Homie Food & Dessert (Dragon Centre)

今日收工唔想返屋企煮，就買外賣返屋企食，行過西九龍中心睇吓有乜想試有乜好食，見到呢間好似幾好幾啱食就買左一個飯、一個出前一丁和一個小菜歸家慢慢歎鹹魚煎肉餅豬扒飯：肉餅外面煎得好脆，食落去有啖啖鹹魚香味豬扒好大塊好腍，個飯加左d蔥油和鹹菜幾惹味青紅蘿白煲豬展：呢個湯係跟飯送，味道都可以，入囗唔係味精湯鐵板豬扒炒出前一丁：份量好大，味道好好味，豬扒超大冇得頂蠔油生菜：係跟餐加錢叫，生菜都幾爽唔差涼拌海蜇手撕雞：海蜇幾爽，雞肉撈埋個蔴醬好好味需然外賣冇堂食賣相噤好，但都冇影響到個味道:)…Read More

又黎深水埗食呢間野，今次主要叫小食為主～不過都叫左兩個主食～真係好平好抵食！今次試下個新既鰻魚炒飯先！😋呢個炒飯好足料好大份，用日式豉油炒出黎，味道偏甜，口感唔似茶餐廳果種快炒乾爽既飯，係比較軟既口感配搭埋粒粒鰻魚，都係唔差既！豬扒蓮藕餅飯都係每次黎會食既菜式之一，今次個擺盤都幾靚🥰 豬扒入味，唔會太乾～今次叫左4碟小食🤪多到張枱都差啲擺唔落，因為佢每碟都份量十足！炸饅頭依然係我必食既野😛呢個涼拌海蜇手撕雞都幾正，朋友都覺得幾好食😋用雞髀肉黎整，每塊肉都係嫩口～手拍青瓜夠開胃！老火湯依然出色～呢個價錢其實真係好抵食～…Read More

今日去左li間粉紅閏家食飯, 要等位係常識, 而成個西九龍我1st choice都會係li間因為望入去個環境已經靚過其他餐廳好多😛(奄尖的). 價錢方面li度都非常貼地, 50蚊有飯+靚湯.🥢湯🥣有質素中湯, 唔係水汪汪 (唔覺意押韻左🤣)細細碗都有湯料食👍🏻.🥢咖哩豬扒飯中辣嘅剌激感都OK勁, 豬扒煎香過黎, 切好細細件方便一口食到, 人氣推介嘅咖哩豬扒非常鬆軟, 份量黎講直心抵食, 因為餸同飯都好滿足, 咖哩汁勁足料呢.🥢手剁香煎蓮藕餅好驚!!! 7點幾, 3款麵已經只剩低紫薯麵, 全因每日新鮮手工製作嘅手工麵限量供應, 大大碗麵帶微微紫薯香. 蓮藕餅好正, 粗條蓮藕絲勁有口感, 推介推介!!🥢涼拌海蜇手撕雞原本想食豬手可惜賣哂. Li碟手撕雞估唔到勁大碟, 鋪天蓋地嘅芝麻醬, 每啖都有嫩嫩嘅雞肉同海蜇, 38蚊勁抵食, 現場所見, 有後生, 又有銀髮族幫襯, 已經係平靚正嘅指標la.…Read More

朋友家聚會每人都要帶食物，去西九龍中心睇吓買咩好，Pizza、壽司有人買咗，見到閨家，於是決定買些靚湯小食。是日靚湯係山藥南北杏合掌瓜煲豬展，湯水清潤滋味，果然係無味精，飲完唔會喉嚨乾涸。麻辣雞腎爽爽哋，味道麻香微辣，唔會太辣。涼拌海蜇爽口有彈性，手撕雞不是很幼的絲絲，啖啖肉口感很實在，醬汁也與眾不同。平時少煲湯，行過買個湯返去飲都唔錯，連埋外賣盒都係$29，唔駛自己搞又可以日日唔同款…Read More

去完荔枝角公園之後去左西九龍中心原本想食全日雞但五點半派籌排晒長龍一陣就賣晒就落左去下面經過見到大大個招牌既閨家其實之前睇過yellopenrice一直對呢間餐廳上左心話係家庭式經營完全無落味精閏家一共有三間店杜生去果間係炮台山另外仲有間係屯門我地六點四左右黎到唔洗排隊就入得之前七點幾走果時就要排隊了餐廳唔大一眼就望晒我地坐係角落位置粉紅主調牆上面有見字飲湯餐牌都幾多選擇主菜全部都係四五十左右午晚同價算好抵食太多選擇原本都想試下杜生食既豬手最後都揀左佢話新出既餐單熱飲要加五蚊凍飲加七蚊飯類主食有老火湯跟每日唔同款幾清甜因為想試下唔同野叫左個小食手撕雞有海蜇跟蓮藕餅飯手工菜式兩塊大大塊跟餐加錢要多份油菜另一個主菜叫左豬扒炒出前一丁塊豬好大塊不過二人檯就比較細張一次過放晒幾樣野就有少少難度幾樣野埋單都係153真係幾抵食上菜速度都快整體感覺唔錯下次可以試埋佢個招牌豬手同咖哩…Read More

💛之前食過「閨家」嘅炮台山分店, 佢地係西九龍開咗新分店, 當然要再去支持下啦!💪🏻呢間良心小店主張唔落味精, 同出名老火湯👍🏻今次試埋上次冇食到嘅➡️手工麵, 我地揀左紫薯味, 仲有甘筍同菠菜2款味道, 即叫即製, 唔係幾食得出紫薯味, 麵身質感柔軟, 店員都好細心提醒我地要盡快食手工麵, 唔係d麵就會索晒水, 冇咁好食, 而配搭嘅➡️"炆豬手"好出色, 炆得好腍好入味, 又香又滑, D豬手汁配埋手工麵黎食就岩岩好!上次食過嘅➡️"蓮藕餅豬扒飯", 好食到返轉頭, 蓮藕餅煎得金黃又爽脆👍🏻 豬扒水準依舊, 入口好有果香味, 大塊鬆軟, 豬扒汁撈埋飯食勁夾, 大家點餐時可以另叫多汁嫁!呢個仲送埋細盅老火湯, 店內老火湯都係用慢火熬製4個鐘或以上, 好用心嫁, 當日係"蘋果紅蘿蔔沙參煲排骨湯", 都真係幾足料, 飲落好清甜又唔淡, 好似呀媽煲開嘅味道XD😆另外仲叫咗2款小食, ➡️"涼拌海蜇手撕雞"其實手撕雞份量都唔小, 啖啖都沾滿芝麻醬, 海蜇幾爽口, 不過海蜇多返少少就更好啦~➡️"麻辣雞腎"就好惹味, 唔算好辣, 我地唔太食得辣都接受到, 雞腎好彈牙, 係食完好開胃既小菜黎!P.S: 任何飯類會送上一碗老火靚湯, 星期一至日都會唔同, 大家都可以揀單點大盎, 醫護人員同學生就免費, 比佢地淨係黎飲碗湯就走都得💛…Read More

今日收工路過西九龍見到新開咗間新式茶餐廳，閨家門口勁多人等緊外賣，我叫左兩個小菜返屋企😍😋香茅雞翼豬扒飯—好濃烈嘅香茅味，個豬扒勁大塊好抵食，味道啱啱好👍🏻👍🏻😋梅子金沙骨飯—梅子味酸酸甜甜好開胃，一份都好多舊金沙骨，兩個人分都好足夠😋涼拌海蜇手撕雞—係芝麻醬手撕雞，海蜇同手撕雞嘅份量都好多👍🏻好好味😋老火湯（蟲草花百合無花果煲豬展)—套餐本身包兩個細老火湯，個湯完全冇味精，係媽媽嘅味道🥣我哋仲另外叫多咗個菜心，三餸一湯啱啱好，兩個人其實都食唔晒，感覺好滿足👍🏻🥰…Read More

放假到新店～閨•家吃午餐， 地點於深水埗欽州街37號西九龍中心3樓319號舖。 店內座位不算太多， 餐桌與餐桌之間都密密的。 午餐點柱侯牛筋腩飯$52、 手剁香煎蓮藕餅紫薯麵$45、 涼拌海蜇手撕雞$38、 熱咖啡$5、熱奶茶$5、 老火湯。:)柱侯牛筋腩飯～ 牛筋腩口感軟腍， 味道偏淡。手剁香煎蓮藕餅紫薯麵～ 蓮藕餅爽脆好味， 紫薯麵顏色攞滿分， 口感帶點煙韌， 但食不出紫薯的味道。老火湯～ 星期一至日都有不同款式的老火湯 ， 點飯餐就會送細盅老火湯， 星期六有 蘋果紅蘿蔔沙參煲咸排骨， 味道清甜。涼拌海蜇手撕雞～ 涼拌小食特別開胃， 海蜇清爽可口， 手撕雞份量多。熱奶茶～ 茶香奶滑， 味道唔錯。熱咖啡～ 飲落有少少酸酸地， 奶茶比較好飲。推介喜歡飲靚湯的朋友， 可以來一試。…Read More

其食咗咁多油膩野，今日就揀左間主打健康冇味精嘅餐廳幫襯下先，佢係位於深水埗嘅西九龍中心，我諗各位嚟到都要喺門口排一陣隊，因為呢間黃色餐廳實在太多人幫襯啦老火靚湯日日不同，而家叫飯餐仲有細盅嘅老火湯送添，老火湯煲粥四個鐘，果然用心製作，呢碗湯嘅功用可以降火潤肺，果然甜入心頭手撕雞肉滑溜，海蜇爽口配埋胡麻醬認真一流叫左公仔麵，仲加咗半隻糖心蛋都只係要加$6豬扒好林，夠晒入味最後就係我嘅波菜麵啦，餐廳職員仲好好話啲麵好索湯，叫我要快啲食晒佢添，成碗湯一啲味精都冇，面仲要好爽滑彈牙手剁嘅蓮藕餅口感甚佳，有好多蓮藕粒係啲肉餅中間，所以咬落去索索聲…Read More

香港人工作忙碌 要返到屋企食到住家飯飲到碗老火湯都唔係一件容易嘅事🥺 但係今次喺深水埗我就發現到呢一間價錢好平有不含味精嘅住家飯菜小店💛 每款飯麵都只係$4-50仲要已經包左一碗老火湯🤩我地試左鹹魚煎肉餅豬扒飯同日式鰻魚炒飯😍 肉餅同豬扒都大大塊 鹹魚味好香好出 豬扒入味夠腍👍🏻 日式鰻魚炒飯每粒飯都沾上左鰻魚汁 仲有唔少鰻魚肉 好惹味👅 送既老火湯都好足料 無添加味精☺️ 各款飯麵仲可以加$12要埋個油菜 咁就夠晒健康啦😎我地仲試左個小食 係涼拌海蜇手撕雞 加咗胡麻醬 雞肉特別惹味 海蜇好爽口 好開胃架🌟…Read More