Hei Wo Restaurant

香港地一年四季隨處可見人食火鍋，冬天圍埋一齊暖笠笠的食火鍋，夏天開大冷氣及冰凍汽水的食火鍋。早幾日與朋友傾計發現原來佢地唔知咩叫蒸氣火鍋，我就提議不如帶佢地去試一次啦。今日就揀左呢間喺尖沙咀嘅囍鍋，叫得自己做蒸氣火鍋專門店，應該都有番咁上下質素嘅。我地就揀左呢個超值套餐，粥底揀左南瓜新鮮排骨粥啦點完套餐，就見侍應將啲粥底配料倒落鍋了。預備好個粥底，就蓋上「帽子」煲啦，好心急呀好彩等緊嘅時候都有三文魚頂住先。三文魚肉質肥美，色澤分明，賣相同味道都好過唔少日本放題及刺身專門店啊首先出場嘅係生猛中蝦，雖然唔係虎蝦咁大隻，但的確新鮮生猛，落鍋前仲郁架，食落亦鮮味十足，無需點醬油架。蒸鮑魚嘅時間要掌握得好，我食時唔需要用刀，一啖放入口，肉質爽口彈牙，味道一流。平日食龍蝦多數都係芝士焗，芝士味容易蓋過龍蝦味，但今次利用黑松露的幽香去提升龍蝦的鮮味，更能食出龍蝦本身嘅鮮甜。呢個清蒸象拔蚌仔體型唔細喎，直頭長過部電話呀。象拔蚌不宜蒸得過熟，才可保留肉質彈牙，味道鮮甜。一向愛食牛嘅我，深明肥牛係只需燙一燙就食得嘅道理。但老婆大人卻怕牛肉太生。好在呢度嘅侍應明白各人有唔同需要，會向每位查問牛肉需要幾多成熟，逐位為大家預備，服務非常貼心。食左咁多好野，終於可以一嘗呢個蒸左成晚海鮮嘅粥底了。將所有海鮮嘅精華，加埋一早落鍋嘅蝦米、排骨、南瓜等配料，配合煲左成晚嘅綿滑粥底，簡直絕配。全檯人都讚個粥好正，可惜份量剛剛好，想食多碗都無呀最後上埋個古法馬拉糕，口感鬆軟，味道唔會太甜，食埋佢感覺好滿足了。呢度每檯都有侍應專責為你服務，咩食物要蒸幾耐你可以完全放心交比佢地，你可以專心同朋友傾計及食野。朋友第一次食都話正，下次仲話帶埋屋企人黎試添呀…Read More

作為一個懶人，想食海鮮而不沾污雙手，最佳的選擇就是嘆蒸氣火鍋；要品嚐海鮮的原有鮮味，最佳的烹調方式是清蒸；而想吃得健康，不油不膩不熱氣，不用多說，蒸是必然的首選，所以今晚又約班海鮮怪朋友出來聚聚，我們就選了囍鍋蒸氣火鍋專門店﹗位於尖沙咀商廈其中一層，環境優雅舒適，有卡位也有房間，放滿海鮮的魚缸水清又潔淨，我覺得作為一間海鮮店，看魚缸的乾淨程度很重要，在一個清潔的環境下飼養的活海鮮才健康生猛啊﹗我們選了蒸囍自選套餐$398(每位)這個套餐抵食又豐富：一開波就有新鮮肥美又厚切的三文魚刺身，非常鮮味﹗精選小食我們選了生煎墨魚餅，店員一送來我們就被黑魚餅的香氣吸引著，墨魚餅食得出是手打，不單香口，而且彈牙﹗第一道蒸氣火鍋是金箔松露南非龍蝦，龍蝦肉質嫩滑，可惜被黑松露的味道完全覆蓋了龍蝦的鮮味，雖然看上名貴，但如果有得選我會選擇簡單以蒜蓉蒸，單吃龍蝦的鮮味～吃完龍蝦，再吃鮑魚，鮑魚很有咬口，我是鮑魚控，所以大口吃著鮑魚感覺很幸福，蟲草花蒸後很彈牙呀﹗鮑魚之後是清蒸象拔蚌仔，天啊⋯我是頭一次吃清蒸象拔蚌仔，象拔蚌仔超級爽口彈牙而且鮮味滿分﹗鮮甜蕃薯蜆中等Size，蒸熟後留在殻裡的水非常清甜～清蒸生猛中蝦是唯一要動手的海鮮，蝦肉好彈牙，每人有2隻，幸好我有剝蝦專員NoSir代勞，所以我還是沒有沾污過雙手的⋯哈﹗加拿大肥牛片真的好像肥了點，脂肪比肉多，店員按每人的喜好在蒸氣鍋上蒸至合適的生熟度再分給各人，左邊是我要求全熟的，右邊是NoSir要求的五成熟，蓋熟後仍有點牛的油香，口感較爽⋯蟲草花蒸新鮮雞，雞肉嫩滑，滲著紅棗的清甜味道，而且黏口，感覺好像有很豐富的骨膠原XD甜品大家一致讚成要馬拉糕，這是大家兒時到茶樓最喜歡的甜點之一，所以大家都懷舊一番⋯最後當然不少得一開始就在蒸氣鍋底層的粥底，完全吸收各種海鮮的精華，真的一滴也沒有浪費，我們選的是南瓜新鮮排骨粥底，因為蒸煮的關係南瓜不會完全溶爛，仍然可以吃到一粒粒的南瓜肉，排骨的肉味也完全保留下來，混合南瓜的甜味及海鮮的鮮味，真是大大的讓人滿足﹗囍鍋蒸氣火鍋專門店的海鮮整體非常新鮮，而每枱客人都有一位店員負責按照時間為客人蒸煮及上菜，店員服務很週到，也不時跟我們交流，由店員去控制時間及次序，讓客人感受到越吃越鮮的層次呢﹗…Read More

天文臺道又有新野食！！！發現這附近真的多了不少食肆、而今次吃貨朋友選擇的是以蒸氣海鮮而聞名的「囍鍋」餐廳位於商業大廈，附近人流不算很多，但環境很舒適，地方也整潔～我們選了這個蒸囍自選套餐，每位$398左右飲品方面各款汽水、獅威啤酒和、仙地是任飲的！而六位以上仲會送白酒或紅酒一支喔！在自選小食方面我們選了生煎墨魚餅即叫即煎，香脆又惹味海鮮六選二：蟲松花蒸鮑魚 和 清蒸象拔蚌仔蒸的時間剛剛好，鮑魚爽口彈牙象拔蚌仔 蒸至9成熟左右好鮮味，食落很爽很有口感清蒸生猛中蝦我們另外加了每隻$48的金箔松露南非龍蝦金箔x松露 很高級的配搭而味道也沒有讓人失望，未食已經聞到濃濃的松露香味，而龍蝦也很新鮮，蝦肉鮮甜爽口！粥底選了南瓜新鮮排骨粥粥底可以說是精華所以我們都有用心挑選！因為早在蒸海鮮之前就會先放粥底的材料～之後再慢慢蒸海鮮，在蒸海鮮的過程中會將所有海鮮的鮮味都融入粥底；另外餐廳採用的是日本的珍珠米，即使煮成粥後也還是有飯粒的口感而非粥水，這也為這煲充滿鮮味的南瓜粥更為加分！最後餐後甜點一定是古法馬拉糕每桌都有一位職員幫忙蒸海鮮，由他們烹調的海鮮時間都會控制得剛剛好，不會破壞海鮮原有的鮮味！就因這點食客既可以放心聊天也不用擔心海鮮會蒸過龍！這也是蒸氣海鮮深得我心的原因之一。…Read More