Not Just Coffee (Man Hoo Court)

其實時常也經過，只是沒有時間入內，見到有人在門口的小角落坐下，飲杯咖啡，看看街頭風景，真的羨慕。今次終於有時間來到小店，我揀了All Day Breakfast，可以見證一下小店主人的功架，又要了海鹽焦糖雞翼，熱朱古力。其實當時是下午茶時間，All Day Breakfast足以令我整晚不再肚餓。很久沒有見到這麼豐富的All Day Breakfast，有煙三文魚、牛油果、黑松露炒蛋、沙律菜、車厘茄、雜菇、腸仔，而且味道很好，值得推介。雞翼的海鹽味不足，被焦糖蓋過了，但熱朱古力很可口。誠意推介一試，這次清碟行動，又完成了。…Read More

🔹龍蝦湯配牛油果大蝦稻庭烏冬 $138龍蝦湯用一個茶壺🫖裝住自己倒落烏冬～個湯好鮮味好濃稠！龍蝦味好香濃！稻庭烏冬真係好好食，滑得嚟又有咬口～🔹味增蟹醬蟹籽蟹肉扁意粉 $138個人幾鍾意同推薦呢款意粉～蟹醬+蟹籽+蟹肉=鮮味十足！加埋味增感覺好夾好日式～如果可以再creamy啲更掛汁就更好～🔹海鹽焦糖雞翼 $68鹹甜鹹甜口味嘅單骨雞翼！個海鹽焦糖汁好香甜好味！！估唔到同雞翼都幾夾～🔹柚子蜜梳打 $48本身我都好鍾意飲柚子蜜～配埋梳打一齊有汽咁飲好爽😂🔹熱情果高山茶 $48本身expect杯嘢會偏酸甜啲但估唔到茶味好突出好香！！鍾意飲茶唔好甜嘅我有啲驚喜～…Read More

終於試到呢間小有名氣既cafe，店舖外有打卡位，餐廳樓底好高，因此唔會有壓迫感，座位都幾闊落，都幾岩三五知己一齊食嘢傾偈💬龍蝦🦞湯配牛油果大蝦稻庭烏冬見個個都order ，實要試一試🤤，龍蝦湯另外用咗金色小湯壺裝住，將熱辣辣既龍蝦湯倒入烏冬內，大蝦🍤真係幾大隻，而且幾爽口，加上有少量牛油果、車厘茄、菜，整體配搭都幾match幾fresh，可以試試～香草忌廉蒜蓉藍青口烏冬份量十足既青口，食落都幾新鮮無臭味，烏冬煙煙韌韌滑嘟嘟，仲相當掛汁，食落好creamy ，又唔好膩nice😙😙海鹽焦糖雞翼好開心係單邊雞翼，食落無咁狼狽，金黃金黃色，味道唔會好甜唔會好乾！熱情果高山茶甜度適中，熱情果酸酸甜甜，幾開胃！…Read More

同朋友去文青百老匯睇戲，想喺附近搵間文青餐廳食飯，呢間Cafe睇個名就已經覺得好文青，店內打造日式簡樸feel，開放式廚房，墻身玻璃可以望到出面街，非常有空間感。海鹽焦糖雞翼 $68開邊雞翼，惹味，焦糖味好突出，但有啲乾身，應該炸耐咗，如果鎖到肉汁就perfect！乾炒大蝦蒜香意粉 $118我點咗乾炒大蝦蒜香意粉，扁意粉炒得乾，有蒜香味，食完唔覺得油膩。不過大蝦就唔夠juicy，我鐘意爽脆juicy口味多啲。龍蝦湯配牛油果大蝦稻庭烏冬 $128朋友點咗呢個菜，幾乎係OpenRice食評必點！大蝦、蟹肉、沙律菜、牛油果等，好refreshing，賣相好吸引！ 龍蝦湯用金色茶壺分開上，擺設精緻，當將湯倒落碗嗰刻，竟然有啲小激動。我試飲龍蝦湯，真的好好好好味，瞬間有種升華的感覺！相比蒜香意粉，龍蝦湯真係好有驚喜。整體上個菜嘅各種配搭都好夾，唯獨牛油果嘅味道比龍蝦湯搶咗，食唔到兩種層次嘅味道。 Mojito Soda $55Mojito放咗好多薄荷葉，但soda多咗啲，lime少咗啲。一杯Mojito，竟然勾起幾年前去古巴旅行幾乎每日都飲Mojito嘅日子，跟住又唸起，2年幾冇去旅行了~~~…Read More

呢個好出名嘅cafe都係第一次去🙈人多車多的油麻地出現一個寧靜角落好吸引人目光✨週末大概下午茶時段walk-in，不用等位馬上入座💁🏻‍♀️🔆龍蝦湯配牛油果大蝦稻庭烏冬$𝟙𝟚𝟠 龍蝦湯唔夠熱亦唔係好濃，但都滲透到精華係入面🦞稻庭烏冬的滑溜質感無庸置疑🍜大大隻蝦食落亦係新鮮彈牙🦐牛油果我就無比啲湯浸到佢🥑唔會變得軟爛，但食落有少少根🤏🏼🔆黑松露雜菌扁意粉$𝟠𝟠 呢個表現都唔錯，黑松露味非常香濃，扁意粉口感剛好又夠掛汁🔆海鹽焦糖雞翼$𝟞𝟠單骨雞翼食落方便，甜甜地🍯但我覺得有少少乾🔆Matcha latte$𝟜𝟝落左抹茶粉係表面，然後我一直飲到啲粉，有少少影響口感🤣🐰原本對食物無咩期望，但個招牌烏冬係有驚喜😳不過我覺得唔好一次倒哂啲湯浸腍哂啲野，分次倒會比較好食👍🏼另外烏冬同意粉份量可以多少少，女仔食完都唔係好飽😹…Read More

見到好多人打卡拉花靚，野食靚，特登黎試下！❤️味噌蟹醬蟹籽蟹肉扁意粉 好中意食呢個質地既扁意粉，軟硬適中，再加上份量十足既蟹籽蟹肉蟹醬，好creamy~ 味道超正!! 🧡龍蝦湯配牛油果大蝦稻庭烏冬 自己倒d 龍蝦湯落烏冬到，大大隻蝦+牛油果+沙津菜，有少少fushion feel 既日式烏冬，龍蝦湯好香，整體係好特別既配搭!!💛海鹽焦糖雞翼 焦糖甜得黎又唔會甜得太過分，炸到好香好脆，非常推介💚Chocolate 特別注明用法國天然可可粉沖既朱古力，好香可可味好夠甜，個拉花超靚呀!!💙野莓梳打 微酸既梳打，有2粒冰士多啤利，好清新好fresh 既梳打…Read More

年尾總是壞消息連連，連公事也不太順利，除了要抽空學習新系統，還要加班幫其他同事工作。只能珍惜當下時光，跟同事享受餘下短暫寧靜的日子。這間CAFÉ位於油麻地和佐敦交界，店內裝修好精緻，好有文青風。龍蝦湯配牛油果大蝦稻庭烏冬 - $128三隻大蝦好鮮甜彈牙，半件牛油果好細膩，還有絲絲甘甜的蟹肉，龍蝦湯更以靚靚鐵壺另上，充滿鮮味。北海道刺身帶子蟹籽忌廉扁意粉 - $128肉厚雪白的刺身帶子好彈牙鮮嫩，軟硬適中的扁意粉掛滿爽口的蟹籽，忌廉好順滑。海鹽焦糖雞翼 - $68即叫即炸的單骨雞翼，方便食用之餘，又酥脆不油膩，淋滿焦糖和海鹽，好特別。野莓梳打 - $48好濃郁的酸酸甜甜野莓味，有冰糖士多啤梨和藍莓，有陣陣碳酸爽口感。Chocolate - $38用上天然法國可可粉，朱古力味好濃郁，拉花圖案是肥嘟嘟的鸚鵡。…Read More

有排呢間cafe嘅storefront喺我嘅挨豬feed上老是常出現，呀仲有個要自己倒湯嘅烏冬，個壺巧典雅，極為吸引。之後發現佢靚靚嘅門口係tonick 「離散序」mv cover嘅取景地，要打卡，記得bookmark✌︎(𖦹⁍̴̛ᴗ⁍̴̛𖦹)✩°̥࿐。；龍蝦湯配牛油果大蝦稻庭烏冬 $128龍蝦湯放喺迷你銅色水煲仔入面，要自己倒入烏冬到。龍蝦湯入面有少量蟹肉，味道較清淡，希望可以再濃味同埋杰身啲。烏冬超滑，大蝦爽口，仲有車厘茄、沙律菜、紫菜同木魚碎等配料，係健康嘅味道。唯牛油果唔夠熟，偏硬，而且浸湯嘅食法唔啱我口味。；味噌蟹子蟹醬蟹膏扁意粉 $128蟹肉鮮甜，蟹籽脆卜卜，蟹膏濃郁，忌廉汁極為creamy，唯味噌不知所蹤。成碟意粉層次、口感豐富，份量充足，實為上等之作。；海鹽焦糖雞翼 $68單骨雞翼食起上嚟非常方便，欣賞店家嘅貼心。雞翼炸得香脆，外皮略甜，期望海鹽嘅味會更為突出。；熱情果高山茶 $40茶味偏淡，配搭熱情果酸甜，為清新之選。；菊花茉莉花茶 $58好友曰：就是普通花茶一壺。🌼…Read More

Café 位於眾坊街的盡頭，人煙較稀少。café 裝修簡約清新，每張枱都有一定距離，亦有吧枱位罝，可以好優閒同朋友邊食邊傾。吧枱同門口出面都係打卡位，所以吸引好多年輕人去幫襯。食物方面主打清新菜式，少油少煎炸，感覺比較健康。味增蟹醬蟹籽蟹肉扁意粉$138 :  日式味增蟹醬蟹籽蟹肉結合西式扁意粉，出奇地好味，味增蟹醬一點也不油膩，口味沒有芝士、卞邦尼醬汁般重，恰到好處。龍蝦湯配牛油果大蝦稻庭烏冬 $138 : 香濃龍蝦湯湯底，配彈牙烏冬、爽口大蝦。海鹽焦糖雞翼 $68 : 開邊雞翼外皮香脆，海鹽焦糖汁甜中帶少少咸，越食越開胃。食完叫杯飲品柚子蜜梳打 $38 同Affogato 香濃熱咖啡雲尼拿冰淇淋$48，慢慢品嚐又可以繼續同朋友談天說地。…Read More

呢一間「小巷」咖啡店一直有打算嚟試吓，因為，晌網上見到環境好，菜式有啲亮點，而咖啡更喺目標物，不過，油麻地區唔太喺小弟搵食嘅熱點，通常都喺有事過開呢頭，就順便搵搵食。呢日卒之出開嚟，有個波友又話出旺角買波鞋，所以，索性約埋食返餐，等小弟有個伴。餐廳果然夠人氣，只喺平日啫，都未夠7:00pm晌門口已排滿人。由於餐廳位處小巷內，有種自成一角嘅寧靜應感，由門面，到室內，都裝修得一派文清風，加上樓底特高，簡約舒服。餐廳採用櫃面落單，再由店員將食物送上，而餐具、清水就自助形式。食物方面，明顯喺貴精不貴多，但都算一應俱全，有沙律、小食、主菜、漢堡、全日早餐、甜品……等等，而飲品則有花茶、咖啡、梳打……等等。海鹽焦糖雞翼 $68呢個屬餐廳嘅人氣小食，目測所見，超過一半人都有點，除咗口感較為特別之外，更做成單骨，較原隻方便食。雞翼本身炸得香口，卻唔油膩，表層有薄薄一層嘅焦糖，灑咗啲海鹽，所以，味道蜜香中滲點鹽味，幾得意。龍蝦湯配牛油果大蝦稻庭烏冬 $128呢個烏冬喺餐廳一熱賣菜式，因為又喺見到好多枱都有嗌呢一款菜式，事實上，又真喺幾有賣點，龍蝦湯以小銅壺登場，晌整體賣相上確喺加唔少分；而牛油果、大蝦都亳無手緊，落嘅份量都幾多，咁就已經加咗唔少印象分。個湯倒入碗內，已經聞到陣陣龍蝦味，老友小試一口，話確喺有料到，夠晒濃郁，而大蝦亦非常爽彈，牛油果熟透晒，腍得嚟好綿滑，稻庭烏冬唔喺浪得虛名，質感十分滑溜，整體而言，喺一道高水準嘅菜式，唯一挑剔，喺覺得「熱食」牛油果有啲唔夾。味增蟹醬蟹籽蟹肉扁意粉 $128喺餐牌中嘅推介菜式，亦喺小弟嘅目標菜式，因為本身都鍾意食蟹，但就甚唔鍾意拆蟹，麻煩嘛，所以，呢道菜就滿足到我嘅要求。仲有就喺加埋蟹膏、蟹籽，真喺點可以錯過，成品送到，真喺無欺場，意粉麵放有好多蟹肉、蟹籽，前者好鮮甜，後者卜卜脆，蟹膏以味噌處理過，個汁底又好掛汁，撈勻啲扁意粉一齊食，味道一流，最緊要啲扁意粉又煮得啱啱好，有咬口感。反而，我覺得木魚碎同紫菜絲唔加都仲好啲。海鹽忌廉朱古力鮮奶 $48老友揀咗款期間限定朱古力鮮奶，加咗一大抹忌廉，淋上少少朱古力漿，立體咗好多。入口朱古力味比預期濃，將啲忌廉攬勻，口感又幾滑，嗒落又真喺甜中帶鹹，多咗啲層次感，感覺都幾特別。鮮奶咖啡 $38嚟到咖啡店，飲品首選都喺咖啡，而跟食物一樣，都喺貴精不貴多。鮮奶咖啡喺小弟至愛，既欣賞咖啡師嘅拉花手藝，又細味佢哋沖泡出嚟嘅咖啡夠唔夠口感均勻。呢一杯鮮奶咖啡嘅拉花幾靚仔，線條幼細又對稱，入口好醇厚，滲出好香嘅咖啡香氣，仲帶點點果仁香味，口感又夠均勻順滑。 小弟做人好簡單，努力打工都喺想賺多個錢，賺到錢就只喺想食餐好，當然有餘有剩就再可以做多啲其他嘢。今日晌「不籽是咖啡」，無論食物，抑或飲品，老友同我都好滿意，只喺飲品方面漏咗單，等耐咗。…Read More

最近好忙好忙，好多篇都擺左係度未得閒打文😭夜晚黎呢間木系咖啡店等大概兩三張檯，主食選項唔算好多，幾乎每一檯都係叫呢幾樣餐廳本身推薦嘅食物😛▪️ 龍蝦湯配牛油果大蝦稻庭烏冬（6.5/10）💲128係金色壺度另上既龍蝦湯，倒出嚟嘅時候會係微溫，入口龍蝦味道尚算香濃，同埋就咁飲都唔會口渴🦞大蝦幾爽口彈牙🦐但略嫌個牛油果新鮮度一般，亦同個湯底唔太匹配，烏冬比較幼軟身差咁少少咬口🙈▪️ 味增蟹醬蟹籽蟹肉扁意粉（7.5/10）💲128面頭鋪上唔少木魚絲同埋紫菜，每一口都係豐腴既蟹膏、蟹籽、蟹肉，蟹味真係超級香濃，質感彈牙既扁意粉底，再配上creamy既忌廉汁，但食到尾都完全唔覺膩，整體令人回味😍▪️ 海鹽焦糖雞翼（7/10）💲68煎到乾脆身單骨雞翼，方便進食🤭味道鹹甜交替幾有趣😌▪️ Matcha Latte （7/10）💲45 (Cold)叫左凍都無話飲到抹茶粉末，口感夠順滑，不過味道再濃一點更好🍵▪️ 海鹽忌廉朱古力鮮奶（7/10）💲48期間限定既飲品，面頭厚重忌廉帶有突出既海鹽鹹，可以中和返底下既朱古力，甜度適中🍫🔎 整體評分（7/10）…Read More

老公話公司附近開咗一間Cafe叫不籽是咖啡，門口有個打卡位幾靚，可以扮文青，今日放工就過嚟搵佢一齊食。除咗門口靚，廚房都幾開揚，而且睇到乾淨企理。始終都係一間Cafe，所以食物款式唔算太多，主要係麵食，亦有漢堡同All Day Breakfast，而款式亦都吸引。飲品選擇就會比較豐富啲，咖啡類同非咖啡類都有。首先揀咗個小食，係海鹽焦糖雞翼，原來呢個係單骨雞翼，食起上嚟方便好多，滿滿的一碟，份量都唔少，雞翼炸得脆口又有焦糖嘅甜味，味道不錯。另外揀咗龍蝦湯配牛油果大蝦稻庭烏冬。龍蝦湯係分開上碟，可以清楚看到各款食材，我鍾意佢有足足半個牛油果，大蝦都非常爽口，配埋紫菜同木魚絲非常有日式風味。食客可以隨着自己個人嘅口味倒入龍蝦湯，我自己就會預留少少龍蝦湯留待最後品嚐，試吓佢嘅原汁原味。另外仲揀咗味噌蟹醬蟹籽蟹肉扁意粉，其實佢主要嘅醬汁都係忌廉汁，混入味噌嘅味道令醬汁帶多點鹹香。蟹膏蟹肉相當豐富，絕對可以食到啖啖蟹肉。飲品方面我就揀咗簡簡單單嘅凍朱古力，奶味豐富上面又有朱古力粉，係充滿童真嘅味道。另外我仲介紹老公飲Dirty，不過呢杯Dirty就同我印象之中嘅Dirty有點出入，但飲落口感都還算香滑。我哋一路食一路都見到好多人嚟幫襯，每位食客都一定會到訪餐廳外嘅打卡位影吓相，果然係文青自選。…Read More

好耐無黎呢間不籽是咖啡。呢間不籽是咖啡位於油麻地彌敦道轉入去一條安靜街道，入口係地下，唔難見到。咖啡室樓底特高，裝修同家具以木爲主，餐具大部分都係木造既。連餐牌都好木質感覺。食物唔只有咖啡，餐牌主食有冷麵，烏冬，意粉，漢堡，全日早餐。大部分主食都有海鮮，好多菜式都係非常日式。小食有薯條，餃子，小法包，蓮藕，雞翼。上次午市黎，今次我地收工之後先黎，餐牌好似一樣。我地一行二人點左兩份主食，一份小食同兩杯野飲。龍蝦湯配牛油果大蝦稻庭烏冬 $128食物用木製大碗擺得靚靚。龍蝦湯用個迷你水㷛仔裝住保暖，份量好多，色澤橙紅。龍蝦湯既龍蝦味香濃，清甜唔油，好味道。大蝦超大隻，真心超級爽脆鮮甜，只係加左少少黑胡椒調味。牛油果半個，好新鮮。稻庭烏冬超滑，連埋d紫菜絲同木魚碎一齊食好正。其他配料仲有新鮮沙律菜，洋蔥同車厘茄。味增蟹醬蟹籽蟹肉扁意粉 $128呢款味增蟹醬蟹籽蟹肉扁意粉比上次第一次黎食大有進步。首先蟹肉同蟹膏份量好多，加埋個味增蟹醬，蟹味超濃又滑，分量夠哂清碟意粉。蟹籽份量又好多，加埋超多花菇片同茶樹菇，啖啖爽脆。而扁意粉嘅質感幾好，幾好咬口。其他配料有紫菜絲，木耳碎，新鮮沙律菜同車厘茄。食完只能夠講，好正!海鹽焦糖雞翼 $68小食叫左海鹽焦糖雞翼。海鹽焦糖雞翼一客四隻切左半變單骨雞翼，方便食用。雞翼皮脆肉嫩，味道甜甜哋，好好味。墊底仲有新鮮沙律菜，洋葱片同車厘茄，沾咗d海鹽焦糖醬好味又唔乾。飲品除左咖啡之外，都有茶，朱古力，梳打，花茶。今次黎仲多咗一款甜品同埋期間限定飲品，本來想試吓期間限定嘅海鹽忌廉抹茶鮮奶，可惜冇貨。唔緊要，就試吓Affogato。Affogato $48“被香濃熱咖啡淹沒嘅雲尼拿雪糕”。店員細心咁將冰凍雪糕同熱咖啡分開上，等你自己加埋一齊。雪尼拿雪糕好香滑，齌食都超正，加落咖啡香味超濃嘅熱咖啡，中和左咖啡嘅苦味，一冷一熱，好正。野莓梳打 $45另一杯叫左野莓梳打。野莓梳打有士多啤梨同藍莓各兩粒，再加薄荷葉點綴。下底係甜甜嘅野莓濃縮果汁，要同梳打水搞渾先好飲，唔過甜。好欣賞佢哋用金屬飲管，夠環保又實用。今餐所有食物都好正。食完七點幾外面已經有人排隊，唔怪之得啦。…Read More

聽講排隊要排好耐，見到龍蝦湯咁吸引都排啦，同媽咪同阿女三個人，兩點幾就到左，見到人龍唔多以為會好快，但點知最終都等咗90分鐘😅因為裏面啲座位唔算太多我鍾意佢啲植物，襯埋啲裝修好舒服，佢呢度係先嗌左嘢食，俾咗錢先，然後先坐低嘅我哋當然要叫龍蝦湯配牛油果大蝦稻庭烏冬喇，龍蝦湯配牛油果呢個配搭好特別，仲要配個茶壺例啲湯落去蟹子蟹肉意粉，味道正常，不過我唔鍾意有洋蔥🥲，但係就超級大份海鹽焦糖雞翼，我覺得一般般，同我諗嘅味有啲出入，唔係特別食到焦糖味🤪海鹽甜番薯條，好味，但我哋三個人都食唔晒。我哋叫咗熱情果高山茶，葡萄柚高山茶，正常味唔太甜。…Read More

餐廳有著「種籽」嘅意思，因為老闆熱愛咖啡☕️希望將從巴西、埃塞俄比亞、印尼等地選取嘅咖啡豆帶俾每一位客人，而且主打多款日式輕食🍱💗龍蝦湯配牛油果大蝦稻庭烏冬 ($128)扁身烏冬口感煙韌，掛湯效果唔錯🍜加入自家烹製嘅龍蝦湯，湯頭鮮甜味濃🦞配料包括有4隻阿根廷嘅爽口彈牙大蝦🦐；牛油果片未夠熟唔太軟滑，配落熱湯唔太夾🥑；夾雜少量鮮美嘅蟹肉；加埋清新嘅沙律菜同紫菜絲🥗💗味增蟹醬蟹籽蟹肉扁意粉($128)意粉軟硬適中，每條扁麵都掛住濃郁且不膩嘅忌廉汁🍝上面放滿甘香嘅味噌蟹膏醬、脆卜卜嘅蟹籽同鮮甜嘅手拆蟹肉，蟹味極突出🦀再灑上紫菜同木魚碎增加和風口味🇯🇵💗海鹽焦糖雞翼($68)單骨雞翼食落特別方便，外表炸得香脆，內𥚃肉質仲係嫩滑多汁🐥甜蜜嘅焦糖醬帶小小海鹽嘅鹹香🧂💗Matcha Latte($45)抹茶清香唔澀，不過奶底太薄，味道偏淡🍵💗Chocolate ($37)朱古力味唔算特別濃郁純厚，飲落都夠順滑🍫…Read More