Biu Kee Lok Yuen Chiu Chau Noodles Restaurant

呢間潮州嘅打冷都幾出名，所以今日專登嚟旺角試吓佢！我其實7點鬆啲坐低，啲friend遲到，佢哋叫我點住嘢食先，咁我點咗椒鹽九肚魚同胡椒豬肚湯，上菜速度係超級快，大概8分鐘已經煮晒出嚟👍，所以真係要讚一讚！跟住重點咗，滷水鵝片，滷水拼盤，蠔仔粥，煎蠔餅同埋蒸白鱔！兩個滷水都好好食，滷水汁都好濃，不過我唔鍾意食內臟。熱辣辣煎蠔餅呢，佢唔係落好多粉，但係都脆，所以都幾好食！蒸白鱔亦都非常之有水準早知呢個係夠鑊氣，適合飲下啤酒坐低吹吓水嘅地方！…Read More

#01102022香港專食打冷既舖頭已經買少見少。同埋好多時係大排檔既形式，環境衛生都一般般。但標記既係室內環境，又有多款打冷菜式，已經吸引入去試。餐廳除左潮州菜，亦有好多中式鑊氣小菜。不過第一次諗住嚐嚐熱門打冷菜先。韭菜豬紅(例)：豬紅質地唔會散，調味濃而不鹹。韭菜味道反被掩蓋。但個人只食豬血，所以無影響🤣蠔仔粥(碗)：淨係睇相已經見到多蠔仔，粥底好清甜，正👍🏻滷水鵝片(例)：鵝片多肉，滷水味就不過不失。蠔餅(例)：非常酥脆粉漿好薄，但蠔既分布唔均勻，有一邊完全無蠔仔。同埋味道相對較淡，可能預你沾豆瓣醬/魚露。總結：整體菜式都好食會想再試。無其他食評講到咁差🙈…Read More

是日正日中秋節，放左工無所事事，聽日又放假，緊係約frd 去啤一啤佢。可以食得耐少少，慢慢食住等，都非潮州菜莫屬。標記以前都食過唔少次，次次都要等位，不過搬左新鋪之後都無點試過，所以今日就重遊舊地，試下依家質素如何。今日叫左3個餸，滷水鵝片、椒鹽鮮魷同南乳粉絲什菜煲。滷水鵝片，鹵水味甘香偏淡，食多都唔覺咸，肉質依舊非常嫩滑，值得一試。椒鹽鮮魷粉唔厚，薄薄一層蛋漿，炸得幾金黃香脆，而且有調過味，香口送酒一流。南乳粉絲什菜煲，南乳味濃，菜都煮到好淋，粉絲亦足料，抵讚！…Read More