Lazy Pot (Hillwood Road)

同朋友諗住去食雞煲，想搵間喺尖沙咀嘅方便大家，搵到呢間喺山林道上樓嘅餐廳，仲以為喺間舊大廈入面，因為山林道嗰啲都比較舊，原來有棟叫銀座38係新嘅大廈呢😅滋補螺片花膠雞煲：雖然只叫了半隻，但螺片花膠都多，呢個湯底好好飲又唔怕太杰身自製鮮蝦雲吞：呢個雲吞冇乜特別，但蝦肉係爽口的蟹子墨魚滑：將蟹子同墨魚滑撈埋先煮，好有墨魚味，仲有墨魚粒粒，好有咬口頂級雪花肥牛：肉質厚身份量亦適中自家炸魚皮：估唔到呢個好食，好脆！冇煮就咁食都食到唔停口第一次寫食評就寫住咁多先😆…Read More

之前好幾次聽過友人提過「吞POT」這個大名，激讚佢既雞煲好好食、好正，令我都有D好奇，今日終於同朋友一齊去食啦！真係好期待呀！這間「吞POT」位於12樓，佔整個樓層，地方很寬敞，桌與桌之間有合適的距離，坐得很舒服，抽氣系統很好，冷氣感十足，打破了我固有以為雞煲就會很迫很熱的概念。招牌雞煲有很多選擇，即使小妹不吃辣，也有很多可以選，例如有「極品雞煲翅」、「花雕藥膳雞煲」、「胡椒豬肚雞煲」等等。因為見到牆上有這個推介，那就選「滋補螺片花膠雞煲」啦！這個雞煲一上場，我感到很驚喜，忍不住影相，因為材料實在太足料吧！隨手一舀，都是滿滿的花膠、雞肉、螺片、秀珍菇！名副其實的「滋補螺片花膠雞煲」！侍應細心地交帶，雞已是熟透，可放心即吃。每塊雞都是有均勻的雞肉，並不似坊間的雞煲得個骨。而且雞肉嫩滑，真是好好吃！上來一定要點佢出名的「自創爆芝響鈴」！因為佢係即叫即整的響鈴，新鮮炸起，直接即食又得，過湯吃又得，裡面既芝士簡直在嘴裡融化，十分好食！好想食多幾舊呀！眼見附近食客幾乎個個都有叫佢既手打丸，是出名的自家製丸，那麼我也叫「手打生拆蟹粉墨魚丸」來試下先！果然夠特別！內裡的蟹粉是真的會爆汁，吃到蟹粉的味道和口感！令我想起蟹粉小籠包的感覺！唐生菜頗為新鮮和翠綠，而且份量也不少啊！食雞煲點少得叫野飲呢?「大咸檸七」超大杯，透心涼，爽呀！小妹回到家都念念不忘佢個「雞煲」同「自創爆芝響鈴」呀！一定要再上去食呀！這是真材真料、非一般的雞煲，值得推介！…Read More

前一晚元朗西鐵站搞到好大件事，第二日大家都人心惶惶！大家大西北朋友都唔敢出門口，所以我都無留係屋企，同老婆出九龍行下。老婆大人話佢有個朋友介紹過一間雞煲好好食，所以就順利去試試la。餐廳唔算大，不過座位大大張，坐得好舒服。看似有室外位置，如果冬天一住打邊爐，一住睇夜景，都幾特別呀！坐低後職員禮物地放低左個配料盒，可以選配自己鐘意的醬料。餐廳可以選食雞煲 亦可以選打邊爐，不過既然朋友介紹食雞煲，當然要試試。本身我以為雞煲一定又係d 好濃咪ge野，餐廳原來有得選滋補螺片花膠雞煲，因為我們都係兩個人食，所以只叫了半隻雞（＄208）。好快滋補螺片花膠雞煲就到，雖然只係叫左半隻雞，但煲內雞肉有好多舊呢！ 而且花膠螺片都有好多塊。雞肉嫩滑，雞味豐富。花膠果d我呢個大男人就唔識欣賞，但偷飲左個湯就真係feel到好滋潤，一d味精都無！正除左雞煲都叫左少少配菜，有唐生菜（＄38）、手打生拆蟹粉墨魚丸（＄102）同自創爆芝響鈴 （3件）（＄45）。尸手打蟹粉墨魚丸新鮮彈牙，而個自創爆芝響鈴真係好正，大家一定要試下。個響鈴係即炸出黎，你落一落鍋拎上黎，芝士會晌個響玲入面流出黎，好香濃的芝士味，好特別好好味。雞肉真係好多，我地兩個人都食左好耐先食得哂d雞！價錢上唔係話好平，但我覺得絕對值得！好味 …Read More

見返好耐冇見嘅中學同學，最適合嘅場地莫過於打邊爐，烚吓烚吓，就憶述返讀書時期嘅烚戇一二事胃民遲到，久久未到，醬料先到，慢慢調製屬於大胃獨特嘅醬料先，如果有埋芫荽就好喇胃民終於到喇，嗌返上次喺油麻地分店食完好回味嘅花膠雞煲先，好足料呀趁啲湯未蒸發晒，快啲飲多兩碗湯，因為佢一加湯，就會淡晒上次打邊爐有胃民建議食牛頸脊代替肥牛，咁樣成煲先唔會起晒油，所以今次就嗌牛頸脊，無損湯底嘅純淨芝士響鈴魅力沒法擋，上次食完今次返尋味市面唔常見嘅芒啤，點都要送吓火鍋卅幾蚊杯係貴啲，不過超級大杯烚完之後，覺得自己滋補不少，聽日各自返工生活，繼續努力烚吓烚吓啦…Read More

好滿足嘅晚餐🤤係尖沙咀行行下街行到好肚餓 就去左山林道38號嘅呢間吞pot雖然個名叫吞pot 但係啲員工一啲都唔吞pot服務超級好一入到去 唔使等 即刻帶我地埋位 上埋醬料po好曬野 100分!跟住講下野食女人想養顏一定要試試呢個滋補螺片花膠雞煲 $198花膠好足料 雞又好嫩滑 啲湯一試就知係老火湯 足足飲左我4碗先開始食野😋主食叫左個稻庭烏冬$30雖然係得一餅 但係份量十足好夠食另外叫左日本廣島蠔$83好甜好嫩 有少少腥都係可以接受的仲有桂花蚌$110本身都唔知道原來佢係海參條腸 食完就知道了😂因為係第一次食 所以唔太識食 覺得有點腥 娃娃菜$36切到細細份 啱啱好浸落啲湯度好甜好好食最後係泰式生蝦有10-12隻 份量好多沾落啲醬 調味剛好以上建議4個人去食會啱啱好2個人食實在太太飽了食淨左2隻生蠔😭😭…Read More

今個冬天話凍又唔算太凍，所以都無咩機會打下邊爐、食下雞煲，而其實我都幾鍾意烚吓烚吓😞 聽朋友講佢試過有間雞煲幾好味，所以今晚一於去試下！所講既就係位於尖沙咀山林道一棟新起大廈銀座38既「吞POT」！去之前係openrice搵過見到有3間分店，尖沙咀店係新開既。因為想留番多d時間消化所以就book左5:30開食🤣 上到去餐廳樓底都幾高，檯與檯中間都有充足位置，唔會好似平時任食個d咁會覺得迫夾～而且被安排坐左係電視位，可以一邊睇新聞一邊食👍🏻原先同行朋友唔想食太濃味，所以見到有花膠雞煲就決定嗌佢喇～配料都有幾多選擇，而且入門口個時見到7:30前交檯配料小食有半價，好抵，咁就可以叫多幾款試下👍🏻最後叫左下面幾款食～☆滋補螺片花膠雞煲😋一上檯就聞到好香～雞已經熟左所以可以即刻食！啖湯好香，仲好足料！食極都有花膠😂半隻雞量都唔少，雞好滑👍🏻d菇都好好味☆十全大寶丸😋有5款丸包括手打生拆蟹粉墨魚丸、手打黑松露墨魚丸、手打黃金海膽黑墨魚丸、手打香煎鵝肝蝦丸、手打芝心牛丸，每款2粒，可以一次過試晒～丸入面真係有一小舊海膽/鵝肝，並唔係好似平時個d咁得d汁👍🏻墨魚丸仲真係有墨魚粒👍🏻個人最鍾意芝心牛丸，有咬口，仲好多芝士，咬個時真係要小心🤣☆餃餃陣😋由4款餃組成，都係每款有2粒，包括自製韭菜餃、自家製鮮蝦雲吞、自製蟹粉蟹肉雲吞、魚皮餃。本身麻麻地韭菜，但我覺得個餃好好味，無平時怕個隻味。每隻餃都包得好飽滿，讚👍🏻☆自創爆芝響鈴😋新鮮即整即炸，熱辣辣香噴噴，仲好脆😍好邪悪呀🙈🙈就算放耐左都無油益味，正👍🏻👍🏻👍🏻全部野食都好好味，而且個擺碟好靚👍🏻下次再食想試下牛肉😋今次食到飽一飽都係大概$450，正！強烈推介～～！❤️👍🏻…Read More