Bon Bon Cafe

車品品係網上宣佈門市做到31號就唔做啦😩雖然大角咀對於小編來講真係超級遠，不過都為咗佢特登走咗出去食一餐😎仲要係佢未開門之前就去排定隊，真係好耐未試過咁神心😳車品品小食係一間平民富貴小食店😋同時亦都係一間車仔麵店。店舖嘅用料高級😏絕對唔係揸流攤，堅持慢工出細貨😝而且仲要冇得搭枱架！-🍴淨魯肉餃魯肉餃表面嘅蝦籽用上左頂級斗門河蝦籽😝而且蝦籽會放入生鐵鑊炒香先用。而中間既魯肉就以半肥瘦豬肉🐖製作，再一隻隻人手包製😚魯肉餃嘅大細啱啱好一啖一隻，食得非常方便🥰而魯肉餃入口食落非常多汁，而且味道亦都同台式魯肉一樣咁香甜😉中間咬開既肉量都算幾多，而且入口食落完全唔覺得油膩。另外，魯肉餃表面仲有大量嘅蝦籽🤤所以入口除咗會食到有好香嘅台式魯肉味之外，每一啖都會有蝦籽嘅香味走出嚟，提升成碗魯肉餃嘅香味😆真係超級好食。魯肉餃下面仲有大量嘅生菜，好味又健康😋-🍴溏心皮蛋皮蛋切開中間真係超級溏心🥰而且中間嘅溏心入口食落黏滑，味道甘香☺️配上老闆娘自家製嘅糖醋一齊食，除咗可以去咗皮蛋本身嗰種鹼水味之外😆皮蛋入口食落嘅味道亦都會比較豐富😏-🍴黑糯米花雕酒花膠汁豬手豬手本身已經燜得非常軟腍，入口亦都比較黏口😘膠質非常重😉而且入口食落調味適中，但又好重好香嘅酒香味，醬汁嘅香味都非常濃郁😁豬手本身亦都做得非常入味。整體來講，雖然小編平時唔係太好豬手🤫不過呢一碟豬手確實令人眼前一亮，非常高質🤗-🍴紅燒吉品鮑紅燒吉品鮑以國酒茅台迎賓50°C同花膠熬茨燜煮而成😳鮑魚本身做到有少少溏心嘅效果🤭入口軟滑得來帶有少少黏牙嘅感覺，配上自家製嘅醬汁，味道非常香濃😋但又唔會蓋過咗鮑魚本身個種嘅香味。但係鮑魚入口食落確實唔係太食得出有酒香味😆有少少失望，但整體來講都係好味嘅😘-🍴自製廣島蠔皇醬撈麵廣島蠔皇醬以日式嘅做法將廣島蠔煮成😎再加入鵝肝油製成嘅廣島蠔皇醬😁再放係麵底上面，製成撈麵。唔好見佢個樣好似普普通通咁冇乜特別，但入口食落確實有驚喜😂撈麵本身嘅軟硬度適中，唔會煮得太過淋身🤔拌上廣島蠔皇醬一齊食，撈麵嘅質感唔會太過乾身，入口亦都會有好重嘅蠔味😳好似將好多隻蠔食咗入口咁🤤非常特別，而且本身撈麵嘅調味適中唔會太鹹，但又唔會太過淡味😉所以整體來講會算係比較有驚喜嘅一款，不過就比較建議兩個人share食，怕膩🤫…Read More

黎食野大部分時間都要等位，因為都有啲食物係賣完就無😌所以都建議早小小黎食咁我重點會食車仔小食姐係粉紅色果張紙😋依到忟嘅食物係無得輸架，豬手、飽魚係無得輸，可能你第一次會覺得52食一隻太貴，但係你用埋啲汁黎撈面就會覺得超值😋豬手今次有小小毛🤭但又林又入味😬啲豬手汁就同菜一齊食至於翅係必食有幾個配搭都唔錯皮蛋心入面成日叫自己唔好食太多😂身體卻很誠實魯肉餃入面有啲羅蔔，所以好甜😋😋麻不辣，因為我唔太食得辣，平時好少可以食到個咀跳下跳下咁😂😂好似食緊爆炸糖💥創新嘅朋友可以試下真材實料芝麻糊☺️小店慢慢流失，依間都唔例外，只做到五月，要食就要手快喇…Read More

放假同男友出動搵食。本來想去lunch.去到先知道當日要開5:00pm.所以搵左一間食Lunch先.5:00pm再去試下lee間聞名以久ge車品品la.5:00pm剛開門.我地排第三.入到去好有親切感的家的感覺.一坐底老闆娘就話.人手有限食物要慢慢上大家坐下先.慢慢黎ar.之後就推介食物比我地.我地叫左。足料碗仔翅海蜇皮沙律(酸酸地幾開胃)無傳聞中咁好食ge魯肉餃麵.紅燒吉品鮑(爽囗彈牙又好食)招徠大雜麺=集錦車仔麵溏心蛋（夠黏口,不過味道太梗我麻麻)試完車品品之後總結係.m...好有人情味小店。係食到食物ge心意。但係真係冇傳說中咁好食。我覺得個海蜇同個吉品都好食.但係車仔面la都係銅鑼灣x記同x記好食Dla.大家可以黎試一試.支持一下本地小店la.…Read More

再一次食車品品除左點佢既酸薑皮蛋同車仔餸之外,今次仲點左佢既干邑紅燒吉品鮑賣相好靚,睇落都想食,凍得黎又好爽口彈牙,最正係佢個汁,有酒味之餘仲有D甜, 完全滲哂落去鮑魚入面, 正!…Read More

三位朋友經過車品品,平時好多人,今日甘啱喺佢剛剛開業既時間經過, 不用排隊就入去試下入面一張張細木枱,大慨坐到25人,同車仔麵檔一樣你會見到店主喺個爐側邊煮緊野食,點野食好簡單,你在點野食紙店TICK 好哂,然後擺喺店主做野個爐前面擺低,佢做左就會拎黎俾你.我地點左一個淨餸既車仔,有大腸,豆卜, 豬肉,豬皮,魚蛋, 蘿白,全部都醃得吾錯,夠林,尤其係個豬肉,有D似盤菜既肥豬肉,但佢既醬沖比較濃, 湯底幾特別, 偏向甜, 同D車仔餸MATCH,幾好另外我地仲點左皮蛋, 夠溏心,配酸薑,真係幾好味魯肉餃,以生菜做底,豬肉餃配蝦籽,餃皮比較有質感,豬肉爽口都吾錯碗仔翅,呢個就一般,冇乜特別總括而言係幾好食, 可以一試但提下大家平時係好多好多人排隊,要有耐性!…Read More

之前成日見到各食家們不斷激讚此餐店既食品製作認真，雖然都只係一啲平民過平民既小食，但卻可以令其變得維肖維妙，所以小妹慕名而來，要一試咁話！入到去見到該舖的面積不大，更沒有美麗裝潢，但店員卻態度親切，不時還會走來和我們說笑一番，並不像市面上既各大連鎖食店，不少店員都已經做到表情呆若木雞，相比下，這裏既人情味反而更能令人消除駒束感，能夠開懷大吃~皮蛋既味道唔錯呀，而且中間既位置有流心既效，食落甘香呢個係我係呢度既摰愛！蘿蔔清甜而且冇根，仿如有入口即溶既感覺，而魯肉餃所肉既豬日肉瘦均秤，不會因為現時香港人講究健康而放棄加入肥豬肉。每當你咬一口餃子都會感受到不同層次既質感不斷交替著，而且仲會有香濃肉汁滲會你口中各個味蕾，真係溶化我既心喇~碗仔翅非常足料，我敢講你食既每一口都一定可以感受到食材同汁混合一起，唔會只係有"飲水"既感覺呢一間餐店果然冇令我失望而會，我認我係以貎取人，一開始既時候我真係因為睇到店舖既面裝潢而質疑其食物質素，但而家真係發自己食過番尋味，而家成日都對其食物心掛掛呢…Read More

我想，食店之所以可以成功，除了食物要真材實料之外，用心待客也是致勝的關鍵。我是很少在這裡寫食評的，連續兩個星期六都來了車品品，今次也忍不住要寫一寫。今個星期很幸運，見到老闆娘在後面忙碌，多口問句整緊乜，答曰：番石榴布甸（奶凍）。大喜！心想終於可在白天嚐到老闆娘的巧手甜品，誰知她說：可能凍唔切！要凍兩三個鐘。勁失望，再隨口跟老闆娘閒談數句，才知道晚上無記要來錄影！嘩！更加開始擔心，以後想食又要等上加等喇！今次點了凍奶茶、招牌大雜麵，皮蛋和八喜撈！凍奶茶是珍珠奶茶味道，跟港式有些不同，但有茶味。皮蛋沒有梘水味，溏心，正！如果可以在皮蛋上灑些糖更好味！大雜麵，腩汁底，油麵。油麵彈牙爽口，我喜歡。牛腩豬大腸仲好好味，蘿蔔清甜沒渣，名不虛傳呀。八喜撈是我第二次點了，上次來點了一次，覺得勁好味，今次又翻兜。本想點一個粗麵一個幼麵混合食，老闆娘話：粗麵好食啲！即時轉太。左等右等，半小時過去，都不見八喜撈蹤影，素知車品品人手少，但沒理由這麼久嘛！因為趕住走，只好硬著頭皮催一催，謎底揭曉：老闆娘忘記下單！老闆著我們等十分鐘，老闆娘也再次從後面走來道歉，還告之一個好消息：可能有得食布甸呀！實在愛死老闆娘啦！果然，不出十分鐘，思念成個星期的八喜撈又登場啦！食之前，老闆娘還一邊傾計一邊教我地點食！在醬油膏和大地魚鬆、豬油膏的加持下，麵條香到不得了，我還特意煎得脆脆的。好味！最後一味是老闆娘的精心之作：番石榴布甸。番石榴味很香，明顯不是用香料的，我們二人很快就消滅了。今趟真是有口福。本來走前仍想跟老闆娘打個招呼的，誰料她又在後面忙碌，沒辦法，幸好是住在附近，可以隨時來探她。以前看得太多食評說這裡服務不周之類，想說，人手少客人多，在不影響品質的前提下，何不體諒體諒？實在，兩個星期的搵食經歷都令我感受到，我是「有食神」的！還要再來！老闆娘，我要再食你的創意甜品呀！…Read More

好久以前吃過一次車品品，但那時是外賣，不是不好吃，但上一回的蝦子麵外賣，難免失準。早已想擇日再來，想不到一等已是一年。朋友在大角咀返工，今天和朋友吃飯，竟然係佢問番我有咩好食，仲要唔知車品品大名，仲要見到招牌讀左做車晶晶，我只好做响導，帶隊黎食車品品。是晚叫的都是大路野，用心做是車品品的特點，所以，你也要有耐性，基本上我從落單到埋單都有好多野係自助，還好店子不趕人，而且也有自知之名，早早在餐牌講左人手不足，請客人耐心等待，也正好供我地談天說地。蝦子魯肉餃撈麵一碗六隻，果然是堂食好過外賣，因為整錯左一隻餃，我果碗仲變相多左一隻送的。老闆娘提示最好快食，其實當日係入冬以黎最凍的一天，所以快食當然會更好味。固名思義，餃子涵係魯肉，切碎了的魯肉很多汁，和平時食到既餃子好唔同，味道帶點甜味，雖是五花腩但果如其介紹般不油膩，連鋪面的蝦子一啖放入口是最好味的。蝦子麵取伊麵而非平時食開的幼麵粗麵，蝦子不少，味道不錯，但個人覺得始終不能和打正旗號的老字號蝦子麵店相比。好吃是好吃，但我相信不會經常來吃，因為有個致命問題：餃子其實唔大隻，成年男人應該唔夠飽。價錢唔平，要食飽真係幾破產下。魚肉碗仔翅和平時食開的很不同，原因可能是無味精。大家可能唔習慣，呢度係無味精但又夠鮮味，看來全因異常足料。齋看冬菇已經很大片，肉絲木耳粉絲也很多，不錯。其實可以唔加魚肉，因為是無特別的。大雜餸認真大堆頭，牛腩、紅腸、牛百葉、豬大腸、雞翼尖、蘿蔔、紅腸、腸仔、豬紅、豬皮、豆卜，等等，同魯肉餃一樣，底墊左大量生菜，真係連菜都慳番唔駛叫。難得是統統都好味，尤其係牛腩、豬大腸、蘿蔔，牛腩、豬大腸滷得很入味，而且一點也不肥，食得車仔麵好多時都會偏油，呢度係加埋腩汁你都唔覺得油。寶物沉歸底，蘿蔔原來才是最好味。蘿蔔超甜又無渣，值得散叫一碗再戰。最後的溏心皮蛋也有水準，放上碟還很有心思把蛋黃連在一起，在這裡吃飯，就是吃心思和人情味。俾錢時，老闆娘話就黎加價了，要食好食，尤以魯肉餃會加得多ｄ，既然係咁，擇日同老婆黎食吧。…Read More

4/9/2010 (星期六)今晚終於可以去呢間人氣食店，店內面積不大，已有不少客人，一般街坊食店的格局，坐位較擠迫。老闆娘態度親切，好落力介紹各款食物。我叫咗溏心皮蛋和車仔麵試下。溏心皮蛋： 好食，有溏心，如果有多d薑就更加好。車仔麵：又大碗又多料又好味，配料方面，選了魚肉、生根和這兒好出名的蘿蔔，白蘿蔔清甜無渣，麵底選了油麵，油麵煮得啱啱好，唔會太淋。…Read More

14/4/2010 (星期三)今晚終於可以去呢間人氣食店，店內面積不大，已有不少客人，一般街坊食店的格局，坐位較擠迫。老闆娘態度親切，好落力介紹各款食物。我叫咗溏心皮蛋和車仔麵試下。溏心皮蛋： 好食，有溏心，如果有多d薑就更加好。車仔麵：又大碗又多料又好味，配料方面，選了魚肉和這兒好出名的蘿蔔，白蘿蔔清甜無渣，麵底選了米線，米線煮得啱啱好，唔會太淋。…Read More

夜晚去奧海城睇戲, 之前當然搵定有咩好食, 車品品長期擺佔大角咀既第一位, 今次過開黎, 即管去試一試有幾好食先。因為世界杯? 定係時間尚早? 7pm未夠去到人唔多, 即刻有位坐低, 枱與枱之間都幾係迫，但鋪頭仔係咁既喇, 冇計....食物種類唔係話好多, 但都要睇左陣餐牌先決定到, 事關有好多野都想試。溏心皮蛋($11): 老闆娘話子薑唔係當做, 唔緊要丫~ 還掂我都唔食既, 溏心餡真係做得幾好，但成$11隻好似有點貴囉~魚肉翅($19): 未至於好足料, 但味道唔錯淨魯肉餃($33): 餃身細細一啖一隻, 但肉餡味道唔多突出, 好彩蝦籽幫補唔少, 但如果食過澳門祥記, 就會發覺始終都差一截 (大家記得要求蝦籽分開上免得浸晒落湯)招徠大雜麵($35): 好多人都話淡口, 但我又覺得OK喎, 特別係豬腸滷得好入味, 湯底亦OK, 反而大家都讚既蘿蔔就差DD.....黑牛($16): 即朱古力雪糕+可樂, 雪糕真係好正, 係有Chips既朱古力味, 餐牌寫住維記, 有機會既話都買番桶食下先So Far味道算係唔錯, 但價錢計落唔平, 食個皮蛋十蚊, 碗仔翅都廿蚊, 車仔都卅幾蚊, 好似貴左D囉.......老闆娘好好人, 成日都笑容滿面, 亦都會同客傾下偈, 又會講解一下食物, 讚我去既時候. 成間鋪都係得2個人打理, 客少既時候都還可以, 如果人多就可能要等一段時間, 趕都趕唔黎…Read More

見到一間普通既食車仔面的餐廳有咁多評價，收工特意走黎食，果然得喎。一去到以為冇位，老闆即叫我地直行，入面有好多位。入到去，真係有好多位，但過左一陣就坐左好多人。面:叫左兩碗面，個湯好清，完全冇油，有油都係因為我落左麻油既關係，但d麻油真係幾 香。唔知咩係加拿大瘦煙肉扒，所以點左佢，但可能我本身對煙肉麻麻地，所以覺得冇咩特別。飲品:飲品係雪梨水同山楂茶定水，但我覺得山楂水似呀媽煲既甜涼茶。小食:最好味係佢既魯肉餃，老闆娘送黎既時候仲會教你點食:先食餃同菜，最後飲湯，真係好人。其實唔只對我地係咁，對其他食客，佢地都好細人咁教佢地應該點食，需唔需要落配料，點既食法先食到食物既精髓，真係好細心。埋單時仲會問你對舖頭D野食既意見，計數又會係你面前計清楚俾你睇，加埋佢地親切既笑容，如果某天經過哩度，我會再搵佢地。…Read More