Mr Tin HK Cuisine (Pitt Street)

呢日行經依間專食牛腩同魚蛋粉麵既田記，用上優質食材製成，喜歡魚蛋牛腩既我，就要去品嚐一下啦 ~店內主打手打魚蛋同牛腩，在香港有自設廠房生產及製造，真材實料，無添加防腐劑，食得安全又放心。餐牌上都有幾多選擇，牛魔王、金牌牛腩、牛三寶、招牌魚蛋、秘製牛雜等等，亦有牛既其他部位可以揀，款式特別。金牌牛腩麵          $46牛腩口感真是與別不同，果然不錯。牛腩軟腍唔韌亦有少少咬口，煙韌彈牙，肉質肥瘦適中，食起嚟好嫩滑多汁，麵條入口滑嘟嘟，吸咗濃郁既湯汁，好味道。淨魚三寶            $44淨魚三寶有魚蛋、魚片頭同埋魚皮餃，手打魚蛋肉質嫩滑，食落彈牙爽口，魚片頭炸至金黃香口，魚肉味濃，魚皮餃餡料多，帶出鹹香味，配搭上湯好清甜，依碗有齊3樣都好滋味。鮮蝦雲吞幼麵           $39雲吞都好大粒，蝦肉爽口，與豬肉混合，肉質口感彈牙又豐滿，肉既味道即時散發出來，湯底明顯係用大地魚煲，清甜好飲，幼麵煮得唔會過淋，食落好爽口。凍檸檬茶       (+$8)經典港式飲品，濃郁既紅茶配新鮮檸檬，少少甜，口感清爽解膩。可樂      (+$8)天時暑熱，叫罐可樂，冰冰涼涼，即時解渴。…Read More

近排去開油麻地，發現一間專食牛腩同魚蛋嘅店舖 "田記"，用上優質食材，喜歡魚蛋牛腩嘅我哋，當然要入去品嚐下啦！店內主打手打魚蛋及崩沙腩，係香港有自設廠房生產、製造，真材實料，無添加防腐劑，食得安全又放心。睇睇餐牌先，選擇都幾多 : 牛魔王、金牌牛腩、牛三寶、招牌魚蛋、秘製牛雜等等，仲有牛嘅其他部位揀，都好款式。崩沙牛腩米粉    $62崩沙腩口感真的與別不同，果然珍品！崩沙腩入口已經覺得好有膠質，軟腍不韌但有咬口，煙韌彈牙，肉質肥瘦適中，食落好嫩滑多汁，米粉入口滑嘟嘟，白蘿蔔好入味，吸收濃郁嘅湯底，依碗特別美味。淨鮮蝦雲吞    $40雲吞都幾大粒，蝦肉爽口，混合豬肉，彈牙且豐滿嘅肉質味道同時散發出來，而湯底明顯係用大地魚煲，清甜好飲。淨魚三寶    $45三寶包括有魚蛋、魚片頭同埋魚皮餃，手打魚蛋肉質鮮嫩，咬落去好彈牙爽口，魚片頭外皮香口，魚肉味香濃，魚皮餃餡料足，鹹香味特出，加上湯底清甜，一碗有齊三樣，好滿足！…Read More

快打風，但都要搵食。知道這間田記有不少好食評，主要都讚金錢肚及崩沙腩，當然要一試，要了崩沙腩加金錢肚，朋友要了淨魚三寶。崩沙腩好入味，其實崩沙腩係牛腩嘅一種，係牛嘅橫隔膜，脂香味重，吃有整個咀巴都有濃濃的牛肉香味。而金錢肚夠煙韌，而幼麵夠爽；淨魚三寶，魚蛋明顯食到是由人手打成的魚肉丸子，不是那些帶粉狀的，魚餃多餡。為左平衡一下油膩感就叫左碟菜心，菜心嫩且鮮甜。係油尖旺區，$42一碗淨魚三寶，十分抵，所以在晚飯時間都多人。…Read More