Wenger Noodle (On Ning Building)

#元朗#雲家話說小弟鍾意食米線，全因16年前認識了現在的太太。佢當年係石蔭返工，我每週有兩三日搵佢食lunch，附近有一間米線老店，自此愛上呢種酸辣嘅味道。四年前，機緣巧合開咗香港米線關注組，先發現原來好多香港人鍾意食米線，發展至今已經有26萬位谷友。香港嘅米線舖頭，除咗某上市大集團和大x樂集團的米線x外，最多分店嘅應該係雲桂香（以前叫雲南桂林過橋米線，黃色招牌藍色字，現用此名只剩旺角和尖沙咀兩間）。與雲桂香一脈相承、味道相若的舖頭，有荃灣+元朗雲家、石蔭雲南小窩米線、尖沙咀雲香園、紅磡貴緣（已結業，現大角咀和北角貴緣不知是否同一老闆，有待各位網友考究），仲有屯門華都商場雲南小鍋米線。傳說中上述舖頭的祖師爺，是出自於荃灣路德圍老店，再由徒子徒孫發揚光大，推陳出新。入返正題，新界西元天屯地區，小弟最常幫襯嘅係元朗雲家。太太想食米線，首選呢間。招牌腩肉大腸份量多，冬菇都好食。湯底濃，酸辣夠層次。記得叫爽米，否則米線會太淋。兩人必點涼拌墨魚頭，墨魚頭爽脆，熟蒜香而不辣，拌以醋汁，另有風味。兩人飽腹而回，大大滿足，只係二百蚊有找。無論山珍海味、平民美食，最重要係合拍的另一半🫶🏻…Read More

外賣咗碗雲家米線同幾個餸，真係抵到爛，份量巨大，招牌雲家米線大碗到可以兩三個人分黎食。兩個大碗裝滿，米線湯底分開放。湯底今次要唔辣，但都好濃味，有好多酸菜同料，味道有深度又唔算油膩。米線幼身爽彈又掛湯，好正。重點係麵同餸嘅比例一比一，真係好多餸！配料包括：大大量腐竹、雞絲、螺旋草、芽菜、酸菜、韮菜、蔥、芫茜，仲有入味炆冬菇、滷水雞翼、彈牙魚春卷、香煎腸仔！淨係食餸都飽。仲手多多加咗$11 腩肉，真係大方到癲咗，加幾蚊俾成十塊，仲要塊塊厚肉入味，食肉獸唔好錯過。難得做外賣仔，當然要加幾個招牌小食，涼拌墨魚頭爽口新，而且處理得好又唔韌，生剁蒜加秘製辣油撈勻，好惹味。秘製豬頸肉，大大片，多汁，肉味醃得恰到好處，燒得香，有配泰式甜辣醬，非常高質素，屋企人大讚。醬拌皮蛋，個人最愛！個醬調得超級好食，有混合剁蒜、醬油同埋少少辣汁，用上黃金皮蛋，味道比黑色皮蛋更溫和，更配合特調醬汁，差啲成兜俾我食晒。…Read More

荃灣呢間人氣米線，抵食又好食到街知巷聞原來元朗都有分店㗎喎，人就冇荃灣咁多，不過入咗嚟冇耐，都不停有人入嚟外賣同堂食上次喺荃灣食過佢地嘅豬頸肉，真係神級，今次試吓配米線食會點？豬頸肉好厚切，仲係好爽彈酸辣米線好吸味，啖啖香口雞絲螺旋草米線都好似好招牌，一上菜果然feel到咩料勁爆多料囉，螺旋草堆成山咁雞絲都好正，索晒麻辣汁好香口呀涼拌墨魚頭好少見，一碟份量好多，冇揸流攤喎！嚿嚿肉好滑好彈牙，好好嚼口，沾滿辣油，好滿足嘅一碟小食炸春卷原來係好似越南嘅網紋春卷，一碟有五條，炸到勁脆一條都幾大卷，點醋食正好解油膩又開胃跟米線加$8就有杯凍飲，胃弟好養生咗嗌咗杯走甜檸茶，一樣好有茶香特飲就$11，先篤爛鹹檸，再倒七喜，檸香無限爆發…Read More

大隻仔今次覓食嘅店舖就係💥 雲家小鍋米線（元朗安寧大廈） 💥大隻仔今次介紹呢間餐廳非常有名氣，荃灣米線大比拼Top 3 永遠都會見到呢間餐廳名字，就係「雲家小鍋米線」，原來「雲家」係元朗有分店，仲要冇咁多人，唔想排隊一個鐘先食到「雲家小鍋米線」，元朗分店係一個好好嘅選擇，位置就係元朗體育館附近。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️加一服務費 ❎⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 秘製豬頸肉 $48 鎮店之寶，超級好食，看似普通，咬一啖，滿口油香，做到外脆內軟，帶少少蜜糖甜味，豬頸肉夠爽口，經高溫油炸過後，有少少蕉香，非常好食，超級推介秘製豬頸肉。🔥 涼拌墨魚頭 $47墨魚頭夠爽口，配上大量蒜蓉，非常滋味。🔥 麻辣金錢肚 $48麻辣金錢肚份量好多，而且係薄切，所以好入味，金錢肚軟腍，麻辣味道突出，幾好食。🔥 小鍋米線 $32 （麻辣/小小辣）加配炸醬 $11豬軟骨 $11豬大腸 $11咸檸七 $11麻辣小小辣小鍋米線，份量好多，係大隻仔暫時食過份量最多嘅米線店，米線不會太腍，湯底唔會太過強烈，做到平衡，不會特別麻特別辣，係食到最後都仲可以飲嘅湯底。炸醬經過1小時不停翻抄非常入味，但肉質比較結實，浸入湯內更加好食，豬軟骨非常軟腍，一夾即散，豬大腸滷得入味，而且夠曬腍。跟餐特飲平$5，咸檸七只係 $11，有好大粒咸檸檬，夏天飲岩曬，十分消暑解渴。🔥 小鍋紅薯粉 $36 （酸辣/小小辣）加配豬扒 $16肥牛 $16跟餐 檸檬可樂 $11份量好多，紅薯粉煙韌，比起麻辣，大隻仔更加鍾意酸辣，酸辣湯底加埋肥牛好好食，肥牛份量好多，煮到岩岩好，唔乾唔柴，豬扒好大塊，不過就係一早炸起既。跟餐特飲檸檬可樂 $11，夠曬冰凍，夏天解暑飲品。…Read More

🍜成日都聽人講雲家係荃灣世一米線🥇經常大排長龍~係荃灣人氣食店之一佢地終於開到黎元朗😆！早幾日專登去試試我地晚餐時段過去 遠遠已經見到門口既人龍😳店內坐無虛席！果然名不虛傳🧐▪️醬拌皮蛋黃金皮蛋夠晒靚仔✨粒粒蛋黃都見到流心😍而且冇左平時皮蛋既苦澀味 鐘意食皮蛋一定要試！▪️涼拌墨魚頭雲家最出名小食🌟必叫！墨魚爽口彈牙~加埋超重蒜泥同自家調配辣汁超級惹味🤤▪️小鍋紅薯粉 & 菊花蜜( 豬頸肉+燕皮肉餃+腐竹+魚肉春卷 )▪️小鍋紅薯粉 & 檸檬可樂( 蘿蔔+魚肉春卷+豬大腸+魚腐 )湯底非常足料而且每個餸既份量都非常多！紅薯粉煙煙韌靭~最欣賞佢地既魚肉春卷 超好味😋豬頸肉夠晒大片又爽滑 蘿蔔清甜冇渣燕皮肉餃都係必食之一🌟其他地方都比較少有呢度確實係米線愛好者福音❣️價錢親民 足料抵食🫶🏻雖然要排隊🤣但絕對值得等候👍🏻…Read More

相信好多荃灣人都知道雲家小窩米線嘅魅力，午餐晚餐依然係咁多人去食，以前荃灣返工經常去幫襯估唔到佢會開分店入元朗，正所謂行過路過唔好放過，入元朗搵野食順便試下分店嘅水準，唔敢講係最好食嘅米線，不過都推薦大家試下…Read More

元朗馬田呢邊由細嚟到大🤓有好嘢食點會唔知，雲家米線好出名，要食一定要食酸辣湯底！有得揀唔同嘅辣度，酸酸辣辣好惹味，另外小食墨魚頭真係屈機地好食✨雲家米線$61咩餸都有齊，墨魚卷、雞絲、雞翼、腸仔、冬菇、紅腸等等😃啱晒諗唔到食咩嘅人，墨魚卷好大件感覺好抵食。腸仔係煎過唔係就咁白烚，食落更加好味。豬扒小窩米線酸辣 $46小窩米線我更加推介，因為有更加多香辣肉碎同酸菜，我自己本身好鍾意食酸嘢😋酸辣呢個組合好正，豬扒大大件而且都幾厚，價錢唔算貴幾抵食。涼拌墨魚頭$45超好食🌟墨魚頭粒粒都爽脆，份量好多可以夠幾個人share，入邊有好多爆香過嘅蒜蓉，全個小食都好惹味。醬拌皮蛋 $24佢哋嘅皮蛋用咗黃金皮蛋，金黃剔透色澤靚，皮蛋芯軟滑，加咗啲辣油落去好好味。…Read More

之前要去荃灣先食到嘅雲家米線，今日經過元朗，見到唔使排隊，就即刻衝入去食佢嘅招牌腩肉喺必叫，我同朋友都點咗各一。腩肉螺旋草酸辣小窩米線 $50酸辣適中，唔會過於搶喉，有大量酸菜平衡辣味，湯底雖然呈深啡色，唔會太濃味，而且份量超大。腩肉份量佔了大半碗醃得非常入味，唔會太鹹。腩肉唔算太肥，亦唔會柴口。螺旋草係海帶一種，拌以米線比時菜更有咬口腩肉豬腸酸辣薯粉 $53薯粉煙靭，豬腸肥美大件，配薯粉一流。涼拌墨魚頭 $45爽口墨魚肉，淋上重蒜酸辣汁，香口又易入口。涼拌皮蛋 $24用左流心黃色皮蛋，無一般皮蛋咁重金屬味，配上酸辣蒜茸，好惹味必叫訪達係咩？…Read More

米線相信係唔少香港人嘅摯愛，而米線嘅口感，湯底都係影響住佢嘅發揮！呢間係荃灣已經響噹噹嘅米線舖開埋入元朗，令更多人享福啦🤩米線質感煮到恰到好處，入口順滑！唔會淋同易斷，好正👍🏻 碗碗米線都有芽菜、韮菜、蔥等配料。✨腩肉小鍋麻辣米線($41)腩肉本身都少少辣，舊舊都係厚身而且唔係好多肥豬肉，係肥瘦適中，而且份量都幾多！麻辣湯底夠濃郁，係口中會帶啲麻麻感覺，夾埋小小辣，夠晒過癮😆✨豬扒小鍋酸辣米線 ($46)豬扒大大份擺係面頭，煎到好香脆。食落口除咗淡淡肉，夠晒厚身外仲好鬆軟。酸辣湯底聞落好香！飲落酸酸辣辣，係酸味中又帶點辣，好出色🤤✨涼拌墨魚頭 ($45)大大碟墨魚頭，每舊都好爽口彈牙，唔會有腥味之餘仲食到鮮味！面頭有大量蒜蓉，夾埋一齊食夠晒惹味😋✨秘製豬頸肉 ($46)份量超級多！外皮顏色燒到好靚，而肉就粉嫩。咬落口係少少爽口得黎但又夠淋，唔會乾同柴。調味都好夠，食到肉味，點埋辣醬夠晒過癮😗🥤凍檸茶 (跟餐+$8)🥤豆漿 (跟餐+$8)————————————————————————💰加一：❌⏰限時：❌…Read More

第二次食雲家，呢次特意入元朗分店試食，結果有點失望嘅😞，湯底味精有點重，食完好口渴，總體味道無荃灣店好味，不過食物份量足，雞絲螺旋草米線我揀咗BB酸辣，但係只是食到酸，無一dd辣味😅我以後都會去返荃灣店食。環境比荃灣店細好多，卡位有點窄，肥小小都無法坐兩個人，姐姐態度都有禮貌嘅，唔似荃灣店咁不斷催你落單，可能門口多人等位嘅原因。堂食人都坐滿，外賣單都唔少。優點：食物份量大份，唔使排隊，可以即時入座。涼拌墨魚頭蒜香味都係荃灣店比較香口，荃灣店就蒜香味足，有點辣，元朗店只有酸，蒜香味唔夠香口，總體來講，無對比無傷害，無荃灣店對比，都會覺得好好食嘅。…Read More

好多朋友介紹這間米線， 米線好多小食亦有好多like . 所以帶埋皇上一齊去食。 （5⭐️最高） 小鍋米線+金錢肚+燕皮肉餃 +菜（整體5⭐️）米線爽口彈牙， 份量多， 當中有芽菜、酸菜、韮菜、蔥、芫茜、 配料十足。 金錢肚非常入味， 燕皮肉餃足料、爽口、 彈牙💕。 小鍋米線+豬軟骨+燕皮肉餃+魚腐+雲吞（整體5⭐️）豬軟骨香滑、好冧而且好入味， 雲吞是菜肉雲吞😋， 肉質鮮甜美味⭐️。 魚腐咬落爽口彈牙。 因為叫了小辣， 所以有肉碎。 就係加了小小辣， 提升整體味道❤️。 涼拌墨魚頭 （5⭐️）$45超爽口既墨魚頭， 加入了蒜蓉、姜蓉， 去了海水味、 用冷水濕過再加入調味。 好爽口。 而且份量十足， 加多支啤酒仲正😜。…Read More

【元朗新開人氣米線鋪🍜雲家小鍋米線🤩抵食夾大份👍🏻】-鍾意食米線嘅朋友一定對🍜雲家小鍋米線🍜一啲唔陌生😛佢係荃灣人氣嘅米線舖🤩出名抵食夾大份👍🏻小編久仰大名但一直都冇機會試🥹最近比我發現佢竟然係元朗開咗分店🤩⁉️冇理由唔trytry佢😋-😋雞絲螺旋草米線🐓 $49配料：芽菜、酸菜、韮菜、蔥、芫茜小編嗌咗佢嘅招牌雞絲螺旋草米線🍜真係超❗️足❗️料❗️雞絲同螺旋草鋪滿成隻碗😂多到遮住曬啲米線小編嗌咗清湯😛飲到啲酸菜味👍🏻酸酸地幾開胃😗而且食晒成碗面都唔會覺得口渴🤩啲雞絲同埋螺旋草仲要索晒啲湯汁😋好味～好味指數：🌕🌕🌕🌕🌘-😋豬頸肉小鍋米線🐷 $49配料：芽菜、酸菜、韮菜、蔥、芫茜可以揀酸辣或者麻辣🥵辣度都有分勁、大、中、小、少少辣同BB辣👶🏻男朋友就揀咗酸辣小辣🤪呢個湯底比清湯再好飲啲😂辣得夠過癮😌好順口仲好惹味😜豬頸肉都好大條😎肉質幾嫩滑好味指數：🌕🌕🌕🌕🌗-😋涼拌墨魚頭🦑 $45如果大家食完碗麵😌個肚仲有位嘅話🤪就一定要嗌埋涼拌墨魚頭墨魚食落超爽口彈牙😍蒜香十足🧄點埋個醋食就仲正😚好味指數：🌕🌕🌕🌕🌘-😋醬拌皮蛋 $24皮蛋呈透明金黃色😗中間仲係溏心😍食起黎清凉爽口😚配埋醬汁酸辣惹味好味指數：🌕🌕🌕🌕🌑-😋油菜🥬 $15/碟可以揀生菜或者芥蘭😗小編嗌咗生菜😕但碟菜好似淥得太耐😖有啲淋好味指數：🌕🌕🌕🌑🌑-😋豆漿$10/樽-📍雲家小鍋米線 (元朗)元朗馬田路20-30B號安寧大廈地下2號舖荃灣沙咀道328號328廣場地下G01舖💸人均消費：$100…Read More

由元朗體育館行出大路，見到一間還貼着紅紙的新開雲南米線店，好奇行近八下，原來是雲家！荃灣的雲家小鍋米線非常出名，傳統風味，價錢實惠。原來分店已開到來元朗。入內外賣碗米線和幾款特式小色，看看能否保持水準。💥酸辣小鍋紅薯粉（$33）配豬軟骨（$10）、魚肉春卷（$9）、蘿蔔（$7）雲家的米線出名足料香濃，尤其那酸辣湯底超正。芽菜、韭菜、酸菜充足，每樣配料都大大件，湯底夠酸夠辣但又不會太鹹和口渴，非常好。唯獨是今天的豬軟骨燘得不夠軟腍。雲家的小食向來出色，可惜今天我最愛的蒜泥白肉賣曬，於是改叫麻辣金錢肚，讓我有機會去嘗試新嘢，都不錯。💥涼拌墨魚頭（$45）~ 必食。爽口彈牙，蒜味香濃。💥麻辣金錢肚（$46）~ 爽口惹味，有𡁻頭，夠麻辣，食唔停口💥醬拌皮蛋（$24）~ 用的是四川醃法的金牛鴨皮蛋，晶瑩通透。蛋白外層口感似啫喱，蛋黃流心，蛋味香濃。加些花椒辣油和醋等做成的醬汁，十足川式風味。💥炸雞中翼（$29）~ 好大隻，香脆肉嫩。…Read More