入餃子皮內好好味。最後當然要食吓蔬菜類啦，滾得囍蔬菜拼盤堆砌得好似一個園藝盆景咁靚，入面都有五六款唔同嘅蔬菜，配合湯底令蔬菜更美味。打邊爐就想叫啲清熱飲品，所以我哋叫咗足料竹蔗茅根，一大渣非常抵飲。最後仲會送甜品，是日糖水係木瓜燉雪耳，非常清潤養顏，啱晒太后品嚐。…Read More

今日要介紹既係一間近期食過最好食既花膠雞火鍋店😍 餐廳以宮廷式裝修 座位寬倘 坐得好舒服👍🏻 每枱都有獨立調味料 唔會急急腳比店員收走😆火鍋湯底選擇都有好多 諗左好耐都係叫番我最鍾意食既花膠雞湯鍋👅 佢地上菜既速度都好快 落單無耐就上菜 湯底同花膠雞係分開上既 店員會幫你將大大大大塊花膠剪到大大塊咁放湯😍😍 店員會提你湯底滾左先飲啖湯 因為真係太好飲啦🤩 唔會好咸 好多花膠 雞湯飲落口嘴唇都好粘 骨膠原相當多 好滋潤 真材實料🤤 之後就可以食幾多落幾多雞件 確保唔會過老😋火鍋配料我地就叫左手打黑松露野菌鮮蝦丸 滾得囍餃子拼盤同黃金雙拼😎 呢到丸類同餃類都可以揀半份 岩哂少人食👍🏻 手打黑松露野菌鮮蝦丸好有驚喜 比想像中更好食 首先黑松露味好濃 蝦丸非常彈牙爽口 超好食🤤 餃子拼盤就有5款餃 分別係和牛芝士一口餃 新鮮菜苗帶子餃 韭菜豬肉餃 黑松露野菌餃同黃金沙葛餃🥟 每一粒都好大粒 漲卜卜 超多饀 最特別係黃金沙葛餃 出面比較少機會食到 沙葛爽甜 好岩做餃子饀料😋 黃金雙拼又係誠意十足既小食 分別有炸魚皮同響鈴 黃金魚皮份量唔多 但係好香脆惹味 響鈴新鮮炸起 就算放得耐凍左都仲好鬆脆 加上鹹蛋黃醬 真係好邪惡丫🌟…Read More

朋友最近升職請打邊爐！揀咗嘅呢間火鍋店，係喺朋友公司附近，性價比高又好食，影相仲好靚！🌪宮廷醬芥 $28/位火鍋醬料有辣椒絲/芫荽/蒜蓉/蔥花；仲有4款開胃前菜，分別係酸菜/雲耳/小黃瓜/花生，當中花生最好味，咸香十足脆卜卜，食到停唔到口。🌪順治特色卜卜蜆鍋 $188同朋友想食海鮮，見有卜卜蜆鍋，就叫呢個啦！個鍋賣相霸氣又精美，上枱嗰陣仲有煙霧效果，用嚟影相呃like啱晒！更估唔到嘅係，鍋入面有好多蜆！簡直覺得啲蜆係塞滿哂個鍋！蜆肉飽滿，味道鮮甜，而且冇沙，卜卜蜆湯底仲有得揀辣度。🌪鹿兒島日本黑豚肉 $98又係賣相一流！黑豚肉肥瘦相間，肉味香濃冇騷味，肉質彈牙！🌪滾得囍餃子拼盤10粒 $128和牛芝士一口餃新鮮菜苗帶子餃韭菜豬肉餃黑松露野菌餃黃金沙葛餃五款餃子，粒粒都超大隻😂我最鐘意食黑松露野菌餃，黑松露味香濃，野菌爽口；朋友最鐘意黃金沙葛餃，咸蛋黃惹味，但唔會過咸，沙葛爽脆，味道好夾。🌪黃金雙拼 $88絕對係邪惡之選😏炸魚皮同響鈴再加上黃金流沙🤤諗返都流口水呀！上枱時新鮮滾熱辣！惹味脆口，就咁食定浸湯都一流！🌪黑松露蝦丸(半份) $68手打蝦丸足料彈牙，蝦丸好有彈性，十分鮮味，同時亦食到黑松露香味。🌪蜂巢豆腐 $48打邊爐最鐘意叫嘅蜂巢豆腐，已經完全解雪，可以充份吸收湯底嘅精華😋🌪雜菜拼盤 $68擺盤有花心思，成盤花咁拎出嚟，蔬菜非常新鮮乾淨，當中嘅粟米味道香甜，蓮藕爽脆👍🏻…Read More

香港的高質火鍋大行其道，每一家都有自己的色彩，而這次就一嚐宮廷式的火鍋味道。來到餐廳門外，已放置一張皇椅，而且每一枱都放有一道聖旨，感覺置身皇宮。上等的火鍋配料當然唔少得，特別是這裡的火鍋湯底，款式相當多。除了火鍋類，也有大量小菜。順治特色卜卜蜆鍋 $188店員放下特色的鍋，然後有煙冒出，配合龍的圖案非常生動。打開火鍋蓋，海量的卜卜蜆滿佈鍋中，感覺就像卜卜蜆放題，食極都有。而鮮甜的蜆香都帶到鍋中，可以嚐一口蜆湯及先把蜆撈起。大量蘿蔔以為只是配襯，味道卻出乎預料的好，鮮甜香腍。其實卜卜蜆鍋都算十分抵食，基本上把鍋中的卜卜蜆和蘿蔔吃完都已經有一定的飽肚感。清酒鮮牛肉 $148賣相相當吸引，紋理鮮明，而且能將清酒帶到牛肉中，非常特別。滾得囍餃子拼盤 $128這裡的餃子絕對真材實料，除了大隻，更是滿滿的餡料。新鮮菜苗帶子餃 - 新鮮菜苗味道清新。和牛芝士一口餃 - 入口感覺好似吃和牛漢堡一樣。蟹皇豚肉餃 - 充滿蟹香。韭菜豬肉餃 - 咬開就是澎湃的韭菜。黃金沙葛餃 - 沙葛和咸蛋做餡，非常特別的配搭。滾得囍宮廷拼盤 $128包括有手打芝心牛肉丸(牛肉中間爆出溶溶的芝士)，手打珍珠帶子墨魚丸(中間有彈牙的墨魚肉)，手打黑松露野菌鮮蝦丸(黑松露的味道非常突出)，手打鯪魚丸及手打菠菜豬肉丸。唐生菜 $34新鮮清爽，放到卜卜蜆鍋中更見鮮味。喜歡吃火鍋的，絕對不能錯過滾得起！…Read More

上網見到呢間火鍋好有特色，就約左好友黎慶祝生日🎂餐廳裝修得非常有中國宮廷特色，比較少見檯面仲有聖旨，非常有gimmick小菜有四碟，有薯仔絲、鹹菜頭、青瓜同花生，味道都唔錯湯底方面我地叫左個順治特色卜卜蜆鍋，黎到既時候中間有煙霧噴出，非常浮誇重點係味道都好好，用左非常大量既卜卜蜆，湯底一定非常鮮甜啦！蜆肉隻隻都好新鮮飽滿，食到我地好滿足！我地叫左個海鮮拼盤，有蝦有聖子有鮑魚有帶子有青口有蜆肉，足足六款海鮮咁多！其中最好食係聖子，真係勁鮮甜大隻！！另外叫海鮮拼盤係會送4卷黃金響鈴架加左鹹蛋黃醬既黃金響鈴雖然邪惡但真係好好食，如何我地叫左麻辣湯底應該更正！最後仲叫左個滾得囍餃子併盤，總共有5種不同口味，有和牛芝士、黃金沙葛、菜苗帶子......款款都好美味同各據特色！！用和牛來做的餃子，真係特別juicy！加埋芝士更加特別菜苗帶子餃的菜苗很新鮮，打成蓉既帶子口感彈牙黃金沙葛餃內裡有鹹蛋和沙葛，鹹蛋非常香，沙葛的口感爽脆，係好新鮮既配搭韭菜餃子雖然好食但係不太特別…Read More

我喜歡冬天，除了可以著厚衫遮肥肉，視覺上令我身型睇落好fit 之外，就是可以去「滾」（打邊爐）了，因為「滾」完，個身真係好暖㗎😻👻🤪今晚約了閨蜜去滾，這間店叫滾得囍！裝修設計好古式古香！裝豉油的壺都好別𠊷，好像藝術品一樣😻羅漢果菊花茶： 通常去滾，我都會揀選清熱氣的飲品，就好像這壼羅漢果菊花茶，清熱又好味🤩吳三桂冬瓜瑤柱甫鍋：打邊爐喜歡選淸淡的湯底，因為這樣才可以吃到食物的原味道😻即炸響鈴熱辣辣😋👍🏻滾得囍宮廷拼盤（手打丸）：新鮮好味，丸丸好彈牙😻👍🏻滾得囍餃子拼盤：餃子分量十足，好吃😻😋白菜仔：爽脆鮮甜，少吃蔬菜的我都將全部白菜仔食曬👻黑松露墨魚滑：好香濃的黑松露香味，墨魚滑爽滑彈牙👏🏻👏🏻👏🏻…Read More

今晚應該係今年最凍嘅其中一日。打邊爐肯定係首選啦! 芫茜皮蛋豆腐馬蹄鍋手切頂級安格斯牛肉牛肉真係好新鮮，呈血紅色，並唔係好似其他火鍋放題店咁樣，去到客人面前仲係結冰狀態，雪藏至變成瘀血色。而且油脂同肉比例剛剛好，加上切得好薄，水滾淥十秒剛剛好食得，口感腍滑。油香、肉味，皆出色。厚切午餐肉邪惡! 但極好食。滾得囍宮廷手打丸拼盤手打黑松露野菌鮮蝦丸 + 手打珍珠帶子墨魚丸 + 手打芝心牛肉丸 + 手打鯪魚丸珍珠帶子墨魚丸口感非常特別。外面口感 Q 彈，內裡珍珠帶子口感結實。芝心牛肉丸內裡芝士非常燙熱，進食時要小心。滾得囍餃子拼盤和牛芝士一口餃 + 新鮮菜苗帶子餃 + 韭菜豬肉餃 + 黑松露野菌餃 + 黃金沙葛餃全部都好大隻，好足料。當中黃金沙葛餃最有特色，口感非常爽脆。黃金雙拼用牛油加鹹蛋黃炸過嘅魚皮同響鈴... 極緻香口，但邪惡指數爆錶!竹蔗茅根微甜，飲得出沒有另外加糖。清熱下火。…Read More

現在想吃火鍋真的比容易，只要逛一逛，附近總有一間火鍋店。昨晚朋友巧遇舊同事，他說地鐵附近有間滾得囍宮廷火鍋小炒每晚高朋滿座，火鍋質素難得比坊間的高，叫我倆一試，包我們再回頭。朋友的同事沒說錯，這裡真的超多人光顧，枱枱爆滿，幸好還有一枱可入座，不是的話要等好一會。這裡淨是前菜已有四款，而且道道各有風味，有微辣的土豆絲，酸香的酸菜，清爽的青瓜及香脆的花生，我和朋友都各有所好。醬油方面主要有豉油，蒜蓉，紅椒，芫茜和蔥提供，不過我們最後都沒怎麼沾豉油吃，因為多爾袞羅宋牛骨鍋愈滾愈濃郁，火鍋配料入味非常，故不需沾豉油已很美味。常常說火鍋湯底很重要，這點我絕對認同，味美的湯鍋可為新鮮食材錦上添花。我們挑了多爾袞羅宋牛骨鍋，明顯份量比我們預期多，滿滿的薯仔，芹菜，蕃茄，還有海量的牛肉燉煮，真材實料。羅宋牛骨湯滾了後我們試喝一下原湯，湯頭酸香開胃，濃厚的蕃茄，牛肉味，是我們喜愛的羅宋湯口味。當湯鍋愈滾煮得愈久，它的味道愈醇厚，十分討喜。一片片鹿兒島日本黑豚肉掛在架上，像羅衣般美麗，一看就知肥滋滋的黑豚肉是朋友的味兒。黑豚肉涮後更加明顯看出肥瘦豚肉交錯的層次，肉質爽嫩，口感不俗，湯頭引出豚肉的甘甜。滾得囍的自家製手工火鍋配料用出色來形容不為過，來這裡一定要試試看，每款配料都令我們驚喜萬分。想一次嚐到五種口味的餃子，那就要一試滾得囍餃子拼盤，餃子拼盤包含和牛芝士一口餃，新鮮菜苗帶子餃，韭菜豬肉餃，黑松露野菌餃與黃金沙葛餃。韭菜豬肉餃一撈起就聞到濃濃的韭菜味，外型很大又飽滿，朋友被流出來的湯汁噴到，可見內餡挺多汁。韭菜豬肉餃的外皮吃起來很有彈性，內餡有著濃郁的韭菜香，津津有味。黑松露野菌餃吃起來有明顯的黑松露香味，看看它的內餡全是密鋪黑松露與野菌就知道用料不馬虎，滿口清新的菇菌，愛吃素餃的話這是很棒的選擇。和牛芝士一口餃晶亮剔透的餃皮，隱約透出裡面的和牛肉色，新鮮的和牛味道就是這麼新鮮，芝士味道就是這麼濃香，濃重的和牛芝味撲鼻而來，我們都沒辦法控制馬上開動。新鮮菜苗帶子餃皮薄而有勁道，在嘴裡小有嚼勁，煮熟後的菜苗依然鮮綠，菜苗鮮甜極致，帶子彈性十足，為菜苗餃豐富口感，並保有原來天然滋味，鮮香可口。如果說最令我們驚艷的餃子，非黃金沙葛餃莫屬，以沙葛作餃子主角應該只有滾得囍吧，很創新的口味。沙葛爽脆甜美不在話下，混合蛋黃醬後有點像雞蛋沙律的味道，清新感源源不絕。滾得囍的驚喜豈止餃子那麼少，就連鬼馬油炸鬼都暗藏心思。一般火鍋吃到的鬼馬油炸鬼都是油炸鬼包覆著墨魚滑，涮煮時油炸鬼都變軟。滾得囍的油炸鬼卻藏於墨魚滑裡，表面更灑上蟹子。墨魚滑扎實彈牙，藏身當中的油炸鬼保有酥脆感，兩種口感在一起並不會衝突，反而十分奇妙，令人深深愛上。近來黃金炸魚皮與黃金響鈴成了火鍋配料的新貴，嘴饞的我們也叫上一碟黃金雙拼。沾滿鹹蛋黃的魚皮和響鈴光吃已非常惹味，沙沙脆脆的咬感，當小食的話不錯呢。當然還可以輕涮它們數下，吸飽羅宋湯汁，鬆化濃香，另一味蕾享受。瑤柱乾貝滑也不容忽略，以瑤柱干貝作滑又一創新，個人覺得這組合十分新穎。瑤柱特有的海味毫不吝嗇發揮出來，乾貝滑極具彈力，每一次咀嚼都是一種驚艷，其真材實料帶給我們瞬間的滿足。清酒鮮牛肉集色，香，味於一身，當清酒灑上鮮牛肉上，夢幻的煙霧瀰漫著，清酒芳香都滲透肉裡，給我們銷魂滋味。鮮牛肉輕涮五分熟，粉嫩的肉色令我口水直流，絲絲清酒醇香，入口軟嫩的瞬間多麼幸福。澳洲帶子片鮮嫩多汁超推的，一定要點來吃。帶子片只需滾煮五分熟就可，將它的柔嫩水感緊緊鎖住，充分嚐到它自身的甘甜，口齒留香。只吃肉而不吃蔬菜是不行的，所以我們點了滾得囍蔬菜拼盤，蔬菜拼盤可謂豐盛，有生菜，娃娃菜，油麥菜，蘿蔔，粟米，木耳，蓮藕片，蔬菜和羅宋湯很對味，經過羅宋湯熬煮，蓮藕片保持鮮甜的脆度，粟米爽甜，無一不愛。若怕吃火鍋上火的話，不妨喝杯足料竹蔗茅根消消熱氣。清涼足料的竹蔗茅根天然甘香，除可潤喉生津，又可一解火鍋的飽膩感，一舉兩得。吃到尾聲，店員跟我們說有椰汁西米露作為飯後甜品，我們真想不到最後還有糖水可吃，很完滿的一頓火鍋晚餐。西米露煮得綿密，椰汁甜而不膩，簡單好吃，我們飽得捧腹回家。離開前，我們都在門口的打印照片機打印照片留念，我們覺得滾得囍這主意不賴，好讓食客免費留影，紀錄與親友的美好時光服務貼心。無論食物質素抑或服務，滾得囍確實具備宮廷級享受，也成了我最愛的火鍋名單之一。…Read More

之前聽朋友講呢間位位於北角既滾得囍宮廷火鍋野食質素高，環境又好，想左黎食好耐。終於約到人黎試，結果真係冇令我失望，仲喜出望外添！首先講下成間餐廳既主題先。 佢係源自滿清既皇宮概念，所有設計都係希望客人喺有宮廷氣息既環境底下享受現代美食。一入到去就覺得古代氣息好重！一枱一凳、碗碟餐具，去到做間隔既屏風都令客人好似身處喺宮廷入面。一坐低，侍應仲比左本聖旨我地 原來係介紹佢間餐廳同湯底既～跟住就擺低埋配料、醬汁果啲。本身得生蒜，問店員有冇炸蒜，佢真係整比我地！湯底我地要左康𤋮花膠雞湯鍋（半隻）（$288），聽個名就知咩料啦！望下個碟，雞同花膠都超級足料！再望下個鍋，超有氣勢，有個龍頭喺側邊lol 雞湯底好清好濃，正！侍應仲叫我地先落花膠再落雞，咁啲雞就唔會老喇～雞肉好滑，花膠食落感覺好健康好有營養！之後我地點既餸都陸續上枱喇！手切頂級安格斯牛肉（$328）首先黎既係牛肉，係我地成檯最貴既野食！其實呢度牛肉種類好多，仲有m8和牛、牛舌、牛頸脊⋯⋯多人既話可以試下手切牛肉宮廷拼盤～不得不提既係呢度所有野既上碟都係相當好睇既，令人睇到就垂涎三尺呀！一望就好吸引喇！用好多花點綴，仲有一片喺側邊整到玫瑰花既樣～用冰鎮既方式仲會保留到牛肉既新鮮添！鹿兒島日本黑豚肉（$88）同樣地，呢個豚肉上枱個樣都係好靚既 啲肉片掛住喺度，有一塊又係摺左做玫瑰咁既樣 雖然佢比個牛肉既價錢係平好多，但係quality一啲都冇失色！脂肪同肉既比例幾好，唔會太肥。味道都好好～唯一唔係太好既地方就係淥完出黎有啲硬，有啲難咬滾得囍餃子拼盤（$108）呢個拼盤入面有十粒餃子，餐廳有既味道既每隻都有兩粒，包括和牛芝士、蟹皇、菜苗帶子、韭菜豬肉、黑松露野菌。每種味都好正，不過大家如果食黑松露野菌既話就要小心喇，因為唔知點解佢個皮特別易穿，啲黑松露會漏曬出黎lol唐生菜（$28）打邊爐一定要嗌菜，我就最中意食生菜既～呢度既生菜好新鮮，又爽，食到飽飽地淥就會中和到飽和感勒～黃金響鈴（$68）另一樣一定要食既野就係響鈴喇！！呢度最特別既就係黃金響鈴，同普通響鈴唔同，佢係沾左蛋黃整既，所以好香蛋黃味。而且佢係即炸既，所以一攞出黎仲係熱辣辣既。我地冇淥過就咁食都好好味，勁香！亦都可以淥一淥再食～不過食一條就好飽lu 總括嚟講，成餐飯都食得好開心。無論係餐廳環境、食物質素，定係服務質素都相當好！店員每上一道菜都會講係咩嚟、應該點整。枱上面有片油嘅殼同兜比我哋自己片，但佢哋都會主動過嚟幫我哋整。而且佢哋好留意客人有咩需要，有時唔洗舉手佢哋見到我哋望住佢都會好快過嚟，真心覺得好好！所以綜合晒咁多嘢嚟講，呢度真係值得嚟試，真心推薦大家嚟食下！下面擺返menu：…Read More