Chicken Wings Mountain (Yue Man Square)

今日係觀塘買咗個行李箱, 為咗方便就係附近買d小食直接返屋企醫肚。去裕民坊YM²小巴站時行經見到呢間雞翼山, 門外menu展示了多款口味雞翼非常吸引, 一共就買咗三款口味雞翼返屋企同家人share。雞翼即叫即整, 很有誠意。旁邊有個細細地位置供立食, 忍不住偷食了幾隻。一打開蓋, 香氣撲鼻, 而每隻雞翼都脤卜卜, 外皮香脆不油, 內嫩肉汁多。泰式冬陰酸辣雞翼:冬陰醬料平均包住每隻雞翼外層, 食到冬陰功獨有嘅酸辣, 惹味開胃。港式避風塘蒜香雞翼: 香脆雞翼上加上了脆脆嘅炸蒜, 惹味香口又有層次。黑松露武士雞翼:焦香味突出, 反而唔太覺食到黑松露味, 但整體都係好食。套餐包埋罐裝飲品, …查看更多

我女朋友超鍾意食雞翼，而最近雞翼山係香港開左分店，今日放工決定買雞翼山外賣返屋企同女友分享。觀塘分店主打外賣，見到一兩個企位。值得一提係外賣袋好靚。- 不要儀態一人餐$68就有一個溫泉蛋洋蔥雞翼丼，加上雞軟骨同唐揚蝦，份量好足夠。雖然醬汁唔係好夠，不過篤穿溫泉蛋可以當醬汁。唐揚蝦連榖食，炸得超級香脆。另外雞軟骨完全唔粉又香脆。雞翼揀咗原味，味道普通。- 12件雞翼客人可以揀三款雞翼，我哋揀咗泰式冬陰酸辣雞翼、港式避風塘蒜香雞翼同埋濃口櫻花蝦蝦醬雞翼。濃口櫻花蝦蝦醬雞翼最重口味，本身雞翼已經炸得好脆，加上櫻花蝦真係雙重脆味！另外蝦醬鹹香味十足，味道好濃郁。至於港式避風塘蒜香雞翼最百搭，避風塘無論襯咩食物都好好味，雞翼同避風塘當然都係Perfect Match🥰，外皮一樣非常香脆，好食到連炸蒜都食晒！泰式冬陰功酸辣雞翼最有驚喜，味道酸酸辣辣，冬陰功醬汁唔會令雞翼外皮變稔，仍然脆卜卜。總結而言，三款雞翼各有特色，但同樣香脆嫩滑，我仲有九款味道未試！…查看更多

星期日同屋企人去咗觀塘行街飲茶，既然出開街就廢事要呀媽趕返去煮。我哋喺裕民坊搭車，就順便喺度買埋晚餐先返屋企🥡，最終幫襯咗「雞翼山」。我媽表示好興奮🤣，佢話每次經過都好想試，但又驚唔識嗌，哈哈。雞翼山當然係主打雞翼，總共有成十幾種口味，另外仲提供多款小食。食物即叫即整，賣相吸引，而且包裝精美，我特別鍾意佢個環保袋💕。我哋嗌咗一個12件雞翼餐($128)同一人前套餐，份量其實多到三個人都食唔晒。雞翼可轉雞鎚🍗，兩者都係加大碼，我諗有成7/8cm長，而且火喉控制得啱啱好，雞肉熟透且保持嫩滑。泰式冬陰酸辣雞翼，🇹🇭幾款之中我最鍾意冬蔭功口味，味道酸酸辣辣，好醒神開胃🌶。辣度遷就咗香港人嘅程度，重香不重辣，老小咸宜。港式鹹檸七雞翼，🍋青檸口味清新，檸香撲鼻，甜度來自七喜，同時又不乏鹹嘅原素。港式避風塘蒜香雞翼，🧄避風塘蒜香粒粒酥脆，但由於就咁灑上面頭，所以雞翼未算太入味。不顧儀態一人餐B($68)，套餐好抵食🍱，肉容豐富，包括溫泉蛋洋蔥雞翼丼、甜芥辣雞軟骨同埋唐揚蝦。丼飯勁大碗🍚，有溫泉蛋汁以及煮到淋晒嘅洋蔥拌飯。雞翼有三大隻，望落似白烚，但其實都幾夠味，雞皮又爽。兩款炸物都唔錯，🍤唐揚炸蝦選用日本BB海老，輕輕蘸上鹹蛋黃醬拎去酥炸，原隻連殼都可以食埋。🦴雞軟骨就正常水平，脆卜卜嘅，但就細粒咗啲。總括嚟講，呢個雞翼專家有令人不顧儀態嘅威力🙈，佢嘅出品無令人失望。🐔雞翼單價大約$10隻，物有所值，我而家已經好期待試埋佢其他口味👍。最後，小店好用心將香港元素融入其中，就好似觀塘店嘅背景中呈現咗獅子山🇭🇰。…查看更多

聞名已久嘅雞翼山，經開附近，終於有機會試到！自助落單，即點即煮，等一陣就拎得，最重要係店員們態度好好 👍🏻12件自選三款任何口味雞翼 $128連飲品港式避風塘蒜香雞翼蒜香雞翼夠哂入味，加埋避風塘炒料，少少辣，好惹味！韓風吉士鹹蛋醬雞翼帶甜嘅吉士醬加埋大大粒嘅蛋醬黃蓉，第一次試呢個配搭，幾得意！港式鹹檸七雞翼鹹檸七味唔算突出，但本身炸雞翼算唔錯，少少檸味，甜甜地。Set C $58二件原味/玫瑰雞翼鰻魚片天婦羅明太子無骨雞翼Croffle包飲品我就揀咗比較受歡迎嘅玫瑰味，個人最鍾意呢款，大推！鰻魚片天婦羅明太子無骨雞翼Croffle包近期好興嘅牛角包窩夫，估唔到連雞翼專門店都有，明太子夠香！…查看更多

小編又係觀塘尋找美味小食！今次來到裕民坊！近新小巴站！呢間雞翼山並不是第一次食，有日係朋友屋企開Party已經食過一次！個次係食文青風玫瑰雞翼！拎起手都熱嘅，而且食落口都脆，仲好有玫瑰香味tim! 見上次咁正，今次再嚟自己買來食。今次小編係叫咗港式避風塘蒜香雞翼！叫完都等咗一段時間！原來係收到order先做野既！即叫即做，送出來個時真係好香。拎住去搵個朋友未入到門口，已經話「真係好邪惡！」實在太香！食落口，好香！皮又脆，有少少辣，仲有啲肉都有少少雞味！送啤酒，直頭係邪惡中既邪惡！…查看更多