8 Char (Shun Fat Building) (Closed)

今晚來到元朗和朋友夜嘆點心！「8號茶居」這間分店就位於元朗廣場附近。甫入座，店員就會詢問飲哪一款茶，筆者和朋友選擇了香片。大大粒的燒賣皇！足料啖啖肉，充滿豬肉香味，裡面還包裹了原隻蝦肉。以原盅形式上的綿花雞，湯汁用了花雕酒、當歸、杞子等藥材熬煮，藥膳味濃郁。魚肚盡索湯汁精華，雞件也頗為嫩滑。而由於用了藥膳食材，入口會多了一份甘甘的味道。叉燒包就屬於正常質素，不過不失。第一次見腸粉加了青瓜，感覺幾特別。腸粉帶有米香味，叉燒配青瓜不但多添了一份清新，而且也能減少膩感。茄子釀上墨魚滑，塗上燒汁再以木魚片點綴，乍看之下有點像日本居酒屋小食。入口惹味，尤其墨魚滑好有彈牙感。紅棗糕微甜，質感非常煙韌軟糯，咀嚼間會有微微紅棗香味滲出。最後來一份餐廳招牌的流沙西多士！麵包炸至金黃脆身，切開即有流沙奶皇餡湧出。味道甜甜的，夾雜鹹蛋香味，美味又邪惡！…Read More

雪山叉燒包($25) + 原盅花雕養顏綿花雞($38) + 豉椒排骨蒸飯($45) + 溫室青瓜叉燒腸($29) + 8號蝦餃皇($19) + 蟹籽燒賣皇($19) + 五柳炸雲吞($28) (茶位/$5）地點喺元朗西巴士總站旁邊嘅街坊點心小店，價位親民，唔收加一，服務唔錯，有卡位坐得舒服；點心即叫即蒸，點心紙有蒸、煎、炸、灼、燉湯、包點、蒸飯、甜品等選擇，有早午下午茶孖寶組合、全日優惠套餐等，抵食👏🏻溫室青瓜叉燒腸，爆餡！叉燒肥瘦適中有咬口，味道幾好，腸粉好滑，$29有三大條抵食🌟原盅花雕養顏綿花雞，用北芪、黨參、杞子等藥材做湯底，加好香嘅花雕酒，味道舒服，鍾意藥膳湯嘅人必like💁🏻‍♀️雞肉嫩滑，好多雞！燒賣餡內豬肉肥瘦適中；蝦餃好巨型🤩爆多鮮爽蝦仁👍🏻五柳炸雲吞炸到超鬆脆；雪山叉燒包味道唔錯；豉椒排骨蒸飯，餐牌上標榜用金鳳米🦚粒粒分明有米香，排骨肥瘦適中，撈甜豉油good💥…Read More

發現好似比較少係晚上飲茶， 食點心😂。 老公見我甘想食， 所以帶我去元朗一家茶居試下。 （5⭐️最高）雪山叉燒包（5⭐️） $25一款外觀好似傳統的菠羅包， 薄薄的酥皮外層包著香滑的叉燒😋。 外皮無特別焗至金黃色， 好特別呀～🥰8號蝦餃皇 （5⭐️）$19一份兩件， 大大粒既蝦餃， 皮薄， 肉多。 好yummy 😘蟹籽燒賣皇（5⭐️）$19外皮不是傳統的黃色，而是白色 ，咬落好juice 🤤海苔鮮蝦腐皮卷（5⭐️）$28脆卜卜的外皮， 加入原味海苔及鮮蝦， 配上喼汁。 傳統味道配上新派食材😏。溫室青瓜叉燒腸（5⭐️）$29好喜歡之個， 滑滑的腸粉外皮包著清爽青瓜及香清腸粉。 yummy yummy 🤤🤤鮑汁豬手蒸飯 （5⭐️）$52勝價比高的豬手飯， 鮑汁味好濃🤩， 豬手份量足料。 利用砵仔蒸飯， 加入鮑汁食， 就算不加豬手， 都好滋味😘雪茄春卷（5⭐️）$15見到個名好想叫想試😂， 一條以炸至外皮黑黑的春卷， 當中包著蝦肉。 配上沙律醬， 看似真係好食緊真雪茄😘…Read More

疫情過後，大酒樓執得7788，如果人少去酒樓又好礙眼，想食一盅兩件都幾難。今次就去咗元朗呢間點心專門店，有啲似普通茶餐廳，人少少都可以安安靜靜歎杯茶食個包！食物方面唔止蝦餃、燒賣、腸粉等傳統點心，仲有啲醫肚嘅蒸飯、養生湯水，同埋用嚟打卡嘅瀑布流沙奶皇西多士，都幾多選擇下！人均 $100 內，大件夾抵食！下午茶 B餐 $43平時點心都係一籠籠，人少食唔到好多款，好彩下午茶嘅點心拼盤樣樣都有一件，最啱選擇困難嘅我！蟹籽燒賣皇好大粒，比較白，個樣有啲似日本燒賣，不過蝦肉夠彈牙，豬肉都算多。而擂沙煎堆仔細細粒，圓碌碌都幾可愛，外皮香脆煙韌，入面芝蔴幾香口。養顏紅棗糕入口煙韌有淡淡紅棗，唔會太甜。煎釀西蘭花少少乾身，釀咗少少魚膠，幾特別。南瓜籽馬拉糕好軟熟，甜而不膩，加咗南瓜籽幾香口。薑蔥牛柏葉 $29出面已經好少食到牛柏葉，呢個仲要勁大份！牛柏葉唔會太重薑味，又可以僻到腥味，爽口又彈牙，幾好食！溫室青瓜叉燒腸 $28叉燒腸加咗溫室青瓜，喺嫩滑嘅腸粉中增加口感，令普通叉燒腸更加清爽！瀑布流沙奶皇西多士 $30外表平平無奇嘅西多士，切開之後湧出大量香濃嘅流沙奶黄，打卡一流！炸咗嘅西多士比起流皇包就加香口，滿滿嘅流沙奶黄又滑又香，好滿足！金銀菜燉豬肺湯 $43要煲豬肺湯真係好多複雜工序，呢度 $43 就飲到，都幾抵！豬肺湯係比較清嗰種，唔會太多味精，入落幾舒服。菊花茶 $8/位雖然唔係酒樓，不過都會收茶錢，今次點咗菊花茶，清清哋可以消滯，不錯。…Read More