Sushi Kazu Ishoukuya

銅鑼灣登龍街搵野食，好多餐廳都多人排隊，7點半多walkin好彩有位直入!清酒煮蜆清酒味濃，蜆新鮮，煮得剛剛好廚師發辦壽司拼盤刺身新鮮鮮甜，海膽杯有驚喜！但壽司飯硬好似凍左珍珠米飯咁，有少少失望玉子燒新鮮熱騰騰，唔算甜但勝在蛋味夠濃！大蔥雞肉燒得幾好，雞肉普通，大蔥ok!屬於較平價串燒牛舌燒得剛剛好，唔韌！天婦羅稻庭烏冬天婦羅件件（蝦，茄子，秋葵，南瓜）炸得香脆可口，稻庭烏冬湯底夠味！整體質素幾好，質素與價錢成正比！張枱有點細同有少少逼，不過小店算係咁！…Read More

一個月總有幾餐想食日本菜，無他嘅因為覺得日本料理比較健康，少啲濃油赤醬。於是今晚收工就黎一轉味覺日本之旅。原條伊佐木刺身。一黎就吸引咗我地嘅目光。美食當前都唔可以忘記打卡呃LIKE嘅精神，哈哈。雪白通透肉質，入口柔軟帶啲啲脂香味。輕點醬油就已經好夠味。胡麻豆腐沙律。想食得健康就一定要點返啲蔬菜平衡返，香酸又帶點奶油味嘅胡麻醬就最啱了，配上豆腐，個味道真係無得彈。日本香魚燒。估唔到小小嘅一條香魚，燒得好香好好食。簡單灑上岩鹽再燒製，因為本身魚油好豐富，令到肉質入口時依然嫩滑。點點鹽分增添風味，食時仲散發住香魚獨有嘅橘子香味，真係連骨都想食埋落肚。哈哈。蒜蓉牛油燒蟶子。蒜蓉同牛油永遠都係最佳拍檔，兩都香味突出但又唔會搶咗對方味道，鮮甜蟶子加咗佢地，味道即時提升更多。實在太邪惡啦呢個組合。清酒煮蜆。個湯好甜酒味好香，應該係煮完後再加入少少清酒吊一吊味。時間掌握得恰到好處，令到蜆肉食落飽滿而又無沙。最後連少少嘅蜆湯都清埋，絕不浪費。明太子玉子燒。非常有份量嘅一道菜式，明太子多到滿瀉出黎。玉子鬆軟有彈性，配埋微熱嘅咸香明太子，一啖入口甜中帶點脆脆顆粒感，好滿足。唔係因為聽日要返早，一定點返支清酒黎慢慢品嚐。食物質素好固然重要，但食嘅時候放鬆，暢所欲言都係要同啱KEY嘅朋友一齊先過癮。…Read More

收工同朋友食飯，近近地就銅鑼灣。坐低傾傾下樣樣都想食就叫個懶人set。 開波就先食個三文魚牛油果沙律。雖然沙律菜同牛油果先係主菜，但三文魚既質素同量並沒有揸流攤，每一啖都食到三文魚+牛油果+菜。 食完菜就係時候食刺身。原來每日時令刺身都唔同，老闆今日推介原條伊佐木，仲話香港唔係度度都有新鮮既伊佐木添。本身魚身唔係大，入口爽脆，清新，味道唔會停留係舌頭太耐，等你ready食下一道菜。 頭三道菜味道都係比較清新，味蕾完全放鬆曬，係時候食下熱野喇，食日本菜當然唔少得清酒煮蜆. 清新完味蕾就到燒物出場，聖子大隻嫩口，加埋牛油去燒，又香又有淡淡既鮮味。 好似我呢啲咁注重健康既人，燒豚肉聽見都怕。但當用上較瘦既部位，加上蘋果嚟燒。呢味豚肉蘋果卷完全冇油淋淋既感覺。 最後就到牛肉鍋同明太子飯糰。明太子飯糰係香港少有可以咁有日本味道。出色之處就係老闆唔會落過多香料，等明太子自然咁散發佢獨特既香味，鮮味香味控制得剛剛好。 食完後感覺到老闆對食材好有要求同好有信心。每一道菜都唔會同過多既調味去吸引你，反而係用食材本事獨特既味道互相配合，恰到好處。…Read More

喜歡遊日的我們，吃日本菜已經是首選。每次到日本都發掘很多美食。回到香港，想找質素高，價格合理確實很少。估不到今晚竟然有一間「貼近日本的味道」。餐廳位於銅鑼灣的旺街，登龍街永光中心7樓「鮨和」，全個大廈食肆林立日本居酒屋也相當多。近年以「鮨」字為名，大多以廚師發辦為主。此店除了有吧枱可親自看到師傅的刀法外，亦有二人至四人及六人位置。地方不算大，座位亦相當舒適。餐牌上的種類其多，包括：刺身、壽司、丼飯、卷物、手卷、A5和牛、燒物、串燒、天婦羅、揚物、漬物、飯類、鍋物、甜品、飲品等，令人花多眼亂。日本時令魚-笠子刺身 $280笠子是宮崎名物，估不到今晚可以吃，其供應量少所以特別矜貴。刺身每片肉質如斑類般實淨，油分恰到好處不帶腥。原片刺身不需要任何醬料，也能夠提「鮮」。吃過後更可以將魚骨熬湯，連同昆布、豆腐製成熱湯。廚師發辦壽司拼盤（特上） $580一上桌相當吸晴無論食物與用品，何其吸引。十貫壽司廚師發辦分別有：拖羅、牡丹蝦、呑拿魚、三文魚籽、海膽、火炙金目鯛、帆立貝、油甘魚等。吃過一口過後，驚覺貼近日本築地「壽司大」的味道。飯粒的軟硬度適中，配上新鮮的食材非常出色。其中拖羅、三文魚籽，海膽、火炙金目鯛也令人一試難忘。厚切帆立貝，頂層加入魚子更顯其矝貴。清酒煮蜆 $85吃過一連串的刺身及壽司，來一客「清酒煮蜆」可以暖身亦可當作小食。蜆的份量適中，沒有起沙並帶陣陣清酒香。店員更放有一小碗，給客人放下蜆殻可見其細心。木魚絲炸豆腐 $75終於找到貼近日本味道2，普通的軟豆腐化作不平凡的食材。豆腐炸至熱騰騰，金黃色脆並帶大量木魚絲，香口惹味。豆腐一共有4件，份量十足做到外脆內軟，令人回味無窮。鰻魚白燒 $140將原條鰻魚燒得外脆而且肉質肥美，沒有帶點油腻感。原條關係份量其多，而且有3種食法。一食其原有味道、二食添加檸檬汁、三食則配合少許鹽便可。如果追加一杯酒，應該更加美味。…Read More