順興茶餐廳

來大坑一定要試吓順興茶餐廳嘅滑蛋叉燒飯，我已經食過好多次，我相信佢係全香港最好食嘅我的叉燒飯😋特別係佢嘅豉油，零舍好食。環境方面，都係坐得迫夾夾咁樣㗎啦，食完都係要快快手走柯達叉燒飯要六十幾蚊，抵唔抵食就見仁見智啦。同埋我好鍾意飲佢嘅凍檸茶，我覺得佢嘅茶底係幾好飲嘅。不過我最唔鍾意呢間餐廳嘅係佢嘅服務態度，個老闆娘成日喺度呼呼喝喝咁樣講嘢，又大聲冇乜禮貌，如果唔係佢嘅滑蛋叉燒飯咁好食，我都唔想嚟受佢氣😤…Read More

去過台北師大夜市就能感受到大坑的魅力，隨性的古玩店、修機車的車行、沿街擺的路邊攤，搭配今天陰陰涼涼，像極了老台北一月的天氣。就在大坑火龍文化博物館的隔壁巷子口，還沒看到店家招牌，長長的人龍就已經出現了。門市雖然也有很多位置，不過轉角處也有提供戶外座位，排隊前最好先選好在店裡還是在戶外吃，不然兩邊是不同地方，排錯隊就要重新排隊喔～。今天涼爽的天氣，我們選擇了戶外座位排隊。沒錯，來這次就是要選擇@招牌滑蛋叉燒飯記得把醬油淋上去，跟滑蛋一起拌飯超好吃！搭配凍奶茶少冰超級絕配！這附近好多酒吧、居酒屋、還有遛狗的人，沒什麼車會進來，很適合慢慢的走在街上，像極台北的午後時光，非常推薦大家來😘很多百年老樹在附近，帶孩子來看看它們吧！店家招牌在這邊👇…Read More

今日同草子去左大坑半天遊，揀左依間茶檔試吓地道美食。本身想試吓非常出名嘅滑蛋菠蘿油，可惜去到嘅時候，已經賣晒。我哋分別叫咗滑蛋叉燒飯同埋秘製豬扒飯。兩碟飯嘅份量都好多，我哋兩個都食唔晒。滑蛋叉燒飯嘅滑蛋炒得唔錯，加上蔥花同埋豉油，真係非常之惹味。秘製豬扒飯嘅豬扒真係非常出色！豬扒表面煎得香脆又唔會太乾，豬扒甜甜地嘅味道非常開胃。加埋隻煎蛋配白飯一流。總體而言，依間茶檔去開大坑都可以一試。但係如果想試到滑蛋菠蘿油，可能要一朝早就去。…Read More

大坑以前係本土地踎茶檔食店聚腳地，近年開始行文青風。喺歐陸all day breakfast cafe同grill bar之間，仍然有一間茶記大排長龍。順興地方唔大，但係唔需要排好耐。伙記緊守香港茶記特色，一坐低就等你落單，轉頭就上菜。黎到順興，梗係食招牌滑蛋叉燒飯。蛋非常嫩滑，每一啖都有蛋汁，少少甜味加上蔥粒蓋過咗我討厭嘅蛋腥味。滑蛋份量十足，每一啖飯都可以配蛋（但係份量太大，一個女仔一定食唔晒）。叉燒反而冇咩特別，偏乾又比較瘦。我鍾意佢豉油另上，對我呢種口味比較淡嘅人好體貼。…Read More

以前喺銅鑼灣讀書經常入黎大坑搵食，順興就係其中一間常到嘅餐廳，因為佢嘅滑蛋叉燒飯真係令人回味無窮，外面有d鋪頭滑蛋做得好好，但叉燒可能始終係攞貨，質料難以控制。惟獨順興嘅滑蛋叉燒飯，無論係滑蛋定叉燒都一樣有水準，再加上自家調製嘅鼓油醬，真係色香味俱全！我記得以前淨係得叉燒同蝦揀，但而家加咗豬扒、魚柳，好多選擇，我朋友點咗滑蛋豬扒飯，一樣咁靚，豬扒表面油光十足，睇見都流口味餐飲一樣夠晒大杯，好抵飲。惟一可以改善係阿姐隻手揸住支飲管，仲要放喺枱面，如果可以有獨立包裝飲管會比較衛生。…Read More

大坑一向多美食👅呢次嚟到好出名嘅順興🏅食佢嘅招牌滑蛋叉燒飯，果然無失望，滑蛋出色，值得一試！————————————————⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣🥚滑蛋叉燒飯 $55蛋炒得超滑溜，火候控制得啱啱好，仲好有蛋香😋叉燒半肥瘦，幾軟稔唔痴牙。🐷滑蛋豬扒飯 $55豬扒醃得入味，配埋個甜豉油撈飯認真一流👍🏻🍍滑蛋菠蘿油 $26菠蘿油相比之下就略略失色🙊滑蛋份量十足，但菠蘿包偏淋。菠蘿油推介西貢咖啡餅店，外脆內軟，去親都大排長龍，入西貢必食👅💡味道：🌕🌕🌕🌗🌑⠀⠀💡環境：🌕🌕🌕🌑🌑💡服務：🌕🌕🌕🌑🌑⁣⁣⁣⁣⁣⁣⁣💡性價比：🌕🌕🌕🌑🌑⁣…Read More

 今日午餐終於可以黎到順興食啦，等左一陣先有位。我叫左魚蛋+鮮牛肉撈腸粉配凍奶茶少甜同滑蛋菠蘿油，同事叫左滑蛋叉燒飯配可樂。魚蛋+鮮牛肉撈腸粉($38)冇乜特別，普普通通，都係混醬腸粉好食啲，而且份量好少，女仔食都唔會飽。凍奶茶少甜(+$3)飲落都幾順滑，可以一試。滑蛋菠蘿油($26)唔錯，不過都幾油膩，拎起手食食到成手都係油。但係味道唔錯，甜甜地，滑蛋好厚好滿足。我試左少少同事既滑蛋叉燒飯($55)，蛋都滑既，如果蛋同飯既份量多啲會好啲，男仔食會唔夠飽。…Read More

暫時食過最好食的滑蛋叉燒飯蛋香滑叉燒份量足半肥瘦啱啱好豉油才是精髓加了蔥令味道升華同滑蛋叉燒勁夾撈飯亦一流果然係名不虛傳的招牌貨❗️奶茶相對失色茶濃但略澀亦欠厚滑感滑蛋鹹牛肉菠蘿油 | $26 (+$10)菠蘿包勁香脆相當出色有兩層包(成個漢堡咁😂)上層有鹹牛肉炒蛋(鹹牛肉要加$10唔太抵食 下次叫返淨滑蛋)下層一大片邪惡牛油😈一啖咬落去既有鹹香又有菠蘿皮的微甜味道出奇地夾 好豐富好滿足的邪惡美食😍…Read More

心中數一數二既滑蛋叉燒飯定時定後就會掛住依到既滑蛋叉燒飯水準keep得好好 蛋非常滑 火候剛剛好 唔會太老叉燒軟熟 之前食過蝦都好爽口 牛肉就一般all time confort food 不過叉燒成日都賣晒 一係就早d黎叫埋多蔥 淋d豉油 正奶醬多都係必食！雖然多士佢都係成日賣晒 點解麵包都可以成日賣晒😅😅飽烘得好脆花生醬+煉奶+花生碎 perfect match🥰好味道午餐時間通常要等一陣位 同埋個阿姨真係好惡每次都催人同鬧人😂 好驚佢 但係又想食個滑蛋叉燒飯對順興真係又愛又恨😂…Read More

一直都知大坑嘅順興車仔麵大牌檔出名食滑蛋飯，一直都想試，可惜佢嘅營業時間係朝早到下午四點，冇做晚市，一直都就唔到時間，今日終於早放，有機會食！我哋大約一點到，都多人排，要等約二十分鐘到。滑蛋飯可配唔同餸，如叉燒，蝦同豬排，我今次就試咗滑蛋叉燒飯。個飯一上枱，就知有驚喜，因為見到啲蛋漿未完全熟曬，仲有少少蛋液，係真正嘅滑蛋！金黃色嘅蛋，加埋粉紅叉燒，配上綠色葱花，淨係顏色嘅配搭已經令人食指大動！終於淋上甜豉油，食第一啖飯，果然冇令人失望！蛋超滑，叉燒又肥瘦得宜，配埋甜甜嘅豉油真係好滿足！如果每日都可以食呢個碟頭飯就好啦！如果有機會早放一定會再嚟食！下次想試埋滑蛋蝦仁或者豬扒飯。…Read More

周日搵食遊呀遊，到了大坑的順興大排檔茶餐廳。此店分兩邊，有餐廳，有排檔，是次看人龍短一點，排了餐廳。想不到此小店外排了十數人，還挺誇張。點了招牌滑蛋叉燒飯連熱飲($50)。滑蛋是煎成一大塊，蛋剛剛熟，味道帶有甜味。叉燒主要是瘦的，不過還不會太韌。白飯配上少量蛋汁及豉油，不消十分鐘便已經清碟。熱檸茶由茶檔主理，吃完飯還等了五分鐘才到，不過紅茶不算太濃，解渴還不錯。如果剛好來了大坑，沒有太多人排隊，一試無妨，但我覺得未必需要特意朝聖，迫爆橫街窄巷。…Read More

記得以前讀書時期，每當到銅鑼灣的中央圖書館溫書，都必定會到大坑的順興大牌檔午餐。記得以前去吃時曾經遇過EASON呢！所以早前見有空，就想回去懷緬一下，想不到以前只有戶外位置的小店如今連室內都有了，這幾年變化真大！ 菜單好似比以前更多選擇，但我想也沒有想就叫了個滑蛋叉燒飯 ($50)，因為這是這裡的招牌菜，超級好吃！如果去普通茶餐廳吃飯，我一定不會叫滑蛋系列，因為很多都是水狀的，不跟你說你也知道自己在吃蛋。但是這兒的滑蛋就不同了，是名副其實的滑蛋，而且煮得剛剛好，完全不會有老的感覺。這裡的叉燒也十分講究，沒有多餘的肥肉，吃下口一點都不會覺得「鞋」，跟滑蛋真的很搭！…Read More

大坑一向都係美食雲集既地方，順興既滑蛋叉飯更加係出晒名星期日大概1點左右，在門口等15分鐘左右就有位。(門口有大量麻雀，希望會改善，始終係食肆。)首先當然係名物 滑蛋叉燒飯。一上枱賣相已經好吸引，(半夜在打食評既我都餓了)叉燒十分足料，雖然只係一般茶餐廳食開既叉燒，但呢個價錢都差不多。略嫌今次蛋煎得過熟，令蛋變得唔夠滑，小扣分。另外亦都試左 秘製豬排飯。呢個推介！大大塊既豬排，未食已經香噴噴，佢有少少焦糖係脆邊，連埋流心太陽蛋，正。肉質好鬆化，再加上佢既秘製鼔油，真係好好味！另外一讚係跟餐飲品，豆漿係支裝，感覺比較衛生。…Read More

由大排檔搬左去舖頭 但味道依舊 ~滑蛋軟綿綿 生熟程度啱啱好 有蛋汁但又唔會太生 材料完全係痴住d蛋 唔會分開唒 三寶既份量都唔少 每隻蝦都非常大隻爽口 叉燒同蛋最夾 而牛肉就一般  每碟飯都會跟一碟甜豉油 重口味者可以豪氣倒唒落去碟飯係非常大碟！而且蛋皮係可以覆蓋唒成碟飯 仲有一杯飲品 (豆漿係唔洗加錢！佢會成樽俾你！)所以$60都係可以接受既價錢 想冇咁heavy可以單叫 其中一寶呢個只有一寶 就係叉燒 價錢會平d 但份量都係差唔太多 我覺得食呢個會抵過三寶 所以呢個都係特別多人嗌我地仲叫左呢個秘製豬扒飯個樣係頹d簡陋d 但係個豬排真係幾好食 肉又鬆又冧 用秘製醬汁醃得好入味 大概係有d醬油味再加香茅味 煎得又夠香脆 成碟飯都好大碟 仲有一隻蛋添…Read More

今次來到大坑的另一個大排檔，感覺別有洞天之餘又很香港，是一個不錯的吃飯體驗。來到順興，當然要吃滑蛋啦，這次要的是滑蛋叉燒飯。用料都算夠多，整個碟面都有叉燒，而蛋面又是半生熟狀態，真的很吸引。而蛋底就略為熟了一點，這樣使蛋的滑度減了一點分數。整體來說味道不錯，有蛋味，豉油也不會太咸，最美好的都是整個食肆的氣氛，露天的大排檔，真的很適合一大班朋友聚腳的。…Read More