Ciuzauese

雞湯底既米粉好多時都會令人即時聯想到有層層雞油響面，令粉麵更加香口但唔健康既感覺 - 今晚小編所介紹既小店「潮州人」就會令大家有多個雞湯底米粉既好去處。潮州人雖然位於太子，但如果前往既話可以於太子D出口，之後轉左沿彌敦道直行到天橋前既公園仔，再之後轉左沿界限街直行大約3分鐘就會見到間鋪頭喇。基本上潮州人既食物絕大部分都係由雞湯底配合食材而成既米粉，既然咁著重於粉麵類產品就梗係要試試啦! 不過小編一行2人今次以試食為主，所以就選擇左2人餐，下次再有機會試試其他呢! 2人餐 ($168)包括2款米粉﹑火雞腎﹑燙菜﹑以及2支龍眼花旗蔘蜜。見到附近既食客都試招牌花膠米粉，小編都忍唔住叫黎試下，另外朋友就叫左清酒大蜆米粉，睇下雞湯同清酒既製品夾唔夾：1) 招牌花膠米粉：好好味! 花膠本身有少少汁，由於花膠本身都係屬於偏向清淡既食品，所以同雞湯既清新味道非常夾! 雞湯係屬於濃郁而少油既味道；而花膠係屬於軟身個款花膠，整個賣相又健康又夠味，好好食!2) 清酒大蜆米粉：好好味! 大蜆有4隻，未完全浸落米粉前食既話，會食到有少少清酒味，浸左落去雞湯後雖然會令大蜆得返本身既蜆甜味，但雞湯感覺上好似因為清酒而香左。本身大蜆都唔係屬於濃既食品，令到食完後都唔會覺得有任何既油膩感。3) 酒糟火雞腎：好味! 份量非常足夠，本身酒浸既情況應該都有段時間，所以如果鍾意酒既朋友不妨直接夾底部連酒既火雞腎一齊食。火雞腎既味道都幾爽口，所以響清淡既米粉以外獲得刺激感都係好選擇。4) 雞油燙菜：好味! 雖然感覺都係一般既燙菜但份量都算足夠既。5) 龍眼花旗蔘蜜：好好飲! 花旗蔘味都幾濃! 飲落去絕對無糖水既感覺，用黎滋潤既話絕對岩哂!綜觀黎講潮州人既食物都係以健康清淡為主，份量上，尤其米粉係會比較少既，所以男士都會建議加$8將米粉加大，或者叫多個灼海鮮等等既小食試下啦!…Read More

前一陣子得知呢間小店，去到都要排一陣隊先入到。簡單叫咗兩碗米粉同醉雞翼，米粉係有咬勁嘅新竹米粉，湯頭走清甜路線，有無味精就不得而知啦。廣島蠔肥美大隻，蠔嘅鮮味好適合清爽嘅湯頭同米粉；清酒大蜆都算大隻厚肉，而且無乜沙，仲有淡淡酒味又保留到蜆味，幾有特色；而醉雞翼非常入味，雞皮爽脆毫不苦澀，好快就清哂！另外仲有試埋佢哋嘅嘢飲花旗蔘蜜，唔會太甜而且仲有好濃嘅蔘味，仲要係膠樽方便比你帶走好體貼！ 佢哋嘅米粉份量真係偏細，而且價錢唔平，不過用料都算實在又好味。後尾先知佢地嘅花膠米粉好似最出名，有機會再試下！…Read More

晏晝食完唔夠喉，整完頭髮再返轉頭買2碗撞返屋企食🤗 味道唔錯，不過份量唔算太多，要加底先夠飽 蠔皇花膠撈米 📍$68花膠好大塊喎，浸得又夠腍身😍 配埋個惹味嘅蠔油真係幾好食，一啖花膠一啖米粉 😋 招牌花膠米粉 📍$53呢到嘅招牌老雞湯底無味精架，因為煲咗好耐，啲味道出哂黎，好岩係咁凍嘅天氣可以暖吓身呀，不過如果再濃味啲就更好啦清酒大蜆米粉 📍$48大約4粒大蜆，全部都幾新鮮，又無沙，湯底仲帶有少少酒香溏心醉蛋 📍$18呢個確實係貴嘅，$18得一隻蛋，不過味道係真係唔錯，蛋入面好靚，真流心，花雕味都好濃，仲可以加啲落米粉湯底一齊食豆漿 📍+$8幾滑幾有豆味自家製龍眼蔘蜜 📍+$12平時唔係特別鍾意飲花旗參，不過啲人講到呢個蔘蜜咁好飲，我又想試吓喎 🤗 估唔到佢蔘味夠濃得黎又可以俾龍眼蜜咗個苦味，值得一試！…Read More

有時候出街唔一定想食大餐，小店其實更得我心。位於太子嘅潮州人就係其中一間，舊年食過一次，之後由於唔就腳就無去到，今次特登約朋友去食。餐廳老闆係空手道教練，但同時鍾意下廚，於是就開咗間小店。叫得「潮州人」，但唔係賣潮州菜，反而用老雞湯作招徠，配搭新竹米粉，再加上唔同配料。招牌花膠米粉 $53花膠都算大舊，而是好腍，咬落有啖啖膠質，仲以蠔油煮過，湯底清甜，大推！清酒大蜆米粉 $48蜆粒粒鮮甜又無沙，而且算厚肉，呢個湯底反而帶少少酒香。甘香醉鮮蝦 $48有四隻鮮蝦，鮮味夾雜酒香，肉質爽口彈牙，值得一試！媽咪龍眼花旗蔘蜜 $16呢個真係有驚喜，唔會太甜又飲到陣陣蔘味，如果冬天有熱版就正啦！…Read More

💛潮州人💛..............................👧🏻想食呢間潮州人好耐啦 超級大期望終於得閒走去試下佢係咪真係咁好食😍但員工態度都幾差 如果大家唔介意都可以一戰.🔅想知黃店原因請Dm💛..............................🍽手切肥牛米粉 $53（👏🏻8/10）.牛肉係切到條狀 都算厚切 肉味幾濃但係好多嚿都有筋 同埋分量都幾少😣😣米粉方面係用新竹米粉 食落好有咬口同埋都幾索湯 都唔錯😋不過分量都真係偏少 連👧🏻咁細食都食唔飽店家話係無味精湯 係自己熬製嘅雞湯底但網上面有人影過幾箱濃湯寶搬入廚房信邊個就交翻畀大家 我地覺得飲完唔口渴嘅不過就比較清淡 啲辣油好香 好推薦大家加😳.🍽 清酒大蜆米粉 $48（👏🏻7/10）.啲蜆真係大大隻又幾厚肉 食落幾鮮甜🤤一碗有4隻蜆 叫做對得住個價錢米粉就唔多講啦 都係同上面一樣🤣湯底就比手切肥牛好味 多咗啲清酒味不過都係偏淡 似係行健康路線🤣🤣都係強烈建議食得辣嘅朋友要落佢個辣😈.🍽 溏心醉蛋 $18 （👏🏻6/10）.酒味都幾濃 聞到好香花雕味 食落都有酒味不過就唔係好夠鹹味 除左酒就食唔到其他味🙁.題外話：雖然整體上食物味道同質素都唔錯 但唔會再幫襯🤮黃店嚟講 員工態度差成咁都幾罕有 另一次試過咁差態度就係葵芳九_😖我哋就由入門口嗰下開始比個staff西 我哋講哂唔該前唔該後 個Staff都係keep住黑面 比錢買難受(｡ ́︿ ̀｡)前面枱客企係收銀前面等埋單 但收銀出咗去 呢個時候聽到有員工係廚房到話由佢哋等下先😕真心希望老闆培訓下員工態度 唔係話客人大晒但當客人尊重你地嘅時候 互相尊重都係必須..............................🎈 潮州人 (太子)太子界限街12號A地舖..............................…Read More

呢間店想嚟懲罰好耐，咁啱去太子梗係去試試。位置有啲偏遠唔太易搵，不過有心實搵到店鋪唔太大，不過用心間隔，食得好安心👏🏻招牌花膠米粉$58⋯⋯侍應送嚟果碗，嘩！有冇搞錯，呢塊黑色咁大塊竟然係「花膠」😱😱😱😱清酒大蜆米粉$48，有4隻大蜆；入口有點點清酒好香，湯底都好清甜😋師傅醉雞翼（3隻）$28雞翼夠入味，入口即時嚐到濃濃酒香；雞翼肥味啖啖肉，食多幾隻唔知會唔會醉？裝修簡潔，超愛這幅牆！黃色易拉架真係好正，真正黃金店🤩…Read More